كل مايخص الخدمة الوطنية نجده هنا - الصفحة 889

ahmed-m2010 · 2012-08-12, 22:47

اقتباس:

المشاركة الأصلية كتبت بواسطة culturel

اليوم 12 أوت ذهبت صباحا إلى المقابلة الشفهية الخاصة بمسابقة التعليم...و جرت الأمور بشكل جيد لكن مساءا ذهبت إلى مكتب الخدمة الوطنية لأن الإستدعاء الي مدوهولي ينتهي اليوم 12 أوت...سحبوا مني الإستدعاء و أعطاوني إرجاء ليوم 14 سبتمبر 2012 و السبب في انتظار التجنيد...خرجت من هناك و المورال طايح على خاطر كي شفت التاريخ عرفت بلي راهم برمجوني لدفعة سبتمبر راه جايني أوردر دابال بصفة مؤكدة....المهم ربي يجيب الي فيه الخير

للتذكير فقط كنت قد طرحت وضعيتي هنا منذ مدة و هي كالأتي

أنا من مواليد 1983 يعني 29 سنة و متخرج هاذ العام من الجامعة 2012 لم يصلني أي شيء و لم أجتز الفحص الطبي و لم أسجل في البلدية....المهم أنا الذي ذهبت أليهم برجلي لطلب سورسي للمشاركة في المسابقات...و دفعت الديبلوم و قدموا لي استدعاء 12 أوت و لما رجعت إليهم حصل معي ما حصل

ربي يكون في عونك اخي .وكيما وصاووك الاخوة حاول ما تستلم لوردابيل وما تسنيي عليها باش ما يحسبوها عليك بالك كاش ما يخرج اعفاء ولا قانون جديد

maisar · 2012-08-12, 23:02

اقتباس:

المشاركة الأصلية كتبت بواسطة سفيان31

نعم اخى كلنا حصل لنا مثلك بل يحصل للجميع

لانه لما تطلب سورسي فانك تبرمج للدفعة القادمة

ادا جاءتك اوردابال فلا ستلمها لانها تحسب عليك وانتظر اعفاء 30 سنة ممكن يخرج فى اقرب وقت

السلام عليكم
أردت أن أصحح معلومة فقط حتى لايقع الجميع في مشاكل دون أن يعلموا
إن خرج لك إستدعاء ولم تقم بجلبه من عند الدرك فهو يحتسب لك سواءا أمضيت عليه أو لم تمضي عليه
الكثير يعتقد أن الإستدعاء لايحتسب عندما لايحضرونه ولايمضون عليه من عند الدرك لكن العكس بمجرد خروجه من مركز الخدمة الوطنية فهو يحتسب عليك
أرجو الإنتباه إلى هده النقطة الحساسة

ahmed-m2010 · 2012-08-12, 23:08

اقتباس:

المشاركة الأصلية كتبت بواسطة maisar

السلام عليكم
أردت أن أصحح معلومة فقط حتى لايقع الجميع في مشاكل دون أن يعلموا
إن خرج لك إستدعاء ولم تقم بجلبه من عند الدرك فهو يحتسب لك سواءا أمضيت عليه أو لم تمضي عليه
الكثير يعتقد أن الإستدعاء لايحتسب عندما لايحضرونه ولايمضون عليه من عند الدرك لكن العكس بمجرد خروجه من مركز الخدمة الوطنية فهو يحتسب عليك
أرجو الإنتباه إلى هده النقطة الحساسة

ممكن يحسب عليك لكن عندك الحق تريكلامي لوكان ما لحقكش الا ستدعاء. لأنو الدرك الوطني راح يرجعو لمركز الخدمة الوطنية على الاقل يكون افضل من انك تستلمو وتمضي عليه. ثم ما يولي عندك اي سبب للهروب اانا ننصح كل واحد ماهوش حاب يروح ماكالاه يستلمو ويمضي عليه . والله أعلم

anouar0771 · 2012-08-13, 00:24

السلام عليكم

للأسف راني نشوف في التخلاط دايل ظل هنا في الصفحة

ماعندها حتى علاقة بين الفائض والثكنة على خاطر واحد يقول الثكنة الفلانية يسرحو الفائض والأخرى لا .. الأخرى في نص الشهر والأخرى في اوله....

نعلمكم راهي مكانش هاذي خلاص خلاص ونتا وزهرك في الفائض ولي خرجوا عن طريق الفائض كل واحد وحكايتو فيها المحزن وفيها المسلي وفيها الأمر الغريب.

