|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الطبعة العاشرة لدورة الرقي بمدبرة منزل مثالية
 |
|
|
أدوات الموضوع | انواع عرض الموضوع |
2012-11-20, 15:11
|
رقم المشاركة : 122 | |||
|
السلام عليكم و رحمة الله تعالى و بركاته
مينا و سعاد يعطيكم الصحة راكم جايبينها على لعقاب "يعني ورا بعضاها" والله يا مينا غير قتلتيني بالضحك و تعرفي لبنات راهم يحفظو خفت نضحك بالصوت يجو يجرو يحسابو بابااهم في ال***** أيا باش ما نلتيهمش قعدت نضحك في قلبي و نحرك في كتافي تقولشي نرقص في رقصة الغرب ما نعرف كي تسموها و راني هاداك العام رفعت الراية البيضاء أيا قوليلي منين راكي في مقابل نقولك وش يخدم مول الدار انتاعك راني عرفتو.. تفاهمنا؟؟؟؟ و حبيتك تذكريني وش يقرا ولدك لأني حبيت ننصحك على التعبير أنا ولدي حلي مشكل تاعو مع التعبير هو كراس الذكريات صنعتلو كراس جميل و زينتهولو من البرا و صار يكتب فيه كلشي كلشي تعرفي تحسن خطو و تعبيرو و حتى من ناحية الإبداع صار يرسم و يلصق و يزين بطرق رائعة كان عجبتك الفكرة نوضعلك بعض الصور تهزي فكرة عليه كي تخدمو بالبرودوي منا و جاي اشربو لحليب بارد من وراه ينقيلكم صدركم من المضار انتاعه |
|||
|
|
2012-11-20, 15:30
|
رقم المشاركة : 123 | ||||
|
اقتباس:
اسمي منى ربي يحفظك |
||||
|
|
|
2012-11-20, 16:15
|
رقم المشاركة : 124 | ||||
|
اقتباس:
شوفي في الليل ولا الصباح بكري تشللي الوبيا نتاعك وتعومي عليها الما وتخليها تنتفخ (مشي تخمر تطرى) ومبعد قلعيها من هاداك الما وديريها في ما بارد وخليها تغلي فوق الغاز وكل ما تبغي تنشف زيديلها الما حتى تشوفيها دخللها الطياب صفيها من ماها وخليها على جيهة من جهة اخرى ديري في كوكوت ولا الحاجة اللي غادي تطيبي فيها اللحم+حبة بصل مرابية+الثوم مطحون +الطوماطيس نتاع الحبة ولا مصبرة كي تبغي+الحرور والكمون(الملح حتى مع التالى)وديري عرش كرافس تاني هو يمنع الغازات+شويةزيت وشوية ما وخليهم يتقلاو ومبعد زيدي الم عادي وكي يخلله اللحم الطياب ديري اللوبة نتاعك مع حبة باطاطا مقطعة وحبة زرودية ولا تبغي اللفت قطعي حبة تاني وتاكلها اختي ووليداتها بالصحة والعافية |
||||
|
|
|
2012-11-20, 16:19
|
رقم المشاركة : 125 | ||||
|
اقتباس:
سلام |
||||
|
|
|
2012-11-20, 16:24
|
رقم المشاركة : 126 | ||||
|
اقتباس:
الا ماتفاهمناش هاكا قلتي تجبديني تجبديني هاهاها راني قربتهالك قلتلك مالغرب ومشي تلمسان ومشي الغزوات ومشي وهران ومشي غليزان ومشي معسكر اين انا ؟هاهاهاهاها صح قوليلي مولا دارك بوليسيي ولا جوندارم.؟ما تقوليليش ايميقري ولدي يقرى السنة التانية ابتدائي وراني استفاديت بزاف مالاختبارات اللي حطيتيهم بصح المشكلة نتاعه في هدرته يخلط العربية مع الفرونسي مع الدارجة ومايعرفش يركب جملة صحيحة والمدكرات راني درتهاله تاني هو(رانا نخممو كيف كيف) بصح كتبلي فيها بالدارجة شكرا على النصيحة نتاع البرودوي بصح للاسف ما نقدرش نشرب الحليب (ما نبغيهش) |
||||
|
|
|
2012-11-20, 16:29
|
رقم المشاركة : 127 | ||||
|
اقتباس:
