وصفات حراير الكوزينة الجزء الثاني

[idron0]

البسكوي رولي yasmalak






إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

الكسرى السوفية ادرة المكنونة

جبتلكم شوفو اعجني عجينة مليحة سميد رطب وملح وماء

إضغط هنا لرؤية الصورة بحجمها الطبيعي.


كوريها كويرات خوذي كويرة وحليها بلحلال تعود رقيقة كي الرقاق بازيت

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


اطوي على زوز


شمخي بازيت مليح
إضغط هنا لرؤية الصورة بحجمها الطبيعي.


زيدي طبقيها على اربعة وديما الزيت

إضغط هنا لرؤية الصورة بحجمها الطبيعي.

وممباعد حليها باش تعود مربعة ورقيقة

إضغط هنا لرؤية الصورة بحجمها الطبيعي.


وممباعد لوحيها فوق لحديدة نتاع الطياب تكون سخونة وعلى نار متوسطة لحديدة نقولها *الطاوة*

إضغط هنا لرؤية الصورة بحجمها الطبيعي.


ابقي دوريى فيها و قلبي حتان اتطيب وديري عليها قليل من الزيت رشيه فوق الطاوة باش متلصقش الكسرة وابقي دوري حتان اتطيب

إضغط هنا لرؤية الصورة بحجمها الطبيعي.

وهاكو شويا ذوقو

[idron0]

بريوش دائمة الحمد

[idron0]

سردين مشوي في الفرن عطر الدهب

تنقي السردين وتحضري حبة بصل وشوي كمون اخضر وملح وتحطي القليل منهم بين كل 2 حبات سردين وتحطيهم على الشبك تاع الفرن مدهون باش مايلصقوش ةوزيدي ادهني السمكات من فوق وطي في صحن صغير فحمة شاعلة وحطيها معاهم في الفرن مدة 15 دقيقة وبصحتك
ماتنسيش تحطي لبلا تحت الشبك باش ماتتوسخش لكويزينياغ من داخل وبصحتك.

[om kamilia]

[size="5"]طاجين السلق ذات النورين[/size]


غسلي السلق وديريه كيما تحبي فوريه او غليه فالماء

بالنسبة ليا نحب نقليه في شوية زيت ووثوم والبهارات اكيد ملح وانت ماتحبيش الفلفل الاسود انا درتو المهم بهري كيما تحبي حتى ينشف نحيه
في نفس المقلاة ديري شوية زبدة وقلي اللحم المرحي زبهريه بنفس بهارات السلق زيديلو الجبن الابيض انا بشرتو باش يذوب بلخف مغيرفة طماطم مصبرة والبيض وزيدي معاه هذاك السلق اللي قليتيه خلطي كلش وديري دي بولات وديريي مرقة بيضة او حمراء كيما تحبي انا درتها بيضة وفي الاخير كي تحبي اطفي النار عليها ارمي هاذوك لي بولات يغلو غلوة وتتجمر المرقة وخلاص شهية طيبة
راني حاسة روحي السيدة رزقي هههههههه

[idron0]

الملوخية ام ساجد

في كوكوط نحط كمية مليحة من الزيت وساشي الملخية ومغرفة متوسطة طماطم علب وبصلة صغيرة
مرابية ورقات رند شوي ملح ما نكثرش لانها مالحةواللحم طبعا ونقلي مليح مليح وكل مرة نضيف شوي
ماء سخون وايدي تخلط ونضيف كمية الماء ونغلق عليها ونخليها طيب نفتح علبهاونخليها تغلي ونضيف
ثوم مهروس مع راس الحانوت ومغرفة صغيرة طماطم وزيت الزيتون نخلطهم مع بعض ونضيفهم للكوكوط
ونقص عليها النار ونخليها تعقد وتجمل زيتها ولي يحب الحار يضيف قرون فلفل.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

طاجين الزيتون oum yousra

هزيتها على المغاربا و هي كالتالي نحط اللحم في الكوكوط و نرابي البصل مانرحيهش هما يقصوه صغير و يكثروالبصل و يحطو الملح و يخليوه يتقلى امليييييح و من بعد حطيت شويا ثوم و فلفل اسود و شويا راس الحانوت و الزيتون و دبشة انا مانحبش المعدنوس و شويا زعفران ماشي بزاف و زيدي قلي شوي من بعد مرقي غير شويا برك قيس مايطيب اللحم لأنو يجئ ناشف انا نحط الزيتون مع اللحم لأنو اللحم نتاعنا هنا يطيب بالخف لكان شفتي اللحم يطول خلي الزيتون حتان نص طياب و حطيه أختي.

