الجزء 152 من واش طيبتي اليوم

[Simassim]

السلام عليك ونهاركم مبروك. واش صبحتو.

فطوري سردين راها تعوم فلاصوص والتوابل. منبعد نذخلها للفور. وراني نشري الفلفل سلاطة
سنافر تاعي في زوج لاصقين فيا كنت ناوية نقليه وبطلت اذا مانسيتش نصور. من الجري راني ننسى او مراز حت نجمع نتفكر نعحز نوض جيب التلفون
شفت التطبيقات تاعك لي جمعتها ام يسرى غيرتوني راكم دايرين جو هااااااايل بارك الله

ماحبيتش ندكر الاسماء باش ماننسى حتى واحد.

ايه راهم حاين عندي شيخي وعجوزتي. فجانفي ان شاء الله نلعبو شوي الكنة والعجوز ههههه. مقلقة وقتاش يجيو

[*توبــــة*]

صباح الخيرااات على حبيييييييباتي

خفت تخلاص االكوزينة بلا مانحط تطبيقاتي

لبارح صبحت مع البسبوسة بسك بايتة نحلم بيها باه نحطها باروك
حلمت درتها ونسيت الخمييييييييرة وزعما غاضتني وذقت منها ياااااااااااااي صبحت ليستوما تاعي في حالة خخخخخخخخ

ومع لعشا درت محااااااااجب بالسيف ماخلاولي هذو نصورهم والله يطيرو بيهم وهوما سخونين









والعجينة اللي بقات درتها مسمن للي مايحبوش المحاجب.... قدمتهم مع اللبن اممممم
ولا لفطور الصباح




وهاذي بسبوستي عااااادية خلاص مي كي صورت الخطوات قلت نحطها موضوع للمبتدئات
زعما انا محترفة ههههههههههههههه




حبيباتي ماراجعت وااااااااالو..... مي شفت تيزانة صبرينتي بالشفا عليك حنونة

لي عودة باذن الله

سبحان الله وبحمده عدد خلقه ورضا نفسه وزنة عرشه ومداد كلماته

[om wassim]

توبة الله الله على المحاجب و البسبوسة فحلة و نص الله يبارك
ليزا حبيبتي شكرا عينيك الشابين
جيادا أحلى تطبيق هههههه بصحتك و شكرا ليك
روح مراد الرشتة تشهي يعطيك اﻻصحة

[Simassim]

.


ام جوجو تف رو العشرة !!!!!؟؟؟؟.

ما شاااااااااااااااااااااء الله دخلت مع خيرات الحبوبة تاعي توبة شااااااااااااطرة المحاجب هايلين تاع حرة والبسبوسة تهبل امممم
حطي الموضوع ونتبادلو الوصفات امواااااح
جيادا تطبيق في القمة وتحريفك توووب ههههه
ليزاتي الغالية الف لاباس عليييييييييييييييييييييييك وبصحتك اللوبيا واللحم المحمر
ام تاجو احلى صبااااااااااااااح راكي مبكرة هههه
ام فاطمة الطعام يشهييييييييييي وقلب اللوز اممممم
سيماسيم بصحتكم الحوت
ام جوجو دااااااااااااااااايما في الصدارة تبارك الله عليك
ام يسرى بصحتكم الشوفلور والراااحة ههههه
روح مراد الرشتة تهببببل وهاهي صورتك




غدانا بعد عناء طويل دجاج في اكياس الشواء بطريقة نينا الغالية

استغفر الله واتوب اليه

[آسيا 27]

صاااااااحو
ماشاء الله عليكم راكم ناشطين
شوفو تطبيقي لوصفة لهنا تاع خفيف و ظريف تعبتني موووووووت خخخخخخ ولازملها الصبر بزااااف هههه
ام وسيم بصحتك السردييييييييين
توبة البسبوسة 4444444444
ام الجوج بصحتك اللوبيا
سيما ام يسرا زينب روح مراد ليزاااا ام هبوبة فايزة جيادة ام كاميليا

[زينب 83]

[omjoujou]

