|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
دورة " ربات بيوت واثقااااااات"
 |
|
|
أدوات الموضوع | انواع عرض الموضوع |
|
|
2017-10-20, 16:39
|
رقم المشاركة : 1 | ||||
|
شكرا رويدة استفدت منك بزاف انا كنت اعتقد ان الحنة مش طبيعية وما عنديش خيار باش نصبغ الشيب ولانها ايضا عملية ونعرف واحد من العايلة مسكين طفل صغير وشايب ودايما يستعمها لاانو يستحي بيه وانا نقولو شعرك ضرك يروح لك من هذا المواد شكرا مرة اخرى
|
||||
|
|
2017-10-20, 17:04
|
رقم المشاركة : 2 | |||
|
مساء الخير فراشات..... توحشتكم
انا دارتها بيا الانترنت اليوم بالسيف باش قدرت ندخل ذرك يعطيك الصحة رويدة على المعلومات المفصلة الي قدمتيها على الحنة، راني حضرتلك بعض الوصفات للشعر الجاف والبشرة الجافة، بصح هذا وين قدرت ندخل للمنتدى، مشكل تاع الكونكسيون. هاذو بعض الماسكات المجربين للبشرة الجافة: * مغرف كبيرة تفاح مسكرفج. 2مغارف طين ابيض.2مغارف حليب، خلطيهم حتى تتحصلي على ماسك، ديريه على وجهك من 20 د فاكثر، كرري الوصفة كل 15 أو 20 يوم * مغرف صغيرة نشاء. مغرف كبيرة ياغورت. مغرف صغيرة لحظة. مغرف صغيرة عسل. مغرف كبيرة عصير ليمون. خلطيهم على شكل ماسك وديريه على الوجه مدة نص ساعة واغسليه بماء دافي ثم ماء بارد. كرري الوصفة 3 مرات في الأسبوع. وبالنسبة للشعر الجاف: * خلطي صفار البيض مع زيت الزيتون، الكمية تكون حسب كثافة الشعر، وديري بيه ماسك لشعرك دلكيه مليح، وخليه اطول مدة ممكنةعلى شعرك وامبعد اغسليه مليح... الفائدة تظهر بعد المداومة على الوصفة مرة كل أسبوع. * حبة موز. زيت جوز الهند. زيت الزيتون. العسل خلطيهم مليح مع بعض وديريه على الشعر دلكيه مليح وخليه في شعرك اكثر من ساعة. وامبعد اغسليه عادي. |
|||
|
|
|
2017-10-22, 13:21
|
رقم المشاركة : 3 | ||||
|
اقتباس:
بارك الله فيك رندة على الوصفات ......إن شاء الله سأجربهم و ندعيلك |
||||
|
|
|
2017-10-20, 16:59
|
رقم المشاركة : 4 | |||
|
السلام عليكم بارك الله فيك قائدة الدورة ام شمسوا على هذه المبادرة كنت منتظرتها من مدة اعاني من قلة النتظيم مشتركة معاكم لازلت في الصفحة 6 ولكن ولله الحمد قريب نتخلص من 27 حاجة وانا بصدد اخراج ملابس الشتاء لكن لا اعرف كيف انظم نفسي لم الحق اسبوعين من عودتي الى البيت بعد ان غبت عنه اكثر من شهر لمشاكل والحمد لله تيسرت اتمنى ان استطيع تنظيم بيتي كما ينبغي مرحبا بيا بين الفراشات اسال الله لي ولكم التوفيق |
|||
|
|
|
2017-10-20, 23:19
|
رقم المشاركة : 5 | ||||
|
اقتباس:
|
||||
|
|
|
2017-10-21, 19:40
|
رقم المشاركة : 6 | ||||
|
اقتباس:
شكرا على الترحيب |
||||
|
|
|
2017-10-21, 20:07
|
رقم المشاركة : 7 | |||
|
مساء النووور ...اهلا اختي جهينة شفتي غياب تام ...دخلت فالنهار ماصبت حتى وحدة خرجت |
|||
|
|
|
2017-10-22, 14:08
|
رقم المشاركة : 8 | ||||
|
اقتباس:
