لنتشارك للتحضير بهدوء للشهر الفضيل

[mereyoucef]

يا ريت الاخت رتاج عاي تعطينا وصفة عصير المشمش و كيفية تجميده شكرا

[أم شيماءْ]

مساء الخير عليكم
من فضلكم قولولي كيفاش نجمد القرنون والف شكر

[oum ibrahim]

السلام عليكم من فضلكم هل ممكن نجمد الفراولة و اذا ممكن الي عندها طريقة مجربة و مضمونة تفيدنا بيها مشكورة

[حورية الحر]

صباح الخير عليكن اخواتي في الله ربي ايبارك في لمتنا وياجرنا
اما عن اختي اوريسيا عن كيفية تجميد القرنون فانا اعتمد هده الطريقة ولك الخيار
قومي بتنقية القرنون وضعيه مباشرة في ماء فيه ليمون لكي لا يسود
ثم غليه لمدة دقيقة ولما يبرد ضعيه في اكياس والى المجمد

[حورية الحر]

صباح الخير اختي ام ابراهيم
كيفية تجميد الفراولة
قومي بوضع الفراوله في الماء حتى تسقط الاتربه منها ثم انزعي التاج الاخضر
وقطعيها ثم اضيفي لها السكر السكر يجعلها تصبر في المجمد ولا تفسد
ثم ضعيها في البورت مونجي وضعي التاريخ اعليها تصبر ثلاثة اشهر

[oum ibrahim]

المشاركة الأصلية كتبت بواسطة حورية الحر

صباح الخير اختي ام ابراهيم
كيفية تجميد الفراولة
قومي بوضع الفراوله في الماء حتى تسقط الاتربه منها ثم انزعي التاج الاخضر
وقطعيها ثم اضيفي لها السكر السكر يجعلها تصبر في المجمد ولا تفسد
ثم ضعيها في البورت مونجي وضعي التاريخ اعليها تصبر ثلاثة اشهر

مشكورة ربي يخليك اختي هل ممكن نحتفظ بها حبات كاملة يعني نرشها بالسكر و هي صحيحة و نحفظها في العلب ما يصرالها والو؟

[حورية الحر]

اما بالنسبه للمشمش قومي بغسله ثم ضعيه في الماء الي يغلي نصف دقيقة
ثم ضعيه في الماء البارد الي فيه لاقلاص مباشرة وانزعي القشرة بسهولة قطعيه اضيفي القليل منالسكر
ثم ضعيه في علبة والئ المجمد
تقدري تحتفضي بيه مدهسته اشهر لانه مبستر
والطريقه الثانيه طيبي المشماش كيلو مع لتر ماء معدني
مدة ربع ساعة عندما يبرد ارحيه مع كاس سكر حسبه الرغبة في الطاس انتاع الروبو
ثم احتفضي بيه علب في مجمد الى حين استعماله اضيفي له الماء والسيد سيتريك
وبالهناء

[حورية الحر]

مشكورة ربي يخليك اختي هل ممكن نحتفظ بها حبات كاملة يعني نرشها بالسكر و هي صحيحة و نحفظها في العلب ما يصرالها والو
اختي السكر يجعل الفراوله اتخرج الماء انتاعها لدلك نعتمد الطريقه هادي كي اندير العصائر او سلاد دو فروي او بعض انواع الكيك

[بيلسان11]

السلام عليكم
اليوم وين شفت الموضوع. بارك الله فيك أختي ام راضية على الموضوع و فكرة الحصالة راهي هايلة. و بارك الله في كل الأخوات.
أنا اول رمضان ليا وحدي لهذا تحضيراتي لا تختلف عن تحضيرات معظم الجزائريات. بصح انا نخبي الا الجلبانة و القرنونة الفول في الكونجيلاتور.
لوازم طاجين الحلو نشريهم قبل و نخليهم في الخزانة مع المواد الأخرى.
ألفت انتباه الاخوات برك راني ناوية نخدم الفطير قبل رمضان بسمانة باذن الله و نخبيهم في الكونجيلاتور خاصة انه الطبق المفضل للعائلة في العيد. و مع السخانة و الصيام واش نقولكم العام اللي فات نهار درتو مع عجوزتي ليلة العيد قاسيت و عطشت بزاف و هو في الأصل يدي الوقت بزاف.
ممكن نصيحة لاخواتي الفلفل الأسود ممكن نطيبو بيه و هو حبات أحسن لانه له مضار كي يعود مسحوق بودرة يلتصق بجدار المعدة و الامعاء و مع الصيام لتفادي الامراض المتعلقة بالأكل.
الفريك راح نشري بأذن الله كيما يبداو يبيعو في الجديد لانه اللي يتباع في وقتنا راه تاع العام اللي فات.
لي عودة للموضوع

[kokotg]

السلام عليكم
بالنسبة للعجينة المورقة نخدمها عادي ونقسم العجينة على حساب الكمية اللي نستعملها نغلفها بالبلاستيك الغذائ مليح نلفها مليح باه ما تدخلهاش ريحة الكونجيلاتور وفي رمضان نخرج من الصباح
اما المدة نخبيها قبل رمضان تقريبا بشهر
اللهم بلغنا رمضان

[حورية الحر]

