كم مهرك

[Marc Edouard]

كان مهري مند 6 سنوات 5 ملاين بلا دهب وبلا الفاليزا وكان عرسا بسيطا بماننا كنا سنسافر لولاية اخرى لبدء حياتنا المهنية

في اول الطريق انا كنت خدامة وهو لا ونوافق في الراي بصح الدنيا معاشرة وصبر ولواحد بهما كان يعيش ويكمل ويجيب وليدات يرفدوه في كبرها وكلش يرجع للتربية الصالحة وهد اللبنات الي راهم يحوسو على الشهار وبلوطو غير يستنو لغطرش باش شاب كاكبر سن30 سنة ميقدر يدير والو هوا يلم منا والدنيا تغلا من ميعيا يجرييييييييييييي

رابي من يعطي للواحد ما يعطيهش كلش دفعة يا يقولك سعى يا عبدي وان نسعى معاك ومن قلت ما يخدمش كان قصدي عند الدولة بصح كما نقولو يهنبر منا ومنا حتى فتحها علينا ربي وبدينا في مشروع والا دار الواحد على هدرة الناس ميسلكش يقولك زير سنيك يترخفو سنين اللي قادامك..................

[ابو منذر]

يا اخ شهاب في المنطقة تاعي كاين بنات و الله غير يتزوجو بمقعد او نصف مشلول ماشي حتى بواحد خدام بعقود ما قبل التشغيل

كاين صح بنات يحوسو على السترة واش هو تلقاهم مقرياتش يعني نيفو تاع قرايتهم طايح بصح صدقني النيفو بالاخلاق ماشي بالقراية كي تعول و تجي و الله غير تلقى بنات ناس و فاميلا واش هو زاواليا يحوسو على السترة برك

انا مين اخطبت كنت نخدم بعقود ماقبل التشغيل و ما عنديش اعفاء من الخدمة و هكدا قبلو بيا و لما فتحت و الله منكدب على خويا عيطولي في الصحراء نخدم و شويا و جبت لاكارت جون يعني المرة تاعي جابت خيرها

الله يرزقك بلي تستاهلك و لي فيها الخير

[Marc Edouard]

المشاركة الأصلية كتبت بواسطة ابو منذر

يا اخ شهاب في المنطقة تاعي كاين بنات و الله غير يتزوجو بمقعد او نصف مشلول ماشي حتى بواحد خدام بعقود ما قبل التشغيل

كاين صح بنات يحوسو على السترة واش هو تلقاهم مقرياتش يعني نيفو تاع قرايتهم طايح بصح صدقني النيفو بالاخلاق ماشي بالقراية كي تعول و تجي و الله غير تلقى بنات ناس و فاميلا واش هو زاواليا يحوسو على السترة برك

انا مين اخطبت كنت نخدم بعقود ماقبل التشغيل و ما عنديش اعفاء من الخدمة و هكدا قبلو بيا و لما فتحت و الله منكدب على خويا عيطولي في الصحراء نخدم و شويا و جبت لاكارت جون يعني المرة تاعي جابت خيرها

الله يرزقك بلي تستاهلك و لي فيها الخير

لوكان ماشي الزوج نتاعي راهو حدايا غير نقول هو الي راه يكي في حياتو وراه يضحك عليا دورك

[الشهاب2]

المشاركة الأصلية كتبت بواسطة marc edouard

رابي من يعطي للواحد ما يعطيهش كلش دفعة يا يقولك سعى يا عبدي وان نسعى معاك ومن قلت ما يخدمش كان قصدي عند الدولة بصح كما نقولو يهنبر منا ومنا حتى فتحها علينا ربي وبدينا في مشروع والا دار الواحد على هدرة الناس ميسلكش يقولك زير سنيك يترخفو سنين اللي قادامك..................

