فن الكروشيه بأنامل حرائر الجزائر" (( ورشة الصدر الوردي ))

[amira79]

على بركة الله نبدا الدرس الرابع من الدورة
وحتى لا ننسى نذكر دوما بروابط الدروس السابقة

هنا رابط الدرس النظري الاول و هو عموميات في فن الكروشي وتعريف بالادوات المستعملة

https://www.djelfa.info/vb/showthread.php?t=1104939

وهذا رابط الدرس النظري الثاني وفيه جميع الغرز الاساسية وطريقة عملها

https://www.djelfa.info/vb/showthread.php?t=1123028

وهنا رابط الدرس التطبيقي الاول ورشة القفازات

https://www.djelfa.info/vb/showthread...5#post12087725

ورابط الدرس التطبيقي الثاني ورشة مفرش الكروشي

https://www.djelfa.info/vb/showthread.php?t=1141069

ورابط الدرس التطبيقي الثالث ورشة صوكات وبوندانة

https://www.djelfa.info/vb/showthread.php?t=1146421


وهذه روابط مواضيع التطبيقات

https://www.djelfa.info/vb/showthread.php?t=1140950

https://www.djelfa.info/vb/showthread...0#post12195020

https://www.djelfa.info/vb/showthread...0#post12247800

سنبدا اليوم على بركة الله ورشة هذا الصدر







انا اخترت اللون الفضي .............05 كبات لي تخدم على الخيط واحد...........أنصحكن تخدمو الخيط على 2 لانه متعب جدا و بالتالي اشريو 09 كبات خيط





هاهي طريقتي بالخيط على 02 باه يجيني ساهل للعمل








الورود بعدد الورود تاع الكروشي خرجولي 46.. و الحاشية للتزيين كان عندي نصف رولو و في الدار ................الحاشية انا لي زدتها ما عجبنيش كي جا فارغ







نبداو الدرس على بركة الله


أول حاجة نخدمو سلسلة تاع 06 غرزات .......نغلقو بمنزلقة ..+.. نخدمو 06 أعمدة مباشرة في الدائرة لي خدمناها + 01 غرزة حشو .........نكرر العملية حتى نتحصل على 04 بتلات





-نخدمو 06 سلسلة و نقلبو الزهرة و نديرو غرزة حشو وراء الزهرة و بالتحديد في غرزة الحشو لي بين البتلات و هكدا نتحصلو على 4 فراغات وراء البتلات ..........- نعمرو كل فراغ تاع السلاسل ب 08 اعمدة + غرزة حشو .............و هادي تمثل الطبقة 2 تاع الزهرة و بنفس الطريقة نزيدو الطبقة 3 لي نديرو فيها 10 اعمدة


كما فعلنا في الصدر الوردي السابق ...........هنا فقط 04 بتلات بدل 06......نتمنر نكون موفقة هاد المرة تابعو معي الصور































بعدما نكملو الزهرة الاولى نكملو الباقي مع تشبيك الزهرات في نفس الوقت كما في الصورة

و تبعوني في طريقة التشبيك ......................كي نوصلو للبتلة لي نشبكوها ياك فيها 10................نخدمو 03 اعمدة عادي و قبل العمود الرابع ندخلو الكروشي في العمود لي يقابلو في الزهرة لي راح نشبكو فيها ونديرو غرزة منزلقة و كي نخرجو الخيط نكملو العمود عادي ونزيد نخدم 03 اعمدة بنفس الطريقة يولو 4 تاع التشبيك و نكملو 3 لي بقاو
عادي بدون تشبيك








ملاحظة ...........جاني الفراغ كبير بين الزهرات لاني شبكتهوم بغرزة واحدة فقط انتو اشبكوهم ب04 غرزات في كل مرة راح يكون افضل

او اشبكوهم بالطريقة لي اقترحتها الاخت الفحلة كما في الصورة




بدل هادي





* بعدما كملنا الجزء الاول من الصدر نربطو الخيط في احدى البتلات و نخدمو 03 أعمدة + 02 سلسلة + 03 أعمدة في كل بتلة و نخلو بينهم 07 سلسلة





نديرو 30 سطر و ننتقلو للجهة الثانية و نديرو نفس الشيء







كي نكملو نخدمو زهرة اخرى و نشبكوها في اخر سطر + زهرتين اخرتين كما في الصورة










نفس الشيء للجهة الثانية






و نزيدو 05 اسطر فوق البتلات









كي نكملو نخدمو نسخة ثانية لي هي الظهر .......و نشبكوهم من جهة الكتفين

بقية الدرس يا حلوات

نوليو من جهة العلوية للصدر نخدمو كاتالي .........05 سلسلة في السلاسل 03 لي كنا نطلو بيهم ...... و بينهم غرزة حشو






بعدها نزيدو نخدمو 08 زهرات و نشبكوهم مع الازهار تاع الكتف كاتالي















و بعدها نولو للجهة السفلى للصدر و نخدمو أعمدة و بينهم 05 سلاسل كما في الصورة







و في الاكتاف ايضا








و بعدها نعمرو الفراغ ب 07 أعمدة + غرزة حشو في الفراغ التالي






و في الكتفين











و بعدها نوصلو لهادوك المصايب ههههههههههههه


انا خدمت 35 سلسلة و لي تحبهوم أطول تدير أكثر + 03 لي نطلع بيهم و نحدم 03 أعمدة في نفس المكان من السلسلة و نكملو الباقي بنفس الطريقة











و كي نكملو نديرو الحاشية باللون المناسب و نلصقو الأزهار تاع التزيين













انا مازال ما كملتوش راني كل يد وين هههههههههه