لنتشارك للتحضير بهدوء للشهر الفضيل

[أنوثة شرقية]

المشاركة الأصلية كتبت بواسطة om hala

السلام عليكم اخواتي بارك الله فيك اختي ام راضية انا جد متحمسة للفكرة ومتابعة معكن بحول الله ، بخصوص الجلبانة انا بهاذ العامين اعتمدتها لانه رمضان يجي بالصيف ومثل ماقلت الاخت المشرفة بخصوص البرتقال والليمون فكرة جميلة انا عن نفسي لما يقرب رمضان نرحي الطماطم والثوم والبصل اضعهم فى علب التجميد المخصصة ولاداعى كل يوم وانا نرجي فيهم ثاني شئ مثل ماذكرت الاخت بخصوص ال menu انا اعتمدته العام الى فات والى قبله وروووعة نحس نفسي جاهزة وغير محتارة وحتى كل شئ موجود بوقت قصير مع لى عودة ببعض الافكار الجديدة التي لااستغني عليها


اللهم بلغنا رمضان موفقات اخواتي

عزيزتي شكرا لنصائحك لكني حبيت انبهك انو ماتزيديش ترحي البصل وتكونجليه راهو خطير وراح يتأكسد بسرعه والمواد المؤكسدة من اكثر المواد المسببة للسرطان عافاناو اياكم يارب
نصيحة ماتزيديش ترحي البصل وتخبيه

[أنوثة شرقية]

بالنسبة للاخوات اللي يرحو البصل ويجمدووه راني قريت وبكل تاكيد انو البصل المرحي واللي يتخبى في الكونجيلاتور خطير لأنو بمجرد مانرحوه لازم نستعملوه لأنو يتأكسد والمعروف انو المواد الللي تتأكسد من اكثر المواد المسببة للسرطان عافانا الله واياكم
نصيحة من قلب محب

[جوهر دعوة]

شكرًا كثيرا علي النصيحة أنوثة في ميزان حسناتك يا رب

[houdehoud]

بما انو وقت الفراولة اشري كمية اغسليها و قصيها كيما تحبي ديريلها السكر و حطيها في علب صغيرة على حساب الكمية اللي تحتاجيها و الى الكونجيلاتور في رمضان تحبي ترحيها ديريها jus و الا salade de fruit

[kakinova]

المشاركة الأصلية كتبت بواسطة أنوثة شرقية

بالنسبة للاخوات اللي يرحو البصل ويجمدووه راني قريت وبكل تاكيد انو البصل المرحي واللي يتخبى في الكونجيلاتور خطير لأنو بمجرد مانرحوه لازم نستعملوه لأنو يتأكسد والمعروف انو المواد الللي تتأكسد من اكثر المواد المسببة للسرطان عافانا الله واياكم
نصيحة من قلب محب

انا تاني نعرف هاد المعلومة

صحتكم بالدنيا حبة بصل ترابيها في دقيقة او قطعي فقط كيما نعمل انا و من بعد نصفي فوق الكسكاس يبقى فقط القشور و العظام

[manar7]

اما انا را نى خبيت الجلبا نة و طما طم ارحيتها وخبيتها فى الصا سيا ت والى المجمد

[manar7]

با رك الله فيك

[ANGEL FIFI]

العام هدا إن شاء الله اول رمضان مع زوجي
إن شاء يكون فرحة لكل الجزائريين والمسلمين رغم انه اول رمضان من دون ابي الله يرحمه...
غن شاء الله راح نحضر العجينة المورقة قبل رمضان ب 15 يوم ونحطها في الكونجيلاتور وتكون جاهزة للاستعمال في رمضان لان تحضيرها مع الصيام يتعب شوي..
وثاني فكرة اخرى اللي عندها الخبز اليابس....تطحنه وتخبيه في بوقالات تلقاه واجد للمعقودة او اي شيء تحب ديره..

[mounira titi]

السلام علي الكل .اشكر الاخت ام راضية علي الفكرة .
انل اردت ان اشارك معكم فوجدت كل ما قالته الاخت كاكينوفا اعمله فلم اريد التكرار و اشكرها علي افكارها.و افكار كل من شاركت هنا.
فقط اردت ان اضيف انا الجلبانة اغليها مرة واحدة ثم اصفيها في الكسكاس و اضع ما بارد حتي تبرد من العين لما تقطر افرغها في زجاجات بلاستيك و مباشرة للمجمد. هده الطريقة تتركها حبة حبة و تحتفظ علي شكلها.