حنونة حبيت نسقسيك لما تغليه بالقشور ما يجيش مر لانو جربتو مرة بالقشور وجاني مر
[color="purبالفعل الجي انتاع الشينةه الطايبه اتعود فيه مرارة بدرجات يعني على حسب نوع الشينة الي عندك
نتمنى انكون افدتك اختيple"]اسمحيلي عزيزتي انجاوبك اعلى استفسارك[/color]

[رتاج علي]

السلام عليكم، أختي mereyoucef اعتذر عن التأخير لم ادخل النت،اما عن طريقة حفظ المشمش فااكد لك انها طريقة ممتازة، وقد جربتها بنفسي و هي طريقة سهلة جدا، تنزعين النواة (العلفة) وتضعية في الكسكاس افور مدة 5 دقائق الى اكثر بقليل المهم يصبح طري، بيدك تعرفي،تخليه يبرد ثم ترحيه بالمولينكس أو رحاية اليد، انا درتوا بالمولينكس، كل 8 ملاعق ديريهم في صاشي، او علب بلاستيكية، و خبيهم والله ذوقها رائع خاصة في رمضان و منعش، الوصفة تقول 8 ملاعق لكل لترين ولكني درتو لكل لتر، ان شاء الله تكوني استفدتي، انا مزتلوش الليمون اذا تحبي زيديلوا و تصبحين على خير أخية.

[mereyoucef]

[QUOTE=رتاج علي;1052303073]السلام عليكم، أختي mereyoucef اعتذر عن التأخير لم ادخل النت،اما عن طريقة حفظ المشمش فااكد لك انها طريقة ممتازة، وقد جربتها بنفسي و هي طريقة سهلة جدا، تنزعين النواة (العلفة) وتضعية في الكسكاس افور مدة 5 دقائق الى اكثر بقليل المهم يصبح طري، بيدك تعرفي،تخليه يبرد ثم ترحيه بالمولينكس أو رحاية اليد، انا درتوا بالمولينكس، كل 8 ملاعق ديريهم في صاشي، او علب بلاستيكية، و خبيهم والله ذوقها رائع خاصة في رمضان و منعش، الوصفة تقول 8 ملاعق لكل لترين ولكني درتو لكل لتر، ان شاء الله تكوني استفدتي، انا مزتلوش الليمون اذا تحبي زيديلوا و تصبحين على خير أخية.[/QUOTEشكرا الله يحفضك ]

[amina nourhanne]

و الله فكرة هايلة هكدا كل واحدة تخبي بغرضها انا عن نفسي هادا هو عامي الأول في داري خبيت الحميصة، الليمون و الرفيس و حبيت لوكان نعرف كيفاه ندير للتين les figues و المشماش عندي 3 شجركرمات و واحدة مشماش في داري bien sur نمد لكامل la famille و ندير شوية للمعجون حبيت نعرف كيفاه ننشفو باش يجي كيما لي يتباع و شكرا على الموضوع المفيد

[ام ظافر]

اخواتي الي سالت على تجميد الفرولة والمشمش نعطيكم طريقتي وهي مجربة لعدة اعوام و هذه الطريقة تصلح للعصير او سلطة الفواكه او لتزيين الطرطات والله على ما اقول شهيد
تنظفي الفرولة تاعك عادي وتمسحيها جيدا كل حبة كاملة لوحدها ثم تضعيهم فوق بلا او سني ودخليهم للمجمد وبعد ما تجمد ضعيها في علب والغرض من وضعها فوق سني تجمد لوحدها حتى لما تجمعيها في العلب ما تلصقش وتحافظ على شكلها ولما تحبي تستعمليها تقدري تستعملي العدد الي تحبيه بدون ما يكون لاصق في بعضاه
ولكن تستعملي هذه الفرولة مباشرة من المجمد للطبق يعني ما تخليهاش تقعد حتى تذوب وتولي طرية يصعب عليك استخدامها في حين لما تكون باردة تقدري تقطعيها بالسكين
مثلا لما نوجد سلطة الفواكه اخر شيء نقطع حبات الفراز المجمد وهو في سائل السلطة راح يتجانس
اما المشمش اغسليه جيدا و انزعي النوى ومباشرة حطي مقدار رطل في كل كيس لا تغليه ولا تطيبيه وحطيه في المجمد
لما تحبي تستعمليه في سلطة الفواكه استعملي نفس طريقة الفراز اما اذا تحبي تستعمليه عصير اجبدي كيس واحد وحطيه في رطل ماء يغلي معاه مدة 15دقيقة ثم ارحيه وزيديلو السكر والماء حسب الذوق وكذلك علبة ياؤورت ذوق مشماش وحطيه يبرد مليح
رطل مشماش يعملي تقريبا 2لترات عصير
والله عندي الان في المجمد مشماش باقي من العام الي فات ولونو زاهي ونعمل بيه العصير احيانا او في السلطة او نزين بيه الترطات
ملاحظة
شيء مهم ما تكثريش من فتح المجمد لانو راح تفقد الفواكه لونها وممكن تسود مثل ما حدث مع امي اصبح مشماشها لونو برتقالي داكن يعني تفاعل مع الهواء وتاكسد لانها دار العائلة وكل واحد يفتح المجمد عكس مشماشي انا بقى برتقالي زاهي لاني يد واحدة في الدار ماشي بزاف


هذه

صورة مثلجات كنت عملتها بمشماش وفراز مجمد ولونهم يدل على ذلك