لهذا لا داعي للقيل والقال

wolf_alg · 2012-08-13, 02:01

صحيح هذا لان جارنا قيل له ان يذهب في الايام الاخيرة لان الثكنة تكون ممتلئة...لكنه لم يفكر بهذه الطريقة بل ذهب مع الاوائل ولما امتلات الثكنة اعطوه الذين وصلوا اولا ارجاء فرفض هو واصر على القيام بالخدمة الوطنية من منطلق)انا مجوزهم مجوزهم...دكوكا خيرمن غدوة...فلما اصر عليهم اعطوه اعفاء

اقتباس:

المشاركة الأصلية كتبت بواسطة anouar0771

السلام عليكم

للأسف راني نشوف في التخلاط دايل ظل هنا في الصفحة

ماعندها حتى علاقة بين الفائض والثكنة على خاطر واحد يقول الثكنة الفلانية يسرحو الفائض والأخرى لا .. الأخرى في نص الشهر والأخرى في اوله....

نعلمكم راهي مكانش هاذي خلاص خلاص ونتا وزهرك في الفائض ولي خرجوا عن طريق الفائض كل واحد وحكايتو فيها المحزن وفيها المسلي وفيها الأمر الغريب.

لهذا لا داعي للقيل والقال

anouar0771 · 2012-08-13, 02:08

اقتباس:

المشاركة الأصلية كتبت بواسطة wolf_alg

صحيح هذا لان جارنا قيل له ان يذهب في الايام الاخيرة لان الثكنة تكون ممتلئة...لكنه لم يفكر بهذه الطريقة بل ذهب مع الاوائل ولما امتلات الثكنة اعطوه الذين وصلوا اولا ارجاء فرفض هو واصر على القيام بالخدمة الوطنية من منطلق)انا مجوزهم مجوزهم...دكوكا خيرمن غدوة...فلما اصر عليهم اعطوه اعفاء

شفت كيفاش خويا كل واحد وحكايتو

أنا يحكيلي وليد خالي قالي : كي تلمينا كامل ووصل العدد تقريبا وحد 200 شخص قالي من غدوا في أول تحية علم على صباح ربي جاهم الكوموندون ووقف في الساحة وبدا يخطب عليهم كي كمل بدا :

نتا روح تروح نتا ريح نتا باين تحب البركوكس ريح معانا
نتا باين مافيا ريح تعقال معانا
نتا لاعبهالنا لحية ريح نتونسوا بيك
نتا باين معلول روح تروح تسمان شويا
وهكا
قالي والله العظيم يا أخي غير بالوجوه ونتا وزهرك
وكل ثكنة وكيفاش لي حاكمها

ahmed-m2010 · 2012-08-13, 02:09

اقتباس:

المشاركة الأصلية كتبت بواسطة anouar0771

السلام عليكم

للأسف راني نشوف في التخلاط دايل ظل هنا في الصفحة

ماعندها حتى علاقة بين الفائض والثكنة على خاطر واحد يقول الثكنة الفلانية يسرحو الفائض والأخرى لا .. الأخرى في نص الشهر والأخرى في اوله....

نعلمكم راهي مكانش هاذي خلاص خلاص ونتا وزهرك في الفائض ولي خرجوا عن طريق الفائض كل واحد وحكايتو فيها المحزن وفيها المسلي وفيها الأمر الغريب.

لهذا لا داعي للقيل والقال

كاين منها يا صاحبي خاطر كي تلتحق بالثكنة يعطوك رقم وامبعد الى جا عندهم فائض يقولولك مثلا 300 الاولين ولا 300 الا لاخرين على حساب وما تنساوش لمعارف هدا واش حكالي واحد صاحبي خرج فائض بالتجربة

anouar0771 · 2012-08-13, 02:17

خاوتي الواحد نورمالمون كي يسرحوه من الثكنة بسبب الفائض يعطوه كاش وثيقة ؟

ماهي هاته الوثيقة ومذا يفعل بها ؟

ahmed-m2010 · 2012-08-13, 02:32

اقتباس:

