وصفات من حراير مطبخ وش طيبتي اليوم

[oum ibrahim]

لينا 11
خبز محشي بالجبن

المقادير:
04كيسان فرينة
بيضة
ملعقة كبيرة خميرةة خبز
ملعقة كبيرة سكر
ملعقة صغيرة ملح
04ملاعق كبيرة زيت
كيس خميرة حلوى
ونعجنها بحوالي كأس حليب دافيء (لا نصبه مرة واحدة ربما لا تحتاجي كل الكمية)
نتركها تخمر ربع ساعة
والباقي بالصور

[oum ibrahim]

باتيلا 137
حلوى البالون
قاطو البالو *نصف الكرة* لازملو مول نتاعو سبسيال و راهو مقطوع






حلوى البالون الي باللون الوردي في الصورة

طريقة التحضير القلاصاج
2 الى 3 بياض بيض+سكر قلاصي *من 700 غ الى 1 كغ من الاحسن المرجان+1 م ك فاني و اعجني كي الكسرة اضيفي لا جولي + القارص + 3 م ك زيت لا اكثر* ادا استعملت الصبغة دوبيها قبل في القارص الا الصبغة البنفسجي دوبيها في كمية من الجولي *زيدي لاغوم نتاع الكرايل شوية برك تحدث فرق في الدوق تلاحظي بلي ماء الزهر ماكانش

[oum ibrahim]

hanane 220
السفنج
رطل فرينة +ملعقة خميرة العجين +القليل من الملح+ملعقة صغيرة سكر

الطريقة:

يجمع العجين بالماء الدافي إلى أن نحصل على عجينة رخوة وخفيفة نوعا ما ونغطي العجين حتى يتضاعف حجمه اي تخمر و عندما يتضاعف حجم العجين نكون منه كويرات صغيرة ونضعها في صينية مدهونة بالزيت ثم ندهن الأيدي بالزيت وناخد كل كويرة ونثقبها من الوسط ونضعها في الزيت الساخن لكي تحمر من الجانبين

[*أم كوثر*]

يعطيك الصحة بروقة
بالفعل موضوع مميز
وجزاكم الله كل خير

[ام لين]

المشاركة الأصلية كتبت بواسطة oum ibrahim

hanane 220
السفنج
رطل فرينة +ملعقة خميرة العجين +القليل من الملح+ملعقة صغيرة سكر

الطريقة:

يجمع العجين بالماء الدافي إلى أن نحصل على عجينة رخوة وخفيفة نوعا ما ونغطي العجين حتى يتضاعف حجمه اي تخمر و عندما يتضاعف حجم العجين نكون منه كويرات صغيرة ونضعها في صينية مدهونة بالزيت ثم ندهن الأيدي بالزيت وناخد كل كويرة ونثقبها من الوسط ونضعها في الزيت الساخن لكي تحمر من الجانبين

يا يماعلى هدا السفنج رائع الله يبارك قولينا اين يكمن السر

[oum ibrahim]

fatalim
قرنطيطة

وصفة القرنطيطة ناجحة جدا
المقادير تلعب دور كبير جدا
زوج كيسان فرينة الحمص(الكاس الواحد220ملل) يعني ديري440ملل فرينة الحمص
كاس حليب(نفس الكاس 220ملل)
3كيسان ونصف ماء
2بيض
ربع الكاس زيت
ملح حسب الرغبة
كمون
فلفل اسود(انا مادرتوش)
الطريقة مهمة
اضربي البيضتين مع الحليب الملح الكمون والزيت والفلفل الاسود
صبي الخليط بشوية على فرينة الحمص المغربلة وخلطي مليح حتى مايكونش حتى كتلة
ومبعد زيدي الماء وخلطي مليح لازم تتحصلي على خليط سائل جدا
سخني الفرن وادهني المول نتاعك بشوية زبدة وفرغي الخليط
دخليه للفور 180 درجة كي يجمد من فوق حمريها

[oum ibrahim]

ام سامي 15
قرنطيطة
كيلي بالكاس


كاس حمص + تقريبا 4 كيسان ماء يعني الكيلة الرابعة ناتع الماء نقصي منها الربع فهمتيني

