~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[أ م ساجد وسيم]

المشاركة الأصلية كتبت بواسطة فراشات العمر

خليت غدايا وجيت لقيتك خيرتو لخر كشرودات
سرين بقالك غير رب العزة هو لي يستجيب لدعاءك ونقلك ان الصدقة لتطفئ غضب الرب
املا نرجعو للموضوع الاخير احنا في مجتمعنا لما تكبر الطفلة تخمم في الزواج وتحلم تكون عايلة نيتها صافية لما يجو يخطبوها تبدا النصائح من كل الناس وممنوع تديري ومممنوع وووووو
والراجل اذا كانت تعرفو يدرلها لحياة طبسي من الجنة خطء خروج عن الموضوع 0/10
مسكينة لمرى وشريرة لمرا ززززززالكلافي ماحبش يكتب
المرءة في الدين اسيرة بيت زوجها كاينة لي جايبتها على طول كلامها لي يمشي والله ماعلابلها لا براجل ولا بحد تنايف وتشنف وتقصر في حقو حتى تكرهلو حياتو ويرضخلها
وكاين لي ساكتة الذبانة ماتنشهاش على روحها تخاف من خوف تعبده مكرهلها حياتها يعرف كيف يستغلها لمصلحتو ويخليها هي لخرة في الناس ما يحبهاش لا تهدر ولا تتنفس قدامو
وكاين الراجل لي محترم مرتو ومقدرها ودايرها ساعده الايمن وخاصة ثايق فيها وهي ليقولو عليها وراء كل رجل عظيم امرءة عظيمة
ولي مخلط ربي يهديه ما تعرفيه حنين ماتعرفيه واعر يخلي لمرا عايشة على الاعصاب كيما تديرو ما يقبل تهدر تكثري لهدرة تاع بوليتيك تسكت لاه ساكتة صامطة لي يديرو هو حلال عليه وحرام عليها مثلا هو يتفرج كلش هي تتفرج مسلسل خلات مثال برك يهدر مع الجنس الاخر بكل طلاقة وهي تهدر على شخص ماتفراش عليها
كاين لمرة تبان عاقلة وتبات طول الليل تقري في الراجل وتمد زعما النصائح هذوك يكرهوك وهذوك ميحترموكش وووووو
وكاين لي مش دايرة فيه الثقة مرة ابدا كيما يدير متصدقوش دايراتو بين يديها ودايرة قرون
كاين لي تلعبها عليه بالكذب والخداع مثلا كي يروح للدار عيان ما يلقاهاش دارت لماكلة تقلو مرضت ولا تخليه قريب يدخل تتكسل وتقلو دخت تخليه دايما يخمم فيها يادرا واش بيها
وكاين لي مالف يضربها تولي تخبطو معاه بالكف باه مايزيدش يمسها سينو وجهو يتنفخ هذي صرات حقيقة
وكاين لمغمض العينين بالعقار تخرج من الدار مع الرجاجيل وهو لا خبر
وكاين الديوث مرتو تقصر مع صحبو يقلك نورمال تتعري قدام الرجالة نورمال ملبستلو بودي وبونتاكور وشركة وداير كوب في شعرو وتكركر فيه
وكاين بنت ماما وpapi التكبر وتشناف وتاكل غير قلب الحاجة وكل يوم سهرة وخرجة وهو كي سلوقي تاع الصيد

الله يرحم هذاك الفم كفيتي وجملتي كلش..

[غزالة1]

السلام عليكم
اهلا حبيباتي
فراشات رانا لبسنا نظارات و طرت بينا للسماء طلينا على كل الانواع:d

[غزالة1]

انا في رايي انو كل انسان يتعامل باصلو و بما انو الاخت جهينة قالت نتكلم عن معاملة المراة فالمرأة تتعامل معاه بطيبة و مع الايام يعني بالعشرة راح تكتشف معدنه الاصلي و هذا يؤدي إلى اكتشاف معدنها اذا كانت اصيلة راح تعاملوا باحترام مهما كان
لكن عموما الرجل المتفهم الخلوق تزيد مكانتو و تحطو في عينها و تدلو و تحس بيه و تستناه،،،،،، و باقي الشعر لي تعرفوه هههه
لكن اذا كان قاسي راح يعلمها القساوة و مكانتو في قلبها تصغر و كل ما زاد ظلمه راح تتعامل معاه مكرهة و علاقتهما راح يكون فيها الجفا و للاسف اول المتضررين الاولاد

[غزالة1]

حبيت نزيد شيء
المشكل في مجتمعنا العربي المراة قبل الزواج تكون دنياها وردية و تحلم او بالاحرى تتوقع انو الزواج راح يكون وردي بدون مشاكل و الطامة الكبرى انها معلقة سعادتها على هاذ الرجل اذا كان خلوق و حنين تقول راني في جنة و اذا عاملها بجفائ او ظلمها تسود الدنيا في عينها و هاذا اكبر خطأ انما سعادتنا معلقة بخالقنا و هاذ الانسان لي ارتبطت بيه هو احد طرقك الى سعادة الدنيا و الاخرة و اذا لم يكن كما تريدين فلا مشكل عامليه كما امرك الله و سعادتك استمديها من مصادر اخرى و اولها خالقنا عز و جل ثم الوالدين و الاولاد و الصديقات و،،،،،،، ،
سلام

[فراشات العمر]

اه راني وليت وجبتلكم غديا براك الكوشر يا سرين
معاه البمادة شريتها ب اربعين الف

[فراشات العمر]

المشاركة الأصلية كتبت بواسطة أ م ساجد وسيم

الله يرحم هذاك الفم كفيتي وجملتي كلش..

