جزء***135***من واش طيبتي اليوم

[ام طيري الجنة]

المشاركة الأصلية كتبت بواسطة أم ماجد

لبنات اليوم ندعيوا لام نسرين يرزقها ربي باخ لنسرين ويفرحها يارب
وندعبوا لثلاث اخوة ماتو في نفس اللحظة اليوم جنازتهم ربي يصبر اميمتهم يارب
روضة واش فطرت عند لميمة ؟حابة نقرعج خخخ
ام تاجو ام ياسو تحياتي خخخخخخخخخخ غلبكم رمضان :d:d

ربي يخلّيك ام ماجد و يفرحك بماجد وخاوتو بارك الله فيك
و ربي يرحم اللي ماتو و يصبر اميمتهم و يهون عليها مصيبتها

[ام طيري الجنة]

المشاركة الأصلية كتبت بواسطة boubal

ام طيري الجنة اني نخمم نحط في الاول سلاطة الفواكه باش نحي العطش ومبعد لصالي او لتارتولات مع الجي ومبعد التاي مع المكسرات والزلابية وقلب اللوز ادا كان قدرت نعمل قريوش هدا الي في بالي واني نستنى في مزيد من الفكار من عند الاخوات ونعدل

انا تاني راني نقول اندير قلب اللوز في لي مول الفردية الجوتابل و نزينه من الفوق و اندير القريوش و معاه حلوة المنقوشة او المقروط

[أم محمد تاج]

طاولتي مع الاول





ومبعد حطيت الحريرة وطاحين الحلو ولله الحمد والمنة

[أم محمد تاج]

حبيبتي ام الاشبال وام نسرين الله يرزفكم الذرية الصالحة يارب
عندي افكار هاي ليكم
ديرو بسبوووسة بالمكسرات في اكواب الالومينيوم فردية يعني كل واحد بالكوب تاعو وراهم الناس يجيو شبعانين حطو غير الحاجة لي تبرد القلب مثلا عصير طبيعي مع الاول والبسبووسة ومبعد تاي ومكسرات وباقلاوة وقريوش ومبعد مثلجات منزلية مع حلوة الترك او ااجوزية وكاشمة عندي افكار نحطلكم

[ام الاشبال]

اختي واش من عجينة لصالي لرايحة تعمليها

[ام الاشبال]

ربي يهنيك اختي ام محمد تاج وشكرا على الافكار

[أم ياسين الزهراء]

ام ماجد الله يرحمهم ويصبر اهاليهم يارب ضربة تحش الرجلين الله يستر

ام محمد ميني بيتزا امممممممممممممم نقول لسلمى ديرهم اليوم راح ندير الشربة ونشوف واش يجيب الشيخ ههههههههههههه كيما ام ماجد البارح درت الطعام سخفنا عليه

راني مع مهرجان المشماش اعطولي طريقة الخايبة في عصير المشماش اقصد ام محمد اللي ماعرفش شكون الخايبة ههههههههههههه

وراح ندير تاع السيرو بصح يختلف على دائمة ماشي هداك راهو مختلف نجرب وعيني ميزاني وخلاص عندي مشماش هايل هايل الريحة انتاعو هبلتني وراح ندير المعجون نخبيه للشتاء كيما الدب القطبي يخبي الشحمة احنا نخبو السكر ههههههههههههههههه

منبعد نحط طيابات الزهراء

[ام طيري الجنة]

المشاركة الأصلية كتبت بواسطة أم محمد تاج

حبيبتي ام الاشبال وام نسرين الله يرزفكم الذرية الصالحة يارب
عندي افكار هاي ليكم
ديرو بسبوووسة بالمكسرات في اكواب الالومينيوم فردية يعني كل واحد بالكوب تاعو وراهم الناس يجيو شبعانين حطو غير الحاجة لي تبرد القلب مثلا عصير طبيعي مع الاول والبسبووسة ومبعد تاي ومكسرات وباقلاوة وقريوش ومبعد مثلجات منزلية مع حلوة الترك او ااجوزية وكاشمة عندي افكار نحطلكم

ام محمد بارك الله فيك دائما في الخدمة ربي يجازيك و يفرحك و يعطيك سويعة ساهلة و بصحتكم اتسمى تفاهمنا انا وياك على الميني بيتزا البارح جاتك هااايلة

المشاركة الأصلية كتبت بواسطة boubal

اختي واش من عجينة لصالي لرايحة تعمليها

ندير عجينة العشر دقائق او العجينة المورقة

[om kamilia]

