~~~ الجزء 127 من واش طيبتي اليوم ~~~ التجديد ، التغيير

[wahibaazel]

المشاركة الأصلية كتبت بواسطة زينب66

مساء الانوار حبوباتي
ام هديل التارت راهي ما شاء الله ح
زبنب بصحتك التحويسة حنونة تستاهلي وخاصة الطواجن نموت عليهم وما كانش متلهم في المحلات
ارزاق شكرا حبيبتي كيف احوالك
وهيبة الطيوبة انتم ايضا والله في قلبي وانا والله ولو مخنوقة في الخدمة لكن نحب دائما نتونس معاكم صحبتكم طيبة وتنحي على الخاطر وتنسي كل شئ على فكرة لما رحنا لجنازة ناضو نسا يحكيو على اللي يغسلو ما كانش صغار ويعرفو املا قلتلهم انا عندي صديقتي صغيرة وتعرف تغسل هدا ليش شئ حقيقي ......... قالتلي عجوزتي شكون صديقتك في بالي ما عندكش صحابات .... قلتلها يطعم الحج والناس راجعة الحمد لله عندي بدل الوحدة مئة ربي يخليكم ليا

ام نسرين حنونة سامحيني مالحقتش نجاوبك لكن ما عليهش الزاليقو قصدي تقليه وتمرقيه كما متعودة وتحطيه في مول تاع الفور وغطيه بالالمنيوم وتدخليه للفور يطيب يجي امممم انا نطيبو دائما هكدا جربيه وقوليلي

الحمد لله انك رديت ،كون ما قريتش الرد علبالك نشقالك لقسنطينة ونسلملك على راسك ،هذا في حق تقصيري ،والله اني احبك في الله زينب ٦٦،الناس الطيبين من حقهم يزعفو ويدللو .
ليزا اهلا بيك يا غالية واش تعشيتي .
رحمة ربي يشفيك حنونة .
عازفة راك ناشطة ماشاء الله عليك .
ام ماجد بصحتكم السباقيتي ،والصابلي .
البنات صح عشاكم كامل وتسلم الايادي كامل كل وحدة باسمها .
اسمهان ماطلتش ،ربي يعاونك حنونة .

[ارزاق]

قصدي الاخت رحمة راني صححت الخطا هههه

[lyzzabel]

مسلخييير حبيبااتي و صحة قهوتكم
زييينب عظم الله أجركم و رحم الفقييدة و أسكنها فسييح الجناان ،، انا لله و إنا إليه راجعوون
حبيبتي لوكاان ترااجعي تلقييني سقسييت عليك و لاكان عجزتي سقسي الشيراات يقولولك ههههه الحمد لله 5لى سلاامتكم حبيبتي ،، حقا انا يقسييت اختي على امتحاناات السانكياام قالتلي بلي في 2 جواان و مصدر موثووووق ،، و الله أعلم
عااازفة الترتاااات هههه ممممم يعطيييك الصحة و سلمت الأنااامل و سعدها جاارتك ربي يدوم المحبة الله يباارك
ام نسرييين ديري الجااج محمر فالفرن و معااه اللوبياا في كيس الشواااء تجيي فيييييييلم و بصحتكم مسبقاااا مممممممم
ام هديييل كا خرجتلييش الصوورة وااااااع بصحتكم يا الحبييبة
على فكرة ام هدوول تااني رااهي غاايبة ان شااء الله الماانع خيير
ام رشدييي بصحتكم الترتة يا سلااااام تشهيييي و شكرااا على الثقة حبيبتي قصدي على فكرة الشانتييي هههه

كملت لحفييظ مراجعة تلرياضياات و باقي اللغة ال6ربية ورااني داايرة منصف غي حجريي نااض يبكيي غادي يقعد سااعة باش ترووح المعزة خخخخخ

ام الجووود هلمي بالكوااليييس
ام البناات بصحتكم المحااجب حبيبتي خليلي حقي دازماان ما كلييتهمش مممممم
زينوووبة بصحتكم التحوييسة و المشتريااات و الدووووش :d

انا عشايا بقااتلي الحرييرة و نزييد فيلي تاع البقريي و سلااطة و الحمد لله على نعمه


اللهم صل و سلم و باارك على سيدنا محمد

[wahibaazel]

زينب 83بصحتك التحويسة ،والحمد لله كي عجباتك وفي نفس الوقت ما أخرتيش الصلاة .