[kokotg]

المشاركة الأصلية كتبت بواسطة oum radja

السلام عليكم
بالنسبة لينا كي يقرب رمضان نوجدو التوابل اللي نحتاجوها,التشيشة تاع الحريرة
و نصنع كمية من التارتولات و الباركات و الكورنيات المالحين و ندسهم فارغين في المجمد باش كي نسحقهم نجبد الكمية اللي نبغيها و نوجد الحشو برك
و اذا تفكرت كاش حاجة نقولهالكم

يعطيك الصحة

المشاركة الأصلية كتبت بواسطة أنوثة شرقية

بالنسبة للاخوات اللي يرحو البصل ويجمدووه راني قريت وبكل تاكيد انو البصل المرحي واللي يتخبى في الكونجيلاتور خطير لأنو بمجرد مانرحوه لازم نستعملوه لأنو يتأكسد والمعروف انو المواد الللي تتأكسد من اكثر المواد المسببة للسرطان عافانا الله واياكم
نصيحة من قلب محب

ربي يحفظك مع انه مانديرهاش مي عجبتني المعلومة الله يحفظك
لنجعل دعاءنا البنات
اللهم بلغنا رمضان في كل رد

[ام راضية]

بعد غياب حوالي عشرة ايام عدت فوجدت ان الموضوع ثبت
والمداخلات ما شاء الله كثيرة
لي عودة بعد قراءة كل الردود ان شاء الله

[zhor1970]

المشاركة الأصلية كتبت بواسطة ام ساجد

يعطيك الصحة يا ام راضية على الموضوع
انا نخبي الجلبانة لان زوجي لازم ياكل الجلبانة قي رمضان تقريبا يوميا نستعملها
على بيها نشري كمية كبيرة نقيها ونغسلها ونخبيها في الساشيات هل هذه
الطريقة صحيحة ولا لا ولي عندها طريقة اخرى تفيدني بيها

حبيبتي احسن طريقة لتجميد الجلبانة هي طريقة قرعة ماء سعيدة
قشريها ونحي الحبات الفاسدين وبلا ما تغسليها ديريها في القرعة وكونجليها انهار الاستعمال فقط خروضي القرعة وتلقاي كل حبة وحدها نحي واش بغيتيورجعيها
اللهم بلغنا رمضان

[sonia2u2]

sa777777777777a ramdanekom akhawati ana senna ra7 nssoum fi labelad ba3ed 10 snin fi london w chawa9touni l cheghol fi dz 7abit nssa9ssi 3ela massefouf kayan li yewajedo w yconjlih ili darateha man 9abl t9ouli kifah w thank you allllllllllllllllllllllllllllllllllllllllll

[ام راضية]

تحياتي حبيباتي قرات كل مداخلاتكن واحدة بواحدة
لاحظت ان الاخوات بالغن في تخزين الاشياء وانا مع راي اختي الصوامعية يجب ان نخزن الاشياء التي يفوت وقتها اويغلي ثمنها في رمضان
مثلا الجلبانة هدا وقت شرائها لان بعد هدا الوقت تدخل فيها الدودة طريقتي في حفظها وهي ناجحة جدا تنقيها وتغسليها وتشيحييها مليح وتحطي في الساشيات الصغار الكمية التي تستعمليها في طبخك وتحطي في باط بلاستيك وكي تستحقي اجبدي بالوحدة
الثوم كدلك في هدا الوقت يرخس شويه لان في رمضان اسعاره تشعل فيها النارانا نقيه ونرحيه ونعمره في بلارات بلاستيك صغار قدر استعمال اسبوع الي 10ايام لان لونه ومداقه يتغير ادا طول
الليمون ممكن تخزني كمية لان في رمضان سعره يلتهب
صراحة هناك مبالغة في تخزين البصل والعجائن والخضر ونحن نعرف ان الخضر في الصيف تكون موجودة وباسعار معقولة بعد الاسبوع الاول من رمضان لدا كي يقرب رمضان ان شاء الله نحضر ما يكفينا للاسبوع الاول لنتفادي شراءها باسوام مرتفعة والمحافظة علي اعصاب وجيب الزوج المسكين
اياكم حبيباتي وتخزين البصل لانه يتاكسد بسرعة البرق وخطير فقطع حبه بصل لتحضير الفطور ليس بالعمل الشاق
ممكن تحتفظو بالفراز هدا وقته وسومه بدا يطيح
اخت سالت عن حفظ البرتقال اعصريه بدون اي اظافات وخبيه في والكمية اللي تجبديها دوبيها زيديها الماءوالسكرواستعمليها في وقتها
هده بعض ملاحظاتي
اشكر كل اخت ساهمت برد او معلومة وربي يجازيكم ويعطيكم ما تتمناو حبيباتي ويالله شويه حماس الموضوع مازال مفتوح لدي بعض الافكار انتظروني هههه
لختي الصوامعية اقترحت موضوع جدول الطياب وهربت اين فكرتك حبيبتي ان شاء الله المانع خير في غيابك
واقول لالهام اختي الصوامعية اقترحت الفكرة قبلك وحقوق الموضوع عندها هههههههههه

[ام راضية]

المشاركة الأصلية كتبت بواسطة sonia2u2

sa777777777777a ramdanekom akhawati ana senna ra7 nssoum fi labelad ba3ed 10 snin fi london w chawa9touni l cheghol fi dz 7abit nssa9ssi 3ela massefouf kayan li yewajedo w yconjlih ili darateha man 9abl t9ouli kifah w thank you allllllllllllllllllllllllllllllllllllllllll

لم افهم سؤالك حبيبتي كيفاه المسفوف يكنجلوه طايب والا نيء وضحي وان شاء الله انا والاخوات نحاولو نساعدوك