يا ختي زيرنا بسنينا بودنينا يعني المراة مسورية وتخدم والراجل يفرفط برك هادي حنا عندنا عندما تنوي فقط كانك داخل على عملية انتحارية ويرحمها ربي

[ابو منذر]

علاش يضحك عليك الله يكثر النسا مثل امهاتكم و الرجال مثل اباءكم لو ماشي هوما ما قبلتو بينا

كي تحوسو يا خاوتي حوسو على الوالدين هوما الاساس

حتى لو تاخد طفلة عوجة تقدها امها ماشي تدي الام الله يهديها و البنت حتى و لو تكون قمة في الاخلاق يجي نهار وين تعوجها

كي تكون الام معاك و مع الحق زوجتك تولي طريق معاك

[الشهاب2]

المشاركة الأصلية كتبت بواسطة ابو منذر

يا اخ شهاب في المنطقة تاعي كاين بنات و الله غير يتزوجو بمقعد او نصف مشلول ماشي حتى بواحد خدام بعقود ما قبل التشغيل

كاين صح بنات يحوسو على السترة واش هو تلقاهم مقرياتش يعني نيفو تاع قرايتهم طايح بصح صدقني النيفو بالاخلاق ماشي بالقراية كي تعول و تجي و الله غير تلقى بنات ناس و فاميلا واش هو زاواليا يحوسو على السترة برك

انا مين اخطبت كنت نخدم بعقود ماقبل التشغيل و ما عنديش اعفاء من الخدمة و هكدا قبلو بيا و لما فتحت و الله منكدب على خويا عيطولي في الصحراء نخدم و شويا و جبت لاكارت جون يعني المرة تاعي جابت خيرها

الله يرزقك بلي تستاهلك و لي فيها الخير

أين هده المنطقة يعني هل هي هنا على كوكب الارض دلونا اخبرونا رانا برنا ياصاحبي الحالة هنا راهي متعجبش سيرتوا كلمة السر ياخويا انت تقول باسم الله تبدى تبعت فالوساطات غيرنا كل شئ الا اسم لانام هده لانام اصبحت لدينا عقدة نفسية لجماعة لخدموا عساسة يعني حارس زوقوها يا خويا واش تخدم يقولك اجون دو سيكيريتي وحتى الحرس البلدي كلمة خفيفة ولكن لانام هده لم نعرف كيف نزوقها هي معروفة ومشهورة بانها مجرد مسكنات مؤقتة حتى لايحدت فقط سوء في التغدية

[ابو منذر]

اخي شخاب هاد البلاد هي جارتك سعيدة راك تعرفها سير خطبت منها و لا جامي

و كي قتلك هاد الهدرة متاكد منها كاين اخوات ملتزمات حوسو على السترة و كي تعول ندلك غير صفي النية باش ربي يرزقك المرة و الخدمة و باذن الله السكنة

نعرف بزاف حكاتلي عليهم الزوجة تاعي من سعيدة راحو للفيلاجات و الفيرمات ًبصح كي قتلك غالبا تلقاهم ما قرياتش

[ابو منذر]

المشاركة الأصلية كتبت بواسطة ebusiness

والله يا أختي الكريمة راكم عايشين باطل، الله يزيدكم، على كل حال في ولايتي تلمسان سواء المدينة أو الدوائر فإن الرجل يشتري الخاتمين والذهب أيضا، يعني حوالي 40 مليون دهب وحده ويشتري ايضا الألبسة وكذلك يبعث الخروف والمأكل لبيت الزوجة يوم العرس، يعني تعب وشقاء السنين يدهب في شربة ريح والأعوص أنك لا تنعم بالسعادة حينما تتزوج بل تحل عليك اللعنة كما لو كنت قد سرقت مالا أو اغتصبت زوجتك، الزوجة تأتي بقليل من الفراش وجهازها من ملبس لكن الجانب الأكبر يقع على عاتق الزوج المسكين

