موضوع مميز الجزء81من مطبخ واش طيبتي اليوم ** مرحبا بالكل ** - الصفحة 89

أم ياسين الزهراء · 2014-07-21, 10:45

ام محمد انا شاطرة وافهمها وهي طايرة بصح الحبيات اللي معانا مسكينات ماراحش يفهمو والتبساس حطيهولهم ههههههههههههههههههه

علمونا الصلاة سبقناهم للحصير ههههههههههههههههههه

أم ياسين الزهراء · 2014-07-21, 10:47

نهال انا ندير بفلوريال مليحة

سيدعلي الله يخليك حشمت منك كنت راح نقلك مافهمتش الشكل ربي يخليك

أم محمد تاج · 2014-07-21, 10:48

اقتباس:

المشاركة الأصلية كتبت بواسطة jia-smile

صباح النور عليكم
ام تاج تعرفي البارح شريت سميد تع ماما خشين كي فتحتو رقيييق والله مايحشمو
مالا اتحققو مليح

الله يخليك حنونتي على التنبيه وصح راه فرق كبير بين الخشين والمتوسط والرقيق كي تفتحي الشكارة تبان
وديريه مطلووع ولا خبز الدار الدقيق تاعووو رووووعة روووعة للخبيز

jia-smile · 2014-07-21, 10:48

فلوريال هي لي فيها البنة وكاين ماني قالولي هايلة ماجربتهاش

jia-smile · 2014-07-21, 10:51

ايه حتى الفرينة تاعو هايلة ان شاءالله نجرب الخبز بهاداك السميد
ربي يحفظك

أم ياسين الزهراء · 2014-07-21, 10:51

لبنات في امان الله سلامي للكل ادا لقيت وقت نطل عليكم راح نرحي الغرس ونشوف واش ندير جراد افريقيا راقدين نبروفيتي

يوم موفق

أم محمد تاج · 2014-07-21, 10:54

هههههه ام ياسووو مصيبة يعطيك الربح هههههههههههههه

وهاو تبساس المقروووض
نحط الدقيق تاعي في القصعة ونملح ونحط الجلجلانيةونعمل حفرة في الوسط وليدام التاعي كالتالي نص كيلة سمن قوراية و250غ لابال ونكمل نعمر الكيلة بالزيت كي يذوبو نخليهم يدفاو غير شوي ونحطهم على الدقيق ونحك بين يديا مليح مليح حتان يطرا بين يديا ومبعد نزيد الخميرة ونغطيه بالنيلو ونبيتووو
الغدوة من ذاك نعاود نحلو بين يديا ونضيفلو صفار البيض ونحك غير شوي ونبللو بالماء وماء الزهر ومانجريهش ونبل غير بالشوي باش مايشيحش وكل مانكمل حربوش نزيد نبل قيمة حربوش آخر وهكذا حتان نكمل

sidali 2007 · 2014-07-21, 10:56

اقتباس:

المشاركة الأصلية كتبت بواسطة أم ياسين الزهراء

نهال انا ندير بفلوريال مليحة

سيدعلي الله يخليك حشمت منك كنت راح نقلك مافهمتش الشكل ربي يخليك

هههههه ام ياسو ماتحشمي ماوالو علي بالي بلي مبانش علي خاطر صور لخرين محبوش يطلعو غير هذي لطلعت من زهري هههه صورت بزربة سي سيد كان خارج صورت بتليفون تاعو في ليل ان شاء الله نصورو مليح ونحطهولك

ام ندى 87 · 2014-07-21, 10:57

ليزا الحلوه مبروكة كوزينتك الله يبارك فاتت هايلة ومعمره بالخيرات
البنات ليكم وحشه امواااااااااااح كبيرة
ام ياسين مبروك عليك السكنة تتهناي فيها يا رب هاني جبتلك رابط الفيديو لي يوضح طريقة صنع الاساور لي حطت ام سيد علي بالعجينة السحرية
على فكرة هو نفسو لي بعثتو لقبطية صح طويل بصح فيه فايدة عظيمة من عجينة وحدة تقدري تنوعي كيما تحبي
https://www.youtube.com/watch?v=NGEfx_Md37A

om kamilia · 2014-07-21, 11:14

صباح الانوار يا الفحلات

om kamilia · 2014-07-21, 11:15

اولادي يعطيك الصحة على العرضة قايمة بيها

om kamilia · 2014-07-21, 11:19

يعطيييكم الصحة كااااامل ام ماجد ليزا وام تاجو ام ياسين حنان شي بيبا عازفة الناي وكاااامل كما راكم رب يعاونكم

sidali 2007 · 2014-07-21, 11:26

المبتدئة يعطيك الصحة

om kamilia · 2014-07-21, 11:27

ان شاءءالله دوك نرو لعجينةتاع الطابع ومور الظهر كي ترقد بنتي نشكلها ونطيبها و بالاك نزيد الصابلي في الليل , ملي تنوض لازم نعس فيها هبلتنيييي يايايا
ولاّ كتب رب نزيد غدوى حتى نهار الجمعة ندير باقلاوة هكدا باش نقد نخمل شوية ونهلى في ضياف نهار الاحد و لكان جبت كارت ميموار نصور لكم قاطو بفرينة الاطفال bledina ان شاء الله رب يوفقني وانتما تاني

غربه الروح · 2014-07-21, 11:28

الله يسلمك