الطبعة التاسعة "دورة الرقي لمدبرة منزل مثالية"

[sarra5]

[jai remarqué k hna nebdaw lkhadma 9belhom b bzeeef

homa hata l 3 bah yetghadaw

[~ حراير ~]

السلام عليكم و رحمة الله تعالى و بركاته
أختي سارة معليهش نعلقلك على هذا البرنامج بعقلية الجزائرية الي غنى عليها سامي الجزائري
يا بنات الجزاير يا الي خليتو فكري حاير
خاصة يا حبيبتي سارة لما شفت أنك طالبة و إن شاء الله مستقبلا راح تكوني زوجة صالحة و أم مثالية و ربة بيت ممتازة
فخفتك تأخذي برأيها و هناك تكون ..... الكارثة الإنسانية

المشاركة الأصلية كتبت بواسطة sarra5

l9it had le sujet f wahd l forum 3jabni habit nhato hna


صباح الورد / مساء الورد على الفراشات الحلوين



بعد مشاهدت طرق ترتيب اخواتي الفراشات بالاعمال المنزليه
قلت ليه مااشاركم بجدولي اللي اعمل عليه من سنتين ونص
المهم الجدول مره حلو وسهل وراح انزله تشوفونه
لكن بعد مااشرح بعض الاشياء المهمه


عزيزتي المراه اعلمي انك محاسبه على كل عمل تقومين به
ولك الاجر والثواب على اعمالك الحسنه
وعملك بالمنزل فيه الكثير من الحسنات
الحمد لله بعد زواج 6 سنوات توصلت الى جدول اعمال يريحني
خاصة مع 3 أطفال وراء بعض

يا ود عمي 6 سنوات بـ 3 أولاد وين رايحة هاذي تحسب في الأولاد راح يخلاصو من الدنيا
طبعا كل واحدة حرة شحال تجيب أولاد و البراكة في كثرتهم مش في قلتهم
و لكن من الأفضل التباعد في الإنجاب ...و هو أولا راحة للأم و الأب و زيد تعرف الأم تربيهم و تقريهم أحسن من أنهم يكونو وراء بعضهم
وراني نكلم فيك يا سارة عن تجربة

في البدايه واجهت الكثير من الصعوبات لكن بعد الله ومن ثم هذا الجدول ارتحت
وصرت اوازن بين البيت والزوج والاطفال ونفسي
تبداء اعمالي المنزليه الساعه 6 والنصف صباحاً بتحضير الشاي للزوج
للبنت للمدرسه

مليح يعطيك الصحة

وبعدين ابداء بالخطوات بالجدول
الين الساعه 8ونص او 9 حسب الحوسه الموجوده

يا إما دارك صغيرة في سع كملتي يا إما انت سوبر شاطرة

وبعدين ماعندي شغل غير النت لين الساعه 1 تبداء حوسة المطبخ
للغداء

من 9 للـ الواحدة قدام الأنترنت ؟؟؟؟؟

نتغداء الساعه 3 يومياَ بعده اغسل المواعين
واجلس مع الصغار لين يقوم زوجي الساعه 6 المغرب

هذا وش عجبني في كلامها تعطي وقت مليح مع وليداتها

اجلس - اطلع - اشوف النت (على كيفي) لين الساعه 9 المساء

مازال مع النت و الأولاد وينهم مع باباهم وحدهم يعني هي و زوجها وقتاش يتلقاو يا إما هي جالسة مع الأولاد أو هو يخلفها
وعلاش ما تلموش مع بعضهم

ابداء أحضر عشاء خفيف فقط المواعين تجلس لبكره

مسكينة تعبت من الجلوس على النت حتى مواعين العشاء الخفييييييييف ما قدرتش تغسلهم

خلاص اخر عهدي بالشغل غسل مواعين الغداء وتشطيب المطبخ

لا لا الحق فضيتي بزاف و درك هاذي الشغل الي اديتي عليه الحسنات و حق الله تعالى وينهو ؟؟؟؟ لا حول ولا قوة إلا بالله .... يا البنات عندكم يلهيكم شغل الدار أو الأولاد أو الزوج أو حتى باباك و أمك على حق ربي سبحانه و تعالى لأنه هو الي يعطيك القوة باش تعملي هذا العمل مالي أشكريه و لو بالفرائض فقط يعني مع تسمعي الأذان أنفضي يديك من الي كنتي تعملي فيه و نوضي صلي .. إذا عندك زيارة لقريب او مريض ما تتهاونيش أزربي أقضيها ... وراح تلقاي البركة في وقتك أكثر من الي تتهاوني في إعطائك لحق الله العلي القدير

