الجزء 171 من واش طيبتي اليوم�� كوزينة اللمة والمحبة والبساطة �� - الصفحة 88

حياة نور الدين · 2016-10-28, 13:09

راني جبتلكم فطوري بيتزا هههههه مهرجان اليوم درتها بالفطر والماييس اممممم

وهدا الصحن خص نص لام جوجو اللي تشهاتها

اريج 07 · 2016-10-28, 13:10

اقتباس:

المشاركة الأصلية كتبت بواسطة simassim

صح فطوركم بصحتكم واش حطيتو.

هدا تطبيقي بطاطا صوتي فطورنا اليوم.

وهدا خص نص. لكوكا تحب تشوف طباسا أولادي.

لهونة. غزالة. توحشتك. واش راك والبنبونة كبرت. رآها تعاون فيك فالكوزينة.
ام رحاب. ميمة حت انا توحشتك. سلمي عل أمك. ان شاء الله تكون تحسنت شوي

نروح نحط روحي. أولادي فشلوني اليوم.

امممم وحدة ماتقرب ليا وحدي امممم شهتيني تسلم ايدك روووعة حبيبتي راكي شاااف بجدارة

أم ياسين الزهراء · 2016-10-28, 13:12

صحى غداكم الكل
دخول مزروب منبعد نولي

ميرسي للكل الله يحفظكم ويسبارك فيكم

ام سراج على بالي شكون ضربك بعين هههههههههههههههه

ام الاء الله يفرحك ويهنيك والله يشافي الطفلة عن قريب يارب والله تاثرت بزاف وفرحت بزاف ربي يخليك

غدايا شخشوخة والحمد لله

حياة منبعد نحكيلك حكاية التارت ههههههههههههه صابرين وادا مادخلتش اعرفي الاكراد احتلو الميكرو

كلش يسخف وحتى نسيت عين وصابنتي هههههههههههههههه

chez biba · 2016-10-28, 13:16

اقتباس:

المشاركة الأصلية كتبت بواسطة oum ibrahim

فقط انا في طريقة التحضير تخلط في الأول الحليب والسكر والخميرة وكأس فرينة ونخليهم 10 دقائق يخمرو من بعدتزيد باقي المكونات و نبدأ نزيد الفرينة ونخلي العجينة طرية تتلاصق ونخليها تزيد تخمر ثم تشكلها ونعاود تخليها تخمر ونطيبها تجي خفيفة واحد الخفة منقولكمش

ام برهوم كي شفت لامونة تاعك قريب نبكي اخصصصص عليك اخصصصص علاه ما قلتيليش هاذ الملاحظات قبل ما نجربها والله كليت منها غير انا شوي والباقي بقا هكذاك ما حبوهاش جات ثقييييلة مبصح المرة الجاية ان شاء الله نجربها بطريقتك وندير نصف الكمية

حياة نور الدين · 2016-10-28, 13:21

اختي مليسات تفضلي رابط الكروكات حنونة
https://www.djelfa.info/vb/showthread...003706&page=41
وربي يقدرك التعليم

زينوبة فطورك يشهي الله يبارك والدجاج بالزيتون امممممم بصحتكم

ام هدول يسلم ايدم وعيونك فطورك يشهي حبيبتي

مريومة اهلاااا اختي واش راكي

سماسم الله يبارك تقديم شاف اختي بصحتكم وشكرااا على التطبيق

ام ياسبن اهلاااا اختي وربي يخليك في انتظار الحكاية

ام سراج اسمحيلي نسيتك الصباح ينسياك الهم ان شاء الله شكرااا على الوصفات حبيبتي نجربها في اقرب وقت ان شاء الله

