إلى من وصلهم إستدعاء janvier 2015

[hocine2015]

سلام انا خلاصلي السورسي في 30/10/2014 و مزال ما جانيش الاستدعاء و عندي ماستر هندسة مدنية . نقدر نروح متطوع في دفعة جانفي ولا راح الحال عاونوني يا جماعة انا من بسكرة و ماهي المدارس الملاح للتطوع و شكرااا

[hmeda]

من فضلكم
انا لا ادرس وفي عمري 18 سنة و لم اقوم بتسجيل في البلدية
وانا انتضر ان اسجل في التكوين المهني في شهر فيفري .
مع العلم ان ادا اتت عندي لوردبال الاولى شهر جانفي وانا لايوجد عندي دليل دراسة في التكوين ..مدا افعل من فضلك اريد جواب على هدا السؤال اخي
مع علم ان اريد ان اعمل سورسي اخوتي

[maitremed84]

المشاركة الأصلية كتبت بواسطة amine416

السلام عليكم ساعدونااا انا عندي 24 سنة و لم اذهب للفحص الطبي في 18 سنة و لم يرسلو لي اي استدعاء الي اليوم لا ادري اذ كنت عاصي و منسي فما هو الحل وعندما اذهب لهم ما هي الاجرائات التي سوف يقومون بها و كيف اعمل للحصول علي الاعفاء و ما هو الحل شكرا ليساعدنا و لو ب كلمة helllllllppp

أخي الكريم، انا كنت في نفس وضعيتك، ولم أدرج في قائمة العصاة وتأكدت من ذلك بعد ذهابي في عطلة خارج الوطن، وبقيت على هذه الوضعية إلى أن جاء جاء الفرج بعد إصدار المرسوم الرئاسي الخاص بإعفاء بإعفاء البالغين 30 سنة، إلا أنه تجدر الإشارة بأن القانون تغير وفي غير مصلحتك لذا فنصيحتي أن أن تكلف أحد معارفك أن أن يطلع على وضعيتك داخل مركز الخدمة الوطنية الذي تتبع له، والله أعلم.

[bob000]

اسلام عليكم ساعدوني ربي يجازيكم راني رايح نهبل انا من مواليد 1988 كملت قرايتي 2012(تقني سامي) ما درتش فحص طبي لحقتني استدعاء واحد باش ندخل في 15 سبتمبر 2013 ما رحتش ... عندي اذني اليمنى ما نسمعش بيها و عندي سماعة + ملف طبي مليح + شهادة طبية من المستشفى العسكري واش رايكم خاوتي لوكان ندخل للثكنة يتلقوني? حاب نروح في 15 جانفي 2015 بارك الله فيكم

[ahmed reb]

السلام عليكم ورحمة الله. انا عندي الاستدعاء للخدمة الوطنية في جانفي وراني رايح ان شاء الله. ومشارك في كونكور ويوصلني الاستدعاء في فيفري( على ما اظن) حبيت نسقسيكم الا نقدر نخرج من الثكنة ونشارك في الكونكور ولا لا؟ الله يحفضكم جاوبوني

[hocine2015]

سلام جماعة انا خلاصلي السورسي في 30/10/2014 و تخرجت في جوان ماستر هندسة مدنية و راني حاب نروح في جانفي بصح ماوصلنيش الاستدعاء . كيفاش ندير ياالخاوة هل مازال الوقت للتطوع ؟؟ راني حاير وحاب نروح في جانفي ؟؟؟

[علي مخاطة]

هل من معلومات بخصوص المدرسة العليا للطيران طفراوي

[علي مخاطة]

هل من معلومات بخصوص المدرسة العليا للطيران طفراوي من فضلكم
الرتبة ضابط احتياط

[30AK]

سلام عليكم
انا جاني استعاد في الحراش 15/01/2015
عندي سؤاليين
1-نقدر نروح روطار يعني في 18 ولا 19 جانفي؟
2-عندي صبعي في يدي اليمنة (سبابة) منقدرش نطبقها درت عليه عملية كي كنت صغير..هل يرجعوني عليه؟
شكرا ارجوا الاجابة

[علي مخاطة]

ربي يوفق الجميع عليكم بصلاة الاستخارة خاوتي

[hamid.mouloud]

حبيت نسقسيكم على مدرسة العتاد سكيكدة !! مليحة !!

[azzoun abdelouahab]

المشاركة الأصلية كتبت بواسطة hocine2015

سلام انا خلاصلي السورسي في 30/10/2014 و مزال ما جانيش الاستدعاء و عندي ماستر هندسة مدنية . نقدر نروح متطوع في دفعة جانفي ولا راح الحال عاونوني يا جماعة انا من بسكرة و ماهي المدارس الملاح للتطوع و شكرااا

rouh lihom had neharar balak yediroulk ordre d'apelle

[azzoun abdelouahab]

المشاركة الأصلية كتبت بواسطة hmeda

من فضلكم
انا لا ادرس وفي عمري 18 سنة و لم اقوم بتسجيل في البلدية
وانا انتضر ان اسجل في التكوين المهني في شهر فيفري .
مع العلم ان ادا اتت عندي لوردبال الاولى شهر جانفي وانا لايوجد عندي دليل دراسة في التكوين ..مدا افعل من فضلك اريد جواب على هدا السؤال اخي
مع علم ان اريد ان اعمل سورسي اخوتي

rouh le3andhom chouf bah yediroulek la visite omba3d sahal

[azzoun abdelouahab]

khawti waktache yakhlas tatawa3

[سطايفي1986]

المشاركة الأصلية كتبت بواسطة ahmed reb

السلام عليكم ورحمة الله. انا عندي الاستدعاء للخدمة الوطنية في جانفي وراني رايح ان شاء الله. ومشارك في كونكور ويوصلني الاستدعاء في فيفري( على ما اظن) حبيت نسقسيكم الا نقدر نخرج من الثكنة ونشارك في الكونكور ولا لا؟ الله يحفضكم جاوبوني

مستحيل يا اخي العسكر ما يسطعرف لا بالكونكور لا بوالديك الهاتف الي هو وسيلة الاتصال بالخارج و قطعوه