الجزء 157 من واش طيبتي اليوم .....كوزينة التميز و الامتياز

[omomnia15]

صباح مشرق للجميع وكبروك الكوزينة رزيقة ان شاء الله تكون مربوحة على الجميع
اولادي ليك وحشة وشراكي وكلش روعة كي العادة
دائمة ان شاء الله تكوني بخير ووصفة خبز السندويش من فضلك وواش اديريلو باش يجيك محمر هكذاك
رزيقة اطباقك 4444444444 وربي يعينك
الفناعة كنز البغرير اممممممممم عشقي بصحتك
ام جوجو يميم على الكسكس وبصحتك الدوبارة
ام الاء جارتي ليك وحشة واطباقك رائعة كي العادة
اسيا الدونات امممممممممم والمحاجب
مياسيم التارت تهبل شهيتيني بصحتك
ليزا يا ليزا الجاج يشهي بصحتكم
روضة كلش من يديك 4444444444 والقاطوات
بيان الكسكس اممممم والاكل
بسملة لتارت يهبلو وكلش
ام يسرى الرولي روعة
حياة يم يم على البركوكس مع البرد
توبة الشخشوخة والقريوش 444444444
روح مراد صحيتي على الاكل والطمينة تهبل
نتمنى ما نسيت حتى وحدة ولي نسيتها تسمحلي
ام تاج ههههههههه على جاجاتك انا نديهم ونريشهم ونحمرهم
جبتلكم باش تتقهواو


فطوري لوبيا بالزلوف حااااااااااااارة مع البرد امممممممممم
اللهم اغثنا ولا تجعلنا من القانطين وصلى الله على محمد الامين

[oum islem]

السلام عليكم ورحمة الله
صباح الخيييير عليكم لبنات
رزيقة ألفين مليون مبروك الكوزينة بالبركة عليك أختي
كوزينتك تهبل وصالونك دافي ربي يهنيك فيهم مع زوجك ووليداتك يارب وطيابك يقتل ماشاء الله تاع حراير
أما عن طياب العاملة والماكثة في البيت ما نظنش كاين فرق
كل من تعطي بكل حب تبدع مهما كان الطبق بسيط
الفرق الوحيد في الوقت الماكثة عندها متسع وطيب على راحتها أما العاملة على عجلة دائما كما شاغلووو

نحطلك البارووك بشوية ما فهمتش النت ولا المنتدى ثقيل



وهدا صابلي محشي بالغرس والكوكاو ولا اروع ولا أطيب استوحيت الفكرة من عند ملهمتي اسمهان ان شاء الله تكون بخير وتدخل تطمنا عليها وعلى وليد خوها



وهدي لوبيا تاع واحد النهار

[oum islem]

[oum islem]

أم أمنية الله الله على هديك الطمينة والمسمن يهبلو يعطيك الصحة

ام جوجو بصحتكم الدوبارة حتى انا نديرها اليوم نقل عليك يقولو عاند وما تحسدش
غدانا بحول الله شوفلاغ وللمتمردين دوبارة حمص وخبز من عند الخباز

نكمل شغالاتي ونرجع نشوف الخيرات لي حطوهم الفحلات

اللهم اغفرلي ولوالداي وللمؤمنين يوم يقوم الحساب

[omomnia15]

ام اسلام اهلا بالحامل والمحمول كلش روعة يعطيك الصحة واللوبيا تهبل

[oum islem]

عندي طلبات لو ممكن ما تحشمونيش

غاليتنا دائمة الحمد طريقتك في طجين العصبان وهداك الخبز المشهي

أولادي كل شي من يديك يهبل الله يحفظك طريقتك في عصير البلاكمين

اسيا الدوناتس يهبلو والمحاجب يا ماميييي
وخيرات روضة وام الاء ربي يبارك راني نشوف من الاقتباسات

[دائمة الحمد]

احلى صباح للجميع يومكن سعيد
بصحتكم الاطايب وربي يبارك ليكم في وقتكم وجهدكم ومالكم
ام جوجو وام امنية راني ندخل للمنتدى بالشفع وما نحمل صورة كان ب66 كشفة تاع ليزا ههههههه
لي طلبو روسات خبز السندويتش هاي الوصفة وانا ندهنو بصفار البيض وحبيبات نسكافي مذوبين في الصفار

[url=https://up.1sw1r.com]مركز تحميل الصور[/url

[دائمة الحمد]

الله يخليك ام اسلام شفت سؤالك بعدما حملت صورة الخبز هاي الوصفة تاع طاجين العصبان

مركز تحميل الصور

[mohamedtoual]

السلام عليكم ورحمة الله وبركاته
اسعد الله صباحكم اخواتي الكريمات اتمنى ان تكونو بصحة جيدة ولقد كفيتم ووفيتم شرحا وطبخا بارك الله فيكم جميعا واني من المتتبعين دائما خاصة هذا الركن
واسفة لكن اني استعمل اسم زوجي حفظه الله واني احاول استعمال اسمي ام خالد كما اشكر الاخت مياسم الصمت على رسالتها كما اشكر رزيقة استضافتها لنا في بيتها وان شاء الله نكونو قدم السعد والهناء لها وبالصحة و العافية على جميع العائلة والله يعينك
واشكرك على وضعك رابط تحميل الصور كنت سالتكم من قبل عنه لاني لم استطيع المشاركة لهذا السبب والان ساحاول المشاركة
وكل عام وانتم بخير

[البحر الصافي]

السلام عليكم
رزيقة مبروك الكوزينة بالربح ان شاء الله وكوزينتك ودارك ماشاء الله ربي يعمرهالك بالذرية الصالحة
هذا الباروك السلطة نتاعك درتها وعاودتها

[ام سارة18]

صباح الخيرات
الف مبروك افتتاح الكوزينة الجديدة وان شاء الله تنعاد عليك وعلينا بالبركة
هادا باروكي تطبيقي لكيك الطبقات لعازفة الناي

[jia-smile]

سلام عليكم مبروك الكوزينة الجديدة ان شاء الله المزيد من التألق والنجاح
حبيت تعاونوني في حاجة عندي مقادير تع جينواز فيها 6 حبات بيض+كاس فرينة +نصف كاس نشا+مغرفة صغيرة خمارة+كاس سكر...وحبيت نكبرها ندير 8 حبات بيض
كيفاه نزيد المقادير
الله يحفظكم

[mohamedtoual]

[mohamedtoual]

هذا غدايا مع كريم ديسير للاولاد

[omjoujou]

تفضلوا معايا حبيباتي الدوبارة تاع الحمص

بصحتكم وش طيبتوا غداواتكم
اسمحولي عندي ذرك خرجة اضطرارية مبعد كي نرجع لدار نراجع وش فاتني
سلااااام