وصفات حراير الكوزينة الجزء الثاني

[idron0]

المشاركة الأصلية كتبت بواسطة حسيبة2010

من فضلك إيدرونو وصفة رولي الكرمب تاع ليزا ...وألف تحية ليك من القلب

هاكي حبيبتي ,
https://omrami44.blogspot.fr/2014/01/blog-post_9722.html
و الوصفة للاخت ام رامي.

[idron0]

هليلات معسلين اسمهان 79

تخدمي 250 زبدة لابال 60غ سكر رطب مع بعض حتى تصبح مثل لكريمة ثم 2 صفار بيض 1 فاني 1 م ص خميرة كميائية
100 غ كوكاو مرحي رقيق ونلم بالفرينة نشكل كرات بحجم حبة الجوز ونشكل على شكل هلال ثم في بياض البيض ثم كوكاو مرحي متوسط والى الفور من بعد عسليه وهو دافئ
تقريباً نفس وصفة المشوك بصح يجي يذوب في الفم وما يتشبعش
ذك نحطلك الصور

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

كنت شفت مرة هاذ الفكرة تاع بريق الأمل ربي يحفظها عجبتني باش يكون الشكل متجانس
إضغط هنا لرؤية الصورة بحجمها الطبيعي.

[idron0]

الدرسة تاع الحوت chez biba

سنات ثوم مرحيين، مغرف كبيرة موطارد، ملح، فلفل اسود، زنجبيل مطحون، كمون اخضر (حطي شوي بزيادة) فلفل عكري (حلو او حار حسب الذوق) رند مفتت + ورقة نعناع يابس مفتت ، مغرف كبيرة عصير ليمون
تخلطي كلش مع بعض وتدهني الحوت من داخل ومن برا (ديري خطوط بالموس باش يتشرب الدرسة مليح) وجديه قبل وخليه يرتاح في الثلاجة على الأقل ساعتين وطيبيه في الفرن وتاكلوه بالصحة ولهنا .

إضغط هنا لرؤية الصورة بحجمها الطبيعي.

[حسيبة2010]

المشاركة الأصلية كتبت بواسطة idron0

هاكي حبيبتي ,
https://omrami44.blogspot.fr/2014/01/blog-post_9722.html
و الوصفة للاخت ام رامي.

بارك الله فيك اختي

[ام سهام 02]

ربي يحفظك حبيبتي ايدرنو و يحفظ لك كل غالي امين يارب

[omsadja]

من فضلكن اخواتي محتاجة وصفة المافن نتاع حنان اذا عندكم وبارك الله فيكن مسبقا

[ام احمدي]

المشاركة الأصلية كتبت بواسطة omsadja

من فضلكن اخواتي محتاجة وصفة المافن نتاع حنان اذا عندكم وبارك الله فيكن مسبقا

[idron0]

كيكة om_hadil

درت موسكوتشو عادي ... اربع بيضات و كاس سكر خلطيهم مليييييح بالباتور و زيدي كاس زيت و ڤاني و علبة ياوورت و زوج خمارة و فرينة ... ادهني المول مليح بالزيت و رشي الفرينة... ضعي كمية قليلة من العجينة في المول و اشعلي في البداية الفرن من الأسفل ... و لما أطيب الطبقة الاولى طفي و اشعلي الفرن من الأعلى ... و كل مرة زيدي طبقة رقيييييقة من العجين و نقصي للفرن حتى تكملي كل العجين.

[idron0]

كسرة المطلوعة دائمة الحمد

مام تبات تبقى طرية

[idron0]

وصفة البسبوسة اسيا 27

في قالب صغير [22 / 28cm] ديري زوج بيض - كاس سكر - كاس زيت - علبة ياوورت الفراولة او المشمش يجي بنين -نص كاس حليب - مبشور ليمونة - زوج كيسان و نص سميد يكون خشين شوية - كيس و نص خميرة كيميائية فاني و ممكن تديري فيه نص كاس جوز هند و تدخليه للفرن اشعليه من التحت في الاول و كي يحمار من الاطراف طفي متحت و اشعلي من الفوق
بعد ما تخرجيها مباشرة سقيها بالسيرو البارد و زينيها كيما تبغي
السيرو : ديري كاس سكر مع قطرات ماء فوق النار حتى يولي كرامال ما تخليش ينحرق شوية برك لون الكرامال الخفيف و زيدي عليه 6كاس ماء و كاس سكر اخر و شريحة ليموم و خليه يغلي 20 دقيقة من بعد طفي عليه و زيدي زوج مغارف ماء زهر و خليه يبرد.