مارسي حنونة حتى انا والله يلا دخلتي gلبي(تاني نتي عطيتيني فكرة نتاع الg) 
|
||||
|
|
|
2012-11-20, 16:33
|
رقم المشاركة : 128 | ||||
|
اقتباس:
بصح ماقلتيلييييييييييش منين تعرفي اسمي هاهاها حكمتك |
||||
|
|
|
2012-11-20, 16:52
|
رقم المشاركة : 129 | |||
|
تعيشي اختي اميينة على الوصفة وراكم قاعدين تمدو في اسمائكم الحقيقية انا تاني اسمي الحقيقي وفاء وكي تعيطولي بيه نحس بالي تحكيو معايا انا تاع الصح وسعاد الزوج انتاعي هو اللي زادو على خاطر هو اللي سجلني في المنتدى وكتب اسمي وزاد هداك الاسم |
|||
|
|
|
2012-11-20, 19:55
|
رقم المشاركة : 130 | |||
|
 كيف احوالكم يا نحلات يا نشيطات.... بديت اليوم نطبق البرنامج و الله المستعان الجانب الديني الحمد لله الصلاة و الاذكارو الورد وعقبا ل ان شاء الله صلاة الضحى و الصيام لحقت 7.00 نوضت لولاد و طيبت القهوة و لاتاي كل واحد واش يحب يشرب ..فطرو و خرجو امالا بديت نلم في الدار اولا الصالة رفت الفراش و نفضتو و مسحت الغبرة و مسحت الباب و رحت للهول رفت الزربية و نفضتها و مسحت التلفاز و البيبليوتاك و كي جيت نمسح الميكرو شعلتو و شغلت سورة البقرة يا رب يا رب نحفظها و مسحت التيليفون.....و كنست كلشي باش نفوت الجفافة (حاشاكم) . قبل لا نبلل الارض ناضت بنتي الصغيرة ملاك ...ديتها غسلت ليها و جبتليها فطرت و بدلتليها و مشطتليها و درتليها طيور الجنة و خليتها تتفرج.. ورجعت رشيت الارضية بالماء و الجافيل و نشفت حتى و صلت للدوش ؟؟؟ نقعت لافابو ما عنديش بينوار... ونقيت لمرايا اه لمرايا كي شفتها تفكرت الجانب الجمالي ...ما عليش نخليوه حتى نكمل....وين كنت....واه ...نقيت الحنفيات وسدفت لي طاجات نتاع الشومبوان و الصابون... و حكيت لافابو و (الطوالات) سمحولي... و حكيت الارضية و نشفتو و عطرتو.و الان غرفة النوم..نفضت الغطاوات و نشرتهم في السمش..و مسحت الموبل و طويت غير جيهة من الماريو وهويت التاقة و خرجت و خليتها لاني مازال ما دخلتش للكوزينة امالا رحتليها و بديت ندير لغدا نصبت اللحم و الجلبان في الكوكوت و درت البطاطا تفور و غسلت ماعين لفطور و نقيت البوطاجي و غسلت الباب نتاع الكوزينة و سيقتها و سيقت الحوش معاها راهي 11.30 رجع ولدي من ليكول عطيتو يشري الخبز و فرشت الصالة و الهول و تغدينا و راح الراجل يخدم ... اليوم الثلاثاء ما يقروش لعشية ديت لبنات و رحنا للحمام كي رجعنا وجدت قهوة لعشية و بديت بالجانب التربوي ولدي عندو غدوة فرض الرياضيات و الخميس فرض اللغة امالا وجدتلو التمارين و راجعتلو شويا (لخرين يقراو وحدهم) و كي يجي باباهم يراجعليهم.....و دخلت للكوزينة درت لعشا يطيب (الطعام بالحليب) و جيت نكتب و نخبركم واش درت في يومي الاول و راني عارفة بلي ما درتش تنظيف عميق...لكن راكو تشوفو الوقت و راني معولة كل يوم نظف و نرتب حاجة غير بالشويا راني نسلم عليكم وحدة وحدة و نقول ليكم ربي يعاونكم |
|||
|
|
|
2012-11-20, 20:17
|
رقم المشاركة : 131 | ||||
|
اقتباس:
و بالنسبة لموضوع واش طيبتي اليوم رايحة نحييه ان شاء الله ...عندي مشكل برك في البورطابل كي يتحل المشكل رايحة تشوفي اللي يفرحك البارح بعدا درت وصفة ام رام نتاع الطون و البطاطا جا رائع و درت اللحم مطبوخ بطيقة جديدة نسيت شكون دارتو خرج روعة و ضاعو لي الوصفات بلاما نصور و الله اسعدني ترحيبك بيا |
||||
|
|
|
2012-11-20, 22:01
|
رقم المشاركة : 132 | ||||
|
اقتباس:
وعليكم السلام و رحمة الله تعالى و بركاته أختي سمراء اسمك رائع أعجبني كثيرا منين لقيتيه ؟؟؟ أنا رغم أني نقرأ في كل المشاركات لكني لم أرى مشاركاتك من قبل ... راكي جديدة معانا؟؟؟؟ أولا بصحتك الحمام و تعاوديه بالصحة و الهناء عجبوني تطبيقاتك بزاف لكني حسيت بالتعب تاعك راكي قضيتي بزاف اليوم .... لكن إذا كنت كيفي كي نظف داري من الفرحة يطلعلي المورال و نعود مش حاسة بالتعب و زيد الي يملي فراغو بأشغال بيته و وليدلاه خيرلو بزاف من أنه يشتغل بالناس و كما يقول المثل "من راقب الناس مات هما" الله يحفظنا و يسترنا دنيا و آخرة راني حبيت انكمللكم تطبيقاتي راني هاد وين كملت المراجعة مع السنة الرابعة عنده دفوار الرياضيات و الفرنسية غدوة و بعد غدوة عند اللغة راه ماعلاباليش وش بيه خايفة ادعولو ربي يوفقهم و ينجحهم و يسهل عليهم الصعيب و يردلهم قرايتهم و يزيدلهم علم من عنده آمين اما بنتي السنة الثانية فساعدتها كتبت بطاقة تهنئة لمعلمتها رسمت قلب و قصاته و زيناته و كتبت التهنئة و امبعد لصقاته في الكراس انتاعها و راجعت شوية الرياضيات و حفظت أنشودة الشرطي أما السنة الأولى فحقرناها مسكينة عطيتها الميكرو و قلتلها تلهاي فيه لعبت في برنامج قطار الحروف و امبعد كتبت رسالة لكل واحد فينا كي قريناهم متنا بالضحك كتبتلنا ماما + باب يحبن بعضة اساداقا و الشاطرة فيكم تفك الشفرة و عموما هاد هي دائما الرسالة تاعها و كل مرة نصححلها لكن تعاود تخطأ عموما ضحكنا حتان شبعنا و تقدرو تقولو درنا اليوقا تاع الضحك حتان جنابي و فمي وجعوني من الضحك و زدنا صفقنا عليها و على السنة الثانية على بطاقة التهنئة لجميلة و بدون أخطاء املائية من ناحية التربية خبرتهم اليوم على الصدق كيف يكون منجاة لنا و هنا تفكرت بنتي قصة الرجل الذي يحمل المال و مسافر مع الجماعة و قاطعوهم قطاع الطرق و قعدت تحكيلنا بالشوووووووووووية فيها و أنا كنت نغسل في الأواني و هوما قاعدين يديسرو درتلهم سلطة فواكه و كثرتلهم من الفواكه المجففة قالولي امليحة ليهم صلاو وغسلو طرافهم و سنيهم و رقدو ربي يحفظهملي و يطولي في عمري حتان يذوقني ربي فرحة نجاحهم اللهم آمين ليا و لكامل المسلمين و مباشرة جيت للميكرو ماحبيت نزيد نقضي والو راني حاسة عقدة بين كتافي من التعب قلت انريح روحي و درك انخليكم على خير راني رايحة لهمزة وصل نضرب عليها طلة و انتوما ثاني أرواحو زوروني فيها تستفادو و تفيدوني بتجاربكم https://www.djelfa.info/vb/showthread.php?p=12218807 اللهم رب السماوات ورب الأرض ورب العرش العظيم ربنا ورب كل شئ فالق الحب والنوى ومنزل التوراة والإنجيل والفرقان أعوذ بك من شر كل ذي شر أنت آخذ بناصيته اللهم أنت الأول فليس قبلك شئ وأنت الآخر فليس بعدك شئ وأنت الظاهر