موضوع مميز وصفات من حراير مطبخ وش طيبتي اليوم - الصفحة 9

fati21 · 2013-08-25, 20:49

ام كوثر
طيبت الدجاج في صوص بيضاء نورمال وكترت التوم
غلقت الكوكوت حتى طاب ونشف من الصوص
البطاطا قليتها نورمال
لحتها في الصوص تجمرت وطفيت ماتحركيهاش
الدجاج حمرتو وفقط
اوالله ماكان حتى سر

oum ibrahim · 2013-08-26, 00:08

طيبت الدجاج في صوص بيضاء نورمال وكترت التوم
غلقت الكوكوت حتى طاب ونشف من الصوص
البطاطا قليتها نورمال
لحتها في الصوص تجمرت وطفيت ماتحركيهاش
الدجاج حمرتو وفقط

fatiha83 · 2013-08-26, 12:04

الله إيبارك روعة

أم أدم يحي · 2013-08-26, 13:15

ممكن اعرف يا بريق الامل علاش حدفتيني حصل خير
المهم انت بخير
ما لقيت وين نراسلك وشكرا على حسن المعاملة

أم ياسين الزهراء · 2013-08-26, 18:19

ام محمد تاج

طمينة اللوز

شوفي أربع كيلات لوز بكيلة سكر عادي فاني وكيلة ماء وردوزاست القارص والزبدة حسب كمية اللوز لي عندك قادرة تجيك مغرف كبيرة ولا زوج إذا عاملة كمية كبيرة حطيهم في الكوكوط وابقاي حركي مليح حتان تتلم وتولي عجينة ضيفيلها ملون مثلا وردي ولا أخضر ثم فرشي البلاطو تاعك بالسكر قلاصي وابسطيها لازم تجي خشينة الرقيقة ماعندها حتى معنى وخليها تبرد مليح وزيدي رشي عليها السكر قلاصي بالصفاية كوشة مليحة وخليها تبات على الأقل يومين باه تشرب مليح وتتماسك ومبعد قصيها مربعات وحطيها في لي كيسات
ملاحظة: ماء الورد ضيفي بالشوي أنت وكمية اللوز لي عندك كي تتلم ودير عجينة حبسي ماء الورد

tokio hotel · 2013-08-27, 10:28

اختى ام تاج ما جاوبتينيش على سؤالى بخصوص الجلاصاج

sidali 2007 · 2013-08-27, 16:52

كتبت بواسطة nadia7888

هي وصفة بسيطة جدا
tarte renversée aux pommes
3 بيضات خفقيهم مليح مع كاس الا ربع سكر و قرصة ملح حتي يبياض الخليط كيما نديرو المسكوتة وزيدي 3ملاعق كبيرة زيت ونصف كاس عصير قارص طبيعي أنا ماكانش عندي استعملت هذا المشروب اللي في الصورة

إضغط هنا لرؤية الصورة بحجمها الطبيعي.

خلطي مليح وزيدي 2كيسان فرينة و باكي خميرة كيميائية ومن جهة أخرى حطي نصف كاس سكر مع ملعقة كبيرة زيدة في طاوة على نار متوسطة حتى يولي كرامال خلطي مليح الزبدة و السكر باش يتخلطو و فرغي الكرامال في السينية تاع الفور اللي راح طيبي فيها تكون مدهونة بالزبدة باش نا تلصقش و حطي فوقو لي ترانش تاع التفاح أو الإجاص" ادا حبيتي" اللي تكوني قشرتيه وصبي من الفوق الخليط تاعك و دخليه الفرن يطيب عادي كيما المسكوتة,,,,,,,,,,,,,,,كي تخرجيها خليها تبرد شوية و قلبيها اذا حبيتي خليها كيما راهي او اسقيها بشوية عصير أو شاربات لكن الأحسن في رايي صلصة التوفي تاع لهومة وهاو الرابط تاعها

*رفيقة الدرب* · 2013-08-30, 16:21

مقدسية

هاذاك صدر دجاج مرحي ومفوح تشليه كرات وتحشيهم فرماج
وديريلهم صوص بيضا بالعظم والحمص او الجلبانة بصل فلفل اكحل وثوم وفاح تونس تخليها شوية خفيفة
الروز طيبيه نص طياب وفوريه فورة وحدةوحطيه في كاسرونة تيفال واسقيه بالصوص البيضا وخلي قدر2 لوش ونقصي النار حتى يشرب كل الصوص
اللي بقا من الصوص زيديلو م ص مليانة فرينة قطعة زبدة وخليه يخثار
والتقديم كيما تلاحظي في الصورة ناقصو تراش قارص برك ماكانش عندي

