الجزء 72 من واش طيبتي اليوم???? - الصفحة 9

دائمة الحمد · 2014-04-30, 20:04

اهلا وسهلا بكن حبيباتي
رياض يعطيك الصحة برديلي قلبي
انا كي نفرز الخزاين نولي الييز
ادراري الغالية مراحب بيك راهي حاكماتك الخدمة علينا واش راهو ولدك ان شاءالله يكون لاباس
منال كل عيد عمال وانت بخير مين تجيبي في الطوايش تاع الكريكاتير ههههههههههههههه
انا من نهار لي تزوجت يوم عيد العمال نحي فيه الفورنو نغسلو ونخبيه ونخمل قش الشتاء ونجبد تاع الصيف ونخرج عرام تاع قش للغسيل

راجية غفران ربها · 2014-04-30, 20:08

هههههههههههههههههههههههه ضحكتيني يا الغالية و الله غير كيفك و لولاد قالولي ياك قلتيلنل 1 ملي نصيفو و الله غير هبلت معاهم و رلني شوي شوي برك ربي يقدرنل يا رب

lyzzabel · 2014-04-30, 20:10

صبرينة فطورك يشهيييي ممممم بصحتكم حبيبتي و شكرا على كلامك الحلو يا حلوة انت
تيتينا رووووعة فكرة طاجين الجبن فلي مول الصغار خرجو فيييييلم يعطيك الصحة
ام يس بصحتك الكسرة و البطاطا و الجاج
بروقة هههه فعلا خرجت تشبه للغزل إبرية المهم جربتيها انا ما غاديش نديرها معاكم ما نأكلها ما كاين لي ياكلها خخخخخ بصحتك يا حبوووووبة

دائمة الحمد · 2014-04-30, 20:11

ربي يعاونا حبيبتي منال ويقوينا نهار نخدمو فيها كاش حاجة خير من ماكانش خلاص

lyzzabel · 2014-04-30, 20:18

ام رياض كالعادة طيابك يشهي ممممم
منال روعة الأرشيف حبيبتي استمتعت بالمشاهدة
ام هديييييل ويييينك قاع هاذ الغيبة بصحتك الزيتون بكتيريات اللحم مممممم نموت عليه
صبريييينة غيييير يعطيك درتي الفريزيي و ما خليتيهش في قلبك يعطيك ألف عافية حبيبتي خرجلك مينيون هههه بصحتك
داءمة الحمد مساء النور و بصحتك اللوبيا و القليان ان راني هاربة مالكوزينة راهي تقدي بالحمان تاع الفور
ادرارية كي راكي و كي راه ولدك انشالله ريح شوية حبوبي بصحتك البطاطا المسروقة و السلاطة

سبحان الله و الحمد لله و لا اله إلا الله و الله أكبر و لا حول و لا قوة إلا بالله

دائمة الحمد · 2014-04-30, 20:21

تعيشي ليزابيل نحنا في النهار الحال سخون بالصح في الليل باردة
الله يكون في عونك السخانة ماتتحملش

lyzzabel · 2014-04-30, 20:22

اقتباس:

المشاركة الأصلية كتبت بواسطة om kamilia

[سلام عليكم حابة نشارك معاكم بصح مازال j'ai pas encors réparé l'apareil photos

نحييكم الكل كما راكم تخدمو في هذا المنتدى , وصفاتكم هايلي الاخت رياحين ان شاء الله بنتك تكون بالف خير ,جربت نهار زادت بنتي العام اللي فات jours5 دارولها عملية , اشاء الله كاين اطباء كفؤ
ام تاجو , ليزابيل ,الهام ,ام اماني ,الامنيات, اولادي ,دائمة الحمد , ام كوثر, نيفرتت و جميع الاخوات نشكركم بزاف خذيت بنصائحكم و طيبت انا و اختي في فاتحة احتي و جات الماكلة بنينة .
ام رامي ام ساجد ام سامي الوهرانية مراكوش تبانو ان شاء الله تكونو بالف خير راني نسنى في وصفاتكم
غربة ام نهال ما شاء الله على طيابكم زيدو ذوقونا من ماكلتكم.
لهنه ربي يهنيك وتولي لينا.
فلة فود, لينا11 ام رحاب ,سار.ة السعيدة بربها ,,بروقة شكرا...ن شاطرات الله يبارك

الحمد لله لي كلشي جاكم مليح و ألف مبروك على أختك و ربي يجعل سعدها خير منها انشالله

lyzzabel · 2014-04-30, 20:23

اقتباس:

المشاركة الأصلية كتبت بواسطة fadila34

يعطيكم الصحة وجزكم الله خير على هذه المجهدات انا دائما معكم ونحب نحط واش طيبت ولاكن معنديش باش نصور ربى وفقكم انا من محبى الكوزينة

