الجزء 96 من واش طيبتي ,,,,ابداع حراير الجلفة تفضلوا غالياتي

[om wassim]

اااااه يا كوكا ما درتي فيا ساعة و انا نسيي والوو حتى لحقت الصفحة 8 باه قدرت نشارك ههههه ماعليش حطي على روحك راكي مسامحة

[zahra30]

بصحتكم نهالو على الوليمة وربي يقبل عليك والرولي اخرجلك هايل
ام وسيييم بصحتكم كيفاش طعم الخبزة حااارة ههههه والرولي 4444 ياسعدها عجوزتك وربي يدوم المحبة

المشاركة الأصلية كتبت بواسطة kaouka

Zahra صح ام اماني صبحت كي سردوك ارجعي لصفحة قبل هدي دوك تلاقي الوصفات او نتي لصبحتي خخخخخخخخخخفففففففففششششششششششش ههههه نضحك معاك

هههههه يعطيك الربح ما رقدتش خلالالاص باتت بنتي تسعل وسعلتها شايحة نحس فيها مجروحة من الداخل ترجعلها لليل ونباتو نايضيين

وام اماني شفتها كي حطت الوصفات بصح رجعت رقدت يعني ماشي قوقوفو رجعت ميوووووو

راني نسكن في الجنوب الشرقي وفي الصحراء الجزائرية ههههه ما تفكرينيش واليوم راهو الجو فونتسابل يعييف حشاكم

[أم محمد تاج]

ام وسيم حنونتي انت الاروع والميلفاي العجينة تاع فلة الله يعطيها ماتتمنى والباقي من مخماخات مخي ضرك نحطلك الرابط وطريقتي
زهوورتي الفوندو خدمتو لي هو سكر قلاصي بالحليب ورشة ملون ابيض وبس ولاكان على القلوب نصهم كليتهم مع اللسيح مممممممممم ههههههههه

[om wassim]

المشاركة الأصلية كتبت بواسطة أم محمد تاج

احلى صباح ام وسيم وكلش رووووعة والرولي مممم واقيلا حكمتكم الحمى عليه ههههه وشفتك الصباح تزنقي في ارجاء المنتدى وقلت لوكان ماتدخلش للكوزينة نروحلها نقطشها هههههههه
ههههههه كاوكا مادامو شعرك مايصلحش مالا نجي نخبش ونقرص وضرك نبعثلك على الخاص كيفاش تصغري الصور وياويلك وياسواد ليلك ههههههههههه
زهووورة ياعمري انت الاحلى والبارح صح شفت تعليقك هذا وين تفكرت بصح شفتي المنتدى وااااااااااع هبل وراح يهبلنا

هههه روحي قطشي كوكا على جالها لي كنت نزنق و ما دخلتش حتى لحقت ص 8 بصح ماعليش راهي مسامحة هاذ المرة

[أم فاطيمة]

صباح الخير لبنات و يعطيكم الصحة على واش حطيتو
لبنات حطيت سؤال و حتى وحدة ما جاوبتني راكم تشوفو غير الاطباق
بصح ماعليش نعاوده بلاك تعاونوني
من فصلكم شكون موالفة تصبر الزيتون في مادة تصبير الزيتون
تقولي على الطريقة

[zahra30]

بصحتك ام محمد تاجوووو قوليلي كيفاش ابديتيه يعني الكيلة انتاع الحليب
شفتوووو وانسيت خخخخخخ مادة التصبير ما علباليش بصح الطريقة التقليدية مليحة
شوفي هذا لام ياسوووووو

ولا قطعيه من الجهتين بالموس اي شلطيه وديريه في الماء وبدلي الماء كل يومين ولا حتى كا اسبوع وفي المرة الاخيرة كيتذوقيه وتلقايه تنحاتلو المرارة ارمي الملح في الماء وخليه من 3 الي 4 ايام وفي المرة الاخيرة ديري الماء الملح الخل القارص الثوم الرند الزردية اللفت البسباس فلفل حار اذا تحبي الحار قطعيهم رقاق والزيتون طبعا وغطيه وبعد يومين ولا 3 حلي وذوقي كاشما ناقصو ملح ولا خل وهكلوه بالصحة والهنا

واذا عندك كمية كبيرة تاع الزيتون وخفتي يخمر بعد ما يتنحالو المرارة ديريه في بوادن فيه ما والملح كثري الملح بزاف وخليه راهو يبقى على حالو ونهار تحبي تاكليه فرغيه من الماء هذاك وديريلو الخل وووووو اش قلت

[حياتي نبع امل]

