الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 9

<نَجْمَاتْ> · 2013-12-03, 08:29

صباح الخير لبنات. بسملة ربي يحفظلك بناتك ومبروك المزيود وكلشي روعة الله يبارك

~اسيل ريحانتي~ · 2013-12-03, 08:32

اقتباس:

المشاركة الأصلية كتبت بواسطة أم محمد تاج

ياي نقرعج من الموبيل وراكم روووعة حبيباتي
شكرا بسملة راني نستنى
ام زاكووو حبوبي رووووووعة قلوب الجلجﻻنية هبااااال يسلم يديك
اغرديت رررووووعة طيابك يالفحلة
مﻻك نووور ايجوا تسخف تسخف واش هداك لي من فوقو؟؟؟
السلفية الصغيرة عجوزتك خمسة وخموس عليها
ام انووووووسة صح عشاك عزيزتي
تصبحو على ااف خير نشالله
حقة ﻻيدي مبرووووووك التثبيت حنونة تستاهلي

يسلمك حبيبتي ام تاجوو حطيتهم في قسم التطبيقات

أم محمد تاج · 2013-12-03, 08:33

صباحووووووو حبيباتي ونهاركم مبرووووك نشالله
شفت كلش وقريت كلش وكلش يهبل يعطيكم الصحة حنوناتي
عاشقة الجنة الصابلي يهبل ماتعجنيهش برك وتبعي الوصفة وخلالالالالاص
جربت البارح بوراك بلاكرام فراش ياااااااااااااي والله يهبل وماتخيلتش الطعم تاعووووووو بصح فووووور ضرك نحطهولكم تشوفوه
وهذاك البان كايك راه عجينة البوراك خخخخخ مالا درتها عادي وفرحانة أوي أوي أقراوها بالمصرية خخخخخخ مالا كي جيت نطيبو مقلتي قاتلي لاكان انت فحلة تتنحى غير وحدة؟؟؟ عييت قلت بالاك الأولى والو ولا بالاك الثانية تصلح والووو ثاني مالا قلت والله مايذوقوها سلاحف النينجا ديجا راهم في السبات هههههههه مالا كسرت فيه زوج بيضات وزوج مغارف لحظة ووحدة سكر وباكي خميرة ورديتهم بان كايك دخلت بيه لكوزينة بسملة وجا يهبل

وهام ليكم صور بوراك لاكرام فراش ممممممم

وهاذا بان كايك الديوووول خخخخخخخخخخ

أم محمد تاج · 2013-12-03, 08:35

صباحووووووو بروووقة صباحوووو أم رياحييييين حبيباتي
أم اياد مرحبا بيك حنونة وجوزي قربي
أم رياحين حنونة مادامك هنا نحطلك طريقة شخشوخة الظفر يالحبيبة

بريق الامل& · 2013-12-03, 08:36

واش رايحين اطيبوا اليوم؟؟؟؟؟؟؟؟؟

بريق الامل& · 2013-12-03, 08:38

اقتباس:

المشاركة الأصلية كتبت بواسطة أم محمد تاج

صباحووووووو حبيباتي ونهاركم مبرووووك نشالله
شفت كلش وقريت كلش وكلش يهبل يعطيكم الصحة حنوناتي
عاشقة الجنة الصابلي يهبل ماتعجنيهش برك وتبعي الوصفة وخلالالالالاص

جربت البارح بوراك بلاكرام فراش

ياااااااااااااي والله يهبل وماتخيلتش الطعم تاعووووووو بصح فووووور ضرك نحطهولكم تشوفوه

وهذاك البان كايك راه عجينة البوراك خخخخخ :d:d:d:d مالا درتها عادي وفرحانة أوي أوي أقراوها بالمصرية خخخخخخ

مالا كي جيت نطيبو مقلتي قاتلي لاكان انت فحلة تتنحى غير وحدة؟؟؟

عييت قلت بالاك الأولى والو ولا بالاك الثانية تصلح والووو ثاني مالا قلت والله مايذوقوها سلاحف النينجا ديجا راهم في السبات هههههههه مالا كسرت فيه زوج بيضات وزوج مغارف لحظة ووحدة سكر وباكي خميرة ورديتهم بان كايك دخلت بيه لكوزينة بسملة

وجا يهبل

وهام ليكم صور بوراك لاكرام فراش ممممممم

وهاذا بان كايك الديوووول خخخخخخخخخخ

فحلة ونصو25 انجاز عظيم من اديول للبان كيك اديرها غير افحلات وخرج فوووووووووووور بوراك لاكرام فراش هاتي الوصفة نشوف

princesse raja · 2013-12-03, 08:44

ما شاء الله يعطيكم الصحة0وان شاء الله البيبي يترب في عزكم
وبناتك يهبلو
بصح قوليلي شكون الحادقة اللي غسلت لماعن