بتفهمون الجدول اذا شفتوه
والاعمال الاسبوعيه ادخلها باحد الاوقات وطبعا مااطول مع التكنولوجيا الحديثه
والاعمال الشهريه كذلك الى الاخوات الي يقولون تنظيف المكيفات
انا انظف المكيف لما تولع لمبه حمراء (وهي دليل على ان المكيف بحاجه للتنظيف)
واذا كان يحتاج فريون نفس مكان اللمبه الحمراء تولع صفراء
مكيفات دايكن .... للي بيسألون بعدين اجاوب من اللحين
اتمنى يعجبكم الجدول

مع كل إحترامي
و أنا مانيش نغتاب فيها لأنها هي من وضعت البرنامج لنبدي رأينا فيه و عليه راح نتكلم بكل صراحة
هذا برنامج وحدة "مكسرة" .. "محسرة" ... جهد ما تخدم "منين يشوف أحمد" و الداخلية ربي هو الي عالم بيها لأنه وقتها من 9 للواحدة في عوض النت

وعلى فكره علمته شغالتي وصارت فاضيه اغلب الوقت

هاذي الشوية تاع القضية و معاها الشغالة
لا حول ولا قوة إلا بالله
أرواحي للدزاير تشوفي لالات النسا كيفاش يقلبو في القضية تقلاب
و الزوج راضي و شبعان و آخذ راحتو لا شغالة لا عمار بوزور

لان زوجي يبي ياخذ راحته بالبيت
وخليته مايحس بوجودها والحمد لله
لكن هي بتروح وبيبداء الجدول معاي

وهذا الجدول انتظر رايكم بعد ماتشوفونه وتعليقاتكم
لاتنسون ذكر الله

لا حول لا قوة إلا بالله
و إلا وش رايكم في كلامي زعم هي الي مريحة روحها خير و إلا احنا الدزيريات الي بكل صبع صنعة خير

[sarra5]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
أختي سارة معليهش نعلقلك على هذا البرنامج بعقلية الجزائرية الي غنى عليها سامي الجزائري
يا بنات الجزاير يا الي خليتو فكري حاير
خاصة يا حبيبتي سارة لما شفت أنك طالبة و إن شاء الله مستقبلا راح تكوني زوجة صالحة و أم مثالية و ربة بيت ممتازة
فخفتك تأخذي برأيها و هناك تكون ..... الكارثة الإنسانية

hhhh merciii khtiii nn ana 3jabni lemploi du temp ta3ha

mais rani 9olt deja k hna nakhadmo ktar menhom hia bayna ta3 lkhalij ynodo a11h du matin bah yebdaw l menage

لا حول لا قوة إلا بالله
و إلا وش رايكم في كلامي زعم هي الي مريحة روحها خير و إلا احنا الدزيريات الي بكل صبع صنعة خير

biensur la femme algerienne hia la meilleur tel9ayha f kol plasa thatiha la cuisine wela l menage wela lakhyata

vive hnaaaaaaaaaa

[وفاء سعاد]

مساء الخير عليكم يالبنات راني درك واين قعدت نفضت البيت وسيقت وغسلت الثلاجة ويااختي اريج المسك راني عندى 13 عشرة سنة متزوجة و4اطفال 2بنات و2دكورة وعمري 32سنة يعني كبيرة بصح داري كبيرة بزاف وعندى الاتات في جميع البيوت والان مع الاولاد ندمت للي شريت بزاف والعادة تاع التقبيل كاينة منها وكينوضو الصباح تاني كل يوم ونقعدو نسلمو ساعة كي نتلاقاو وشكرا

[sondse1]

اسعد الله مسائكن حبيباتي
كيف احوالكم ان شاء الله بالف خير

ام ملوكة حبيبتي
كيف احوالك ان شاء الله تمام
ربي يكون في عونك


حبيبتنا ام امجد مرحبا بيك من جديد
مبروك عليك البكرة ان شاء الله تبقاي هكذا تنوضي بكري
راكي قايمة ماشاء الله
بلا مزية على الوصفة و الشكر الاول لحبيبتنا ام رامي صاحبة الوصفة


حبيبتي ام مريومة "ماماتي " كيف احوالك و كيف احوال لوليدات ان شاء الله بالف خير
ليك وحشة كبيييييييرة راكي تغيبي علينا بزاف
المهم تكوني بالف خير و كامل العايلة