فليس فوقك شيئ وأنت الباطن فليس دونك شئ إقض عنا الدين وأغننا من الفقر اللهم أنت خلقت نفسي وأنت تتوفاها لك مماتها ومحياها إن أحييتها فاحفظها وإن أمتها فاغفر لها اللهم إني أسألك العفو والعافية اللهم عافني في ديني و دنيايا و آخرتي اللهم أسلمت نفسي إليك ووجهت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك آمنت بكتابك الذي أنزلت وبنبيك الذي أرسلت بإسمك اللهم أموت وأحيا بإسمك اللهم وضعت جنبي وبك أرفعه إن أمسكت روحي فارحمها وإن أرسلتها فاحفظها بما تحفظ به عبادك الصالحين الطاهرين و زيدو شدو السبحة و سبحو أو استغفرو حتان ترقدو و خلوها اطيح وحدها من يديكم يجيكم نوم هاني و مريح تصبحو بخير و بصحة و هناء و تقاء |
||||
|
|
|
2012-11-21, 07:38
|
رقم المشاركة : 134 | |||
|
راهم الاولاد درك واين خرجو راهي الدار كالم راني خلصت الواجب الدينى انتاع الصباح الجانب الجمالي حتى نفطر وندبرو يعني فى المساء على خاطر راني صايمة الجانب التنضيفي راني رايحة نديرو وقلت ندخل شوية للنت باه نرتح من الجري انتاع الاولاد ونوض للدنيا |
|||
|
|
|
2012-11-21, 07:49
|
رقم المشاركة : 135 | |||
|
السلام عليكم و رحمة الله تعالى و بركاته
يصبحك بالخير و الهناء يا وفاء كيف أصبحت حبيبتي أصبحنا وأصبح الملك لله وحده لا شريك له له الملك وله الحمد وهو على كل شيء قدير أعوذ بالله السميع العليم من الشيطان الرجيم من همزه ونفخه ونفثه بسم الله ذي الشأن عظيم السلطان شديد البرهان قوي الأركان ما شاء الله كان أعوذ بالله من كل شيطان أنس وجان اللهم أني أسألك خير هذا اليوم فتحه ونصره ونوره وبركته وهداه وأعوذ بك من شر ما بعده اللهم لا تدع لنا ذنبا إلا غفرته ولا عيبا إلا سترته ولا هما إلا فرجته ولا ديناإلا قضيته ولا حاجه من حوائج الدنيا و الآخرة هي لك رضا ولنا صلاحا إلا قضيتها ياأرحم الراحمين وصلي اللهم على محمد وعلى آله وصحبه أجمعين اللهم ارزقناالجنة وحسن الخاتمه وأعذنا من النار وعذاب القبر اللهم اني اصبحت اشهدك و اشهد حملت عرشك وملائكتك و جميع خلقك انك انت الله لا اله الا انت وحدك لا شريك لك وان محمدا عبدكورسولك اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه يا رب العالمين الهم آمين ليا و لكل المسلمين صحاباتي و حباباتي و خواتاتي كيف أصبحتو راني استفقدت أم ملاك امبارح ما بانتش إن شاء الله المانع خير و سندوسة ثاني راهي طولت الغيبة إن شاء الله تكون بخير و على خير ... الظاهرة فعلا جا راجل و داها علينا هيهيهيهيه حق قولولي وش هاد الماريو الي في غرفة النوم راني ما فهمتوش حبيبتي وفاء وش راح اطيبي راني كنت ناوية نخرج نشري الحوت و نطيبو لكن كي طليت على البرنامج لقيتو شارجي و أنا هاد وين راح نبدا فقلت نبدل المينو فقوليلي وش ناوية نعاندك و والله يا وفاء غير نحبك تقولشي نعرفك من سنوات ... ربي يدومها محبة و ربي يلاقينا كامل في الجنة آمين |
|||
|
|
|
| الكلمات الدلالية (Tags) |
| مثالية, لدورة, أوسم, الرقي, العاشرة, الطبعة, بمدبرة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
