الجزء 179 من كوزينة احلى رفقه كوزينة الحراير - الصفحة 89

nihal159 · 2017-05-21, 13:17

الله يسلمك سحابة بارك الله فيك؛ عندي صور بزاف لكن النت ثقيلة بزاف و الله كرهتني في روحي؛ إن شاء الله فالقريب العاجل نزيد نحط بعض الصور

حياة نور الدين · 2017-05-21, 14:08

السلام عليكن

البنات راكم ماشاء الله عليكم

نهال اطباقك روووعة الله يبارك عليك

سحابة اختي واش راكي

nihal159 · 2017-05-21, 14:19

مساء الخير حيوتة واش راكي أختي؟ الله يسلمك و شكرا على تشجيعاتك

حياة نور الدين · 2017-05-21, 14:24

سيليا حبيت نقولك انه كوزينتك كانت هايلة وانه نوروها اخوات باطباقهم وشاركوا فيها لاول منرة وتشرفت بمعرفتهم

المهم على بالي الكوزينة مازالها صفحات وتخلاص لكن انا قررت منزيدش ندخل على هديك حبيت نشكرك حبيبتي ونقولكم ربما نرجع من اصحاب الكواليس او مرة نطبق او ندير طبق ونحسوا ينفعكم راح نتشارك به معكم

كنتم نعم الاخوات اللي نساوني غربتي وربي عالم حبيتكم في الله كلكن صح كل واحدة ومكانتها بصح كل واحدة عندها مكان ولو تعرفت عليها جديد

المهم الكلمات خانوني ونتمنى تحافظوا على هدا الصرح من بعدنا وربي يخليكم لاولادك وعائلاتكم

رمضان كريم خياتي وربي يبلغنا رمنضان لا فاقدين ولا مفقودين

امل ام الاولاد · 2017-05-21, 19:46

مساء النور اختي حياة واش راني نقرى ماتقوليليش نتي ثاني رايحة تروحي علينا
راني نفرح كي نشوف مشاركاتك ان شاءالله ماتديريهاش
انا غدايا كان دوارة والعشا جلبانة سلامي لام هدول وسيليا زخرفة وجميع الغايبات

cilia · 2017-05-21, 20:40

اقتباس:

المشاركة الأصلية كتبت بواسطة حياة نور الدين

سيليا حبيت نقولك انه كوزينتك كانت هايلة وانه نوروها اخوات باطباقهم وشاركوا فيها لاول منرة وتشرفت بمعرفتهم

المهم على بالي الكوزينة مازالها صفحات وتخلاص لكن انا قررت منزيدش ندخل على هديك حبيت نشكرك حبيبتي ونقولكم ربما نرجع من اصحاب الكواليس او مرة نطبق او ندير طبق ونحسوا ينفعكم راح نتشارك به معكم

كنتم نعم الاخوات اللي نساوني غربتي وربي عالم حبيتكم في الله كلكن صح كل واحدة ومكانتها بصح كل واحدة عندها مكان ولو تعرفت عليها جديد

المهم الكلمات خانوني ونتمنى تحافظوا على هدا الصرح من بعدنا وربي يخليكم لاولادك وعائلاتكم

رمضان كريم خياتي وربي يبلغنا رمنضان لا فاقدين ولا مفقودين

حياة غير الخير واش كاين تامني راني نقرا في واش كتبتي و الدمعة جاتني في عيني اقسم لك بالله حتى انا والفتكم خاصة انتي كنت مين نشوف طيابك نتفكر ماما مرانيش عارفة واش نقولك خسارة كبيرة للمنتدى واحدة كيما انتي تروح ، المهم هذا الشيئ يبقى اختيارك انتي و نقولك اسمحلي اذا كاش مغلطت معاك و رمضانك كريم و ربي يخفظك و يحفظلك وليداتك و زوجك

cilia · 2017-05-21, 20:35

حياة شكرا على الوصفة نتاع الدولمة قالتلك ماما ربي يزين سعدك و يهنيك
نهال الحلو اللي حطيتيه رائع ربي يحلي ايامك ان شاء الله
امل ام الاولاد ، زخرفة واش راكم حبيباتي

cilia · 2017-05-21, 20:42

[IMG][/IMG]
[IMG][/IMG]
[IMG][/IMG]
هذا عشانا نتاع البارخ سلاطة و كباب

oumelabedmh · 2017-05-21, 22:38

السلام عليكم. اختي حياة مانحبش ندخل في خصوصياتك لكن مكانتك لا غنى عنها في الكوزينة واتفكري كل وحدة تشوف ابداعاتك وتدعيلك.بظهر الغيب.الي وراء الكواليس وانا منهم نحشم ندخل غير نكتب واش درت بلا صورة. بالاك.اثر فيك الركرد هاد الفترة على جال امتحانات الاولاد ربي يعين الامهات او غياب العزيزة ام هدول ان شاء الله تكون فترة واتعدي وترجعيلنا وترجع الكوزينة باحلى حلة