بصراحة يا يحز في خاطري أن ارى شابا أفنى حياته كلها في العمل والشقاء ولم يكن يأكل جيدا أو يلبس جيدا وهو يحرم نفسه من كل شيئ لكي يجمع المال ليتزوج بينما الفتاة التي يود خطبتها كانت تخرج مع هذا وذاك وتتجول بين الشواطئ والغابات وفي الأخير تأتي تستحود على تعب سنين شقاء الشاب والله إن قلبي لينفطر حينما أرى أمور مثل هذه وأنا شاهد على العديد منها

في وقت مضى كنت قررت أن أتزوج ووضعت مبلغا من المال على جنب لكي أشتري به غرفة ولكن أتذكر أنني غيرت رأيي واستهلكت المال في رحلة إلى الخارج خير من أخسره على وحدة ماتستاهلش زوج دورو ولهذا قررت أن أستهلك مالي في التجول والترحال أحسن من أن أتزوج أفعى تجعلني مسخرة بين الرجال

حينما تصبح النساء تستاهلن المهور المطلوبة وتستاهل اصلا الزواج، لا تنسوا أن تتصلوا بي ولو برسالة قصيرة حينها سأحمل حقيبتي وأعود إلى أرض الوطن لعلني أقتنع بالزواج حينها

يا رب استرنا واستر أمة محمد صلى الله عليه وسلم

اللهم امين الستر يا خونا ربي يستر عليك حتى انت و على بنات المسلمين

و علاش حكمت على نفسك بلي بنات بلادك ميسووش ياخي خبي دراهمك و شوف و سقسي على ناس ملاح و الوالدين كيفاش و الطفلة و امبعد كي تخلى تلمسان و متلقاش زيد شوف خويا في الجزائر كبيرة و تلقى العفيفة النقية و كي متلقاش روح خسر دراهمك

الزواج ماراهش ستر للمراة برك راه ستر للرجل هن لباس لكم و انتم لباس لهن


الله يرزقك ببنت الحلال العفيفة النقية

[لحن الحياة.]

اخي الشهاب انت عضو جديدجدا جدا و دخلت علينا شجار طول
اما ان لك دينا تريد استرداده
او تعمل في اشهار للقبائل وهاذا عادي نتقبلوه ماكانش مشكل
على الاقل. قول رحبو بي عضو جديد. و استنا نجيبولك. قهوة تم ادخل في الشجار
احترامي

[عبد الرزاق 96]

كم مهرك اكليف ام يسير ********************* فاشيء يشترى بثمنه لا يزيد
فان زاد فذاك خبز خمير ********************** لا يشبع اكله ببركة ولا زهيد

[eBusiness]

المشاركة الأصلية كتبت بواسطة ابو منذر

اللهم امين الستر يا خونا ربي يستر عليك حتى انت و على بنات المسلمين

و علاش حكمت على نفسك بلي بنات بلادك ميسووش ياخي خبي دراهمك و شوف و سقسي على ناس ملاح و الوالدين كيفاش و الطفلة و امبعد كي تخلى تلمسان و متلقاش زيد شوف خويا في الجزائر كبيرة و تلقى العفيفة النقية و كي متلقاش روح خسر دراهمك