يسمحولي الفرااااشات نلخص للاخت الكريمة واش درنا لحد الان ...نذكر بلي رانا في فترة تدريب و اكتساب للعادات لذلك فالتذكير المستمر مفيد و التكرار ماراحش يكون ممل ... بدينا بروتينات المساء ..لانها تحضير لليوميات و اساسية في صنع الغد و تسهيلو ..و اتفقنا في روتين المساء على 3 محاور ... 1-العناية بالبيت ...بعدما تقدمي وجبة العشاء ...تهتمي بالماعن تغسليهم و تلمعي الحوض و تنظفي المطبخ و تسيق الكوزينة ...ثم تمري على مناطق النشاط في المنزل و ترتبي كلشي و تبردي النقاط الساخنة في دقيقتين ... 2- العناية بالغد ...تتفقدي جدولك للغد ..و تشوفي واش عندكم و تحضري كل المستلزمات ...صينية الفطور ..ملابسك ..ملابس الاولاد ...حقائبهم ..احذيتهم ...تخرجي اللحم من الثلاجة ...و هكذا ... 3- العناية بنفسك ...اللي هي العمود اللي واقفة عليه الدار ...ديري نظافتك المسائية ...ترتاحي ...تقضي امسية ممتعة ..تنامي في الموعد المحدد و المناسب ... هذا بداية كروتين مسائي ... انتقلنا لاحقا لليوم التالي و اقترحنا حسب اسلوب الفراشة انك تبداي بروتين تجميلي ..تضمني بيه عدم اغفالك لهذا الجانب اللي تعاني الكثير من ربات البيوت من اهمالو ...تخصصي فقط ربع ساعة و تقومي ب... *ديري دوش خفيف ...ان شئت .. *تغسلي اسنانك .. *ترتبي شعرك ... *ترطبي بشرتك وديري ماكياج ... *تلبسي حاجة مليحة و تعتني بالاضافات و الاكسسوارات و العطور ... ثم تباشري في مهامك المقدسة في رعاية المنزل و الاهتمام بافرادو ...و حطينا روتين صباحي سهل و مختصر و عملي جدا ...هاوليك .. الروتين الصباحي ... *ترتبي السرير بمجرد النهوض منه ... * تنظفي الحمام بمجرد الفراغ من استخدامه ... *تطيبي الفطور و تقدميه وتغسلي الاواني ... * تشغلي الغسالة و تحركي الغسيل .. تشوفي الوجبات تاع اليوم ..تخططي و تبداي تحضري ... * و تقومي بالاعمال اليومية حسب الضرورة ...غبرة و كنس و تسياق .. و بهذا تكوني قمتي بروتيناتك الصباحية في ساعة مبكرة و حصلتي على افضل النتائج... الروتين الثالث من روتينات الفراشة اللي اعتمدناه بشكل يومي و تكملي بيه روتيناتك اليومية هو ...الترتيب اليومي ...و منقتضاه ..انك تقومي في كل يوم بتخصيص مدة من الوقت اللي تمثلك ...الفراشة تقترح دائما فقط ربع ساعة ..و تقومي فيها بترتيب مكان ما او نقطة معينة من المنزل ...اسلوب الفراشة يعتمد على ثلاث كراتين و ممسحة و مؤقت ..و انك تمشطي كامل الغرفة من اليمين الى اليسار ...لكل غرفة من غرف البيت حتى الحصول على النظام الشمل ...و تعطيك الفراشة ثلاث صور من صور الترتيب ... 1- الترتيب اليومي الشامل اللي يمتد على ربع ساعة ...و يشمل كل مناطق التخزين و المساحات التي لا تستعمل بشكل يومي .. 2- ترتيب خمس دقائق يخص المنطقة الاصعب و اللي تشكل ضدها حاجز نفسي و تلقاي صعوبة في التعامل معاها و مش عارفة منين تبدايها ...تسميها الفراشة انقاذ غرفة ...تخصصيلها ببساطة خمس دقائق كل يوم لمدة شهر ...و تشوفي النتائج الرائعة لهذي العملية ... 3- ترتيب دقيقتين ...هذا الترتيب المسائي للمناطق من البيت التي تسخن باستمرار و تستعمل كل يوم ...