oumelabedmh · 2017-05-21, 22:39

احبكن.في الله

رحمة2016 · 2017-05-21, 23:10

دخلت على جال الاخت حيوتة
والله وربي عالم بمعزتك عندي ياك انا من الكواليس وراسلتك قداه نمرة شكرتك وقبل زيادتك تمنيتلك وقفة ساهلة وديما منين نجربلك حاجة ندعيلك في ظهر الغيب
انا يسمحولي الاخوات بصح والله نتي بنة الكوزينات ونهار اللي تغيبي تسماط صح
تامني بربي غير العشية برك طبقتلك تورتة الشوفلور بازهار البطاطا و تيراميسو الجديد وجاو روعة
بصح الله غالب منقدرش نحط صور لانو زوجي ميحبش
ودرك كنت نوريلو في الدولمة قتلو غدوة جيبلنا شوي سردين
تعجبيني وتعجبمي صراحتك مع البنات و بساطتك

المهم نتي ديري لي يريحك لكن اتفكري برك بلي عندك متتبعات يحبوك ويدعولك
ربي يحفظلك بنوتاتك ومهدي ويكبرهم في طاعتو وتشوفيهم دكاترة وتفرحي بيهم

zokhrofa · 2017-05-22, 08:28

السلام عليكم كيفاش صبحتو ان شاء الله نهاركم مبارك

البارح عشايا كان خضر في الفرن + صوص الطماطم مممممممم جات بنييييييييييينة

الطريقة :

https://www.djelfa.info/vb/showthread...post3996860395

انا هي رزيقة · 2017-05-22, 12:27

السلام عليكم نهاركن سعيد و زين فحلاتي الجميلات دخلت على طبق الخضار في الفرن تع زخرفتنا النشيطة ربي يبارك فيك حنونة مشاء الله عليك باين بنين و خفيف بصح لوكان انا في بلاستك نزيد معاه شوية كفتة مشوية ...يجي امممم تع الصح الله غالب نمووووووووت على اللحوم ..............خخخخخخخخ ايه حقا حبيبتي داك نهارقريت سؤالك على كي تحطي اطباق هل ضروري تحطي الوصفة ... لالا حبيبتي لا اظن انو من الضروري تحطي وصفات كل اطباقك ... حنا المهم نشوفو حلاوة الاطباق و نقرعجو عليهم ..... خخخخخ و اكيد االبنات رايحين يسؤلوك وحدهم على وصفات الاطباق لي يعجبوهم... هكذا متتعبيش بزاف حنونة و زيد كي راكي تحطي وصفات كل اطباقك راكي تخلي البنات ميدخلوش باه يسولوك ....... يعني راكي تسربيلهم كلشي على طبق من ذهب و ميتعبوش حتى روحهم في السؤال ... يا لهوي ولاو كسولات على عجالك يا زخرفة ....... خخخخخ لالا راني نقصر حنونتي بصح قصدي انو حطي اطباقك المغرية ثم خلي البنات يسؤلوك على الوصفات باه تنشط شوية الدعوة ....... خخخخخخ

انا هي رزيقة · 2017-05-22, 12:30

اختي نهال اطبقاك جميلة و الله دون مجاملة حنونة يعجبني بزاف طيابك ربي يباركلك في صحتك حبيبتي
اختي سيليا هذي غيبة حبوبتي بصح راني حاسة بيك علابالي بالخدمة و محاينها......خخخخخ و يا مامي على ديك البطاطا المهبولة لي حطيتيها و الله رايحة تنطق من البنة ربي يبارك في اليدين لي طيبوها
اختي سحابة باردة انتي ثاني مشاء الله عليك حبيبتي ربي يدومها عليك و علينا نعمة يا رب

انا هي رزيقة · 2017-05-22, 12:41

اختي ام هدول الفحلة طريق السلامة حبيبتي و لو انو راحين نفتقدوك بزاف بصح الغربة صعيبة فعلا و ماكنش احسن من انك تكوني بين احبابك و ناسك ربي يخليهم لك يا رب و تجوزي معاهم احلى رمضان ان شاء الله
حيوتة بنت خالتي واشنو هذا لي قريتو يا لهوي عليك يا ام مهدي زعما كي قررت نولي نتشجع و ندخل اكثر للمنتدى و ولاتلي النفحة تع التصاور نتي قررتي تروحي .... اخزي الشيطان يا غاليتي سينو والله نقول لماماتي تقول لمامتك و تصرا مشاكل عائلية بسبتك ...... خخخخخ صدقيني حنونتي انتي الملح تع هذ اللمة الزينة ربي يحفظك من العين يا رب
اخواتي ام العبد رحمة امل ام الاولاد روعة الصحراء وردة الرمال و اصحاب الكواليس حبيباتي ام رويدة مريومة توبتي اسوم ميليسات ارزاق ام محمد وسيم ام محمد 05 ام اسلام المبدعة ام سراج و ملاك ام لجين هيثم ام نسرين ام رحاب ريما نوال امنية غفران ام جوجو ام كاميليا اسيا اسوس ام ياسمين ام الاء ايمان يمن وووووووووو و الله منقدر نذكركم كلكم صح فطوركم و نهاركن سعيد