تجهيزاتنا للشهر الفضيل

[crono]

المشاركة الأصلية كتبت بواسطة sali kanouza

السلام عليكم ورحمة الله تعالى وبركاته
ان لله وان اليه راجعون قلبي تقطع على الحادث الاليم ربي يرحمهم ويجعل مثواهم الجنة
وربي يصبر اهاليهم

المشاركة الأصلية كتبت بواسطة samophisique

السلام عليكم احمد الله ان المنتدي قبل دخولي هذه المرة شكرا للاخت صاحبة الفكرة و بورك فيكن سوال فقط كيف نصبر القارص و عصير البرتقال عن تجربة شكرا مسبقا لكل من تكرمت بالرد

وعليكم السلام سمحني اختي غدا ان شاء الله نحطلك موضوع والله كنت موجدة موضوع قلت اليوم نحطو من شفت خبر الطيارة تع العسكر لي طاحت ..حبست .

المشاركة الأصلية كتبت بواسطة جهينة اليقين

انا لله وانا اليه راجعون ربي يرحم شبابنا ويصبر دويهم على هذا المصيبة والله بكاونا شباب كي الورد لاحول ولا قوة الا بالله

رسالة من عسكري
كلنا جيش شعبي الوطني كلنا سنترحم على شهدائـنا الابرار
إنا لله وإنا إليه راجعون ترحمو عليهم 😰😰
اللهم أرزق أهلهم الصبر يارب


ربي يرحم شهداء الجزائر خوتنا وااولاد بلادنا وربي يصبر ذويهم

[حياتي كلها امل]

السلام عليكم انا مادرت والو اليوم فشل فيا كلش من حادث الطائرة ربي يرحمهم ويصبر اهاليهم يارب

[ام صفصف]

ربي يرحمهم ويصبر اهلهم، والله يقطعو القلب، قدر الله وماشاء فعل

[امونة الشاوية]

مبادره قيمة ربي ريبلغنا رمضان علي خير وعافيه

[arwa alaa]

صباح الخير فراشات

[جهينة اليقين]

صباح النور اروى اهلا فراشات

[omelbanin]

صباح الخير عليكم ،
انا البارح نهار كامل وانا مخنوقة من هذاك الحادث ،واليوم الصباح زدت شفتهم انفجرت بالبكاء،بكيت ،باش ارتحت شوية .ربي يرحمهم.

انا اليوم راح انظف غرفة الاولاد .يومكم موفق.

[samophisique]

شكرا اخت سالي والله صح الفاجعة الاليمة التي المت بركاب الطاءرة اطبقت ايدينا و افقدتنا تركيزنا ان للله و ان اليه راجعون والهم ذويهم الصبر والسلوان

[omelbanin]

هيا لبنات وين راكم ،الانسان في هذه الدنيا يمر بمصائب يحزن ولاااازم ينفس عن الحزن بالبكاء ،ما يكتمش المشاعر ،وبعدها لازم نولو الحياتنا الطبيعية ،لانو الحياة لازم تستمر.
لذا كل وحدة منا تنوض و تكمل اشغالها .
انا اليوم فرزت خزانة الاولاد ،وغسلت حايك تاع الصوف،قلت مادام الريح ينشفلي .

[arwa alaa]

يعطيك الصحة ام البنين
انا اليوم امين النعناع ونفضتو ورحيتو للجاري هذا واش درت

[ام هزار]

اهلا لبنات جهينة كرونو اروي ام هاجر ام هارون ام صفصف سالي كنوزة قريوجة
امونة صامو فيزيك و اللي نسيتها تسمحلي
كيما علابالكم الخبر المفجع شلنا تفكيرنا يا رب يرحمهم برحمتو الواسعة ويبدل محبتهم بالصبر و السكينة و الرحمة امين
في اطار سلسلة التحضيرات بادن الله رايحة في نهاية الاسبوع هدي نصبر الطماطم على طريقة زينب 83 ربي يحفظها كنت جربتها فيما مضى و كانت النتيجة هايلة و حتى تتحط خارج الثلاجة يعني ما تحكمش لبلاصة بحكم انا ما نستعملش الطماطم المصبرة
خبيت شوية قارس و برتقال و زدت شفت في قناة اسمها كوزينة حنان كيفاه تحتفظ بالقارس في الثلاجة و يدوم حتى 6 اشهر هي تستعما ورق الالمنيوم و انا شكني الحال بصح قلت ما دام ما يلامسش الحرارة ميش رايح يكون تفاعل و بالتالي راهو امن على الصحة
بالمناسبة شكون هدي ابتسام يا اروى عرفينا بيها
بادن الله رايحة نشري مجموعة تاع قدور ستانلس نكمل بيها واش عندي لاني من مدة تخلصت من الالمنيوم
نشري بيكاربونات بالميزان نحتاجها في التنظيف
عندي مشكل عويص و هو اني نحب الحلويات خاصة المعسلة منها و لقيتش البديل الدكتور الفايد هبلني ما قدرتش نوجد لوازم التحليات و القلب الوز كي نزيد نتفكر حاجة اخرى راني ندخل تحياتي ليكم جميعا و ربي يعاونكم

[ام هزار]

حقا نزيد نوصي راجلي على زيت عرب او زيت زيتون رايحة تخلاصلي العولة تاعو
ناوية بادن الله نختم قراءة وترتيل القران في رمضان 3 مراتالى جانب بعض الامور الدينية الاخرى ربي يعينا فقط
اللهم بلغنا رمضان لا فاقدين و لا مفقودين امييين

[قرويجة]

السلام عليكم فرشات
اليوم فصصت الثوم مراحش نرقد عندي قيس ما نستعمل في رمضان و رتبت بلكار الكوزينة شوي على الناشف غدوى بإذن الله نكملو

[جهينة اليقين]

سلام لبنات ليوم كانت عندي خرجة يعني ما درت والو كل نهار وبراكتو لكن اديت واجب وصلة رحم

[جهينة اليقين]

لبنات شكون الي دارت شحيحة كيم العام الماضي الي درناها مع ام تينة لشهر رمضان لمساعدة الفقراء