~~~ الجزء 127 من واش طيبتي اليوم ~~~ التجديد ، التغيير - الصفحة 89

ام طيري الجنة · 2015-04-25, 17:19

ارواحي هنايا ام ماجد ما حبيتيش تقوليلي على بنتك راهم فضحوك خفت ايلا تعرضيني انا جاية جاية و نجيبلك معايا الشدّة نتاع تلمسان و نشدّلها و تكون اجمل العرايس ان شاء الله ربي يسقملها السعد و يفرحها اااااامين يا رب

عازفة الناي · 2015-04-25, 17:23

جبت الكيكة يارب تعجبكم

عازفة الناي · 2015-04-25, 17:25

ام ماجد اكيد ننتظر الكواليس بكل شغف ههههههههههه

قمر 77 · 2015-04-25, 17:27

زينب عظم الله اجركم و ربي يرحم قريبتكم و يجعل مثواها الجنة و يتقبلها الشي صعيب مبصح امر ربي
و الامتحانات هذ الحكاية راها من قبل لاتجي الوزيرة و احنا عندنا راهم صح كاين اللي راهم يطبقو فيها و كاين اللي يديرو قبل بالتخبية و لوكان يكشفهم المفتش يباصو و ش نقلك رانا مفوضين امرنا لربي مرحلة و جازت درك راهم ولادي فالمتوسط و تهنينا لعاقبة لولدكم و ربي ينجح الكل

omomnia15 · 2015-04-25, 17:31

سلام يا غاليات
راني حاصلة مع راس الشحم تع وليدي باش يحفظ للفروض واااااااع عياني والكردية تع ردينة محبتش ترقد اليوم
عشايا شربة فريك ومعقودة تع الحضرة ورايحة ندير المخقن باش يشربوا القهوة لغدوة ان شاء الله سلام

قمر 77 · 2015-04-25, 17:32

سيمفونيتي كنت خارجة ننشر الملابس شفت الكيكة تهبل بصحتها صحبتك كون غير جيت انا ثاني جارتك راني عارفة روحي صحبتك ههههههههههههههه
ام نسرين رانا قع رايحين لام الجود بلا عرضة نصيحة لام الجود ديري كوكاو و اتاي كيما كنا زمان روعة و نزهاو و نفرحو و ربي يزين سعد روزا

قمر 77 · 2015-04-25, 17:34

هههههههههههههههههه ربي معاك فكرتيني في روس الشحم اللي عندي ربي ينجحهم بوسيلي رودينة

ام طيري الجنة · 2015-04-25, 17:52

يا بنات عندي لحم و عندي دجاج و عندي شوفلور و عندي لوبيا خضرة و طبعا بطاطا و بصل واش ادّبروا عليا ؟؟؟؟؟؟؟؟؟؟؟؟؟؟؟؟؟

omomnia15 · 2015-04-25, 18:00

سلام ام طيري الجنة ان شاء الله تكوني بخير ديري لوبيا سوتي بالجاج محمر يم يم وغدوة ديرياللحم بصحتكم

ام طيري الجنة · 2015-04-25, 18:06

اقتباس:

المشاركة الأصلية كتبت بواسطة omomnia15

سلام ام طيري الجنة ان شاء الله تكوني بخير ديري لوبيا سوتي بالجاج محمر يم يم وغدوة ديرياللحم بصحتكم

عاش من شااااااااااااافك يا العزيزة واش راكي وواش راهم وليداتك ان شاء الله راكي بخير و ربي يعينك على المراجعة اننا تاني راه ينتظرني الرابال نتاع بنتي هههه
شكرا حبيبتي على الاقتراح انا تاني راني نقول بلاك كاش ما نخترع غراتان باللوبيا و الجاج هههه بوركت اختي صح عشاك

أم ياسين الزهراء · 2015-04-25, 18:06

زينب عظم الله اجركم وغفر لميتكم اختي

ام طيري راح نشنشف شعري حتى انا سمعت حتى لجوان الامتحانات الدولة هدي كلش فيها معوج

لبنات خرجت نزنق وشريت لبنات حوايج وشريت لي مول البيضة لقيت تاع 4 ب 35 الف ولقيت ب 18 الف طبعا شريت الثاني

وللقهوة درتلهم الزرير فال ل قمر بولد خوها ربي يصلحو ولعقوبة لكل اخت حامل تسلك على خير ولكل محرومة

*وردة الشرق* · 2015-04-25, 18:18

ام هديل.عازفة الناي.قمورة الحلوة شكرا اخواتي
عازفة الكيكة اممم تطير لعقل سلمت يداك حبيبتي
ام ما مساء النور
ام ياسين شكرا يا مسرارة وبصحتك المشتريات حبيبتي
ام نسرين لو مكانك يعني ادا حابة تتعشاي زاليقو طيبيه في الفور يجي رايع باللحم
امنية ربي يعينك ولولاد كامل طيرو عقل

heaven's road · 2015-04-25, 18:18

اقتباس:

المشاركة الأصلية كتبت بواسطة زينب 83

سلاااااااام ، وين راكم

لبنات لي سألوني على التارتولات ، العجينة استعملت تاع الهام تاع الزيت مستحييييييل نبدلها رايعة هشوشة و مقرمشة و على فكرة تبقى واقفة ماتتشمخش حتى لو طولت تبقى مقرمشة

اما الكريمة قصتها قصة

عندها يومين راجلي اكل تارتولات عند الباتيسري و جا يشكر و يعود قالي لاكريم تاعو خفيفة بزاف ، قتلو جيبلي حبة نشوفها قالي ، هذي تاع دزيرية يخدمو فوووووووووور و عندهم الديبلوم ، قتلوا ماعليش جيبلي ، جابلي حبة ، درتلها تشرييييييييح صح خفيفة و قاعدة كيما البونج و واقفة ، ايا مخمخت
ً
واش درت طلعت كاس كريم فريش و زدتلها علبة ياوورت بذوق تارتولات فريز ، و رحيت الفراولة الطازجة و زدتها ، جات هايلة بصح انا بديت نفرح طليت على السكر لقيتو خلاص ، واااااااااع و زوجي راقد و ابني ماكاش ، واش درت زدتلها ملعقتين بودرة شانتيي و ثلاث ملاعق حليب نيسلي
و رشة فاني

واش نقولكم جات اممممممممم خفيفة و بنيييييييينة راجلي كي كلاهم داخ جعلوه برااااف ، قتلو حتى انا جبت الديبلوم ،زعمة برك

المهم النتيجة تقدرو ديرو كيما انا ، و لي ماعندهاش المكونات طلع لاكريم شانتييي و تزيد معاها علبة ياوورت ذوق تارتولات فريز او ذوق فراز فقط و فانيلا و فراز مرحي و راح تحصل على كريمة خفيييييييييييفة تاع الصح

دوكا روحو اشربو حبة بانادول علابالي وجع كم رأسكم مني

شكراً حبيبتي على الوصفة
نقرا ما فاتني و نولي

ارزاق · 2015-04-25, 18:20

مساء الخير عازفة التارت رووووعة
ام نسرين هذي غيبة نشالله تكوني بخير
ام ياسين والله دايما لما نقري الردود تاعك نضحك
ام امنية مساء الخيرات

omhadil · 2015-04-25, 18:20

[url=https://www.qqq4.com/][/url[url=https://www.qqq4.com/][/url

ام سهام الترت امممممممممم عجبتنى يعطيك الصحة
بصح ماتضحكوش عليا راهى مخصوصة فى الديكور وين تبان تاع ام سهام راهى اول تجربة