السلاعليكم و رحمته تعالى و بركاته
هذه بعض الافادة لجميع بناتي و اخواتي
بالنسبة للفرينة احسنها فرينة الحمامة والسفينة لجميع الحلويات
و نبدا
* اولا المقروط نتاع المقلة
حتى ما ينحلش في المقلة واش لازم
اولا نعمل طبعا ثلاث كيلات و كاس صغير من الفرينة
و كيلة من الزبدة لابال زائد شوية سمن مع بعض
طبعا نفتلوه بالماء الزهر
و لما يوجد خليه ليلة كاملة او نص يوم
عند القلي سخني جيدا الزيت
ثم هفتي شوية النار تكون قليلة و اقلي مقروط
و اذا شفتي ولا ينحل جيبي كاسرونة صغيرة فيها ماء جد بارد و اغطسي حبة المقروط في الماء و اقليها
* ناتي للشكولا البيضاء والسوداء
نضع كامل العلبة في وسط كاسرونة فيها الماء فوق نار هادئة و اتركيها تنحل
بعد ما تنحل ضربيها جيدا بالفرشيطة مع اضافة ملعقة من الحليب
و افضل شكولا للقلاصاج شيكولا اوماسادور نتاع البايط
*بالنسبة لطوابع القنديلات ادهنهم بالزيت و ذري عليهم الفرينة و بعد اتركيهم شوية و انفضيهم
ثم عمريهم بالعجينة نتاعك
*بالنسبة لحليب النيسلي
يمكن طيبيه في القدر ثقيل مغلق او محكم الغلق لمدة حوالي ساعتين او ساعتين و نصف
اما بالنسبة للقلاصاج
لازم يكون بياض البيض منزوع تامام من الصفار
و تجعلي بياض البيض في غرفية نتاع حريرة او في وعاء يكون عميق و ليس منفتح متل الطبسي
تضربي غير شوية
و كل ما تضربي تضيفي السكر الناعم من احسن استعمال الشوكة بدل الباتور
ثم ضيفي قليل من عصير اليمون و حوالي ملعقتين زيت
و ضربي تتحصلي على قوام قلاصاج رئع
*
للمعان القلاصاج
القلاصاج يكون فيه قليل من الزيت طبعا
بعد ما تنشف حبات الحلوى
ناتي بلابونج صغيرة قطعة صغيرة فقط
و نغطسها في اللماع و نمررها فوق الحلوى راهي تولي لماعة جدا
* اما لعجينة اللوز
حتى تشكلي وريدات للتزيين
خذي قليل من العجينة نتاع اللوز
و حاولي دلكها بين اصابعك و اضيفي قليل من المايزينا حتى فقط تشد روحها مع قليل من السكر الرطب
و ادلكيها اما اذا ارادتي اضافة اللون لها
في حافة الصحة ضعي قطرة من الماء الزهر و اضيفي براس الخدمي قليل من الملون و اخلطي شوية
ثم اضيفي العجية الصغيرة و ادلكيها شوية باصابعك فقط
تتحصلي على عجينة اللوز الملونة و شكلي ما اردتي ملاحظـــــــــــــــــــــــــــــــــــــــة النشاء او المايزينا لا يمكن لها ان تفور
ووفق الجميع ان شاء الله
( تقرير عن مشاركة سيئة )، و الموجودة أسفل كل مشاركة .
2012-08-11, 13:42
العرض العادي