مثل طاولة الطعام ...طاولة المدخل ...مكتب الاولاد ...هذاك المكان من المنزل اللي تحطو فيه كواغطكم و حوايجكم و ملابسكم ...و ...و ..و الهدف هو انو مانخلوهاش تسخن و تتفاقم و تتحول لمنطقة ساخنة ...نقومو يوميا بتبريدها في دقيقتين . مهمة الترتيب بعد الانتهاء من عمليات الفرز و التنظيم تتحول لمهام تنظيف مناطق سنتعرض لها لاحقا بالشرح و التطبيق باذن الله. تطرقنا لاحقا لساعة التنظيفات الاسبوعية و اللي موعدها اليوم الاحد ...و اللي هي عبارة عن ساعة من التنظيفات الشاملة للبيت و تعنى بالاماكن اللي يتم فيها النشاط خلال الاسبوع و القيام المستمر بتنظيفها للحصول على السلام الدائم مع العمل المنزلي و الاحساس المتواصل بالنظافة في البيت ...فكرتها هي تكريس ساعة من الوقت للقيام بسبع مهام بمعدل عشر دقايق ليس اكثر لكل مهمة ...المهام السبعة هي ... 1- تبديل الدراوات و الغيارات .. 2-مسح الغبرة .. 3-مسح المرايات و الزجاج ... 4-مسح مقابض الابواب و مفاتيح الضوء و كل البقع .. 5- ترتيب الاوراق .. 6-تنظيف الارضية ... 7- اخراج القمامة ... هذا اللي تطرقنا ليه من روتينات حسب اسلوب الفراشة مع الكثير من الافكار الاخرى من طرف كل الفراااااات اللي تساهم لحد بعيد في تسهيل العمل المنزلي و تحويلو لمتعة حقيقية ...و البقية تاتي باذن الله .. |
||||
|
|
|
2017-10-20, 18:07
|
رقم المشاركة : 9 | |||
|
ام شمسو راني زعفانة عليك |
|||
|
|
|
2017-10-22, 13:54
|
رقم المشاركة : 10 | ||||
|
اقتباس:
بالنسبة لسؤالك على بقعة الصدا نقولك كيما قالت جهينة ...ديريلها الليمون ...احكمي ليمونة اقسميها على 2 ...حكي بقعة الصدا بالنصف الاول ...و مبعد ديري الملح في النضف الثاني و عاودي حكي ...و اذا حبيتي انقعي البقعة في عصير نصف الليمونة ليلة كاملة وفي الصباح ديريلها الملح الخشين و حكيها بالنصف الثاني تاع الليمونة ... الخميرة اللي تستعمليها لشعرك هي تاع الخبز خميرة البيرة ...تحبي تخلطيها مع الما او مع الزيت المفضل عندك او مع البيض مثلا ..او الزبادي ...حسب نوعية ئعرك و المكونات اللي تناسبو وتديريها على شكل ماسك ...تقدري كذلك تستعملي خبوب الخميرة ..راهم يتباعو عند الصيدلية كعلاج لمدة شهرين ...يوصى بيهم كذلك كعلاج للشعر فعالين ...و لكن نظن بلي راكي حامل ...ماننصحكش بالحبوب خميرة البيرة 
|
||||
|
|
|
2017-10-20, 20:14
|
رقم المشاركة : 11 | |||
|
اسمحي لي تاج الوقار بالاك الصفحات راهم يسرعو ما نتبهتش |
|||
|
|
|
2017-10-20, 20:37
|
رقم المشاركة : 12 | |||
|
الاخت تاج الوقار شوفي هذا الرابط من اجل تلميع الأواني
https://www.djelfa.info/vb/showthread.php?t=1954178 |
|||
|
|
|
2017-10-20, 22:14
|
رقم المشاركة : 13 | |||
|
كلام جميل وفعله توفيق.... |
|||
|
|
|
2017-10-20, 23:20
|
رقم المشاركة : 15 | ||||
|
اقتباس:
|
||||
|
|
|
| الكلمات الدلالية (Tags) |
| flylady |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
