بقلاوة قسنطينية خطوة بخطوة من مطبخي

[اسماء 28]

روعة اختي لكن كيفاش حليتي العجينة بالحلال عادي ولا كيفاش ؟

[رحاب القرآن]

يعطيك الصحة هايلة نجربوها إن شاء الله

[القبطان39400]

بارك الله فيك

[Hinda25]

المشاركة الأصلية كتبت بواسطة اسماء 28

روعة اختي لكن كيفاش حليتي العجينة بالحلال عادي ولا كيفاش ؟

تحلي غير بالحلال وتبقاي تحلي مع الدوران في كل جهة

[sara-89]

صح فطوركم محتاجة ليكم دوك خاطر درت عجينة البقلاوة ومع الشغل والتدوار مرجعتش ليها حتى دوك زعما نخدمها لقيتها حجرة ياااابسة كانت فالثلاجة ومنبعد كي وليت مع روحي تفكرت بلي درت 4 عبار فرينة ل عبر ونص زبدة في بلاصة نص عبر وااش ندير راهي تتقطعلي ويابسة طريتها بما زهر بصح مهيش كيما مواالف لتتصلحلي فيدوني

[أم رائد]

المشاركة الأصلية كتبت بواسطة Hinda25

شكرا حبيبتي واشكر الجميع على هذه الردود الرائعة. بالنسبة للبيض ديري بيضة تكفي انشاءالله.بالنسبة للعسل مادام السني غير تاع كيلو فكمية العسل تنقص .لما الطيب البقلاوة وتخرجيها من الفرن وهي سخونة صبي ربع كيلو عسل سخون باه تتشربو البقلاوة وخليها تشرب العسل ولاحظيها مليح لاكان بعد ساعات لقيتيها شاحت البقلاوة او السني شايح من الداخل اعرفي باللي راهي شربتو ومازالت شايحةزيدي سخني العسل مليح وصبي على بقلاوتك بالتساوي بالنسبة للتقطاع راح نحاول نلقى طريقة كيفاش نوصهالكم.نتمنى انشاء الله تنجحو في انجاز البقلاوة تمتعو بيها وليداتكم وازواجكم

بارك الله فيك عزيزتي هندا .....شكرا على كل نصائحك .....

ان شاء الله راني رايحة نديرها غدوا ....... يااارب تخرجلي مليييحة ...


بصح بالنسبة للعسيلة احنا موالفين نديرو كيلو عسل مباشرة و ممكن نزيدو عليه باش تجي سواسوا

و اللا هادي البقلاوة تتعسل بهذه الطريقة ؟؟؟؟؟؟؟


و اسمحيلي عزيزتي كثرت علييك

سلالامي و
صح عيدك .

[Hinda25]

المشاركة الأصلية كتبت بواسطة sara-89

صح فطوركم محتاجة ليكم دوك خاطر درت عجينة البقلاوة ومع الشغل والتدوار مرجعتش ليها حتى دوك زعما نخدمها لقيتها حجرة ياااابسة كانت فالثلاجة ومنبعد كي وليت مع روحي تفكرت بلي درت 4 عبار فرينة ل عبر ونص زبدة في بلاصة نص عبر وااش ندير راهي تتقطعلي ويابسة طريتها بما زهر بصح مهيش كيما مواالف لتتصلحلي فيدوني

صح فطورك اختي.خلي عجينتك تاخذ حرارة المطبخ لكان ما طراتش دريلها الزهر وعجنيها حتى تطرى ثم كوريها كويرات اللي تحتاجيهم وخليها ترتاح شوية نصف ساعة حتى ساعة وبداي حليهابالنسبة للكيلة و نصف تاع لبسوس راح جيك مبسة وتقدري تحلي الورق بالفرينة اي ترشي الطاولة اللي تخدمي عليها و ربي يوفقك

[sara-89]

ربي يعطيك ما تتمناي عزيزتي دعوة اليتيمه فأواخر رمضان محبيتش نقصد اهلي خااطر مخليني وحدي وملقيت شكون يعاوني ربي يخليك ان شاء الله راح ندير كيما قلتيلي

[Hinda25]

المشاركة الأصلية كتبت بواسطة أم رائد

بارك الله فيك عزيزتي هندا .....شكرا على كل نصائحك .....

ان شاء الله راني رايحة نديرها غدوا ....... يااارب تخرجلي مليييحة ...


بصح بالنسبة للعسيلة احنا موالفين نديرو كيلو عسل مباشرة و ممكن نزيدو عليه باش تجي سواسوا

و اللا هادي البقلاوة تتعسل بهذه الطريقة ؟؟؟؟؟؟؟


و اسمحيلي عزيزتي كثرت علييك

سلالامي و
صح عيدك .

صح فطور ام رائد وعفوا والله اني قاعد نستمتع بالتواصل معكن وانا في الخدمة انشاء الله.ويارب تخرجلك مليحة.بالنسبة للعسل انا عملت سني تاع 3كيلو بعت مع السني كيلو تاع سان فرانسسكو+نص كيلو من عسل الدب +2ملاعق كبار ورد للخباز كي جبت السني طايب زدتلو شوية عسل هذي بالنسبة للبقلاوة تاعي.ديري العسل كيما موالفة احسن ورديلي على بقلاوتك بالتوفيق

[Hinda25]

المشاركة الأصلية كتبت بواسطة sara-89

ربي يعطيك ما تتمناي عزيزتي دعوة اليتيمه فأواخر رمضان محبيتش نقصد اهلي خااطر مخليني وحدي وملقيت شكون يعاوني ربي يخليك ان شاء الله راح ندير كيما قلتيلي

انشاء الرحمن تنجحي فيها بامتيازبكيتيني .وردي عليا لو حتاجتيني وردي عليا كي تكمليها

[سَلْسَبِيّلْ]

الله الله عليك اختي بقلاوتك جربتها وجاتني هايلة ربي يعطيك الخير

[fattouna]

allah ybarak rabi ykhali 9sontina wnasha

[*أم ثازيري*]

44444444444444444444444444444444444444444444444444 44444444444444

[هبة نور الهدى]

اختي الكريمة ربي اجزيك رني درت البقلاوة تاعك وراهي قاعدا طيب كي نخرجها من الفور نقولك النتيجة شكرااااااا

['' أمة الرحمن '']

يعطيك الصحة
و لكن عجينة البقلاوة مافيهاش البيض