الجزء 157 من واش طيبتي اليوم .....كوزينة التميز و الامتياز - الصفحة 89

حياة نور الدين · 2016-01-13, 14:27

اقتباس:

المشاركة الأصلية كتبت بواسطة x ام رحاب x

عشايا البارح تليتلي بالجاج

هادو حلويات من الارشيف
خبز التونسي

تفاهمنا على التلبتلي بصحتكم
والحلويات يشهو يعطيك الصحة

اقتباس:

المشاركة الأصلية كتبت بواسطة ام عبدو و ملاك

صباح الخير يا الحراير
هادا عشايا البارح والحمد لله

صباح الخير بصحتكم العشاء

اقتباس:

المشاركة الأصلية كتبت بواسطة wahibaazel

صباااااح الخيرااات لكل الملتحقاااات
كيفكم ،ادعو الله عزوجل ان تكن بخييير.
البنااات ماشاء الله عليكم يعجز اللسان عن التعبير ،روووعة كل وحدة باسمها .
ليزا دوختينا بهذيك التااارت ،راني نستنى في كيفية العجينة تسلم الايادي.
لبنات ام تاج راهي غايبة ان شاء الله المانع يكون خير خللاات فراااغ .
ام امينة مبارك عليك وعلى مااظن عطورة ايضا على سلامتكم حبيباتي.
غداي عييييش بالخليييع ،

اهلأا وهيبة واش راكي هادي غيبة

اقتباس:

المشاركة الأصلية كتبت بواسطة om kamilia

احلى صباح لاحلى حلوين, للاسف الصور ما قدرتش
طيابكم كامل يشهي و يسيل اللعاب
رزيقة يعطييك الصحة كوزينتك رائعة خفيفة كما نتي

اهاااا ام كاميليبا واش راكي

اقتباس:

المشاركة الأصلية كتبت بواسطة أم أماني وعبدو

صباح الخير عليكم جميعا كل وحدة باسمها
وهدون حلويات خدمتهم في الايام اللي فاتو
هدي كوكا بالعجينة السحرية انتاع ام ساجد

اهلااا ام اماني يعكيبك البصحة

اقتباس:

المشاركة الأصلية كتبت بواسطة oumjiji

السلام عليكم حباباتي هادو هوما لي قاطو تاع عرس خويا لي قلتلكم عليهم و هدا باروك للاخت رزيقة و سمحولي حطيتو متاخر
ولي تعرف تحط الصور خير من الرابط انا معرفتش نديرهم و نخليكم مع القاطو
هادا المقروط لي درناه

https://www2.0zz0.com/2016/01/13/13/960401211.jpg

https://www12.0zz0.com/2016/01/13/13/226728624.jpg

هادي البقلاوه درناها بال pat fileau جات روعة خفيفة و بنينة

https://www12.0zz0.com/2016/01/13/13/325756382.jpg

و هدا قاطو الحلزن الدوق تاعو روعة محشي بالحلقوم و حلوة الترك جا يهبل

https://www9.0zz0.com/2016/01/13/13/318471962.jpg

و هدا قاطو ال****ااج حشيتو من داخل بنيستلي و الكاوكاو و زينتو بالورد

https://www9.0zz0.com/2016/01/13/13/109419462.jpg

و هدا شكلو بعد التزيين
https://www9.0zz0.com/2016/01/13/13/973554491.jpg

و هادو زوج حبات جربته في المول تاع الحلزون جا شكلو روعة

اقتباس:

المشاركة الأصلية كتبت بواسطة oumjiji

رووووووووووعة تحففففففففة يعطيك البصحة ومبروووووووك على اخوك

اقتباس:

المشاركة الأصلية كتبت بواسطة ام عبدو و ملاك

اخت رزيقة اتفضلي
درت زوج بيضات + نص كاس سكر + نص كاس زيت + نص كاس حليب + مغرفة فاني + 1 خميرة وتلمي بالفرينة تطرحيها رقيقة بسمك 1/2 سم و تقطعي بالجرارة مستطيلات وتقليهم وتعسلي

شكراااا على الوصفة

اقتباس:

المشاركة الأصلية كتبت بواسطة انا هي رزيقة

حنا البارح عشانا كان بواقي و زدت الروز في صوص الارنوب لي درتو اول امس جا بنين يقتل

و هذا طعام يناير بقالي من اول امس كليتو وحدي

بصحتكم حنونة وحبيت ندق البنة كي تقتل خخخ

اقتباس:

المشاركة الأصلية كتبت بواسطة سرور2

السلام عليكم لبنات

ديك الخطرةجربت العجينةالمرقةلام ساجد ونسيت

اليوم كجربتها رايحةنخدم كرواصو هل نخليه يرتاح قبل لندخلو للفرن ولاغيرنشكلوندخلو يطيب

للعلم العجينةمفيهاش خميرة

جوبوني بسرعة الله يحفضكم راني نستنى

راه جاوباتك رزيقة

اقتباس:

المشاركة الأصلية كتبت بواسطة ام محمد اسلام الله

مساء النور امممممممممممممممم زيكا الروز راهو يشهي يعطيك الصحة ام جيجي القاطوات تحفة يعطيك الصحة
انا كنت نعجن في المخيمرات للقهوة قلت خلي نطل على حبيباتي واش راهم دايرين فيها

اقتباس:

المشاركة الأصلية كتبت بواسطة ام محمد اسلام الله

مساء الانوار حبيبتي زيكا المخيمرات عجينة بالفرينة والسميد والملح وملعقة سكر ونصف باكي خميرة كيمائيو وملعقة خميرة خبز نعجنوهم كامل مليح ونشكلها كويرات شوية كبارونخليهها تخمر مليح مليح من بعد نحلها مستطيلات بالزيت والزبدة ونرشها بالزيت والزبدة وشوية سميد ونغلق المستطيل على اثنين ونلوي بالطول نخليها تريح ربع سااعة من بعد نبسطها تولي عندما دائرة نرمدها في السميد رقيق ونزيد نخليها تخمر ربع ساعة ونطيبها في طاجين تاع لحديد ولا مقلة تقيلة وغير انحوها وهيا سخونة ندهنونها بالزبدة وتقدم مع العسل الحر ولتاي اكيد راهي متنشبعش انا نموت عليها كي اطيب راني نحطهها

يعطيك الصحة شطووووووروة

انا هي رزيقة · 2016-01-13, 14:33

نحطلكم هذو حليو بيهم في انتظار قهوة لعشية بصح البوتي فور راهو مشري جربت كامل وصفات الفيس عمرو ماجاني كي هذا تاع الباتيسري امالا وليت منتعبش في روحي و نشريه

انا هي رزيقة · 2016-01-13, 14:35

يا عمري على حياة تسلميلي على اقتباساتك لي مافيش كيفها حبيبتي ربي يخليك لعائلتك و لينا يا رب

x ام رحاب x · 2016-01-13, 14:51

اهلا وسهلا لبنات واش راكم
كلكم راكم فور حياة تسلمي على الاقتباسات
الله ايبارك من كلش ايشهي
رزيقة كوزينتك عقبت ماشاء الله كنت حابة انحل بعدك الله غالب راهي جاية عندي امي وامي غير قوليلي مشلولة وعندها الزهيمر مانقدرش ندخل هاد النهارات سامحيني ولعقوبة اتزيدي اتحلينا كوزينات اخرين رائعين كروعتك حبيبتي تسلمو كلكم ياغالين

انا هي رزيقة · 2016-01-13, 14:57

تسلميلي على كلامك الطيب و الزين غاليتي ام رحاب معليش اتهلاي في يماك حبيبتي و ربي يخليهالك ان شاء االله و يشفيها انه على كل شيء قدير

hanamohamed · 2016-01-13, 15:04

غدانا اليوم لوبيا راني عندك حبيبتي رزيقة

Sou sousou · 2016-01-13, 15:05

السلام عليكم اخواتي في الله كيف حالكن .انا عضوة جديدة ان شاء الله استفيد منكن و افيد و انا جد سعيدة للانضمام الى هذا المنتدى بارك الله فيكن و معا لافضل

آسيا 27 · 2016-01-13, 15:06

مسا الخير
جبتلكم المبسس للقهوة راه حاااااااااامي
[IMG][/IMG]
[IMG][/IMG]
[IMG][/IMG]
اسمحولي علا بالي باللي الصور كبار
مازال ماراجعتش من بعد نولي

انا هي رزيقة · 2016-01-13, 15:10

نهارك مبارك اختي هنا محمد راكي غبتي علينا .بصح سماح كي وليتي و معاك الخير صحيتي على هذيك االلوبيا المشهية اختي و بصحة العائلة الكريمة

انا هي رزيقة · 2016-01-13, 15:15

اممممم جيتي في وقتك اسيا يا الفين مراحب حبيبتي راكي دورتيها مالح اليوم ...خخخخ بصح حتى هو باين هايل نموت على المبسس و تاعك باين بنين و يسخف يسلمو دوك اليدين يا الفحلة
اختي سو سوسو اهلا بيك بيناتنا احنا ثان فرحانين بانضمامك الينا و ان شاء االله تبقاي معانا و نتمتعو بطياباتك و تفيدينا و نستفادو منك في اقرب وقت. كثري المشاركات اختي باه تحطيلنا اطباقك

ام محمد اسلام الله · 2016-01-13, 16:09

راني جيت نجري قبل متخرجي زيكا ههههههه راهو طاب لمخمر مع لعسل الحر منحكيلكمش امممممممممممم نموت عليه والله خير من الف قاطو وزدتلكم موسكوتشو

ام محمد اسلام الله · 2016-01-13, 16:13

كلاش يشهي اللوبيا والمبسس والبوتي فور والقاطوات يعطيكم الصحة

انا هي رزيقة · 2016-01-13, 16:27

و االله كنت نستنى فيك ام محمد اسلام محبيتش نخرج قبل ما نشوف لمخمر تاعك .... . علا بالك نموووت على الصوالح التقليدية و هذ الحية عمري ماشفتها ... خخخ بصح صدقيني راهي تبان لي واووووا و شهيتيني موت و زاد تبان مورقة و محمرة كيما يحب الخاطر يامامي . خلاص نسكت دوك نخرج ... خخخخخ. يسلمو دوك اليدين حبيبتي و يحفظهم يا رب و بصحة العائلة الكريمة

ام محمد اسلام الله · 2016-01-13, 16:35

ياعمري على ختي زيكا والله جيتي بعيدة كنا جيتي قريبة تاكلها ختي قبل منكلها انا تستهلي

ملاك ملاكي · 2016-01-13, 18:32

سلااااااااام حبيباتي واش احوالك اليوم ماقرعجتش عليكم هاهاها
ان شاء الله الكل ملاح وبصحة وجيدة
الله يبارك راكم قايمين بها ماشاء الله نحولات خاصة حلويات ام جوجو الله يبااااارك مي مافهمتش واش المناسبة هاهاها تقرعيجة بوخفيييييف برك
اكيييييييد راح نطلب منها طلب تحطلي وصفة لحلوة عجبتني ماعلباليش حتى واش اسمها هاهاها
مي ذرك نرجع انتضروني