المشاركة الأصلية كتبت بواسطة anouar0771

خاوتي الواحد نورمالمون كي يسرحوه من الثكنة بسبب الفائض يعطوه كاش وثيقة ؟

ماهي هاته الوثيقة ومذا يفعل بها ؟

نورمالمو يعطوه ارجاء التجنيد وامبعد كي تخرج الدفعة انتاعو يعطوه الاعفاء وممكن يعيطولو في اي لحظة فالحالات الطارئة

starsharing45 · 2012-08-13, 02:45

درك والله مارهم يطلقوا الفائض كانت بكري فاقوا لكلشي راهم يمدو ارجاء تجنيد لمدة 6 أشهر ومنبعد يعاودو يبعثولك لوردبال مرخس المهم ربي يجيب الخير

djamel agro · 2012-08-13, 13:29

السلام عليكم..انا حاب نروح مركز الخدمة الوطنية من اجل التاجيل. المشكل انه عندما نحط الديبلوم يعطوني السورسي حتى سبتمبر ولا مارس؟ممكن رد سريع .جزاكم الله خيراااا.

midodra · 2012-08-13, 13:35

اقتباس:

المشاركة الأصلية كتبت بواسطة general major

مادا تنصحنا فيما يخص تاريخ و اليوم الدهاب للثكنة ان كان مكتوب في امر الالتحاق 15 سبتمبر

من الأفضل تروح في أواخر الشهر 28/29 بصح الفائض ماعادش كاين ضرك الدفعة اللي فاتت ماخرج حتى واحد فائض

h4ni · 2012-08-13, 13:45

اقتباس:

المشاركة الأصلية كتبت بواسطة djamel agro

السلام عليكم..انا حاب نروح مركز الخدمة الوطنية من اجل التاجيل. المشكل انه عندما نحط الديبلوم يعطوني السورسي حتى سبتمبر ولا مارس؟ممكن رد سريع .جزاكم الله خيراااا.

من المستحسن تروح بعد 30 سبتمبر باش يمدولك ارجاء لغاية مارس
هذا اذا كنت منسي عندهم و ماجاكش استدعاء في سبتمبر

صالح القسنطيني · 2012-08-13, 14:26

اقتباس:

المشاركة الأصلية كتبت بواسطة general major

يعني ان ادهب في 30

ومادا عن اليوم هل اول الاسبوع (الاحد) ام اخره

السلام عليكم من تم استدعاؤه يوم 15 و التحق في هذا اليوم قبل الرابعة مساءا فإنه يحسب له هذا اليوم شهرا جهة المنحة العسكرية في فترة التدريب و يعطى عليه 3750 دينارا جزائريا و هذا خاص بمن تم استدعاؤه في 15 من الشهر دون من تم استدعاؤه في 22 من الشهر أي أحدهم التحق يوم 15 من الشهر بالمدرسة و آخر التحق يوم 16 فما بعد و لنفرض أن في 15 نوفمبر ثم تسديد الراتب العسكري أي بعد شهرين فالذي التحق يوم 15 يكون راتبه 11250 دينارا و الذي التحق بعد 15 يكون راتبه 7500 دينارا

و اما عن الفائض فليس هناك قانونا موحدا بين جميع المدارس بل لكل مدرسة تقاليدها و إن كان في الجملة يتم اخراج المتزوجين ثم الكبار الذين على عتبة 30 سنة .....

صالح القسنطيني · 2012-08-13, 14:32

اقتباس:

المشاركة الأصلية كتبت بواسطة anouar0771

شفت كيفاش خويا كل واحد وحكايتو

أنا يحكيلي وليد خالي قالي : كي تلمينا كامل ووصل العدد تقريبا وحد 200 شخص قالي من غدوا في أول تحية علم على صباح ربي جاهم الكوموندون ووقف في الساحة وبدا يخطب عليهم كي كمل بدا :

نتا روح تروح نتا ريح نتا باين تحب البركوكس ريح معانا
نتا باين مافيا ريح تعقال معانا
نتا لاعبهالنا لحية ريح نتونسوا بيك
نتا باين معلول روح تروح تسمان شويا
وهكا
قالي والله العظيم يا أخي غير بالوجوه ونتا وزهرك
وكل ثكنة وكيفاش لي حاكمها

هذا ما يكون تماما بعد اخراج المتزوجين و الكبار في السن يأتي هوى قائد الكتيبة كما قلت تماما ة

مشاهدة نتائج الإستطلاع: هل انت مع تقليص مدة الخدمة الوطنية الى 9 اشهر ولكن يجب على الجميع ان يادوها
نعم انا مع التقليص الى 9 اشهر و الكل يؤديها	70	73.68%
لا انا مع 18 شهر و لكن يبقى موضوع الكفالة و السبب الطبي و اكل طرق الاعفاء الاخرى	25	26.32%
المصوتون: 95. أنت لم تصوت في هذا الإستطلاع