نعمة الامن اكبر نعمة بالرغم من كل النقائص ،كلها تهون امام الامن .
عازفة وام هديل واش عملتو فيا ليتارت رووووعة تسلم الايادي .
ما نيش نطبق ،راني مع الفروض وتعرفو الاولاد مايقراوش غير بالحضور الشخصي ،ربي يعينا .
نروح لانو راهم في حرب

[ام سراج وملاك]

مساء الخير عليكم كامل
زينب 66 عظم اللهم اجركم ربي يرحم قريبة زوجك يارب

[wahibaazel]

ارزاق ربي يحفظك ،العشا عندي حميس ونعمل لوبيا خضرا اوملات ونخبز كسرة .
رحمة ان شاء الله المانع خير ،

[ام رشدى]

عازفة كي العادة التارت روعةةةةةة درك نروح نكوبي عليك ههههه
ام هديل تبعدي في العين هههالتارت روووووعة
ام البنات امالاىيالحبيبة راكي من ثابت بوزيد ايييييه ايامي لمليحة قضيتها ثم والله الصباح رحت للبوستا كل خطوة بذكرى كون صبت ماروحتش من ثم
وين عدتي في المحاجب قريب يوجدو ماتكثريش لحرور اختكتعاني من ليستومة هههههه
اختي زينب بصحتك التحويسة حنونة
اختي زينب 66والله انحبوك واعذرينا كي مافقدناش غيابك واااع ياخي علابالك مشاكل الحياة هي تجري واحنا وراها اعدرينا يالحبيبة امواااااح

[rahma2014]

[زينب 66الحمد لله على سلامتك انت والعايلةوعظم الله اجركم وربي يرحمها برحمته الواسعة
زينوبة حبيبتي بصحتك التحويسة
ارزاق واش راكي حنونة وفحلة كيما انت ما شاء الله تقول كتلني التفنيين هذيك لا روتين لي قتلتنا
عازفة الناي يعطيك الصحة على الكيكة الله يبارك فيك
ام هديل الكيكة صورة طبق الاصل على كيكة الرائعة ام سهام يعطيك الصحة
لي نستها تسمحلي راني ف حالة ملي روحت البارح من العرس وانا حشاكم نتقيا ما نضتش خلاص من بلاصتي

[ام رشدى]

عازفة ليستومة كي العادة التارت تهوس امممم درك انكوبي عليك
ام هديل تبعدى في العين هههتارت تهبل امممم يعطيك الصحة
اختي زينب بصحتك التحويسة تستاهلي عزيزتي كون غير مريتي على صحاب الاقمشة كاينين ثم واحد الاقمشة روووووعة وبسومة معقولة
اختي زينب 66 والله نحبوك ولاكن الدنيا وتلاهيها ماتزعفيش حنونة اموااااااح اصبرو تخلص هدولة الامتحان ونديرلكم كل صباح كنترول هههه
ام البنات وين عدتي بالمحاجب ليستومة راهي تعيط ههههههه وياحبيبتي مالا رانا جيران انموت على ثنية الحمراء ترعرعت ثما والله الصباح كي رحت للبوستا تمنيت مانجيش انروح هههه
اختي ارزاق التفنيين كي يحكمني نعود نكركر في روحي ربي يعينك عزيزتي

[*وردة الشرق*]

ام رشدي حبيبتي والله ما نيزعفانة راني قلت في اخر الرد انو كل وحدة فينا مسؤولة وندخلو للمنتدى بالجري والله راكو في قلبي كامل
رحمة شكرا حبيبتي والله الطريق عادت صعيبة و اللي سوقو مجانين ربي يحمي كل واحد ويرجعو لدارو سالم با رب
