الجزء61 من واش طيبتي اليوم مرحبا بيكم

[ام نوردين]

مساء الخير عليكم وصحى غداكم البارح المنتدى واشبيه شبعني تحميل ونكتب الردود يرجعهال ي تحميل هبلنى والصباح ماقدرتش ندخل راسى مداير فيا حال حتى الغدا مادرتش مساكن لولاد راحو للامتحانات هاكداك عندى الصداع النصفى ولا مانعرف كيفاه يسموه المهم يوجعنى غير الجهة اليسرى من الراس نحس بعينى اليسرى دوك تخرج الله لا يبلى وحدة فيكم ماعرفتش واش دواه المهم انا لاعشا ولاغدا غير النواشف بلاك منا لعشية نتحسن ان شالله

[omomnia15]

نروح نريح شوية نضت على 6 بلاك ندير لبراج لعشية

[omomnia15]

لباس عليك ام نوردين راني حاسة بيك حنونة ديري كاش دوا انا كيوجعني ندير الفيك الحارة ولا نسخن زيت وخل وماء زهر ونديرهم والله نريح الله يجيبلك الشفا

[omomnia15]

المنتدى راهو يتصلح متتقلقوش اقراو الفوق

[x ام رحاب x]

الحمد لله راني ادخلت راني من الصباح وانا انحاول حتى اكرهت من المنتدى
حبيت انقول قبل ماتخلاص الكوزينة الله يعطيكم الصحة كل واحدة باسمها اكلاتكم كلها تفتح النفس والله يعطيكم ماتتمناو كاملين والى الملتقى في الكوزينة الجديدة انشاء الله انحبكم كامل حبيباتي

[x ام رحاب x]

المشاركة الأصلية كتبت بواسطة nihale89

بروقة شفتي واش قتلك؟؟؟؟؟

مبروك عليك الكوزينة انشاء الله الكوزينة تكون مربوحة مليئة بالخير والخمير

[lahna moka]

أم فاطيمة بصحتك البركوكس ممممم
أم نوردين باش يزل عليك راسك ما تديري حتى حركة جسدية لازم تشربي كمية ماء ببطء و ما توقفيش قدام الميكرو لاخاترش الاشعاع رايح يضرك
زيد بالزيادة أشربي آتاي ممزوج بعصير الليمون و اشربيه ببطء و استلقي على فراشك و ديري تحت الرأس و الرقبة سربيتة مبللة بماء بارد
ربي يشفيك و يعافيك يارب

[lyzzabel]

سلاااام حبيباتي و صح فطوركم كااااامل
فطرنا حريرة و فول بالزيتون و الحمد لله
لهنا على سلامتك بان عليك لامان و بصحتك المورقات يشهوووو ممممم
ام مصعب رياض توتة ام رحاب بروقة ام أمنية ام يس الزهراء نهال ام هديل ام فاطيمة بصحتكم شهيتوني يعطيكم الربح كيما تقولو ههههه
و الأخت لي عندهم الخطوبة رأيي من رأي ام يس الزهراء ديري كيما موالفين ديرو في شغلوم العيد باش تشوقوهم و تبهروهم و ألف مبروك على أختك و الله يجعله سعد الهنا انشالله
ام نور الدين لاباس عليك حبيبة فعلا الشقيقة تهبل مولاها أخت زوجي عندها نفس الحالة ومين تجيها ولادها و زوجها يقعدو لا فطور لا عشا تاني هوما مساكين الله يشفيك و يشفيها و مرضى المسلمين جميعااااا ااااااميييين

[أم فاطيمة]

ام نور الدين لباس عليك هذيك يسموها الشقيقة
راني نفور في التمر ناوية ندير لبراج قبل لا تخلاص الكوزينة

[fatiha hana]

بارك الله فيكم وصح غداكم

[ام نوردين]

شكراا لكن حبيباتى على الاهتمام والردود كشفتهم نسيت السطر لهنة عندك الحق مانقدرش نشوف فى الشاشة عينيا يدمعو ويزيد السطر بصح تغميت قلت نجى عندكم نبله لكن ماقدرتش الى الملتقى انشالله تبقاو على خير فى هدى اللحظة

[فراح فرفوشة]

المشاركة الأصلية كتبت بواسطة ام نوردين

مساء الخير عليكم وصحى غداكم البارح المنتدى واشبيه شبعني تحميل ونكتب الردود يرجعهال ي تحميل هبلنى والصباح ماقدرتش ندخل راسى مداير فيا حال حتى الغدا مادرتش مساكن لولاد راحو للامتحانات هاكداك عندى الصداع النصفى ولا مانعرف كيفاه يسموه المهم يوجعنى غير الجهة اليسرى من الراس نحس بعينى اليسرى دوك تخرج الله لا يبلى وحدة فيكم ماعرفتش واش دواه المهم انا لاعشا ولاغدا غير النواشف بلاك منا لعشية نتحسن ان شالله

ربي يشفيك اختي وينجحلك لوليدات

[أم إناس]

صح غداكم اخواتي تغديت فرماج وخبر والحمدولله
المنتدي راه هبلني هذوين تفتح معايا قلت زعم تشوفو الصور تاع الغداء بصح ماصدقتش مرة اخر كي نتغدى فرماج وخبر نصور أكم. خخخخخخخ
نوال شكرًا حنونة على الشرح تاع الرشته بالعسل
لهنه الزينه ياتيك الصحه كلش من عندك امممممممم
ام نوردين حنونة الله يشافيك انا كي تجيني الم الرأس نحزم راسي مليح ونديلو البطاطا في الجوانب او القرص او سنجابيل وان شاء الله تريحي

[R I A D]

ام اناس بصحتك الخبز و الفرماج حنونة ,,,مليح ساعة ساعة نبعدو على الماكة الثقيلة

ام رحاب اهلا بك حبيبتي و صحة غداك المنتدى راهو تحت الصيانة ان شاء الله يعدلوه


ليزاااابيل بصحتك الحريرة حبوبة

ام فاطيمة بصحتك البراج مسبقاااا

فتيحة هنا الله يسلمك حنونة و انت تاني صحة غداك

ام نورالدين هذيك هي الشقيقة و راهي ما تتلاواش ...الله يشفي و يعافيك

[lyzzabel]

ام انووووسة لعزيزة بصحتك و في انتظااااار الصوررررر على احرررررر من الجمررررررر ههههههه
حبيبتنا ريهام طلي علينا يا وجه الخير توحششششششتك يا الزينة
اليسوووووووون وييييينك غائبة قاع هاذ الشي انشالله تكوني ملييييحة
نهاااال راني نستنى فالكوزينة يا حبووووبة مووووواااااح