مقتنياتنا الكهرومنزلية بالصور - الصفحة 9

ام عبد غفور · 2014-11-12, 22:28

شكرا اختي على النصيحة وانا اريد مند زمن شراء الة خياطة ولكن لااعرف اي ماركة هي الجيدة بحكم اني لااعرف استعمالها واريد التعلم عليها فارجو الى من يعرف ا الالة الجيدة و اامميزات التي توجد في كل الة ان تفيدني لاني ناوية ان احترف الخياطة واكسب الة تبقالي دائمة واستعملها في جميع الخياطات ارجو ان تفيدوني بالسعر

* دموع الشوق * · 2014-11-13, 14:31

سلام
أمي و أختي حابين بإذن الله يشرو وحدة
صديقة أمي خياطة راحت للعلمة لقاتهم 2 ملاين و نص اندهشت مسكينة كانت شرات 2 الات بقريب 4 ملاين للواحدة
الماركة الي راهم معتمدينها الخياطات راحلي اسمها نسأل أمي و نرجعلك بالخبر
إذا حبيتي تحترفي الخياطة هاذا واش لازمك ... ما تحوسيش على هاذوك تاع بكري
و نصيحة ادخلي لقسم التفصيل و الخياطة هناك محترفات ما شاء الله ينعتولك الي يناسبك
دمت بود

ام عبد غفور · 2014-11-13, 20:54

شكرا اختي وارجو ان تفيدني باسم الماركة والامتيازات التي توجد فيها

زينب 83 · 2014-11-14, 20:21

اختي ام عبد المغفور انا تاني ناوية نشري آلة غسيل الأواني وحده قريبة ليا قاتلي روعة ، قاتلي ربحت الوقت و صحتي و تاني البوتاجي دائماً نظيف و فرغان و الأواني يخرج وشايحين و معقمين انا رحت شفت ، و حسب ما شفت بلي lg هي لمليحة و أصلا انا جربت هاذ الماركة و لقيتها روعة

زينب 83 · 2014-11-14, 20:23

اما عن آلة الخياطة شريت وحدة هايلة غداً نحطلك الماركة و الصور اذا حبيتي

ام عبد غفور · 2014-11-19, 11:01

شكرا اختي زينب اتمنى ان تحطيلي الصور

zahra ayoub · 2014-11-24, 15:09

السلام عليكم اخواتي
حبيت نشارككم بقتنياتي الكهرومنزلية و مزاياها انا نم النوع اللي يسقسي مليح باش نشري والحقيقة لحد الان كلش عاجبني
اولا الثلاجة LG شريت تاع 7 ملاين تبرد هايلة نستعمل المستوى الثاني و في رمضان لانها معمرة نزيدلها حتى 5 من ناحية الحجم مليحة برك لازم تنظميها مليح باش ترفدلك بزاف
اما الكونجيلاتور رائع كبير و ما يديرشش الجليد خلاص

ثانيا التلفاز LG بلازما رائع فيه ديمو يعني تيليكوموند وحدة و نقصان خيوط ههههه و ثاني ما تخميش وين تحطي الديمو و ما نحكيلكمش على qualité d image روعة اشريتو ب 4 ملاين

ثالثا الغسالة LG
5 كغ رائعة

نقاء سريرة · 2015-12-02, 11:41

اقتباس:

المشاركة الأصلية كتبت بواسطة zahra ayoub

السلام عليكم اخواتي
حبيت نشارككم بقتنياتي الكهرومنزلية و مزاياها انا نم النوع اللي يسقسي مليح باش نشري والحقيقة لحد الان كلش عاجبني
اولا الثلاجة lg شريت تاع 7 ملاين تبرد هايلة نستعمل المستوى الثاني و في رمضان لانها معمرة نزيدلها حتى 5 من ناحية الحجم مليحة برك لازم تنظميها مليح باش ترفدلك بزاف
اما الكونجيلاتور رائع كبير و ما يديرشش الجليد خلاص

ثانيا التلفاز lg بلازما رائع فيه ديمو يعني تيليكوموند وحدة و نقصان خيوط ههههه و ثاني ما تخميش وين تحطي الديمو و ما نحكيلكمش على qualité d image روعة اشريتو ب 4 ملاين

ثالثا الغسالة lg
5 كغ رائعة

من فضلك اختي شحال من بوس فيه تلفاز كم .عندنا واحد صغير شريناه من عامين ب4ملاين و9مية وما فيهش الديمو

zahra ayoub · 2014-11-24, 15:20

اكيد تقولو هادى مهووسة بهاد الماركة ههههههه
لالا المبرد تاعي سامسونغ 12 عندو 5 اشهر هاذ الساعة راه مليح و الناس كامل شكروه انا اللي عجبني فيه البرود تاعو تحسوه طبيعي كان عندي واحد كرستور ما نحملش البرود تاعو نحس كلي راني في الفريجيدار هههههه

الكويزينيار ما عنديش بصح ناوية نشري .........اونيام
الناس كامل تشكر فيها
للحديث بقية .......
سلام