صباح النور حبيباتي البارح مكاش النت ,مرضت كما دخلتتش ,نكمل اشغالي و نولي باذن الله
بوببل مرحبا بيك معانا ام تاجو الله الله على البتزا والحريرة
ام نسرين بصحتك العرضات و السهرات
ام ماجد و كل الملتحقات صبااحكم فل ورد وياسمين معطر بنسمات رمضانية

[دائمة الشكر]

صباح الخير اخواتي.
أطباق في قمة الروعة يعطيكم الف عافية وبصحتكم
ام ماجد درتيلي الخلعة بنتي عقبت الأهلية نتمناها النجاح هي وكل التلاميذ ان شاء الله

[دائمة الشكر]

ام ماجد ربي يرحمهم ويصبر الأهل نتاعهم

[ام طيري الجنة]

المشاركة الأصلية كتبت بواسطة om kamilia

صباح النور حبيباتي البارح مكاش النت ,مرضت كما دخلتتش ,نكمل اشغالي و نولي باذن الله
بوببل مرحبا بيك معانا ام تاجو الله الله على البتزا والحريرة
ام نسرين بصحتك العرضات و السهرات
ام ماجد و كل الملتحقات صبااحكم فل ورد وياسمين معطر بنسمات رمضانية

الله يسلمك حبيبتي واش احوالك حنونتي اتجي تعاونيني راها تالفتلي الافكار مزاحمة و لراني خايفة ما ندير والو نقعد غي هذي و لا هذيك حتى يلحق الوقت ههههههههه

[دائمة الحمد]

احلى صباح لكل الحبايب منورين الكوزينة ومنورين الدنيا بكلها
ام طيري الجنة ان شاءالله اليوم دالتك في الدعاء ربي يفرحك بنسرين وتخاويها ان شاءالله يارب
الرجاء المجد شكرا على الثقة عزيزتي وماكول الهناء والشكر موصول لصاحبة الوصفة
المازيتا البرقوق هذاك تاع السيرو يتكل كيما السلاد فروي وحدو فيه بنة عظيمة والا تزيديه للسلاد فروي اوتزيني بيه ليتارت
ام تاج حبيبتي حطيلي رابط جي البرقوق تاعك
لبنات ادعولي من قلوبكم البارح بايتةة في حالة ربي حتى الصبح ما قدرتش ننوض نصليه عندي مدة غافلة لا نشرب في الدواء تاع القلب لا نعمل بارشادات الطبيب لا عملت كونترول
غدا بحول الله نروح للطبيبة
جماعة البيام راه نهار الاثنين بحول الله يقدرو يسمعو والباك بالجمعة ربي يفرحنا اجمعين يا رب انا اميرة كوراج عليا ما تحبش تبين
نخليكم نروح نوض اميرة راهي عندها عذر وصابحة راقدة ما نعرف علاه هههههههههه دلال دار الوالدين ما كانش كيفو
الى الملتقى من بعد بحول الله

[دائمة الشكر]

ام نسرين ربي يفرحك ببنتك ، ويرزقك بالذرية الصالحة ان شاء الله

[ام طيري الجنة]

المشاركة الأصلية كتبت بواسطة دائمة الحمد

احلى صباح لكل الحبايب منورين الكوزينة ومنورين الدنيا بكلها
ام طيري الجنة ان شاءالله اليوم دالتك في الدعاء ربي يفرحك بنسرين وتخاويها ان شاءالله يارب
الرجاء المجد شكرا على الثقة عزيزتي وماكول الهناء والشكر موصول لصاحبة الوصفة
المازيتا البرقوق هذاك تاع السيرو يتكل كيما السلاد فروي وحدو فيه بنة عظيمة والا تزيديه للسلاد فروي اوتزيني بيه ليتارت
ام تاج حبيبتي حطيلي رابط جي البرقوق تاعك
لبنات ادعولي من قلوبكم البارح بايتةة في حالة ربي حتى الصبح ما قدرتش ننوض نصليه عندي مدة غافلة لا نشرب في الدواء تاع القلب لا نعمل بارشادات الطبيب لا عملت كونترول
غدا بحول الله نروح للطبيبة
جماعة البيام راه نهار الاثنين بحول الله يقدرو يسمعو والباك بالجمعة ربي يفرحنا اجمعين يا رب انا اميرة كوراج عليا ما تحبش تبين
نخليكم نروح نوض اميرة راهي عندها عذر وصابحة راقدة ما نعرف علاه هههههههههه دلال دار الوالدين ما كانش كيفو
الى الملتقى من بعد بحول الله

ااااامييييين يا رب الف شكر يا العزيزة على القلب و ربي يفرحك بوليداتك و باباهم و صحتك و اميمتك و كل من عزّ عليك