nina nawel · 2013-08-30, 18:20

الله يعطيكم الصحة أخواتي

fati21 · 2013-09-02, 16:38

البركوكس
لام ابراهيم
تديري في طنجرة او كوكوت طراف لحم او دجاج او كاين تاني الي يديرو بالعصبان يجي رووووووووعة مع حبة بصل مرحية ملح و راس الحانوت و تقلي ثم تمرقي بماء ساخن من جهة اخرى تغسلي كمشة فول يابس و ترميه مع اللحم او تديريه وحدو في علبة و تحطيها داخل الكوكوت و تغلقي و تخليه يطيب حولي 45 د الى ساعة
افتحي الطنجرة و زيدي حبة طماطم مرحية تعطي بنة هايلة مع ملعقة طماطم مصبرة و فول اخضر اذا عندك لما يغلي زيدي البركوكس و اغلقي و خليه يطيب حوالي نص ساعة لما تفتحي تلقايه طايب ماشي ناشف بزاف لانو كي يتحط يمتص و ينشف اذا تحبي الحار زيدي راس فلفل احمر حار امممم و شهية طيبة

oum ibrahim · 2013-09-02, 16:48

فاتي 21
بطاطا في الكوشة
انا ندير لاصوص بلونش
بالبصل والثوم وطرف زبدة وشوية زيت والدجاج ملح نقلي وندير التوابل والا حبيتي قرن فلفل حار
مرات نحط حبة طماطم مرحية
ونخليها حتي يطيب الدجاج
ومن جيهة نقلي البطاطا نصف طياب ونصفيها
نجيب بايركس نحط البطاطا وفوقها هديك لاصوص نحط حبة طماطم مقطعة دوائر و نصف حبة فلفل مقطعة دوائر والدجاج من فوق
وندخلها الفرن تكمل البطاطا طيابها وتتشرب لاصوصوالدجاج يتحمر

fati21 · 2013-09-02, 16:51

بارك الله فيك ام ابراهيم

oum ibrahim · 2013-09-03, 08:38

نجمة ساطعة
طريقة تحضير الشاي
السر في طريقة الطبخ بصح اكيد النوعية تفرق في البنة كاين تاي يجي بنين بنين صح

حنا كل ما و كيفاه نشرو باتة صغيرة كي تصلح نشرو كمية و زيد كاين نعناع تحفة

يخليه عصير مش تاي و هذا ثاني انت و زهرك ذرك عاد حكاية مش تاي هههههههههههه

كل واحد و كيفاه يطيبو بصح طريقتي انا الخاصة هي

تحطي في ابريق كاس تاي ورق (( شاي اخضر)) و تزيدي شوية نعناع مش ياسر غير شوي

تمصمصي بالماء عادي مش حامي و مش بارد و من تفرغي هذاك الماء و تعمري الابريق

ماء و تحطيه على النار تخليه حتى يبدا يغلي الماء ديرلو قلبتين و طفي النار و خليه يهمد

هنا السر باش يكشكش لازم يكون هامد الحامي ما يكشكش

بعدها تجيبي الابريق الثاني ديري لهاذ الكمية معبرتها 7 مغارف كبار سكر و تفرغي عليه

التاي من الابريق لول بعدها ترفعي ايدك بالابريق و تبداي تملي هذاك الكاس الكبير

راه في الصورة الاولى المهم تملي الكاس و ترجعي للابريق راح تشوفي الكشكوشة بدات

تتكون كل ما تتكون فريها في كاس التاي و بعدها عمري الكاس كيما درتو انا

نتمنى الشرح وافي

oum ibrahim · 2013-09-03, 08:40

لينا 11
خبز محشي بالجبن

المقادير:
04كيسان فرينة
بيضة
ملعقة كبيرة خميرةة خبز
ملعقة كبيرة سكر
ملعقة صغيرة ملح
04ملاعق كبيرة زيت
كيس خميرة حلوى
ونعجنها بحوالي كأس حليب دافيء (لا نصبه مرة واحدة ربما لا تحتاجي كل الكمية)
نتركها تخمر ربع ساعة
والباقي بالصور

oum ibrahim · 2013-09-03, 09:20

باتيلا 137
حلوى البالون
قاطو البالو *نصف الكرة* لازملو مول نتاعو سبسيال و راهو مقطوع

حلوى البالون الي باللون الوردي في الصورة

طريقة التحضير القلاصاج
2 الى 3 بياض بيض+سكر قلاصي *من 700 غ الى 1 كغ من الاحسن المرجان+1 م ك فاني و اعجني كي الكسرة اضيفي لا جولي + القارص + 3 م ك زيت لا اكثر* ادا استعملت الصبغة دوبيها قبل في القارص الا الصبغة البنفسجي دوبيها في كمية من الجولي *زيدي لاغوم نتاع الكرايل شوية برك تحدث فرق في الدوق تلاحظي بلي ماء الزهر ماكانش