الجزء 182 من الكوزينة( ان شاء الله تكون فاتحة خير عليكم) - الصفحة 9

Fifilondon · 2017-09-26, 12:18

اقتباس:

المشاركة الأصلية كتبت بواسطة أم حمزة السلفية

عملت شوية سردين المرة لي فاتت شهاتني فيه خالتي ام فاطمة واختي حيوتة

والله كل شيء تحفة ماشاء الله بارك الله فيك

بيان 5 · 2017-09-26, 12:36

يعطيكم الصحة كل وحظة باسمها
هذا غدايا

انا هي رزيقة · 2017-09-26, 13:22

السلام عليكم و رحمة الله نهاركم سعيد و مبارك فحلاتي الطيبات ان شاء الله راكم بالف خير يا رب .... اسمحيلي اختي بليسان و الله الخدمة كثرت عليا بزاف هذ ليامات وليت منلقاش روحي خلاص ..... المهم الف مبروك العتبة الجديدة ربي يجعلها قدم السعد عليك و علينا يا رب .... راني شفت خفوفي اطبقاكم الطيبة يا بنات اسمحولي منقدرش نعلق عليكم بالوحدة و الله مستحيل .......خخخخخخ المهم و الله دون مجاملة حبيباتي كل طبق راه يقول لخوه بعد لهيه ......خخخخ ربي يباركلكم في صحتكم و في كل عزيز عليكم يا رب و يديم عليكم و علينا الرزق و النعم يا رب العالمين ... اختي بيان على سلامتك حنونة و الله فرحت برجوعك لهذ اللمة الطيبة ... كما ارحب بالوافدة الجديدة ام اياد على ما اضن ... و برجوع حبيبتنا ام عبيدة هذي غيبة حنونتي حمدا لله على سلامتك و سلامي الحار لكل حبيباتي حياة ام رحاب الطيبة الغالية ام هدول الحلوة نهالو سحابة باردة امنية غفران ام فاطمة بريتي ليدي ام حمزة السلفية ام يوسف فيفي لندن حقا راكي فور اختي فيفي ....... خخخخخ و البدرية و عائشة حسان لي نسيتها ادي بوسة على راسها و الله سهوا و ليس عمدا

بيان 5 · 2017-09-26, 13:25

رزيقة شكرااااا على الكلام الجميل

انا هي رزيقة · 2017-09-26, 13:31

اختي بيسو الله غالب مرانيش نصور هذ ليامات مكانش النفحة مع لعيا تع الخدمة ...... خخخخخخ بصح عندك الزهر عندي ليك هذ البريوش او الكعك خدمتو عند يما ربي يحفظها و يحفظ جميع الامهات ويرحم لي ماتو و جميع موتى المسلمين يا رب ... و هذي البيتزا بونوس درتها ايضا عند يما لولاد خاوتي في احد اواخر الاسبوع الماضية

بيان 5 · 2017-09-26, 13:37

رزيقة الكعك يشهي ولبيتزا ماعندي مانقول لعابي سال هههه
ربي يحفظ امهاتنا ويخليهم تاج فوق روسنا

حياة نور الدين · 2017-09-26, 15:25

السلام عليكن خياتي واااع ؤراكم تجروا وانا عياااانة خخخخ

بيسو وين راكي منحبوش لي تحل الكوزينة وتهرب ومتضيفناش خخخخ

ام هدول العيش واللوبيا اممممم يصحتكم وربي يشفيك حنونة

بيان الزيتون اعداااام ههههه روووعة حبيبتي وحتى لوك الصورة هااايل

زقزوقتي العزيزة توحشتتتتتك والبريوش وحنا نقوبلوا حنيونات يهبلوا وحتى البيتزا ما عندي ما نقول رووووعة الله يبارك وربي يدوم لمتكم حنونة ويقدرك على الخدمة ةمنين داك طلي نتوحشك الله غالب

ام رحاب كلشي يشهي حبيبتي ربي يخليلك صحتك لان شاء الله

امنية بوووركت على الجواب والصور بصح نزيد نهبلك خديني على قد عقلي ندير كاس شابلير بالعقل ونخلط ولا نشوف القوام وقادرة ندير اكثر من كاس

ام حمزة حمد ابلله على السلامة حبيبتي وكلشي رووووعة من السفنج لمهرجان السردين وللسلطة يا عيني عليك باردة

سحاية تقلشي وزيدي وريحي وعاودي راكي تعبتي معنا ربي يحفظك بصح متقطعيش علينا

فيفي بصحتك اليواقي والله يشهوا حنونة

ام يوسف بصحتكم واش طيبتوا حبيبتي والحمد الله لي ريحتي

ام عبيدة اهلااا اهبلاااا والحمد الله عبلى سلامتك توحشناك معنا وربي يتمم شفائك يااا رب

بيان 5 · 2017-09-26, 15:35

حيوتة الفضل لك لوكان ميش انت اللي عطيتيني البرنامج ونعتيلي كيفاه نصغر راني مازلت نحط صور كبااااار

حياة نور الدين · 2017-09-26, 16:59

هدا عشايا البارح فلفل وفريت وشطيطحة سردين

وهدا مسمن دركا كملتوا بسميد القمح وشوية فرينة

oumelabedmh · 2017-09-26, 17:04

السلام عليكم. اممم حيوتة الله ىيبارك شهاني المسمن راني جاية بلا عرضة.بصحتكم

بيان 5 · 2017-09-26, 18:41

حياة لمسمن هااااايل قوليلي كي ديريلوا لفرينة يجي بنفس البنة كي نديروه بالسميد برك

بيلسان91 · 2017-09-26, 20:24

مسلخير وشكم
حياة شفت تعليقك مهربتش وانما تلات ايام هادم مقعدتش خلاص يومي نخرج على التمنية ونروح على ربع ونص
لبارح درت مادلان تع لنرة لفاتت غلبانة مقدرتش حتى نحط راسي نسمع لغوسات عاودت تع قبل
تلات ايام راحو فباطل نجري على شهادة العمل علخر مدتهاش فها مشكل حطيت الدوسي تع الترشح لمنصب بلا بها مندريش لعل تصلحلي وننجح مي كون بها خير خاطر ندي زوز نقاط بها معلهش كل واحد وش كتبلو ربي
دك نشوف وش طيبتو درك ديرو فبالكم اني نقول مليح مليح فقط اني معنديش الكلمات المنمقة كما نتم خاصة رزيقة

بيان 5 · 2017-09-26, 20:48

بيلسان معايش اختي فيها خير وأكيد نتمناولك تنجحي وتفرحي ونفرحوا معاك

حياة نور الدين · 2017-09-26, 21:36

اهلااا البنات

بيان الله يسلمك اختي الدوق تاعو عادي بصح لازم السميد اكثر من الفرينة

ام العبد حنونتي ارواحي بلا عرضة راكي مولات الدار

بيسو ماعليش حبيبتي ما ةتعرفي بلاك تكتبلك وربي يفرحك بخديمة ووليد الحلال اللي يستهلك
وكوني على طبيعتك معنتها متكلفيش روحك في الرد ، ردي كما تحبي

حياة نور الدين · 2017-09-26, 21:41

عشايا اليوم طاجين الزيتون خرج فيا تع بيان