دورة " ربات بيوت واثقااااااات" - الصفحة 9

arwa alaa · 2017-09-14, 22:32

اهلا فراشات
اختي روان الف مبروك التخرج ولعقوبة نباركولك للخطبة ويعطيك الصحة والعافية نحب البنات كيما نتي الي يمدو لكل حاجة حقها لقراية في وقتها وشخل الدار وقتو تحياتي واحتراماتي لانو في وقتنا ولاو قلال الي كيما انت
اختي نور عيني يعطيك الصحة على الوصفة وشكرا ونتمنى تجربي روتين الخميس راح يعجبهم الاولاد والزوج الحال
ام ابراهيم الخليل واش احوالك وواش راهي الوالدة

شهد نوراليقين · 2017-09-14, 22:40

السلام عليكم 
كتبت روتيني المسائي مرتين و طاااار كوناكسيون عيانة 
المهم أنا قبل العصر بربع ساعة نشرب حليب المساء مع أولادي و نغسل مواعين القهوة و نتوضأ و نصلي العصر و نقرأ أذكار المساء و نتوجه للمطبخ هنا يبدأ روتين المساء العشاء و خاصة في فصل الشتاء النهار قصير نطيبو في الصباح خصوصا انه الغذاء حاجة خفيفة لانو زوجي يتغذى في العمل و أولادي ياكلو لمجة في المدرسة ففي الصباح نطيب إلا اذا كان قليان أو غراتان يروح للفرن نخلي الرتوشات الأخيرة للمساء و السبب أنو في المساء نجهز دروس الأولاد أو نكوي الغسيل و نطويه أو نقوم بفرز و ترتيبات المهم مساءا نكمل حاجة خفيفة و ندير سلطة أو تحلية أو مقبلة خفيفة و مانخليش ورايا مواعن متراكمين نغسل طول بعد صلاة المغرب نحط الأولاد مع دروسهم شوية لعشية و شوية في الليل نتعشاو في الوقت مابعد المغرب و قبل العشاء و نزرب نغسل المواعين غير لي ملينا فيهم و ننظف الفرن غالبا نخلصهم مع أذان العشاء نسيق الكوزينة و نتوضأ و ندخل نصلي العشاء الماعن نخليهم على منشفة يقطرو 
تدناخد راحة خفيفة غالبا نطل على النت أو نشوف تلفاز ربع ساعة لا أكثر ننوض نفرش للأولاد و نجهز ملابسهم و محتجياتهم و نرجع للمطبخ نخبي المواعين و نجهز سفرة الإفطار و نرجع للاولاد نطفي الضوء باش يرقدو ههه ندير جولة في ارجاء البيت فرز و ترتيب سريع و نغسل أسناني ندير ترطيب و نحكم بلاصتي و هاتفي ههه نترنت 
المواعن جامي نخليهم الحمد لله عادة فيا نغسلهم حتى و مريضة و في المرض الشديد زوجي يغسلهم لانو تعود عليا نغسلهم يوميا و كوزيتني صغيرة مانقدرش نخليهم لازم يتغسلو و يتخباو 
نجبد اللحم المجمد تاع الغذاء ليلا اذا حبوب ايضا نحطها في الماء اامهم نكون مديسيديا واش نطيب غدوة و يكون كلش متوفر الصباح مانخممش اقوم بالتنفيد بسرعة ههه و مايضيعش وقتي في التخمام 
بعض الأيام نمشي على دقة الساعة كلش نتحكم فيه و لكن الطوارئ أكثر شيىء يفقدني السيطرة على الوضع 
بعض الأمور فلتت بسبب العطلة و بعض اللامبالاة مثلا ضبط ساعة نوم الأولاد و ساعة مراجعة دروسهم بعض الأهداف المسطرة مثلا* قراءة كتاب أو الجانب الجمالي او الجانب الروحي ماقدرتش نواضب عليهم و راني نخاول ان شاء الله كل مرة نتحكم في حاجة حتى نوصل لروتين مسائي مرضي بالنسبة لي و أهم شيىء مريح لاني غالبا عندما أقوم بكل المهمات المسطرة أدفع الثمن تعب و إرهاق شديد و هذا ما أسعى لتغييره معكم ان شاء الله* أظن انني تكلمت كثيرا ههه ليلة سعيدة و للحديث بقية ان شاء الله

arwa alaa · 2017-09-14, 22:41

اهلا بالغالية ام تينة توحشناك بزاف
رانا نستناو في دروسك

arwa alaa · 2017-09-14, 22:45

اهلا اريج ونور اليقين

نسمة صبح · 2017-09-14, 23:33

السلام عليكم

سعيدة جدا بافتتاح الدورة و منظمة اليكن ان شاء الله حبيباتي

بارك الله فيك ام شمسو و جميع الفراشات المحلقات

حبيباتي يوجد تطبيق ف لبلاي ستور اسمه flyhelper ينظم كل الروتينات االصباحية ما بعد الظهر و المسائية و حتى الاسبوعية و هناك مقترحات باللغة الاجنبية ..