ليزا عسلايتي الحلوة والله نا رال ما رجعتش وشكرا حلوتي انك استفقدتبني حقى تقرعبجة صغيرة صغيرة دوك نهار شفت مواضيعك ولقيت الرفيس هاديك اليد لمبطبطة يدك ولا لا برديلي قلبي عندي زمان وانا حشمانة اليوم درت الكوراج وسقسيتك
سلام حبوباتي نروح نعشي لوليدات ونرجع نراجع ما فاتني كاش وصفات وحلول وردود حلوة متلكن

[rahma2014]

ليزا الحبوبة مشكورة حبيبتي والله غير شربت ما حبسليش وكي زدت سخنت قالي زوجي ضرك نديك للمستشفى هو ثاني شك ف تسمم ربي يجيب الخير ان شاء الله
ارزاق ووهيبة الحنونة شكرا على السؤال حبيباتي

[ام رشدى]

اختي. رحمة ربي يشفيك حنونة سير كاشما كليتي حاجة ماولمتكش ولانقولك بيك عوينةعلى خاطركش جيتي تهبلي مع البنوار والقصة انتاع شعرك ياخي ههههه نضحك مع اختي

[عازفة الناي]

مساكم سعيد يا حباباتي
مازلت ماراجعتش مليح بالتدقيق ههههههههههههههه
شكرا كي عجبتكم الكيكة
زينب 83 بصحتك التحويسة ماديتينيش معاك وااااع عوضيهالي هههههههههههههههههههه
ام رشدي كوبي براحتك هههههههههههههههه راهي نفس الكيكة بصح الديكور تغير ههههههه now look
ام طيري ربي يخليك عزيزتي
الله عليكم مع المراجعة ربي معاكم و ينجح اولادكم
كنت ندير في تشيز كيك بطريقة جديدة ان شاء الله يصلح
نحطهولكم واذا ماصلحش راحت عليكم

[أم هبوبة]

Lكي عشيتو ان شاء الله لاباس
خرجت مع وليدي قلت نشريله شوية قش للصيف لكن يا لهوي كل شيئ غالي و الموديلات ما تستاهلش السومة الي حطينها فيها شريتله غير شوية قلت حتى نمشي لوهران و نكمله و نشري لبنات ثاني فيها شوية الرخى
زينب66 عظم الله اجركم في الفيدة و الله يبدل محلتها بالصبر
روضة واس راك مع التربية
رحمة الف لاباس عليك
ام طيري الجنة بصحتك واش حطيتي يعطكيك الصحة
ليزا الله يعاونك مع الحفاظة انا ولدي كمل التقويمات الاسبوع الي فات و بقاله المحفوظات غدوة ان شاء الله بصح والله شوكونا بامتحانات يوم 21 جوان هدا هبال و انا الي قلت لولدي الفصل الثالت اقصر فصل راه غير يحسب مينتا يجي 31 ماي باش يدي العطلة
الهام ما ديريش علىيهم وا علني اننا استفادنا من وصفاتك كثيرا دايما نطلبك ربي بالصحة على المجهود الي تبدليه مين تحط الوصفات و الله خرجت اليوم خصوصا باش نشري مشتريات كانت لازمتني باش نطبقلك طبق البطاطا بالكريم فراش ما ديريش على الغيارين و الحسادين ما تخليش كلمة منهم تحبطاك المورال

عازفة و ام هديل ما شاء الله على التارتات خرجولكم روعة
ام رشدي تارت الفريز باينة تهبل
ام ياسين مياء الانوار و بصحتك المشتريات
زينب 83 بصحتك التحويسة

[قمر 77]

رحمة ربي يشافيك خيتي روحي للطبيب اذا كش ما شكيتي احسن مرات الواد يخرج خرجة تخرج فيه الله يجيب الستر نروح نحط العشا سلام البنات