حبيبتي ام اريج والله عجبتني هدرتك و عندك الحق مليون في المية
بالنسبة للحجاج ان شاء الله غدا نكلموهم و مادامنا وعدتك رايحة نوفي بوعدي
لو كان شفت روحي ما نوفيش بوعودي ما نقولهمش
وربي يكون معاك في خدمتك

حبيبتي سارة كيف احوالك ان شاء الله بالف خير
بالتوفيق ليك في اعمالك و ربي يوفقك في دراستك


بالتوفيق للجميع

[~ حراير ~]

المشاركة الأصلية كتبت بواسطة وفاء سعاد

مساء الخير عليكم يالبنات راني درك واين قعدت نفضت البيت وسيقت وغسلت الثلاجة ويااختي اريج المسك راني عندى 13 عشرة سنة متزوجة و4اطفال 2بنات و2دكورة وعمري 32سنة يعني كبيرة بصح داري كبيرة بزاف وعندى الاتات في جميع البيوت والان مع الاولاد ندمت للي شريت بزاف والعادة تاع التقبيل كاينة منها وكينوضو الصباح تاني كل يوم ونقعدو نسلمو ساعة كي نتلاقاو وشكرا

مساك الله بالخير و الهناء عزيزتي

والله بزاف عليك الشغل أيا ريحي و ديري رجليك في ماء و ملح و تعشاي مليح باه تتقوتي و تنجمي تنوضي غدوة لدوش و السيشوار

راني رديت عليك لما قريت مواضيعك و لقيت موضوعك على الإنشاء أو الوضعية الإدماجية فحبيت ننصح أختي العزيزة
أولا انحب انقولك بلي موضوعك ما حطيتيهش في مكان مناسب لوكان حطيتيه في منتدى التعليم الإبتدائي و هو أصلا موجود للشيخ عبد الناصر أمازيغ اسم الموضوع لماذا يعاني التلاميذ في التعبير؟؟؟
هذا هو الرابط https://www.djelfa.info/vb/showthread.php?t=1098778
ثانيا ... أختي سعاد في منتدى العام للمرحلة الإبتدائية كاين ركن مهم جدا "بكل تواضع أنا من إقترحه" و الحمد لله ثبته المشرف و هو ركن مفيد جدا اضربي طلة عليه و على كل المشاركات الي فيه لأني طرحت فيه مشكل التعبير أوالوضعية الإدماجية و جاوبوني المعلمين و الحمد لله ابني السنة الرابعة تحسن ياسر ياسر
هذا الركن هو "همزة وصل بين المعلم و الولي " كما قتلك في المنتدى العام للمرحلة الإبتدائية
و هذا هو االرابط انتاعه زوريه و ابحثي فيه تجدي فيه عن التعبير و عن القسمة و عن الإعراب و كل شيئ لن تندمي على زيارته أبدا
https://www.djelfa.info/vb/showthread.php?t=1080102

سامحوني حبيباتي خاصة انت يا سندوسة لأني خرجت عن الموضوع
لكن لمجرد الفائدة إن شاء الله تتقبلوها بصدر رحب و شكرا

[وفاء سعاد]

الله يباركلك في اولادك ويخليلك الزوج انتاعك راهو عجبني المنتدي بزاف ودرك نعود مانخرجش منو والله فرحت كى اهتميتي بالموضوع انتاعي راهو كان عندي مشكل مع بنتي التانية والثالثة ماقراتهمش المعلم كاين يبقي قاعد برك في القسم وانا اللي نقريها وحدى الان الحمد لله بدلتله المدرسة كامل وتهنيت المعلمة ماشاء الله بقالي التعبير فقط وراني في الليل نوجد السحور غدا نصوم انا والزوج انتاعي عرفة ماقدرتش نصوم 10 ايام وراني ماتعشيتش ندير الرجيم ناوية نقس شوية ماما قاتلي راكي مليحة بصح انا ماشى مقتنعة والغد نمسح الغبرة تاع البيوت كامل وجميع المرايات بالجرنان ومنضف الزجاج ونوجد السينية في للصالون وكاش خدمة غدا نكتب تطبيقي

[غربة أهل السنّة]

السلام عليكم و رحمة الله و بركاته

بارك الله فيكم ...أعجبني جدول الأعمال المنزلية

حفظكن الله

[وفاء سعاد]