سيماسيم لا لا اختي نتغاداو على 12 كي يخرج زوجي من لخدمة ويروحوا وليداتي من روضة انا على الاغلب نوجد غدايا بكري وكي يكمل يطيب نصورو ونحطو بصح حتى 12 باه نتغاداو
نروح نراجع ونرجع


تعديل
راجعت غير الصفحات الاخيرة
الله يبارك على الاطايب لي حطيتوها ما شاء الله عليكم وسورتو التطيبقات لي جمعتها ام يسرى تاع البسوسة والمافن كل وحدة تقول لاختها بعدي لهيه خخخخخخخخخخ
منحبش نذكر الاسامي باه ماننسى حتى وحدة
حقا ام يسرى القاورية راني حطيتلك سؤوال البارح ومجاوبتينيش عليه اكيد مشفتيهش
ربي يخليك اعطيني الوصفة لي درتيها البارح الحوت بالبطاطا في الفرن
معليش كي تقعدي حطيلي الوصفة لاشتى ابعثيهالي على الخاص باه نكوبيها نخاف تحطيها ومانشوفهاش شكرا مسبقا

[حبيبة امها]

السلام عليكم ورحمة الله وبركاته

بارك الله فيكن يا حرائر على الوصفات والاطباق القدمة وفي ميزان حسناتكن ان شاء الله


لي رجاء من فضلكن اريد وصفة صلصة بيشاميل الصحية للاخت زينب 83 بحثت عنها في وصفات لحراير لكن لم لجدها محتاجة اليها اليوم صائمة واريد تحضيرها للافطار وجزاكن الله كل خير

تفضلي غاليتي حبيبة امها
وصفة بيشاميل قليلة الدهون زينب83

2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي

[آسيا 27]

المشاركة الأصلية كتبت بواسطة حبيبة امها

السلام عليكم ورحمة الله وبركاته

بارك الله فيكن يا حرائر على الوصفات والاطباق القدمة وفي ميزان حسناتكن ان شاء الله


لي رجاء من فضلكن اريد وصفة صلصة بيشاميل الصحية للاخت زينب 83 بحثت عنها في وصفات لحراير لكن لم لجدها محتاجة اليها اليوم صائمة واريد تحضيرها للافطار وجزاكن الله كل خير

شوفي هاذي هي وصفة البيشاملا تاع زينب لقيتها في وصفات الحراير صفحة 18
الصوص البيضاء ، شوفو واش درت، جبت لترا غير ربع حليب خلطت فيها ثلاث مغارف فرينة و هو بارد و حطيتهم فوق النار و بقيت نحرك حتى خثارت بصح لازم تبقى سائلة و مباعد نحيتها و خلطت فيه ثلاث حبات جبن المثلثات حتى ذابو و شوي ملح و اللي تحب تزيد فلفل ابيض انا مادرتوش,

[x ام رحاب x]

اهلا حبيباتي وصحة فطوركم
اسيا ايلا شفتيني اعطيني الوصفة تاعك تاع السفنج ربي يحفضك

[آسيا 27]

جبتلكم الغدا

[حبيبة امها]

المشاركة الأصلية كتبت بواسطة آسيا 27

شوفي هاذي هي وصفة البيشاملا تاع زينب لقيتها في وصفات الحراير صفحة 18
الصوص البيضاء ، شوفو واش درت، جبت لترا غير ربع حليب خلطت فيها ثلاث مغارف فرينة و هو بارد و حطيتهم فوق النار و بقيت نحرك حتى خثارت بصح لازم تبقى سائلة و مباعد نحيتها و خلطت فيه ثلاث حبات جبن المثلثات حتى ذابو و شوي ملح و اللي تحب تزيد فلفل ابيض انا مادرتوش,

المشاركة الأصلية كتبت بواسطة ام يسرا

تفضلي غاليتي حبيبة امها
وصفة بيشاميل قليلة الدهون زينب83

2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي

بارك الله فيكن اخواتي على المساعدة عميت وانا نبحث الهاتف ما حبش يدخلي بنسخة الكمبيوتر جوزيتما الفردوس ان شاء الله

[أم ياسين الزهراء]

تفضلو غدايا بمااني مستقلة اليوم والدولة غايبة درتلهم خبز الفوكوشيا وبريك