نروح نصلي ونشارجي التابلات شوية ونرجع
متنساوش سورة الكهف

lahna moka · 2016-10-28, 13:30

زينوبة حبيبتي اطباقك ممممممممممم كالعادة تسلمي يا احلى شاف
كورية حبيبتي روحي لوصفات الحراير تلقاي الي تبغيه
سمسومة الحمد لله تلاقيتك حبيت نباركلك بالحجة يا رب تكون مقبولة و يغفر الذنوب . واش راكي و واش راهم فلاليسك ؟؟؟ مازال يوسف يهبل فيك ههههه سيرين راهي مرا الله يبارك انا نخمل و هي تخرب تؤبرني . اطباقك روووووعة و الصحون السوداء يا مامي نموت عليهم تستعمليهم بالصحة
ام هدول يسلمولي عيونك يا قمر الشخشوخة مشخشخة الله الله سلمت يداك و ربي يحفظلك بناتك يا رب
ميليسات حنونتي من الأول قلتلك قول ام ماجد ربي يحفظها مهنة المتاعب هههههه ربي يقدرنا برك و انا العام هاذا سنة رابعة كيما العام الي فات راني غير نعاود العام هههههه
اريج الحلوة الامورة مازلتي دايما المشاغبة يا عمري واش راكي و واش راهي ماماك نتمنى بالف خير و راكي مزهية الكوزينة و العصفورة قالتلي ما عندكش باش تصوري يااا شماتة ابلة زازا فيك خليتيني حتى وليت ما عندكش واش تحطيلي هههه سيرين طبوزتي راهي تبوس يديك
حيوتة بصحتك البيتزا مممممممم تسخخخخخخخخف
ام ياسو الداية المسرارة كل هاذا الطول و العرض ما شفتينيش كبرتي و لازملك نواظر يا احلى عجوز ديجيتال
حقا حبيت نبيّع على الداية المسرارة الديجيتال ما نخليهاش في قلبي, راهي تنوض تصلي الفجر و مباشرة للفايس بوك. خطرة نوضتني سيرين بكري بكري و ما لقيت ما ندير دخلت للفايس نفاجي على قلبي حتى لقيت المسرارة لمبتها شاعلة

ام هدول · 2016-10-28, 13:36

كنت نراجع ماشاء الله عليكم ..من دونات بيبة روعة راكي مطالبة بالوصفة ....لوصفات ام سيراج ولبيني تعاها موالفة نطبقهم رروعة...وتمنى الشفاء العاجل لاخت لي دكرتها ويفرج همها .....لامونة ام ابراهيم وتارت الليمون ولااحلى منها
ارش يف توبة المتميز....مدلان الشاف زينب واطباقها دائما متالقة باطباقها ....غدا سماسم ايه دة ياحجة ياسلالالام عليك ..... مهرجان البيتزا لصحابة الكوزينة بصحتك
وعودة لهونة لي فرحت العضوات بعودتها خليكي ديما معنا وخلي الفرحة دوم ..وكللدك عودت ميليسات مع الطرنو الهايل ...بغرير ام نسربن اممممممممم......ام رحاب السفنج رايح ينطق يعيطك الصحة ....ربي يشف لمييمة .....ريمة ربي يخليك على كلامك الحلو وطيبة قبلك
ام الالاء التار ت مليحة فرحتي بيها سلفتك مسكينة غاضتني ربي يجازيك خير كيما قمتي بيها وفرحتيها وربي يشفيها ان شالله .....ام ياسسن بصحتك الشخشوخة .....وشكووووووووووون تانيييييييييي..نسسيت .....المهم الله يبارك راكم فووور ...وربي يشفي جميع مرضنا
حيوتة احسنتي اختيار التطبيقات رايحة نحاول نطبق الحلو بان الله

nanoua7 · 2016-10-28, 13:48

أهلا حيوتة نهارك مبروك و بصحتك البيتزا بصح من بعد نبيع عليك كي ولات بيتزا ليك وحدك مول الدار مسافر والبنات روز بالحليب قلشتيها هادا ماييس شومبينيون تفرميج ولا نقولك في خاطرك مانخبرش غي تقلشي وزيدي تقلشي بصح المرة الجاية ما تنسايش خيتك بمورصو راكي عارفة باه نشد فمي هههههه و الكروكات درتهم البارح هايلين و حبيبتي ام نسرين كي راكي ليك وحشة هادي مدة ماتلاقيناش و ام هدول وام ابراهيم أسماء رزيقة مريم ام ملاك جازيا بيبا ريما و زيد يا ربي والله الراس فارغ ما تزعفوش مني و اللي نتفكرها راني نرجع ندير تعديل و نزيدها ههههههه

RIMA.87 · 2016-10-28, 13:59

السلام عليكم ،
فطوورنا اليوم طعام بالرايب و الحمد لله،
بصحتكم واش فطرتو و كل واش حطيتو من خيرات،ربي يبارك لنا و لكم في النعم،
حيووتة،ام جوجو ،ام هدول ،زينب83،سيماسيم،توبة،
ام ابراهيم،التارت تووووووب بسم الله ما شاء الله عليك
ام عبدو وملاك مشكووورة على الوصفات

