الجزء 73lن واش طيبتي اليوم كوزينة النجاحات

[ladymillion]

دائمة الحمد الله يسلمك لحبيبة وانا تاني نموت على النيسلي مممممم والصابلي يذوب في الفم ومرمل يهبل ههههههه مانيش انا لي درتو باش ماتقولوش راهي حوحو ههههههه
وحقا الله يقوي اسينات ويسلكها بخييييييير ان شاء الله

سلامي لييييكم كامل

ام سهام بصحتك واش طيبتي يمممم يبالي نعاندك غدوة اذذا حيانا ربي للغدا ههههه

[ام صغيرة]

السلام عليكم أخواتي
راكم منورين ما شاء الله يعطيكم الصحة على الشهيوات
عجبتني الفكرة وبغيت ننضم لكم تحلو الباب عليا ولا نرجع من طريقي

[ladymillion]

ام صغيرة علاه نرجعوك
مرحبااااااااااااااااااااا بيك اختي وتشاركينا حتى انت بطيابك ونتعلمو منك اهلا وسهلا

[ام سهام 02]

اهلين ايمان الصابلي هااااااايل راه يبان يذوب في الفم ممممم وراني سرقت فكرة التزيين.

الكوزينة راه ناقصة عسى المانع خير

[مرام 1987]

الاه يبارك
يعطيكم الصحة يا الشاطرات راكم قايمين بالحطة هذو قاتوات وهذو خبز الدار وقتلني صحن الفواكه تاع أم سهام هاتي هاتي نهز عليك واقيلا عييتي منو راهو ثقيل عليك نموووووت على الكانتالو والباكووووور اممممممممممم بصحتكم
راني نشم في ريحة القاتو ما نعرف من عندنا ولا من عند الجيران هههههههه في كلتا الحالتين ما راحاش نذوقو وععععععععع
Imane mimicha ربي يحفظك ويسترك مشكورة على الدعاء وربي يصبرني على المرض ويشافيني ويشافي ماما وجميع مرضى المسلمين
السعيدة بجدارة ربي يشافيك ويعافيك
طومة و أم عبودة عاش من شاف ردودكما ومنورين الكوزينة بطلتكم ما تحركوناش من شوفة أطباقكم
Fatalim ري يشافي وليدك
Crono أهلا بيك معانا نورتي
دائمة الحمد ربي يسلك أسينات على خير وما تنسايناش بالباروك دبري راسك ما تقوليلي لا صور لا فيسبوك ما نحبش نعرف
ليدي بصحتك السلاطة والدجاج صراحة شفتهم الصباح وطنشت درت بروحي ما شفتش بويسك جعت هههههه
البقية صح ليكم واش طيبتو وواش كليتو وواش وجدتو وربي يعينكم على الميناج
أنا غدوة إن شاء الله عندي موعد عند الطبيبة راهو جبل على ظهري ما نحبش الفواياج وععععععععع ربي يصبرني ادعيولي تقولي راكي مليحة
بسم الله الذي لا يضر مع اسمه شيئ في الأرض ولا في السماء وهو السميع العليم

[fatimazahra09]

المشاركة الأصلية كتبت بواسطة ام صغيرة

السلام عليكم أخواتي
راكم منورين ما شاء الله يعطيكم الصحة على الشهيوات
عجبتني الفكرة وبغيت ننضم لكم تحلو الباب عليا ولا نرجع من طريقي

مرحبا بيك معانا
حتى انا عاجبتني الفكرة ونظميت للكبانية هادي العشية
والله فرجة وقصرة
على الكيف

[ام صغيرة]

ربي يخليك ladymillion

[ام صغيرة]

المشاركة الأصلية كتبت بواسطة fatimazahra09

مرحبا بيك معانا
حتى انا عاجبتني الفكرة ونظميت للكبانية هادي العشية
والله فرجة وقصرة
على الكيف

ترحب بيك الجنة اختي
ان شاء نفيدو ونستفادو

[ام سهام 02]

ام صغيرة اهلا وسهلا الباب راه مفتوح

[charolize]

المشاركة الأصلية كتبت بواسطة ام عبودة

مساء الخير
مبروك الكوزينة
على مولاتها والفحلات المعمرينها
مليئة بالنجاحات والافراح
اسمحولي داخلة بيدين فارغين

ليك وحشة ام عبود وش هدى الغيبة

[ام سهام 02]

ماري العزيزة هزي معي ونقسموه كتكون السخانة ناكل غيرالفاكهة باااااااااااااردة

ربي يشافيك وترجعي لنا بالاخبار السارة

[مرام 1987]

Charoliz وأم صغيرة أهلا بكما نورتو حبيباتي وحطولنا ما في جعبتكما من أطباق راكم منا وفينا درك
Kiya راني رجعت للوراء وشفت الحفلة الله يبارك ما شاء الله باينة تمتعتو وفرحتو ببنت خالك ربي يدوم الأفراح
أمسينا وأمسى الملك لله والحمد لله ولا إله إلا الله محمدا رسول الله

[charolize]

الله يبارك فيك اختى مارى فرحتنى ربى يسمعك خبار الخير غدا ان شاء الله عشيا اليوم شوربة وسلاطة بادن الله

[fatimazahra09]

المشاركة الأصلية كتبت بواسطة روضة 88

مساء الخير عليكم

اليوم كيعاد عيد ميلادي جيت ليكم قلت بلاك نلقا قاطوات و لا تارت و لا اكلات جديدة................

ايه مبروك عليكم الكوزينة الجديدة منيش مراجعة كاش غدوة باه نراجع على خاطر دارتلي بوشعيرة في عيني درتلها زيت عرب ماني نشوف والو

حقة راني عرست و تهرست و مرضت................

عيد ميلاد سعيد حبيبتي
العقوبة ل 100 سنة ان شاء الله
ربي يجعل الشفاء ان شاء الله

[مرام 1987]

أهلا روضة وعيد سعيد وربي يجعلك الشفا وبصحتك العرس
وينها خالتك إم ماجد راهي غايبة على الساحة المطبخية إن شاء الله المانع خير