مرحبا بيك معانا اختي و ماعليش شاركينا غير بالكتابة و نهار تشري باش تصوري متعينا

أم ماجد · 2014-04-30, 20:24

لبنات صح عشاكم عشايا بطاطا محمرة وبطاط مقلية مع البيض وهريسة وسلاطة
الله غالب راهي الالام حاكمتني
سخفتيني بروقة لا نضت لاباس نجربها وحتى ماشي لاباس تعرفيني نجربها

lyzzabel · 2014-04-30, 20:25

اقتباس:

المشاركة الأصلية كتبت بواسطة الحزينة بجدارة

الف مبروك افتتاح الكوززينة ونقول لرياحين الله يشفي بنتك ويشفي ماري ولينا 11 ويشفيني ونمشي على رجليا ونشارك معاكم قولو امين

أهلا و سهلا اختي بصح علاش حزينة قاع كيما هاكا رحمة ربي سبحانه واسعة و ما تقنطيش منها
اسأل الله العظيم رب العرش العظيم ان يشفيك و مرضى المسلمين جميعا شفاءا عاجلا لا يغادر سقما

أم ياسين الزهراء · 2014-04-30, 20:30

بروقة جيتي للجرح ونوضتيه اه يازلابية بوفاريك اه

هديك تبان بنت عم الزلابية ههههههههههههههههه يصطيك الصحة

دائمة فكرتيني في دارنا احنا نقولو نبدل القش في 15 ماي زعمى كالعسكر خويا كان يجي يدي لاتوني الكرام ههههههههههههههه

بصحتكم واش تعشيتو والحمد لله

ام محمد وين راكي وام ماجد ربي يجيب الشفاء على بالي وحتى ولو مراض نوضو نوضو الله يعينا

2014-04-30, 20:33

ليزا الي سماتك عسلاية مغلطتش ربي يخليك يا احلى غالية قبلااااااااااااااااااااااااااااتي
اختي الحزينة بجدارة حنونة ربي يشافيك ويخفف عليك والله ربي كريم وقادر على كل شيء اكثري الدعاء واسمك بدليه هههه خليك تفاؤل وشوفي الدنيا بشكل احلى والعقوبة نهار تفرحينا يااااااااااااااارب صدقيني الخيرة فيما اختاره الله

استغفر الله واتوب اليه

R I A D · 2014-04-30, 20:35

ليزا يعطيك الصحة حبوبتي و ربي يشفيك ان شاء الله .. و الله غير الضرسة غير ما تتلاوى "كي تلقاي اسمك في ردودي متكرر اني كلما نلقى ردك نرد عليه ..بيزووو

ام لقمان التاغت رايحة تنطق ....رووووعة
ناتاسا مالا انا وياك كيف كيف انا تاني نحبو و هو لالالالالا راني بردت قلبي فيه البارح جا رووعة
الامنيات بصحتكم الكورجات ... و كيكة القارص باينة هااايلة تسلمي
سلمى التاغت تهبببل بصحتكم
تيتينا بصحتك طاجين الجبن بالفكرة الجديدة هااايل
صبرينة الحنينة عاش من شافك حنونتي و شكرا على المجاملة يا رقيقة انت ...و بصحتكم الريزي و الاسكالوب و الخضرة السوتي ...خيار الاكل...
منال الله يبارك واش هذا الخير ...بالصحة على قلوبكم ان شاء الله
ام هديل بصحتك طاجين الزيتون و السلاد
رياحين ربي يكمل ان شاء الله و تجوز العملية بخير و نفرحو كامل مع بعضانا اميين يا رب
بريق طبقتي الزلابية ديجا ...الله يبارك تطبيق سرييييييع
دائمة الحمد بصحتك اللوبيا و القليان و الرخسيس ..انا تاني للعشاء قليان و رخسيس
ليزا العزيزة الله يسلمك و يعطيك الصحة على الافكار
منال الصور رااائعة ...عجبتني تاع عيد الع مال....شكرااا
دائمة الحمد عزيزتي الله يسلمك و الله انا تاني كاني درت انجااااز ...
ام ماجد بصحتكم البطاطا المحمرة و المقلية ...تاع اش الالام بعيد الشر عليك؟؟و ربي يشفيك
الحزينة بجدارة ربي يشفيك حنونة عاجلا غير اجلا ..لكن باش مريضة ؟؟؟و بدلي اسمك ...تفائلي خيرا حبيبتي تجديه ان شاء الله

اللهم لك الحمد كما ينبغي لجلال و جهك و عظيم سلطانك

أم ياسين الزهراء · 2014-04-30, 20:36

ام يسرا بصحتك

اختي الحزينة الله يجيب الشفاء

ادراري وانا ماتحبينيش ههههههههههههههههه ربي يشافي وليدك وتشوفيه ناجح يارب

لبنات راكم تشكرو في تارت عقروبة ماخرجلي والو قتلني التقرعيج الله غالب ههههههههههههه

رياض مبروك عليك الفرينة السوداء هههههههههههههه كوليها رخساس قبل مايلحق رمضان

fatalim · 2014-04-30, 20:36

اهلا بكن عندي غيبة على المنتدى كنت مشغولة الخدمة والدار الان انتهت السنة الدراسية ونبدا بالطياب حبيت نسقسي على باتيلا واش اخبارها