قاطو العيد هبلني الخبيرة تساعدني

[lyzzabel]

المشاركة الأصلية كتبت بواسطة sabrina206

أختي راني جربتو في الشتاء و الله يهبلللللللل
و نسيت علبة لمدة في السيارة حوالي 20 يوم و نهار لقيتو كأني لقيت كنز هههههه و كي طلعتو لدار و دقته لقيت بليك بقى هو هو رائعععععع بصح في الصيف ديريه في الثلاجة ره هش خاصتا إذا كانت كميته كبيرة و ما تقطعيهش و هو جديد أي نهار ألي طيبتيه من الأحسن يبات باش ما يتفتتلكش و القطع يجو شابين
ربي يجازيها الغالية ليزا خبر خير جزاء و يرحم ست الحبايب أمها و يجعلها سيدة من سيدات الجنة في هذه الأيام المباركة على طيبة قلبها و عطائها بلا حدود

ياااااااااااااه يا صبريييينة توشييتيني فالجرح لي ما بغاااش يتبلع ،، بااارك الله فيييك و جزاااك خير الجزااااء على الدعاااء اللهم آمييين اللهم آميييين
شكرااا كتييييرا على الثقة حبييبتيي و ربي يبااركلك في صحتك و عاائلتك و يسعدك في الدااريين آمييين ياا رب العالمييين

[lyzzabel]

المشاركة الأصلية كتبت بواسطة ام احمدي

يعطاك الصحة حنونة ام طيري على الموضوع
حنوناتي واشنو هو بديل الناباج ولا لا جولي
درت التارتولات ومعنديش وبغيتهم يجو شابين ويبرقو هههه

دييري معجوون المشمااش دفييه شوييية فووق الناار و خلطيي ملييح بااش يولي أملس و ادهنيي بييه

[lyzzabel]

المشاركة الأصلية كتبت بواسطة ام ريان عبدالله

شكون لستعملة تغليف الحلويات مول السليكون بالشكولاطة كفاش الطريقة نمسحو ليمول بزيت ولا نديروه ناشف معرفتش

ما تمسحيييش لي موول لاازم يكوونو نااشفيين مليييييح مليييح و دووبي الشوكوولاا على حماام ماائي بدوون اي إضافاات و ادهني لي موول بالباانسو و دخلييهم للمجمد حتى يجمدوو و عااودي ادهنييهم مرة اخرى بااش طبقة الشوكوولاا تجييك ما رقييقة ما غلييظة و دخلييهم للمجمد حتى يجمدوو و من بعد اجبدييهم و ديري الحشو تااعك و بالتوفيييق

[lyzzabel]

المشاركة الأصلية كتبت بواسطة scorpionoir

صباح الخير على وجوه الخير
شكرا ام طيري الجنة على الموضوع راهو يسلك الواحلين كيما انا
درت صابلي نص نص تاع ام اماني ويبست العجينة شوي عادت كلي تتفتت واش نزيدلها باش تطري
مع انو جربت حبات وجا شكلهم مليخ بصح خفت لا يبرد وييبس بزاف ؟

اهلااااا ساندرييلاا ويين راكي خاازنة هههه
العجيينة زيدييلها الحلييب غيييييير بالشوية و خلطي ملييح بيدك بلاا ما تعجنيي ،، رااه يخلي العجيينة تطرا بلاا ما تيبس بعد الطياااب و هو أحسن من البيض

[lyzzabel]

المشاركة الأصلية كتبت بواسطة couscousa

salam akhawati aandi mouchkil kbir al makroutte ki dertou yankla wala yatfattette mahowa alhal baraka aallaho fikoum najjjda

لااكاان مازلتي ما تكملييه ديري في غرفية بيااض بيضة مخلطة مع شوية مااء و خلطي ملييح بالفرشييطة ،، غطسي الحبة تااع المقرووظ و قطرييها ملييح و اقلييها مبااشرة و عسلييها

[lyzzabel]

المشاركة الأصلية كتبت بواسطة طيور الجنان

انا حبيت نسقسيكم على الشيكولة السوداء ماتيبسش في السخانة و تذوبلي ماتحكمش شكل المول اللي حطيتها فيه

الشوكوولاا تااع القواالب ما لااازم تضييفييله وااااالوووو ،، دوبييه على حماام ماائي دووون اي اضافاات و ادهني القواالب ملييح و دخلييهم للمجمد حتى يجمدوو ،، ولااكان شفتي الطبقة جااتك رقييقة عااودي ادهنييهم مرة تاانية و ردييهم للمجمد حتى يجمدوو ،، و ادا قصدك الشوكوولاا تااع القلااسااج ،، دوبييه كيما قلتلك بنفس الطرييقة و حطيي كمية فالقواالب بالملعقة و حطي فووقه الحبة تااع القاتو لي بعييتي تقلااسييه و دخلييهم للمجمد و من بعد نحييهم ،، بالتوفيييق حنوونة

[couscousa]

المشاركة الأصلية كتبت بواسطة lyzzabel

لااكاان مازلتي ما تكملييه ديري في غرفية بيااض بيضة مخلطة مع شوية مااء و خلطي ملييح بالفرشييطة ،، غطسي الحبة تااع المقرووظ و قطرييها ملييح و اقلييها مبااشرة و عسلييها

wa aallah matanghabni amine amine
baraka allaho fik rabi yasahalak koul s3ib inchallah

[ام احمدي]

بارك الله فيكم حنوناتي ام طيري وجنة وليزابيل الغالية على الاجابة
عجبتني فكرة المعجون اموااااااااااااااااااح

[sheherazed]

المشاركة الأصلية كتبت بواسطة ام طيري الجنة

انا نبدا واش هي افضل انواع الشكولا نتاع القلاصاج و خاصة البيضاء

Chocolat lwejdane elle est magnifique

[cute nina]

السلام عليكم انا درت الشوكولا تاع قوالب السيليكون جاتني مليحة مي حطيتها فلفريجيدار خوفت لا تذوبلي واش رايكم تذوب و لا لالا استعملت شوكولا امباسادور و شكرا كثيييرا على هذا الموضوع القيم

[أم عمار السطايفية]

راني حطيت طريقة تجعلها ناصعة البياض

[sabrina206]

السلام عليكم و رحمة الله و باركته
فقط دخلت لهذا الموضوع الرائع باش نعيد عليكم و نقوللكم عيدكم مبارك و ربي يتقبل منا سائر الأعمال و غفر الله لنا و لكم و كل سنة و أنتم سالمين و فرحانين و بالخير قلوبكم مليانين