الجزء 180 من الكوزينة (رمضانكم كريم )

[أمنية غفران]

السلام عليكم و رحمة الله تعالى و بركاته

أختي بيان طيابك ماشاء الله و بصحتهم ضيافك امممممممممم عجبني طاجين الزيتون يشهي

حقا اختي فلور وينك ان شاء الله المانع خير

حيوتة نسيت ما علقتش على الدوارة تسخف يا دلالي جبت لنا العيد يجري امممممممممممممممممم تبارك الله عليك

كان عشانا طاجين جلبانة مخثر نتاع اختنا ام فطوم معاه سلطة الزعلوك بزيت الزيتون هايلة





و لقهوة الصباح درت ميني كروكي



تحياتي

[بيان 5]

اختي امنية بارك الله فيك
وطيابك روووةةعة ما شاء الله سخفتيني

[أم يوسف2]

اابارح كتبت رد طويييييل امبغدجيت نبعثو راحت التريسيتي بففف
نشكركل اللي كتبولي رد شباب ههه
وامنية نتي راكي ديري فحاجة تاع خير واحنا دايمن نشجعوك ايماالا ماديريش على لي يحبوا يهبطوا المورال ووري عضلاتك وزيدي المهم انا وحدة استفدت من وصفاتك
سحابة وبيان بصحتكم الخرجة مليح اموا تبدلوا جو

[أم يوسف2]

حابة ندير عجينة المسمن فالليل ونخليها حتى الصباح نخدمهم وش رايكم العجينة تجي مليحة عندي شحال درتها فلثلاجة وااصباح ماجاتنيش مليحة جاوبوني قبل العشية خواتاتي

[أمنية غفران]

السلام عليكم و رحمة الله تعالى وبركاته

صحا فطوركم حبيباتي

أم يوسف ربي يحفظك على كلامك الحلو يا حلو

ما ننصحكش توجدي العجينة في الليل لأنه جربتها خطره و خرجت عيانه تعرفي السميد راهو بعدة أنواع
المهم راني نستعمل طريقة الكوكوت يخرجلي هايل وتفضلي شوفي رابط الأخت شهرزاد

https://www.djelfa.info/vb/showthread.php?t=1543083

تحياتي

[أم يوسف2]

يعطيك الصحةامنية

[بيان 5]

مافهمتش علاش كي ندخل انا وحدة ماتعتبرني موجودة وفي المقابل تعلقوا على بعضاكم
ماهيش اول مرة تصرالي في الكوزينة
اعلن انسحابي منها وربي يدوم لمتكم

[أمنية غفران]

أختي بيان ما تزعفيش فقط أنا راني في العمل كي ضربت طلة لقيت أختي أم يوسف تسقسي على عجينة المسمن جاوبتها برك كي قالت قبل العشية هادا ماكان و بالنسبة لطيابك علقت عليك البارح و قلت لك عجبني طاجين الزيتون و إدا سقسيتي على كاش عفسة عاودي حطيها بالاك ماشفناهش برك صدقيني نحبكم كامل كامل في الله

تحياتي

[أمنية غفران]

فكرتيني بيان هادوك لي كيش درتيهم بعجينة إلهام ولا بعجينة أخرى

[بيان 5]

والله يا اختي راكم كي خواتاتي وربي يشهد وعذي ماهيش اول مرة نحط حاجة من باب المشاركة وتفوت مرور الكرام لوكان ماتكررش لامر راني مازعفتش
هذوك لي كيش بعجينة ام وليد زدت عليها برك زوج مغارف حليب

[أمنية غفران]

يعطيك الصحة بيان الحنونة على العجينة الحق راني ديما نستعمل نتاع إلهام
شا نقولك حبيبة ما تقلقيش روحك راكي تشوفي الكوزينة ولات مهجورة كامل و قيلة الأخوات راحو كامل عطلة و طويلة ههههههه بصحتهم

تحياتي

[ارزاق]

مساء الخيرات كيف احوالكم ان شاء الله بخير اختي امنية يعطيك الصحة ماكلتك تشهي

اختي بيان يعطيك الصحة علي العرضة قمتي باختك كما يلزم ربي يهنيها

اختي ام يوسف راهي جاوباتك امنية كي توجدي المسمن حطيلنا حبات للقهوة

[ارزاق]

اختي بيانمتزعفيش اختي راكي من البنات لي ليهم الفضل باش بقات الكوزينة . بوسيلي البوقوس لي في التوقيع ربي يحفظهولك

[ارزاق]

اختي امنية لما نحط العجينة في الكوكوطة متلسقش نقلك الصح خفت نجربها

[حياة نور الدين]

السلام عليكن واش راكم

واش بكم كل ما ندخل نلقى واحدة زعفانة هههه

بيان انا نحاول دائما ما ننسى حتى واحدة حتى اللي تغيب نتحير عليها وادا مدكرتش واحدة اكيييد سهوا حبيبتي متزعفيش
العرضة هااايلة وربي يزين سعدها ويفرحها ويفرحك انت ثان قمتي بهاةماشاء الله وشهيتيني وانا صائمة
بصح حبيببتي متزعفيش الصور كبار بزاف حاولي تصغريهم لانه كبرهم يمنع البعض انه يشوفوهم وعلى هدي ميعلقوش انا من البارح وانا نحاول نشوفهم قوليلي التحلية هديك وشنو

امنية اهلااا حبيبتي والعيد اسكتي برك خفنا ادا منعيدوش مالا دخلناها بوزلوف ودوارة ههههه
اطباقك رووعة كالعادة

ام فاطمة يعطيك الصحة حبيبتي كلشي تحفففة ويشهي ومتحرميناش من طلتك

ارزاق واش راكي حبيبتي كاش طيابات ولا والو
شوفي راني دايرة موضوع بالصور على عجينة الكوكوت ولالا متلصقش بشرط انه متحطيبهاش في الماء يغلي يعني خلي البخار والماء يهفت شوية وحطي الكوكوت تاعك

ام يوسف ماشب مرة جربتي طريقتي تع الكوكوت وفرحتي ونجحت معك علاش متعاوديهاش