الجزء 152 من واش طيبتي اليوم

[آسيا 27]

المشاركة الأصلية كتبت بواسطة حبيبة امها

السلام عليكم ورحمة الله وبركاته

بارك الله فيكن يا حرائر على الوصفات والاطباق القدمة وفي ميزان حسناتكن ان شاء الله


لي رجاء من فضلكن اريد وصفة صلصة بيشاميل الصحية للاخت زينب 83 بحثت عنها في وصفات لحراير لكن لم لجدها محتاجة اليها اليوم صائمة واريد تحضيرها للافطار وجزاكن الله كل خير

شوفي هاذي هي وصفة البيشاملا تاع زينب لقيتها في وصفات الحراير صفحة 18
الصوص البيضاء ، شوفو واش درت، جبت لترا غير ربع حليب خلطت فيها ثلاث مغارف فرينة و هو بارد و حطيتهم فوق النار و بقيت نحرك حتى خثارت بصح لازم تبقى سائلة و مباعد نحيتها و خلطت فيه ثلاث حبات جبن المثلثات حتى ذابو و شوي ملح و اللي تحب تزيد فلفل ابيض انا مادرتوش,

[حبيبة امها]

المشاركة الأصلية كتبت بواسطة آسيا 27

شوفي هاذي هي وصفة البيشاملا تاع زينب لقيتها في وصفات الحراير صفحة 18
الصوص البيضاء ، شوفو واش درت، جبت لترا غير ربع حليب خلطت فيها ثلاث مغارف فرينة و هو بارد و حطيتهم فوق النار و بقيت نحرك حتى خثارت بصح لازم تبقى سائلة و مباعد نحيتها و خلطت فيه ثلاث حبات جبن المثلثات حتى ذابو و شوي ملح و اللي تحب تزيد فلفل ابيض انا مادرتوش,

المشاركة الأصلية كتبت بواسطة ام يسرا

تفضلي غاليتي حبيبة امها
وصفة بيشاميل قليلة الدهون زينب83

2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي

بارك الله فيكن اخواتي على المساعدة عميت وانا نبحث الهاتف ما حبش يدخلي بنسخة الكمبيوتر جوزيتما الفردوس ان شاء الله

[oum ibrahim]

صباح الخيرات يا وردات
غدايا قناويةومطلوع وسلاطة
ماراجعتوالو النت ثقيلة وراني بالتابلات
نداااااااااااااااااء عاجل الى ام جوجو من فضلك وصفة تارت الليمون الي حطيتيها البارح دوختني ولك الف شكر

تفضلي غاليتي حبيبة امها
وصفة بيشاميل قليلة الدهون زينب83

2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي

[x ام رحاب x]

اهلا حبيباتي وصحة فطوركم
اسيا ايلا شفتيني اعطيني الوصفة تاعك تاع السفنج ربي يحفضك

[آسيا 27]

جبتلكم الغدا

[أم ياسين الزهراء]

تفضلو غدايا بمااني مستقلة اليوم والدولة غايبة درتلهم خبز الفوكوشيا وبريك

[arwa alaa]

السلام عليكم انا من متتبعات الي تقولو عليهم في الخفاء نشكركم كلكم علىكل الوصفات الي تحطوها والله سعات نكون حاصلة واش نطيب نضرب دورة في الكوزينات ونقل عليكم شكرا شكرا

[أم ياسين الزهراء]

توبة يافحلة المنتدى الله يبارك هبلتوني بالمحاجب وانا عجزتلهم بصحتكم
جيادا في انتضار التحريفات

زينب وقيلة تفاهمنا ههههههههههههه

بصحتكم وربي يديم النعمة

[ام عبدو و ملاك]

غدايا وجد بربوشة

[آسيا 27]

صباحو ام رحاب بغيتي وصفة السفنج
ديري كمية تاع الفرينة انا ما نكيلش عيني ميزاني ممكن تديري كيلو و زيدي مغرفة ملح و مغرفة و نص خميرة تاع الخبز و عصير نص حبة ليمون و زيدي الما دافي العجينة ما تديريهاش جارية و ماشي كيما تاع المطلوع باه تتحكمي فيها و خليها تخمر و كل ما تشوفيها طلعت ضربي فيها بيدك [ ديري هاذ العملية 3 ولا 4 مرات باه تخفاف العجينة ]
من بعد ادهني صينية بالزيت و شكلي العجينة كرات صغار شوية على تاع المسمن و حطيهم فيه و خلي مسافة بيناتهم و خليهم يخمرو من بعد ديري الزيت في المقلاة [حمام زيت يعني بزاااف ]
ديري شوية زيت في يدك باه يساعدك و ما تصقش العجينة و ادي كرة تاع عجين اللي يكون اخمر و اتقبيه في الوسط و حطيها في الزيت لازم يكون حامي مليح اذا كان بارد يشرب الزيت و كي تشوفي الحبة تاع السفنج طلعت و احمارت من تحت اقلبيها و كملي طيبيها من الجهة الاخرى شوفي يجي خفيف




هاذي الطريقة تسهل التشكيل


كتبت روااااية

[Oum yousra]

سلام الي تغداو صح غداكم جبت لكم كواليس الغداء ههههههها مزال ماوجدش هاذا وين دخلتي الفور . . .

[titina]

مساء الخيرات
اليوم جيت وجبت معايا بريوش عروستنا
كان هاااااايل

[دائمة الحمد]

صحة غداكم يا الحراير وبصحتكم الاطايب
غدانا اليوم دويدة مفورة وسلاطة

[دائمة الحمد]