+ تقريبا نص كيلة زيت +ملح + فلفل اسود + كمون + بيضة او بيضتين


و ضربي بالميكسور و خليها تتحط

و تكوني سخنتي الفرن 200درجة

لدهني الصنية


عاودي خلطي

و عمريها في الصنية بحيث تكون تقريا العو 2سم و نصف



دخليها في الفرن و عندما تبدى تتحمر بعض الشيئ من فوق بحيث ما يكونش مميه


شعلي من فوق حتى تتحمر

[ساندي 28]

يعطيك الصحه ام ابراهيم هنيتينى من عناء البحث جزاك الله خيرااااااا

[oum ibrahim]

هذا هو مول حلوى البالون للاخت اليسون

[لمسة حنية]

مااااااشاء الله جميل كل متقدموه بارك الله فيكم وجزاكم خيرا

[touta2010]

اهلا جميعا
4444444444444444444444444444444

[oum ibrahim]

ام كوثر
بيتزا بالعجينة المورقة
كيلو فرينة
2مغارف كبار زيت
2مغارف كبار خل
ملح
ماءبارد
نعجنها ونخليها ترتاح
من بعد نقطع 500غ وبدة توريق بالطول
وطريقة العمل كالمعتاد
الصراحة انا جامي ريحتها بين الطية والاخرى
هنا للبيتزا رققت العجينة حوالي 2مم
ودرت صوصبيتزا كالمعتاد
بليت البلا بالماء
حطيت العجينة
دهنتها بالصوص
تم زيتون مقطع
معدنوس
طيبتها وحمرتها مليح مليح من تحت
لما خرجتها حطيت تون زيت ومايونيز ورابيت عليها فورماج

[oum ibrahim]

اليسون ديلورانتس
كاب كيك
4بيض +300فرينة +1/2كاس زيت +1/2 كاس حليب +1خميرة +200غ سكر + قشور تاع قارس وبرتقال + ملعقة صغيرة فاني

الطريقة:

طلعي السكر + البض كامل مليح وبعدها اضيفي بالشوية مزيج لحليب والزيت ومبعدا الفرينة والخميرة

وفرغيه في لي كيسات والى الفرن

التزيين بعد مايكون بارد ...

[fati21]

ام ساجد
النسبة لطاجين البروكلو ** نظفت البروكلو وفورت ومن بعد معست بفرشيطة وعملتل توابل راس حانوت فلفل اكحل وثوم ومعدنوس ورابيت معاه حبة بطاطا نية وشوي شابلير
وخلط البيض مع 2 مغارف لحظة بودر و1 خميرة قاطو واضفتها على البروكلو خلطت وبعد درت في صينية الفرن

[الدنيا]

touta2010

مربى التين او الكرموص او الكرطوس

- قطعي التين إلى قطع صغيرة وضعي القطع في طبق صيني على هيئة طبقات وبين كل طبقة وطبقة ضعي سكر.
2- اتركيه فترة تتراوح من 2 إلى 3 ساعات لغاية ما يخرج كمية المياه الموجودة فيه.
3- يترك المربى يغلي على النار المتوسطة الحرارة مع التقليب حتى يذوب السكر.
4- ضيفي إليه عصير الليمون واتركيه على النار حتى ينضج جيدا مع إضافة القرنفل المطحون إليه. وزي ما اتفقنا إنك تشيلي الريم أولا بأول.
5- يرفع القدر عن النار وتترك فترة لتبرد قليلا يصب المربى في المراطبين ويغطى جيدا

للامانة سرقته لك من قوقل

* المقادير *
كيلو تين
كيلو سكر
عصير ليمونه
ربع معلقة صغيرة مسحوق قرنفل


* الطريقة *

1- أحضري التين واغسليه وقطعيه إلى قطع صغيرة وحطيه في طبق صيني على هيئة طبقات وبين كل طبقة وطبقة ضعي سكر.

2- اتركيه فترة تتراوح من 2 إلى 3 ساعات لغاية ما يخرج كمية المياه اللي موجودة فيه.
3- بعد كده حطيه على نار هادئة مع التقليب لغاية ما تلاقي السكر اللي فيه ذاب خالص.
4- بعد كده ضيفي إليه عصير الليمون وسيبيه على النار لغاية ما يتعقد مع إضافة القرنفل المطحون إليه. وزي ما اتفقنا إنك تشيلي الريم أولا بأول.


- لما تلاقي المربى استوت شيليها من على النار وسيبيها لغاية ما تبرد وبعد كده عبيها في البرطمانات ودخليها التلاجة.