الزواج ماراهش ستر للمراة برك راه ستر للرجل هن لباس لكم و انتم لباس لهن


الله يرزقك ببنت الحلال العفيفة النقية

السلام عليك أخي الكريم

أخي من فضلك لا تقولني ما لم اقل، إن قارنا بنات تلمسان ببنات الولايات الأخرى بصراحة وللأمانة بنات تلمسان الله يبارك فيهن بكل صدق فيهم البركة وما يخصهم والو حتى أنهن من خيرة بنات الوطن والبركة كاينة في كل بنات الجزائر ,انا لم أبحث عن الزوجة في تلمسان بحكم أنني لا اسكن هناك حاليا و أنا لا أعمم لكنني أتحدث عن تجربتي الخاصة التي أرتكز عليها في حياتي فأكيد لن أرتكز على تجربتك أنت فربما أنت ترى من حولك الأمور جميلة لكنني إنسان واقعي وأرى بعيني ولا أحكم إلا بعد التأكد أخي الكريم وللأسف لم أرى ما تتحدث عنه أنت، يعني أنا اسمع كثيرا أن الخير مازال وكلام من شاكلة كلامك لكن لم أرى هذا الخير والدليل أن جل الشباب ضايع وأغلبية النساء لسن ملتزمات بالشرع وأنا أحدثك من منطلق أنني زرت تقريبا كل ولايات الجزائر، أنا من تلمسان وأعيش الان بالعاصمة وزرت الشرق والوسط وعيني لم ترى إلا نساء متبرجات أغلبهن ليست لهن علاقة بالشرع فتأتي أنت وأمثالك تقول لنا أن الجزائر بخير، اي خير هذا؟ اين هذا الخير الذي تتحدث عنه أخي الكريم؟؟؟ يعني هدرة برك والله المجتمع في فساد كبير وأنت تأتي تقول لي رانا بخير بالله عليك قل شيئا اخر

أعلم علم اليقين أن هناك نساء كريمات وشريفات في هذا الوطن لكنهن للاسف قليلات وفي بلدنا للاسف طغت بنات لحرام على بنات لحلال وذلك مثله عند الرجال

لا أدري لماذا بالنسبة لك صرف المال في الترحال في أرض الله الكريم يعتبر مضيعة للمال؟؟؟ لم افهم شيئ، أخي الرجل اللي جال خير من اللي عاش والترحال نتعلم منه أكثر مما نخسره من مال، يعني يا أخي إن لم أتجول واسافر في أرض الله وأنا أعزب هل أتجول وأنا متزوج؟؟؟ وصدقني حينما أحمل حقيقبتي الصغيرة وأجول في أرض الله تعرفت بناس طيبين ومعارف أغلى من المال والذي معهم يمكن أن تقوم بتجارة تجني من خلالها أكثر بكثير مما خسرته في الترحال وأنا صراحة أرى أنه على الرجل أن يجول ويصول ليتعلم في أرض الله الأحد

على العموم أنا ابحث عن الزوجة حاليا أو بالأحرى أنتظر أن يأتي بها الله لي لأن الطرق التقليدية للبحث عن الزوجة لم تعد تنفع مع هؤلاء البشر لهذا وكلت أمري لله وحده وإن لم أجدها سأستخدم المال من جديد ي فر حلة إن شاء الله هذه المرة تكون بداية رحلتي حول العالم خير من أضيع تعب السنين على حرباء ما تستاهل دورو

شكرا أخي وتقبل تعقيبي بكل أخوة

[بصمة لاتنسى]

السلام عليكم
المهور غالية
والطلاق حطمنا فيه الرقم القياسي
غابت البساطة
وكثرت الماديات
تقبل تدخلي أخي صاحب الموضوع
سلام

[المعتزة بديني]

مهري 14 مليون منذ 3 سنوات وفالخطبة خاتم مع زوج ملاين وخاتم فالحنة مع كبش واكيد خاتم العرس والحمدلله

[imazighn]

السلام عليكم ورحمة الله
اعتذر مشاركتي قليلة في المنتدى
لكن الموضوع لفت انتباهي
انا من بوغني وما نمدوش بناتنا للعرب الا نادرا جدا
ويوجد قبائليات يشترطن مهور غالية كما يوجد من لا يشترطن تختلف باختلاف المنطقة

[خولة لبابة]

نحن عندنا,,,,,,الزوج يشتري بعض الملابس و الخاتم,,,,,دون اعطاء المال,,,,,و هناك من يدفع المهر فقط 2 مليون على حسب القدرة,,,,,لكن تختلف أرائي عن أراء غيري,,,,,
وفقكم الله جميعا,,,,,,,المهم التراضي و الحرص على الدين القويم,,,,,,و تربية جيل للغد,,,,,يكون قدوة لغيره,,,,