اسعد الله صباحكم نضت علي 3تاع الصباح وجدت السحور وكي عادت 4 نوضت زوجي تسحرنا ومباعد صلينا وانا بقيت الانترنيت نقري في موضوع اختي اريج المسك ربي يزيدو في حسناتها نهار كامل وانا نحوس وجامي فكرت ندخل ليه وزيد رايحة نسيقا لكولوار الان علي خاطر جابوالكباش وحطوهم في الكراج تاع الجيران ايضا والاولاد طالعين هابطين رجعولي الدنيا ماتشافش والريحة واش نقولكم 10لتر صانيبو وجاقيل وماتروحش ويااريج زيماه الجافيل الرغوي وشكرا

[امجد14]

صباح الورد المفتح و العسل المكفح
صباح الخير عليكم جميعاااااااا
اليوم نهضت على الخامسة تسحرت ليه ليه انا و زوجى و صلينا و السابعة نوضت الاولاد للمدارس و الان الى العمل لى رجعة ان اء الله

[oummalak]

اسعد الله صباحكن في هدا اليوم المبارك تقبل الله منا ومنكم الصيام

بالنسبة لتطبيقاتي التنظيفية كالاتي

نضفت غرفة البنات ونظمت الخزانات ومسحت الباب والنافدة على خفيف لانها بنتى من 10ايام دارتلها تنظيف عميق

رحت لبيتي جبدت الكوفيرتات انتاع الشتاء وزدت نزلت كامل لفراش مسحت الخزانات انتاعو ورجعتو ومسحت الغبار انتاع بيتي مع الدوش وبيت الراحة اعزكم الله والكوزينة مسح خفيف الفطور لابو الشباب والاولاد لانني انا وبنتي صائمين

غسلت الملابس وانشرتهم لكن مازال ما طبقتهمش المغرب زربتني

الجانب الدينى تمام

الجانب الجمالي دوش وفازلين لكامل الجسم وسشوار ومكياج

اليوم نضت 4و 35د دوشت نوضت كامل الوليدات يتصحرو حتى دعاء فاقت بكري تقول عرفت هدا اليوم مبارك ما لازمش ترقد حتى التاسعة

جيت طليت عليكم ورانى رايحة نبدا شغلي ندير شوى قاطو ونطوى الملابس ونكويها ربي يعاونى ويعاونكم

[oummalak]

ربي يعاونك اختى ام امجد وكدلك اختى وفاء سعاد واله ماراك كبيرة انا تانى عندى 2ولاد و2بنات وسنى 36 سنة ويجينى بلي رانى عاد صغيرة هههههه

[~ حراير ~]

صباحكم بالخير و الهناء
على السريع برك جيت انشوف فيكم

وراكم ماشاء الله قايمين بها
أنا راني عقاب الطياب برك الدار مازالت انظيفة من أمس و راني مش ناوية نزيد انسيقها حتان غدوة بعد الذبح
ذرك شوية يجوني للأولاد اندوشهم و نبداو نستهلاو في رواحنا .....

أم ملاك غير ازربي روحك شوية عندك قضية بزاف ربي يكون في عونك حبيبتي

لعزيزة سعاد الحمد لله الي عجبك ركن همزة وصل ... مالي رانا نتلقاو فيه ساعة على ساعة
و الجافيل راهو قرعة نتاع 2 لتر بيضاء و مغلاقها أخضر غير قولي لصاحب المحل جافيل رغوي أو javal moussante و كاين الي يسميه جافيل تاع القش الملون "بصح عندك تصبيه على القش الملون راهو يفسخ" ما نعرف نقدر انقولك وش اسمو ولا لا المهم هو اسم """"سيدهم""" و كان حبت المشرفة تنحي الإسم

سندوسة كيف الأحوال حبيبتي و وش راهم حجاجنا الميامين ربي يجيبهم على خير و عافية سالمين غانمين اللهم أمين
تعرفي هاداك الرولي جاني روعة قريب ما تقابضولي عليه اليوم راني ناوية اندير منو و نزود شوية بصح راني بدلت درت فرماج قرويار جاني روعة و جا حاكم روحو يعطيك الصحة و في ميزان حسناتك

أيا باي باي امبعد إن شاء الله

[امجد14]

هاااااااااااى انا ام امد
رانى دخلت لقيتكم تهدرو على السن انا عندى خمسة اولاد مااشااء الله
و عمرى اربعة وثلاثون سنة جبتهم على بعضاهم فى بداية الامرنعبت بزااااااف لكن الان الحمد لله بديت نريح

[ام مريم الجزائرية]

السلام عليك يا الفحلات
راكم اكل صغارات ربي يطول اعمارنا في طاعته