كوزينة 114 كوزينة حسن الضيافة

[lyzzabel]

العشا دارت حماتي القرناع يطيب قبل كا تروح و ن ع خليتله البركوكس يتعشى بيه ما كلاهش فالفطور و البقية ما علابالييييش خخخخخ و راني قاعدة نخمم

[lyzzabel]

المشاركة الأصلية كتبت بواسطة oum radja

حلوة الترك تاع امازيغية وفتخر

كيكة بحبة بيض لعازفة ودرت ليها ديكوجال ذوق شوكولا امممممممممممممم واممممممممممم وامممممممممممم كيما تقول عازفة

فيييييييييييلم يعطيك الصصصصححححة ،، خبريني على حلوة الترك لاكان كيما لي تتباع ولا لا

[wahibaazel]

ليزا الغريف روعة وادهنتيه مليح انا ما عندي حاجة فيه بصح كي شفت انتاعك قلبي عاد يرجف والخبز تحححححححححححفة يا سلامة زوجك بيك ربي يحفظك، اختي أم رجا بصحتك لكن ما ظهروليش الصور، رحمة مساء الأنوار، العشاء نقليلهم بيض فقط والحمد لله.

[oum radja]

ليزا حلوة الترك لي تتباع يجو فيها كي الالياف مقرمشين
هاذي لا تجي طرية وتتفتت بالصح بنينة ولي يذوقها يعرف بلي هي حلوة الترك
انا عجبتني ورايحة نعودها ان شاء الله
نتمنى نكون فهمتك مليح هههههه

[oum radja]

ويييييييييييي راه جابلي الحليب و الفلان نروح نلبز شوية

[lyzzabel]

الله يسلمك حبيبتي ام رجا وصفتي راني من زمااان معتمدتها و ما نبدلهااااش بادن الله ههههه ،، بصحتكم البرانية مسبقاااا ،، قوليلي نتيا من الغرب ؟؟ ماعليش سؤال بريء ههههه

رحمة بصحتكم الزيتون مممممم

ميااااسم الحمد لله على سلامتك يا كراااا قلقتييينت علييييك ،، ربي يشفيييك و يعااافييييك و يعطيييك الف عافية على الاطباق لي حطيتيها تشهيييي و بصحتها بنتك راهي شاطرة الله يبارك

واااااع ام ريهااااام مين درتي الاقتباسات شفت بلي نسيت شحال من وحدة ما علقتش عليهااا خخخخخخ الله غالب هداك لي عصر مخي هههههه ،، لي نسيتها تسمحلي و حقها عليا

صبريييينتييي بصحتكم مرة اخرى غاليتي بصح بانتلي بلي الكبدة قطعتيها قبل ما تطيبيخا ولا راني غالطة هههههههه

نروووح نشوف كاشما ندبر للعشاااا


استغفر الله العظيم الدي لا اله ال هو الحي القيوم و اتوب اليه

[دائمة الحمد]

سلام ياحلوين راجعت وراجعت وحضرت للحلقة الاخيرة تاع مسلسل حبوبتي المازة نقول ليها ليك وحشة كبيرة ياغالية وربي يعينك على الرباية
كلش يهبل ونفس السؤال نطرحو على ام رجاء كيفاش الذوق تاع حلوة الترك
اهل العاصمة ماجاوبتونيش على سؤالي واقيلا ترجعو لماعن فارغين هههههه
راح ندبر راسي ونعمل بعوايد اهل الشرق هه تاع غش ماشي ضحكة
سي السيد راهو مكشرعلى انيابو على جال الماتش وماحبش يتعشى قالي بعدالماتش وانا راني وديعةومسالمة هههه واش راح ندير هبال البالون

[عازفة الناي]

ام رجاء بصحتك الكيكة جاتك 44444444444444444444444
ليزا بصحتك البغرير روووووووووووووووووووووووعة
البقية بصحتكم العشاء

[lyzzabel]

وهييييبة الطيووووبة انا تاني ما عندي حاجة فالبغرير بصح هدا جاني خفيييييف ادا درتيه ننصحك تجري الخليط و مين تنحيه مالمقلة غير بالشوية خاطرش يتعجن مين يكون سخون بزاف ،، بصح غير يبرد يولي وااااو ،، خليه حتى يبرد و اسقيه و ستفي حبة فوق حبة

ام رجا شكرااا علهى الشرح الكافي حبيبتي و بصحتكم الفلان مسبقاااا

[دائمة الحمد]

عازفة الناي مقروضك سخفني ولدي عندو شهر وهو يهدر على المقروظ
عملتي الوصفة العادية والا دخلتي تحسينات الشوفان والكريمة الطازجة ماكانش برك ههههههه

[touta2010]

ياقوت كما هكدا

2303301cle51
كما هكدا يكتب نميغو د سيسيبي
ليزا بصحتكم خرج هاااايل

[ام رويدة]

المشاركة الأصلية كتبت بواسطة دائمة الحمد

سلام ياحلوين راجعت وراجعت وحضرت للحلقة الاخيرة تاع مسلسل حبوبتي المازة نقول ليها ليك وحشة كبيرة ياغالية وربي يعينك على الرباية
كلش يهبل ونفس السؤال نطرحو على ام رجاء كيفاش الذوق تاع حلوة الترك
اهل العاصمة ماجاوبتونيش على سؤالي واقيلا ترجعو لماعن فارغين هههههه
راح ندبر راسي ونعمل بعوايد اهل الشرق هه تاع غش ماشي ضحكة
سي السيد راهو مكشرعلى انيابو على جال الماتش وماحبش يتعشى قالي بعدالماتش وانا راني وديعةومسالمة هههه واش راح ندير هبال البالون

حنا نرجعو السكر ولا حاجة حلوة...قاطو مثلا

[أم ياسين الزهراء]

عشايا فرميسال بالحليب وزجي ع قالي خبيلي الخبز تاع ام اماني كلا بيه الزيتون المرقد في زيت الزيتون ماصبرش والحمد لله

المازة السنيوة راهي تعيطلي ييييييييييييييييييي وطمينة اللوز امممممممممممممممممم

بصحتكم العشاء

دائمة كيفاش درتي الغريبية

[omaymen]

السلام عليكم حبيباتي

ان شاء الله راكم في احسن الاحوال

ام ريهام ما حبيتش تخلاص الكوزينة وانا ماحطيت والو تستاهلي كل خير اختي

بعض الطيابات

























نراجع ونرجع ان شاء الله

[touta2010]

عشايا شاورما ام اماني وعصير فانتا
ولللماتش شيبس وفوشااار