المشاركة الأصلية كتبت بواسطة غزالة1

السلام عليكم
اهلا حبيباتي
فراشات رانا لبسنا نظارات و طرت بينا للسماء طلينا على كل الانواع:d

هدرت كلش باه يسكر موضوعهم ويتفتح موضوعي ههههههههههههههههههههههههههه

[omelbanin]

ام لينا بصحتك كي تسيي الفرمادة قولينا كيفاه ولا وجهك ،باش حنا تان نشرو.

[فراشات العمر]

ما بيناش تحوسو تكلحوني نديرلكم كي حمار جحا لي يولد الصوارد ههههههههه

[loudjaine]

اختي فراشات العمر قداش في عمرك والله تباني 90 سنة و شفتي الدنيا كامل كلامك صوااااب
اخت سيرين الله يشفيك لا تونسيون تاعك 10 طالعة شوي برك ما اخلعيش النفخ احتمال كبير الكلاوي ولا انفكسيون

[loudjaine]

المشاركة الأصلية كتبت بواسطة فراشات العمر

اه راني وليت وجبتلكم غديا براك الكوشر يا سرين
معاه البمادة شريتها ب اربعين الف

فحلة تاخذي الراي جربيها و خبري الاخوات ...ههه كون جيتي قريبة والله نبعثهالك

[loudjaine]

انا نحكيلكم بلاق داني راحلي البحر واحد العام قالي ادخلي تعومي ما بغيتش كانت معنل بنتي الصغيرة فقط قلتلو كي بنتي تعوم الكفاية ...هذاك الوقت كنت عباية و خمار ...ذرك الحمد لله لبست الجلباب.. دخلت معاه بالسيف ايا عجبني الحال قلتلو كي نروحو نسجل في السباحة نتعلم ...قالي اخخخخرجي صحيتي الفحلة دخلتك تتنفسي بغيتي طيري ...هههه
يعني المراة الا حللها الراجل العين شوي دير هي زوج جنحين ....ههههه
و خرجت و ما كملتش العومان ههههه

[arwa alaa]

يا ختي ام لينا قوليلي برك منين تجيبي الهدرة راكي توب قلتيهم كل ومخليتي والو

[ام صفصف]

السلام عليكم حباباتي والله ضحكتوني ام لنا ولجين وديجا الاخت ام لينا لخصتلنا المجتمع في فقرة ربيي بارك
لكن بغيت ننزيد اضافة على واش قالو الاخوات انو تعريف كلمة مزير تختلف حسب التربية تاع الطفلة كاين اللي ممنوع تخرج وحدها ممنوع تحكي بزاف مع خاوتو ممنوع........وتشوفو امر عادي لانها تعرف الشرع وحتى لو هو ماطلبش هي رايحة تتمشى على هاذالاساس كيما راي مقتانعة
ومن جهة اخرى كاينة اللي يقولها نقصي شوي الماكياج برا ولا ماتخرجيش في البودي هاذااو .....تسمع بيه الامة كامل بلي راو معقد وتشهرو نسيبتو بلي راو غابن بنتها ويتحول البيت الى جحيم وحياة الافال الى كابه من اجل امراة تربت على التفاهات وتجدها لا تسمع الى احد الا نصصائح امها المعقدة ولي عودة انشاء الله

[جهينة اليقين]

يا ام لينا تجي عليك صحفية او مصلحة اجتماعية غزالة يعطيك الصحة انا راجلي من هذا النوع الي عندو اخلاق عالية والحمد لله رانا قريب ثلاثين سنة زواج ما قاسنيش بكلمة الي نشفا عليها صح كانت مشاكل بصح يعالجها بالعقل ولا كي يكون عندو الحق يزعف ويعبر وخلاص وما يزيدش يكبر المشكلة كي كنا صغار ينايفني حتى نروح انا نللو اما ضرك كي كبررنا مرات يعلي صوتو فقط وانا نسكت وهذا دواها عمري ما رفعت صوتي عليه وتحديتو وكي نخرج دايما مراعية ربي فيه ونخاف على سمعته وصح كي قال صلى الله عليه وسلم اظفر بذات الدين لانها تخاف ربي ماشي زوجها والي كان عجبني فيه كي كنت نداوس مع عجوزتي الله يرحمها او لواساتي يخرج ويخلينا يقول انتم نسا وترجعو مع بعضاكم ويصبرني وخلاص والله ما يقيس يماه بكلمة حتى ماتت راضية عليه اني اقر واعترف اني بعض المرات نحرشو لى يماه او خواتاتو ما تدير لهمش ما تعطيهمش يسكت والله ما يدير علي وفي قرارة قلبي نفرح ونقول شحال بار بامو وانا نحييه من هذا الصرح ونقولو ربي يخليك لنا ويطول في عمرك والله يا بنات راني نحكي لكم باش تاخذو العبرة برك فالصبر الصبر واحتساب الاجر عند الله ووالله رانا عايشين بدعاوي الخير تاع والديه وانت اذا ساعدتيه في بر والديه راكي ضمنتي عفوبنك

[omelbanin]

حبيبتي جهينة ،يعطيك الصحة على النصائح،حنا هذا هو هدفنا في هذه الدورة اللي عندو خبرة يوري للي ما يعرفش ،كامل درنا اخطاء مع عجايزنا بصح ربي عالم ،انا ماكنت نعرف بصح الحمد لله الواحد راهو يصحح في اخطاؤو.