اهلا وسهلا في كوزينتكم كوزينة الجميع كوزينة112 بسم الله - الصفحة 89

zahra30 · 2015-01-24, 22:29

شكراااااااا حنانووووووووووو

عازفة الناي · 2015-01-24, 22:32

ام هديل بصحتك
زهرة اهلا وسهلا التحلية هايلة
حنان تستاهلي البيتزا بكلها مش غير مورسو تاكلي بالصحة والهناء

zahra30 · 2015-01-24, 22:54

ام ضحى مرحبا بيك و كنت نتبع فيك اليومين هذو وبالعلامة كنتي تحطيهم في الليل هههههههههه يعطييك الصحة وربي يدوم النعمة
ام هديل امممممممممم بصحتكم
عازفة االناي شكرااااااااا

روضة ربي يخفف عليك ويجيبلك سويعة ساهلة يااارب وتفرحي ونفرحو معاك وحقى راني اقريت سؤالك في الدردشة نقولك ماتديري والووو في بالك كثري الحركة و ربي يسهلك ان شاء الله
تصبحوووووون على الف خيييير

عازفة الناي · 2015-01-24, 23:04

روضة تفضلي الوصفة تاع المقرونة
* نقلّي البصل و الثوم والفلفل الحار ( انا نرحيهم دايما بعض يعطيو بنة اممممممممممم ) في شوي زيت ونضيف لهم 2 ملاعق طماطم مصبرة و حبة طماطم مرحية واللحم ( حسب اللي عندك سواء تاع دجاج او خروف او مرحي )و نضيف الرند و الملح وفلفل اسود و البهارات اللي متعودة عليها و فلفل احمر مرحي حار مانكثرش و نمرق ونزيد شوي معدنوس ونخليها حتى يطيب اللحم و تكون مرق بزايد شوي
* نطيب المقرونة فماء مملح وفيه راس ثوم ونطيبها نص طياب
* بعد مانصفي المقرونة نصبها فقالب الفرن و نضيف عليها المرق باللحم و نزيد زيتون اسود و فرماج مقطع مكعبات وندخلها للفرن حتى تنضج وبالف صحة وهنا

OM DHOHA ANES · 2015-01-24, 23:18

شكرا زهوووووووووره تسلمي شفتي خفااااااااااش

فرات نجي غير فلليل الله غاااااااااالب المشاغل ماتخلصش

تصبحين على الف خييييييييييير

عازفة الناي · 2015-01-24, 23:22

ليلة سعيدة واحلام جميلة للجميع

OM DHOHA ANES · 2015-01-24, 23:23

تصبحوووووووووون على خيرواحلام سعيييييييده

ام عبودة · 2015-01-24, 23:30

سلااااااام عليكم يا لحباااااب
راه مشكل المنتدى عندنا الكل
ادعووولي راني في الفراش تعيييييشو
واقيلا الدار ما خرجتش عليا ههه
اليوم الصباح طحت على عتبة باب الهول نخرج في الزبلة حشاكم
باش نحط رجلي في البشماق حطيتو على الدالدىصول غير قطرة تاع ماء وعقبت ظربانب العتبة على جنبي والله ماقدرت متحرك من بلاصتي وراوية دايرة التيو تسيق البرا ايا عمت في الماء والله غير في بلاصتي متكسلة حتى عيطت لبابا وامي وداتني الحماية المدنية للسبيطار والحمد لله ماش كسر
الحمد لله. الف مرة دعواااااااااااااااتكم خواتاتي

ام عبودة · 2015-01-24, 23:36

كي تظربت جات النت ههههههه
هاذو بعض من طياباتي الايام اللي فاتو. اليوم شراو بيتزا والعشاء طيب الزوج حوت وحميص وحوت
مع الديسير

Oum yousra · 2015-01-24, 23:41

اقتباس:

المشاركة الأصلية كتبت بواسطة ام عبودة

سلااااااام عليكم يا لحباااااب
راه مشكل المنتدى عندنا الكل
ادعووولي راني في الفراش تعيييييشو
واقيلا الدار ما خرجتش عليا ههه
اليوم الصباح طحت على عتبة باب الهول نخرج في الزبلة حشاكم
باش نحط رجلي في البشماق حطيتو على الدالدىصول غير قطرة تاع ماء وعقبت ظربانب العتبة على جنبي والله ماقدرت متحرك من بلاصتي وراوية دايرة التيو تسيق البرا ايا عمت في الماء والله غير في بلاصتي متكسلة حتى عيطت لبابا وامي وداتني الحماية المدنية للسبيطار والحمد لله ماش كسر
الحمد لله. الف مرة دعواااااااااااااااتكم خواتاتي

على سلامتك ام عبودة و ربي يشفيك والله صراتلي كي هبطت للبلاد في les vacance الي فاتو كي وصلت لداري على 7 نتاع الليل و لقيتها مغبرة نضت نسيق مع لادالدوصول طحت واحد الطيحة والله ربي اللي سترني و الحمد للاه كي جات سلامات

ام عبودة · 2015-01-25, 00:05

وهذا حبيبي. منين طاح
انا نوصيكم ردو بالكم على اولادكم وخلالااااااص

دائمة الحمد · 2015-01-25, 01:55

سلااااااااااااااام
طار النوم قلت نطل على الكوزينة لقيتهافارغة و باردة تقتل نوم العوافي عزيزاتي
النت راحت الصباح كي غير مارجعت
ام عبودة سلامتك وسلامة وليداتك رقي دارك وحطي فيها سورة البقرة وخرجي صدقة بنية رفع البلاء
هكذا جرالي كي سكنت داري العين حق
جربت محجوبة للغدا من المنتدى عجبتني ساهلة وحفيفة
سي السيد وتحكماتو وعجباتو نحطهالكم ممكن الصباح مانلقاش النت

دائمة الحمد · 2015-01-25, 02:17

هذا الرابط تاعها

https://www.djelfa.info/vb/showthread.php?t=1744384

دائمة الحمد · 2015-01-25, 02:20

تصبحن بالف خير

wahibaazel · 2015-01-25, 06:40

السلام عليكم، دخلت على الطيحة انتاع اختي أم عبودة وابنها لا بأس طهورا أن شاء الله، حبيبتي أم عبودة العين حق وكيما قاتلك اختي دائمة الحمد رقي الدار ورقي روحك والأولاد والزوج، اييييه يا العزيزة العين تلحقك على أبسط شيئ انت ماتتوقعيهش حصني نفسك مليح واكثري من الصدقات. لا حول ولا قوة إلا بالله.