فكرة وتدبيرة من تجربتيي....شاركينا واحدة

[zomorodaz]

شكرا تدابير جميلة لغسل الكوكوط من الخارج ادهنيها بالصابون البلدى البني تم حكيها و شليها وتلاحظينها تبرق مجربة منى
لى عودة ان شاء الله نتفكر نخدم مخى شوية

[oum radja]

قشرو كمية من الثوم وديروه في بوقالة فيها قطعة صغيرة من ورق المطبخ في القاع بشرط انو حبات الثوم تكون صحيحة يعني ماشي مكسرة
وخبوه في الفريجيدار عادي وراح يبقى جديد وكانك قشرتيه الان
انا دايما نستعمل هاذ الطريقة على خاطر نكره باش نقشر الثوم كل يوم و ثاني ما نبغيش نكونجليه يتغير لونه ومذاقه
جربو طريقتي وماراحش تندمو

[it's me]

الا تحرقتلك لاكوكوت يعني ولات حكلة من تحت حكيها بالرمل تولي تششششششعل

[it's me]

اذا بقاتلك شوية كوكا ولا بيبسي ماترميهاش صبيها في التوالات حاشاكم و خليها بضع دقائق وشلليها ترجع تبرق و يتنحالها الشوائب بفعل الغازات

[it's me]

كي تشريو حاجة جديدة تع لبسة لونها يون حساس حطوها في ماء فيه كمية مليحةمن الخل رايحة تساعد على تثبيت اللون

[it's me]

كامل نعرفو ريحة الشوفلور كي يكون يغلي وش دير في الدار هههههه
كي تكملي غسيل الماعن حطي رشة فاني في قدر تع ماء وحطيه يغلي رايحة تعم ريحتها الطيبة في المنزل

[it's me]

ربات البيوت اللي عندهم كويزينيار اينوكس كي تسيح عليها الماكلة ماتغسلوهاش بالمنظفات حكوها بالقارص والخل الابيض لوكان تغسلوها بالجافيل مثلا رايحة تترك بقع سوداء ماتروحش تبقى ديما

[it's me]

للتخلص من الروائح الغير مستحبة في الثلاجة حطي قطع من الفحم او شرائح الليمون

[شوشو 11]

حبيبتاي سعاد واتز مي.............شكككرا على النصائح والافكار بل هي درر
طبعا ننتظر المزيد من خلاصة ابداعكم

[fani09]

السلام عليكم
كل يوم نعصر في هاذ المخ كاش ما نلقي و اخيرا

زيتون الاخضر بدون علف كتشري كمية كبيرة مثلا او ما تسحقيهش تقدري تخبيه في المجمد كيما هو

وكتحتاجيه وما تلقايش تجبديه طيبي بيه..انا مشكلتي ما نلقاش شكون يشريلي ونعجز ندور في ثلاجة ينفعني

ان شاء الله نكون افدتكم

[شوشو 11]

المشاركة الأصلية كتبت بواسطة fani09

السلام عليكم
كل يوم نعصر في هاذ المخ كاش ما نلقي و اخيرا

زيتون الاخضر بدون علف كتشري كمية كبيرة مثلا او ما تسحقيهش تقدري تخبيه في المجمد كيما هو

وكتحتاجيه وما تلقايش تجبديه طيبي بيه..انا مشكلتي ما نلقاش شكون يشريلي ونعجز ندور في ثلاجة ينفعني

ان شاء الله نكون افدتكم

شككككككككككرا حبيبتي خاصة انها من تجربتك الشخصية
هيا رنا ننظرو فيك مرة على مرة واعصري مخك الرائع متاكدة انه معمر

[شوشو 11]

ورقة الرند وعموما كل التوابل مداقها وبنتها تكون احسن لما ترميها في اخر الطبخ كي طفي النار.....عن تجربة

[fani09]

السلام عليكم

فرشاة الاسنان تخسر بالخف وكتبدليها ما ترميهاش انا نخبيها في سلة المنظفات

ونستعملها في حك المواعين والكوشة في الاماكن الضيقة ونرميها بعد ذلك

[it's me]

نصيحتي لليوم هي كي تحبي تكونجلي المشمش اغسليه مليح و اقسميه ونحيلو العلف تاعو وخبيه احسن من تكونجليه حبات يجيك صعيب بش تفككيه من بعد

[شوشو 11]

المشاركة الأصلية كتبت بواسطة fani09

السلام عليكم

فرشاة الاسنان تخسر بالخف وكتبدليها ما ترميهاش انا نخبيها في سلة المنظفات

ونستعملها في حك المواعين والكوشة في الاماكن الضيقة ونرميها بعد ذلك

فكرة رائعة .....وجربتها باش نحك بها الفراغات بين سيراميك المطبخ
شككككككككككرا حبيبتي زيدي اعصري مخك

المشاركة الأصلية كتبت بواسطة it's me

نصيحتي لليوم هي كي تحبي تكونجلي المشمش اغسليه مليح و اقسميه ونحيلو العلف تاعو وخبيه احسن من تكونجليه حبات يجيك صعيب بش تفككيه من بعد

ياسلاااااااام كي تعصرو امخاخكم
تدبيرة جاي وقتها ونحتاجوها...........
زيدي قوليلنا على هدا المشمش اللي تكونجليه واش تخدمي بيه
شكرا حبيبتي