~ ~ ~طلباتكم مجابة بإذن الله ~ ~ ~

[زينب 83]

ام نور الهدى ديري صابلي التاج تاع ام اماني و لا حلوى الكابريس و لا شوفي الوصفات تاع alison x هائلين

[nadjet boumaraf]

لبنات ربي يعيشكم شكون توريلي لاكرام هديك يلي بالألوان لي يحطوها فوق لمادلان هبلتني...ربي يحفظكم

[زينب 83]

واشمن كرام حبوبة اذا ممكن الصورة

[maram mery1]

السلام عليكم
اختي زينب موضوع هايل ان شاء الله كل الاخوات يفيدوا و يستفيدوا
انا ان شاء الله هاذ الاسبوع ندخل في شهري و حابة نوجد حلاواتي وحدي قلت اندير غريبة الكوكاو و مخبز تاع حرة الاغواطيو و حلوى الجنجلانية باللوزللشيف ام اماني في مول السيليكون,,,,,,,,,,,
السؤال........واش رايكم في اختياراتي؟و هل نقدر نبدا هاذ الويكاند وانكونجوليهم؟او انحطهم في الفريجيدار؟؟؟؟؟الحقيقة الكونجيلاتور تاعي صغير ما يهزش؟؟؟؟
رابط الغريبية تاع ام اماني ما لقيتوش يا ريت تعطوهولي؟؟
بالنسبة للطلية كانت ام امان في احد مواضيعها قالت انها كانت تستعمل وحدة و بدلتها لانوا الجديدة احسن و ما تيبسش.....نسيت وين قريتها؟؟؟و ياريت تعطوني الطلية الاحسن؟؟؟
سامحوني على الاسئلة الكثيرة اختكم مبتدئة لكن اتحب الطبخخخخخخخخ

[oum radja]

اختي مرام ميري بما اني جربت مخبز حرة الاغواطيات عدة مرات بغيت نعطيك نصيحة الكاس لي تعبري بيه ماديريهش كبير سيرتو الحليب على خاطر تجيك العجينة جارية وتولي تزيدي في النوادكوكو والكوكاو حتى تسماط العجينة ديري كاس متوسط ولا صغير احسن
و الطلية دايما ديري فيها مغرف زيت باش ماتجيكش يابسة
و القاطو اذا قعد في بلاصة باردة ماتخافيش عليه ماشي شرط تكونجليه وانا تبانلي كي تدخلي شهرك اخدمي القاطو تاعك على خاطر ممكن تزيدي في بداية الشهر التاسع انا هاكا كنت ندير وعمري مافسدلي القاطو تاعي
وربي يسلكك عللى خير

[om kamilia]

جزاك الله خير زنوبة موضوع رائع
والشكر لكل الاخوات رب يعطيكم ما تتمنو

[ام فراس اصيل]

المشاركة الأصلية كتبت بواسطة ام نور الهدى 2014

السﻻم عليكم
شكون عندها صور لي قاكو الكابريس للاخت ام ثازيري ففالموضوع ماكاش صور و انا عيني تاكل قبل قمي هههه
و سوال لاخت عازفة الناي او اي وحدة جربت خبيزات السميد و الفرينة للاخت ام امانني قالت انو الكمية جارتلها 9 خبيزات انا يادوب ججاتني 2 كبار يعني مم خرجتلكم انتم و ماهو الكاس لي خدمتوو بيه
و شكرت

اختي ام نور الهدى انا جربت الخبيزات انتاع ام اماني دايما نديرهم خرجولي 9 كيما قالت خطراه تصغريهم ومبعد تقرصيهم هما يزيدوا يخمروا قبل ما تحطيهم في الفرن صافي راه يكبار والكيل تكيلي بباط مارقرين انتاع 250 اظن هي حطت باط ونصف فرينة وباط ونصف سميد صدقيني اختي حوايجها روعة وفي القمة درت شحال من حاجة انتاعها كيما تقولك القيس يخرج هكاك

[ام فراس اصيل]

اختي زينب حابة بنقسيك درت قاطو بالقلاساج عادي بصح بقالي لقلاصاج بزاف يصلح نحط في الكونجيلاتور ولا لا راني نستنى في الاجابة

[إلهام07]

المشاركة الأصلية كتبت بواسطة ام فراس اصيل

اختي زينب حابة بنقسيك درت قاطو بالقلاساج عادي بصح بقالي لقلاصاج بزاف يصلح نحط في الكونجيلاتور ولا لا راني نستنى في الاجابة

مع انو السؤال لزينب بصح نجاوبك انا ديما نخبي القلاصاج اللي يبقالي في الكونجيلاتور بالشهور وكي نحتاجو نعاود نخرجو راهو ثمثم يتنحالو التجميد واستعمليه عادي مايصرالو والو ......... موفقة

[ام فراس اصيل]

المشاركة الأصلية كتبت بواسطة إلهام07

مع انو السؤال لزينب بصح نجاوبك انا ديما نخبي القلاصاج اللي يبقالي في الكونجيلاتور بالشهور وكي نحتاجو نعاود نخرجو راهو ثمثم يتنحالو التجميد واستعمليه ادي مايصرالو والو ......... موفقة

تعيشي اختي الهام كي جاوبتيني اي وحد ا تعرف حاجة ووالفت ديرها تجاوب

[ناهدوران]

اختي زينب نشكرك و يعطيك الصحة عجبني الموضوع درك انعود انشارك وبارك الله فيك و في امتالك

[أم أيوب 11]

السلام عليكم ان شاء الله تكونو كامل بخير حبيت نسقسيكم

راني حابة نشري بيترا بصح معرفتش الماركة لي مليحة في السوق كاين بزاف وكل واحد شا يقول

قلت نسقسي الاخوات لي عندها تفيدني

قالولي على ماركة bomann و clatronicشكون عندها تقولي الا ملاح

[om djawad]

سلام عليكم ورحمة الله وبركاته من فضلك اختي ممكن تعطيني وصفة نتاع عصير فراولة

[زبدة ذايبة]

المشاركة الأصلية كتبت بواسطة أم ياسين الزهراء

هدي صورة الخبز ان شاء الله تخرج هدو صور خبز فريال







رفدت الرابط في العنوان اللي مكتوب في بداية الموضوع ودرت كوبي كولي في قوقل صور وخرجولي الصور ونضن هدا هو لاني نعرفو في الجزاير ومطلوع الجزاير يجي غير بالفرينة

لبنات وكاين موضوع وحدة معانا اخت داراتو يماها في عرس بنت عمها شكون اللي تشفى عليه تحطلها الرابط عيت نتفكر

جزاك الله كل خير ياعزيزتي

رب يفتح عليك وين ماكنت

[زبدة ذايبة]

المشاركة الأصلية كتبت بواسطة أم ياسين الزهراء

زبدة شوفي هدا راهو هايل كيما مطلوع الجزاير وجربناه الكل وجانا هايل


https://www.djelfa.info/vb/showthread...hlight=ibrahim

بارك الله فيك وما قصرت يا أم ياسين