هو تابع لطريقة flylady و تكون معه توجيهات مباشرة من الموقع سينفعكن كثيرا لترتيب الروتينات

ليلة سعيدة جميعا

ام متين · 2017-09-15, 06:05

اصبحنا واصبح الملك لله والحمد لله
اللهم اجعل نُطقنا ذكرا.. وصمتنا فكرا.. ونظرنا عبرا..
ولا تجعلنا ممن أطال الأمل.. وأساء العمل.. وأكثر الجدل..
واجعلنا ممن سمع الحكمة فوعى.. وسمع القرآن فدنا.. واتبع الصراط فنجا..
يا سميع الدعاء.. يا مجيب الدعاء.. نسألك عيش السعداء.. وموت الشهداء.. والرضا بالقضاء.. والشكر على النعماء.. والصبر على البلاء.. والفوز يوم اللقاء.. والنصر على الأعداء.
. نعوذ بك يا ربنا من عضال الداء.. ودرك الشقاء.. وشماتة الأعداء.. والسلب بعد العطاء.. ونعوذ بك من كيد السفهاء
اللهم امين اللهم امين
ولا تنسونا من دعائكم

arwa alaa · 2017-09-15, 06:47

ربي يفتح عليك ام متين
صباح الخير فراشات

أريج13 · 2017-09-15, 08:06

اللهم صل و سلم على الحبيب المصطفى
صلى الله عليه و سلم تسليما كثيرا مباركا فيه
آميييييييييين ام متين جزاك الله خيرا ووفقك لما يحبه و يرضاه
صباح المحبة و السرور اروى الاء كيف حال الحلوات ربي يحفظهم
صباح النشاط و الحيوية لكل الفراشات المحلقات موفقات باذن الله

arwa alaa · 2017-09-15, 08:34

اهلا اريج البنوتات راهم ملاح ودخلو للروضة
جمعة مباركة للجميع لا تنسوا الصلاة والسلام على رسول الله صلى الله عليه وسلم
وسورة الكهف وساعة الاستجابة

رندة. · 2017-09-15, 09:05

أصبحنا وأصبح الملك لله والحمد لله ولا اله الا الله والله اكبر ولا حول ولا قوة الا بالله
صباح الخير عليكم يافراشات، ان شاء الله تكونو بخير كامل
بارك الله فيك ام متين على الدعاء. اهلا وسهلا اروى الاء وأريج.
جمعة مباركة للجميع

ام هاديل وياسين · 2017-09-15, 09:13

السلام عليكم وبارك الله فيكم على افتتاح هادي الدورة رايحة نكون من المتتبعات ان شاء الله
بتوفيق لكل الاخوات

omelbanin · 2017-09-15, 10:00

السلام عليكم وجمعة مباركة.
بالنسبة لكيس القمامة قلت ما نلقاش 27 حاجة نرميها لاني تقريبا كل ما نسرج لخزاين ولا المطبخ نرمي ،بصح والله غير لقيت كاين حوايج كنت مترددة باش نرميهم اومبعد عفست على قلبي ورميتهم اااليييي.
بالنسبة لروتين المساء بعد العصر نحضر العشاء نحطو فوق النار ندور على الدار كاشما نفرز و نسرج لبيوت .
بعد ما نتعشاو نغسل الاواني نغسل الطراشن ،نخرج القمامة و نمسح المطبخ .
نغسل اسناني ندير لوجهي un bémaquillantنغسلو بعدها ،كريم مرطب
يحكمو الاولاد.بلايسهم ،والى النوم .
بالنسبة للمراجعة ما نحبش تكون كي يكون الزوج في الدار ،سما الواجبات يديروهم قبل من العصر.

حياتي كلها امل · 2017-09-15, 10:37

السلام عليكم وصبحكم الله بكل خير بارك الله فيكم على نشاطكم روان الف مبروك التخرج ويارب يرزقك زوج صالح تتهناي معاه
اختي شهد نور اليقين ماشاء الله عليك روتينك المسائي هايل
ابني نور عيني شكرا على خلطة الشعر نحاول انجربها ان شاء الله انا المشكل في شعري عاد يطيح بزاف خاصة كي يكون مشمخ وليت انخاف نمشطو
ام شمسو راني كملت اختبار الرمي ارميت 27حاجة انا المشكل مش فيا في اولادي وزوجي الحاجة الي انجي نرميها يقولولك علاه هذي سوفونير هذي نسحقوها هذي نلعبو بيها وانا نتقلق من الخردة
لاتنسوا الصلاة على النبي وسورة الكهف واذكرونا في دعائكم

شهد نوراليقين · 2017-09-15, 10:57

صبحكم الله بالخير و البركة
بيك اهلا و سهلا حبيبتي اروى ان شاء الله بنوتاتك كبرو شوية و ماعدوش يتعبوك
شكرا على الأدعية التي تفتح النفس ام متين آمين اجمعين ان شاء الله
شكرا ليك حبيبتي حياتي كلها لله ربي يقدرنا ان شاء الله على تربية أولادنا تربية سليمة و تنظيم و تسيير بيوتنا أفضل
تحية لكل الفراشات بدون استثناء جمعة طيبة اللهم صل و سلم و بارك على سيدنا محمد

ابني نور عيني · 2017-09-15, 10:57

صباح الخير و الهمة والنشاط لكل الفراشات المحلقات

اليوم نضت مع اذان الفجر صليت و قريت ماتيسر من القران و قريت الاذكار و اتجهت للمطبخ حضرت فطور الصباح لزوجي و رضعت ابني و رجع رقد وانا كملت خملت الغرف و نظفت الحمامات و اليوم عندي تنظيم دواليب المطبخ نقيتهم ورتبتهم جيدا و رميت بعض الاشياء التالفة و الزايدة و رتبت خزانة ابني و مسحت الغبرة و جهزت الكسكسي و مسحت الاسطح تاع المطبخ و غسلت المواعن و رتبت المطبخ و بهاذا كملت روتيناتي الصباحية