روعة الصحراء · 2016-10-28, 14:15

اقتباس:

المشاركة الأصلية كتبت بواسطة ام و ابنة

اهلا اخواتي

جزاك الله خيرا اختي ام سراج و ملاك على كلامك الطيب
و يعذروني الاخوات راني صفر في المراجعة و التعليقات

حبيبتي حياة بلغتني وصفة تارت التفاح مطلوبة جيت نحطها

اختي روعة الصحراء الوصفة بسيطة و سريعة و سهلة و خفيفة و صحية نوعا ما

درت بات بريزي بالزيت ما كيلتش بصح بالتقريب ممكن زوج كيسان كبار فرينة و ذرة ملح و حكيتهم بنص كاس زيت و لميت بثلاثة صفار البيض قعدولي في الثلاجة انا موالفة ندير بيضة وحدة و يمكن زوج مغارف حليب و ما عجنتهاش و خليتها تريح

طرحتها رقيقة و ثقبتها بالفرشيطة و ما طيبتهاش وحدها
يعني مباشرة دهنتها مليح برب التمر كنت رايحة نحط المعجون برك و علاجال الفوايد تع الرب فضلت نحطو هو و الحمد لله ما اثرش عالذوق تع التفاح
فرشت التفاح و دهنتو مليح بالمعجون ما جبيتش ندير سكر و زبدة
طيبتها في الفرن على نار متوسطة حتى طابت و حمارت

اي سؤال انا في الخدمة

ام ياسين تبارك الله خرجتوها فن

بارك الله فيكي ربي يحفظك

اريج 07 · 2016-10-28, 14:19

صحى غداكم حبوبات

حيوته راكي دايرة حالة بالبيتزا ههههه مي نعنوعة راها فضحاتك خخخخ

ام هدول بصحتك شخشوخة

بيبا وينها اطباقك حطي خلي نتمتعو

لهونتي ول. تدخلي و مانحطلك والو دا انت تامر يا جميل

تفضلوا غدانا طعام بالكابوية اممممم و ديسير مندرين و اجاص و سلطة والحمد لله حمدا كثيرا طيبا مباركا فيه

و زدت معاها سلطة ماما بكنور اممممممم

omhadil · 2016-10-28, 14:26

تقبل الله صلاة الجميع بمزيد من الاجر والمغفرة والثواب
وصح فطوركم
حبييت نرحب بلهونة الحلوة
الكوزينة منورة بوجودك حبيبتى

حيوتة بصحتكم البيتزا شهتينى فيها
ام ابرهيم يعطيك الصحة على اللمونة تبان هايلة
ام طيرى الجنة مليسات نانو صح فطوركم

omjoujou · 2016-10-28, 14:29

سلام لبنات ربي يتقبل منا ومنكم الصلاة وصالح الاعمال
صح غداكم كااااامل
حيوتة لعميرة تاعي امممممم راني كليت من هذيك البيتزا بنينة تقتتتتتتل تسلم ايديك حبوبتي
توبة حبوبتي تفاهمنا انا وياك على التليتلي لغدا مطرح مايسري يمري
ميليسات لحبيبة ولو مرحبا بيك نتي ولهونتي عندي والله نحطكم في عينيا وجيبو معاكم مريومتي لي دارت شنوفة والله ما نسيتك حنونتي راني نذكرك في ردودي ممكن نتي ماتراجعيش دروسك مليح خخخخخخ بصحتك البربوشة بالكابويا يمي يمي
حقا لهونة صورك ماظهروليش وععععععععععع
ام هدول بصحتك الشخشوخة امممممم ومع المخلالات ولا اروع
زنوبة غاليتي ماشاء الله على الاطايب لي حطيتي تاع المطاعم بصحتكم
ام ياسو بيعاتك لهونة بلي تبكري مع البيسبوك صخ كاينة منها خخخخخخ
نعنوعة وش درتي غداك ليوم؟؟؟؟؟
ريما لحبيبة بصحتك وش طيبتي غداك

omhadil · 2016-10-28, 14:29

اريج فطورك هايل وعجبنى ولى شهانى هذاك الكبسى تاع المندرين واااع نموت عليها وحنا مزال مادخلت عندنا الطبسى رانى ديتو

omjoujou · 2016-10-28, 14:30

اهلين ام هديل وبصحتك وش طيبتي غداك ليوم