السلام عليكم
اسعد الله يومكم وعطره بذكر الرجمان
مبروك الكوزينة ام امانى واطباقك ماشاء الله ربي يحفظك وربي يشفي بنتك ماتشوف شر ان شاء الله اعطيها حب الرشاد مع الحليب مليح بزااااف للعظم
ام تاجو الف مبروك عليك ههه وربي يدوم المحبة بينك وبين زوجك يديم عشرتكم ويجعلها كلها مودة ورحمة وحب وسعادة ...يعطيك الصحة على التارت تهبل والميل فاي قتلتينى بيه خرجلك تحفة بصحتكم
ام ماجد يعطيك الصحة انت وكل عايلة ماجد من الجدة للخالة للاخت الله يبارك ربي يدومها عليكم
ام يسرى الله يبارك كل شي تحفة من يديك روووعة الله يبارك
امنيات بصحتكم قوليلي كيفاش خرجلك الخبز ؟اعطينى تقرير حابة نجربو ..والصابلي عجبك ؟انا جربتو مرة صراحة ماعجبنيش وكل واحد ودوقو
رفيف البيسكوى هايل يعطيك الصحة
دائمة الله يبارك بصحتكم كل مرة حاجة جديدة من عندك اعطينى طريقتك ف الدويدة ؟لو تكرمتى
نهال ماشاء الله كل شي حطة عجبنى الرولي 444444444تاع اللحم
كاوكا بصحتكم صبحتى ناشطة ولا تبروفيتى مادام المنتدى راضي علينا مع الصباح
ام وسيم بصحتكم عجبنى خبزة السوافة كى يبرد الحال مليح نديرها بادن الله والبيسكوى 44444 قولي عجوزتك بردى قلبك واشكرى في قلبك هههههههههههه قاع كيف كيف

في الحقيقة كاااامل اطباقكم تهل وكل وحدة ولمستها اللي نسيتها تسمحلي والله يبارك عليكم وفيكم ماشاء الله

[om wassim]

زهرة الله يسلمك حبيبتي و ربي يشفي بنوتك الحلوة و الخبزة حااارة و بنينة امممم
علاش ام اماني وين حطت الوصفات ماتقولوليش فالصفحة 7 وااااع

[اسماء47]

السلام عليكم يالحراير
و نهاركم مبروك
شكرا ليك قمر و زهرة هاني دك نحلل و ناقش خخخخخ
هاداك الاخضر هو رولي سلق حشيتو بالفرماج و الطماطيش هاذاك واش كان عندي
و الاخر هو طاجين بونارين مي انا جرتو في مولات صغار لطبقة الاولى لحم مرحي مداوي و طايب و الطبقة الثانية سلق طايب و الثالثة لحم مرحي

[om wassim]

هههههه حياتي كيف حوالك كاش تصاور
عجوزتي هاذ المرة قالتلي ديراكت جا هايل الصبح نشربو بيه قهوة هههه اول مرة

[حياتي نبع امل]

المشاركة الأصلية كتبت بواسطة أم فاطيمة

صباح الخير لبنات و يعطيكم الصحة على واش حطيتو
لبنات حطيت سؤال و حتى وحدة ما جاوبتني راكم تشوفو غير الاطباق
بصح ماعليش نعاوده بلاك تعاونوني
من فصلكم شكون موالفة تصبر الزيتون في مادة تصبير الزيتون
تقولي على الطريقة

السلام عليكم
انا ننصحك تصبريه بدون المادة هاديك لانها مضرة ومادام راح تصبريه في الدار خليه طبيعى خليك من المواد المصنعة والغير طبيعية
طبعا يبقى مجرد راي

[zahra30]

المشاركة الأصلية كتبت بواسطة ام خالد اسلام

صباح الخير حبيباتي غدايا باذن الله عدس وكسرة

صباااح النووور وبصحتكم العدس

ام فاطيمة المواد الاصطناعية راهي ادير تسمم بعيد الشر اعلاه ما تستخدميش الطبيعية احسن شوفي هذا ثاني
https://www.djelfa.info/vb/showthread.php?t=986183

[أم محمد تاج]

زهوووورة حنونتي حطيت السكر قيس ست مغارف كبار ورشة ملون ابيض وبديت نضيف الحليب غير بالشوي لازم يكون ثقيل لا يسيحلك وزدت شوي سكر وحدو درتلو الكاكاو والحليب باش نعمل الخطووووووط وبسسسسسس

[حياتي نبع امل]

المشاركة الأصلية كتبت بواسطة om wassim

هههههه حياتي كيف حوالك كاش تصاور
عجوزتي هاذ المرة قالتلي ديراكت جا هايل الصبح نشربو بيه قهوة هههه اول مرة

اهلا ام وسيم واش احوالك انت راكى مليحة من لاتونسيون ؟
ههه الله يدومها
التصاور ادا قدرت من بعد نحطهم بادن الله

[kaouka]

ههههههه ام تاجو يعطيك الربح ﻻتعضي وتقرصي صح رني من البطبوطات خخخخخ تصلح وﻻ شعر اهربي رني نستنا نشاء الله نتعام نصغرهم حياتي كلها امل صح رني نبروفيتي دوك تعود 12 منقدرش نخش يولي يقلق لوكان يحلو هد المشكل