الجزء 136 من واش طيبتي اليوم *فلنغتنم عشر المغفرة*

[ام الاشبال]

صباح الخير على الجمع ونتمنى الشفاء لكل المرضى وربي يدوم كل الفراح وينجح كل الطلبة [ اخت ام محمد تاج ادا ممكن تنعتينا طريقة المناديل اللطبقت بها سرافت عرس سلفك الاخت اسمهان ادا كان ممكن كواليس الطهارة

[ام طيري الجنة]

ام ساجد صباح الانوار امممممممممممممم على واش حطيتي كي العادة كلش يشهي الله يبارك و يزيد
ام الاشبال صباح الانوار و كيف الاحوال
حبيبتي سماح با روكي راح يكون فطور نتاع الايام الماضية اللي كنت حطيتة بلا شرح او بلا عناوين اليوم راح نديرلو عناوين
هذا خبز الكوشة و معاه خبيزات صغار بعجينة العشر دقائق و درتلة زيت الزيتون و الزعتر من الفوق و بسطتو و جا مقرمش مع الحريرة اممممممممممممممممم حتى زوجي عجبو على البنة و التقرميش


و هذي ميني بيتزا و مقبلات بعجينة العشر دقائق





سمك الميرو( merou) في الكوشة امممممممم




الدجاج في اكياس الشواء ودرت معاه طبقين مرافقين وحد بالفارميسال مفورة و مسقية وواحد بالشومبينيون


و بطاطا اللهلوبة ربي يرجعهالنا بخير و على خير

خبز الكوشة مرمد في لاشابلور

و ختامها تحلية بعصير البرتقال و الفلون فاني


و الحمد لله على النعم

[زهرة الريف*]

بسم الله والحمدلله




الحمدلله حمدا كثيرا

[أم ماجد]

اهلا ام ساجد
تفاهموا البارح رجالتنا على اللوبيا يا درا زوجك كلاها ؟
الشيخ كلاها وقال اممممممممم خخخخخخخخخ
واش هاذي ؟


الريفية كل شئ يشهي والدجاج ماخلاش يعطيك الصحة
ام نسرين السمك رايح يمطق سخفت عليه

[ام طيري الجنة]

الريفية بصحتكم كلش اممممممممم و امممممممممممم يعطيك الصحة و الله يبارك

[دائمة الحمد]

صباح الخيرات يومكن عزيز مبارك
دخلت على خيرات ام طيري الجنة والريفية وام ساجد ماشاءالله ربي يدوم النعم
ام نسرين اول البارح كان لك نصيب الاسد من الدعاء وربي العالم
كانش اخبار على والد عزوفة ربي يشفيه ويعافيه
اوريسيا شكرا على الثقة والتطبيق
ام امنية ربي يخليلك لبنات والتارت راهي هايلة وقوليلها ما يضحكوش عليك لبنات حتى هوما راهم تحت التدريب
يومين ماجتنيش العين الماء بح فرغ الريزرفوار وكلش تم راني نسنى فيها

[دائمة الحمد]

ام ساجد التحلية بالشرح والتفصيل ههههههه وبصحتكم
لبنات حبيت نقول ليكم حاجة العشر الاوائل فاتت ورانا في العشرة الثانية نقيموا انفسنا ونشد الهمة اكثر رانا في عشرة المغفرة ولنكثر من الدعاء
نخليكم عندي اشغال ونشوف الماء الاكان ظهر
امي ربي يشافيها ههههه تقول لي ديمة عندك اشغال ما تمش ربي يعينا يارب لا تنسين حبيباتي الذكر والاستغفار والصلاة على النبي نذكروا بعضنا البعض باش مانتهاونوش

[ام الاشبال]

كنت اتمنى نحط طيباتي المتواضعة لكن للاسف معنديش كاميرا وبورطلبلي عادي جدا

[دائمة الحمد]

معليش حبيبتي حضورك يونسنا وكي تسفادي منا ونستفادو منك نعمة
من بعد ان شاءالله لبنات ربي يعينكم ويقويكم

[ام لجين و فيصل]

السلام عليكن و صح صيام الجميع
اللهم اشفي والد عازفة و ارفع عنة الضر و الباس
من فضلكن اخواتي الكريماتة شكون اللي تقدر تعطيني رابط لي تارتولات انتاع زينب 83 حابة نجربهم

[ام طيري الجنة]

ام ماجد العزيزة لوكان جيتي قريبة نشبعك حوت
دائمة ربي يبارك لي فيكم يا احلى اخوات راني انا تاني ادعيتلكم ربي ينولكم اللي في بالكم تستاهلو كل خير يا الحبيبة و ربي يعينك على الشغالات و فعلا مين ما يكونش الما نتكنفو ربي يهديهم و يطلقوها
و بالنسبة لنصيحتك فعلا ربي يقدرنا باش نغتنمو من هذ الشهر الكريم و ما نخرجوش منه فارغي الايدي ان شاء الله ناخدو توبة وز مغفرة و عتق من النار و الذكرى تنفع المؤمنين اختي بارك الله فيك
بوبال حبيبتي ربي يرزقك باحلى بورتابل و تشبعينا صور ماعليش الان اعطينا غي الموني نتاع كل يوم باش تعاونينا بالافكار
انا تاني نروح لشغالاتي الكثييييرة ربي يعينا

[ام طيري الجنة]

المشاركة الأصلية كتبت بواسطة Ethnobotanique

السلام عليكن و صح صيام الجميع
اللهم اشفي والد عازفة و ارفع عنة الضر و الباس
من فضلكن اخواتي الكريماتة شكون اللي تقدر تعطيني رابط لي تارتولات انتاع زينب 83 حابة نجربهم

و عليكم السلام اتفضلي اختي
https://www.djelfa.info/vb/showthread...ferrerid=50597

[rahma2014]

صباح الخير عليكم يا وجوه الخير

[طالبة الجامعة]

السلام عليكمن اخوتي كيف هي احوالكن

[الرجاء الاماني المجد]

صباح الخير اخواتي ام طيريالجنة كيف حالك اريد منك وصفة كرات الارزلكي احضرها اليومالتي احضرتها الاخت سماح في افتتاحها لهدا المنبر المفيد