أم محمد تاج · 2013-12-03, 08:45

من عيوني برووووقة
بوراك لاكرام فراش
قلي بصلة صغيرة مع شوي لحم مرحي وملح وفلفل أسود كي يطيبو لوحي عليهم شوي معدنوس وخليهم بجيهة
ومن جهة أخرى غلي حبة بطاطا وملحيها كي طيب صفيها مليح من الماء تاعها وأرحيها غير بالفرشيطة ضيفيلها أربع فرماجات ومعدنوس نموت عليه في البوراك وبيضة وملح وفلفل أسود ونص كاس كرام فراش راح يجيك الخليط جاري ماتخافيش ضيفيلو اللحم تاعك وحطيه في الثلاجة حتان يبرد مليح ويتماسك ومايش راح يتماسك بزاف ماتخلعيش كي يبرد حطي مقدار ثلاث مغارف من الحشو ولفي البوراكة تاعك وحطيها طيب وضرك كي طيب تحكم روحها لاكرام فراش ويصبح هكذا والله بنة هايلة وتغييير مممممم وماتنسايش القارص رووووعة مع لاكرام فراش

<نَجْمَاتْ> · 2013-12-03, 08:45

اقتباس:

المشاركة الأصلية كتبت بواسطة أم محمد تاج

صباحووووووو بروووقة صباحوووو أم رياحييييين حبيباتي
أم اياد مرحبا بيك حنونة وجوزي قربي
أم رياحين حنونة مادامك هنا نحطلك طريقة شخشوخة الظفر يالحبيبة

صباح الخير ام محمد تاج يعني لاه صبحتي عليهم وانا نسيتيني ما لا نقلك اناالبارح درت للعشاء قراتا الشيفلور تاعك وجا 444444 يعطيك الصحة كي نخلص الشغل نحطو ان شاء الله

عطرالذهب · 2013-12-03, 08:46

صباح الخير حبيباتي
بسملة ما شاء الله كوزينتكم رائعة وماكولاتكم تشهي ما خليتيلنا ما نحطو الله يبارك ومبروك على خوك المزيود وربي يحفضلك هاذوك لعرايس يهبلو ما شاء الله لعقوبة كي يفرحك ربي بخوهم راهي فرحة ما بعدها فرحة وسقسي لمجرب
انا ليامات هاذو مشغولة مع امتحانات بناتي ربي يوفقهم و عندي شوي ميناج اسمحولي
بسملة تسالي حاجة حلوة نحطهالك في كوزينتك ولو انها سكر زيادة بابداعات الفحلات

أم محمد تاج · 2013-12-03, 08:50

حقة جبتلكم البوتي فوور روووووعة هاي ليكم الوصفة
هي كيعاد باتيسري مدت كونتيتي كبيرة
400 غ فرينة
200 غ سكر قلاصي
500 غ مارقارين طرية
50 غ مايزينة
10 غ خميرة كيميائية
وفاني وسوريز كونفي
خلطو كيما العادة وطيبوه كيما العادة وزينوه بنص حبة سوريز كونفي من الفوق

أم محمد تاج · 2013-12-03, 08:51

أم نور وجمان يعطيك الربح صباحووووو والله ماشفتك حنونتي وراني رايحة نعاود نراجع والقراتان عجبكم؟؟؟؟ بصحتكم حنونة

أم أسماء 2 · 2013-12-03, 08:55

اقتباس:

المشاركة الأصلية كتبت بواسطة الأمنيات

يعطيك الصحة على البركوكس راه يشهي وين راه حقي ههههههههههههههههههه

حقك كلاه مهدي ولدك هههههههههه

أم ياسين الزهراء · 2013-12-03, 08:55

صباح الانوار

ام محمد هدا وين فقتي بالبوراك والكريم فراش راحت عليك هداك اختصاصي وانا نستعمل تاع باتنة هايلة بصحتك

بروقة هبلني الشيز كيك يعطيك الصحة ومازلت نستنى في ردك على الدنتال نهبلك ولا ماتعرفنيش ههههههههههه

ودوقى للتقرعيج

بسملى كوزينتك بابك روعة الله يبارك يجعلها للأفراح يارب

اولا واش دير مشينة تاع الغسيل فوق البوتاجي وشكون اللي رفدها اكيد رافع الاثقال ههههههههههههههههههه

دار بابك ماعندهمش بيترا ههههههههههههههههههههههه

شكون المسكينة اللي غسلت المواعن ييييييييييييييييييييييييييي بزاف هدوك خدمتي في الاعراس هههههههههههههههه

وفي الاخير الله يحفظ الدرية ويجعلها صالحة وربي يخليلك باباك ويفرح بوالد ولادو

أم محمد تاج · 2013-12-03, 08:56

صباحوووووووووووو عطورة ونهارك مبروووك نشالله
أم ياسوو راهي من وراء الكواليييس هههههه هي والجماعة