[idron0]

بسبووستيي بدووق الكاراامييل lyzzabel

اولاا نحضر السيروو او الشااربات لي نسقيي بييها البسبووسة ،، نديير في كاسروول 2 كيساان سكر و 3 كيساان ماء و نحطها على ناار حتى تغلي لمدة 10 دقاايق و نطفيي ،، من بعد نضييف شوية ماازهر و نخلط و نخليي السيروو على جهة لوقت الإستعماال

في سالااديي نحط 2 حباات بييض بدرجة حراارة الغرفة ،، نصف علبة تااع كراام ديساار سكر عااديي ،، م ص لافااني و نضرب ملييييح بالفوويي ،، نضييف 2 علب كراام ديساار بدووق الكارامييل ( العلبة تااعها هي لي نعبر بييها ) نضرب حتى يتجاانس الخلييط ،، و علبة و نصف زييت مع الخلط داائماا و نصف علبة حلييب ،، من بعد نضييف 2 كيساان مشي معمريين بزااف سمييد متوسط و م ص و نصف خمييرة الحلوياات مغربليين مع بعض و نخلط ،، نفرغ الخلييط في بلا تااع فرن ،، انا استعملت بلا جوتاابل 32×23 سم درك نصورهلكم ،، طبعاا نكون دهنته بالزييت و نطيب البسبووسة في فرن مسخن من قبل على 180 درجة حتى تطييب من تحت و من بعد نحمرها من فووق ،، كي نخرجهاا نسقييها تم تم بالسييروو و نرجعهاا للفرن طبعاا طافيي و نخلييها تتشرب مليييييح
للتقدييم نحتااج ديكوجاال بدووق الكارامييل ،، كراام شاانتيي و كارامييل لي يجيي فالعلب تااع الفلاان و مكسرااات
كي تبرد مليييح البسبووسة نقطعهاا الشكل لي ينااسبنيي و نطلييها من فووق بالديكوجاال باستعماال البانسوو ،، و نزينها بلا كراام شانتيي و الكارامييل و المكسراات ،، انا درت بيستااش و تقدم بااااااااردةبألف صحة و هناا ممممممم.

ملاحظة : تنجميي تضييفي مكسراات لخلييط البسبووسة , ديري لووز او جووز او لووز بقشووره هادو لي يمشوو مع دووق الكارامييل مممممم.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[حسيبة2010]

وصفة سمك الطن...أم فضيلة
الطن نديرو في الكوشة بعد مانقي السمكة نوجد ثوم مهروس شوي كمون معدنوس مقطع فلفل اسود ملح شوي راس حانوت طماطم رابي وشوي زيت وندهن السمكة من الداخل ومن برا وندير شقوق بالموس على السمكة ونفرش دوائر بصل طماطم وفلفل حلو ونحط السمكة وندخلها للكوشة تطيب

[idron0]

الطن في الكوشة ام فضيلة

بعد مانقي السمكة نوجد ثوم مهروس شوي كمون معدنوس مقطع فلفل اسود ملح شوي راس حانوت طماطم رابي وشوي زيت وندهن السمكة من الداخل ومن برا وندير شقوق بالموس على السمكة ونفرش دوائر بصل طماطم وفلفل حلو ونحط السمكة وندخلها للكوشة تطيب.

[idron0]

حمص و بابا غنوج اخت om wassim


إضغط هنا لرؤية الصورة بحجمها الطبيعي.

[ام احمدي]

تحلية البسبوسة لليزابيل

التحلية تنجموو تشربوو معااها عصيير و تااني تنجموو تشربوو بيها القهوة

حلوو عينييكم مليييييييح ،، كي تبقاالكم البسبوووووووووووووسة في أكواااب فتتووها غي بالفرشييطة و حطوو معااها مكسراات و من بعد طبقة تااع شاانتيي و شوية كارامييل تااع الفلاان ،، عااودو طبقة بسبووسة مفتتة و مكسراات و طبقة كراام شاانتيي و نزين بالكارامييل من فوووق و مكسراااات يمييييي ،، والله غي جاات تهبببببلللل شفتوو شحاال ساهلة هههه