[idron0]

البطبوط المحشي ام عبدو و ملاك

رطل فرينة+كاس سميد رقيق + مغرفة خميرة الخبز + مغرفة سكر + زوج مغارف زيت + شكارة خميرة كيميائية + ملح ونلم بالماء الدافيء ونعجنها مليح
نشكل كويرات كيما تاع المسمن
نحضر الحشو اللي تحبي
نحل الكويرة ونحط الحشو في الوسط و نلم الاطراف ونغلق ونبسطها على شكل قرصة صغيرة و نطيبهم في مقلاة ثقيلة ولا طاجين المسمن يكون مدهون بالزيت.

[idron0]

قراتان اللوبيا ام يسرا

الوصفة ساهلة وبسيطة وتقدري متديريش البطاطا او ترافقيها بيه
اللوبيا فوريها مليح من بعد في مقلاة حطي شوي زيت وثوم مرابي بكثرة يتقلاو شوي وزيدي اللوبيا والكفتة والملح والفلفل الاسود خليهم يتقلاو مليح من بعد زيدي الطماطم المرابية والمصبرة وشوي ماء كي تشوفي كلشي طاب طفي النار عليها انا خليتها بشوي صوص
من جهة اخرى اقلي البطاطا دوائر ولا فوريها ولا حمريها في الفرن
ستفي البطاطا في البلا ومن بعد اللوبيا مع الكفتة والصوص وفوقهم البيشاميل والفروماج رابي والى الفرن .

هنا قبل ما يطيب
إضغط هنا لرؤية الصورة بحجمها الطبيعي.
وهنا طاب
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

اممممممممممممممم
إضغط هنا لرؤية الصورة بحجمها الطبيعي.

[idron0]

صوص بيشاميل ام سراج و ملاك

نطيبها على نار هادئة نحط طاوة ندير فيها مغرف كبيرة زبدة كي تذوب نزيد زوج مغارف كبار فرينة ونحرك ومبعد نزيد نصف لتر حليب ونحرك مليح ونبقى نحرك حتان تخثار كي تكوني تحركي في لول حركي بالزربة باش تذوب الفرينة ومديرش تكتلات كي تخثارلك زيدي سنة ثوم وشوي ملح وشوي فلفل اسود اذا حبيتي انا منديروش ساعات وزيدي حبات فرماج فيه نتاع الحب .

[idron0]

المقروط اسمهان 79


ثلاث كيلات حرشة وكيلة دقيق عادي اللي طيبي منو الكسرة كيلة سمن المدينة ذائبة وباردة وكأس زيت وملح بسي مليح ولمي بالماء خليه يرتاح شوية ثم شكلي واقلي
ذك نحطلك صورة الحرشة
هاهي الصورة

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

كيك om wassim

المول تاعي صغير درت
3 بيض.1ياوورت دانون فريز( تاع 10دج )أدا المول كبير ديري لي كتر.نكيل بنفس العلبة تاع الياوورت 1 و نص علبة زيت.علبة حليب.2 علب سكر عادي.فاني .انا زدت قشر الليمون.
نحط كلش داخل الطاس تاع الميكسور و نخلط مليح و نضيف 2 خميرة حلوة. و 4 إلى 5 علب( تاع ياوورت ) فرينة على حساب النوعية و نواصل الخلط
نحيهم شوية نديرلو كاكاو إ
و نفرغو في مول مدهون زبدة و فرينة
و إلى الفرن.

إضغط هنا لرؤية الصورة بحجمها الطبيعي.

[idron0]

فلفل محشيي في الفرن lyzzabel

غسلت الفلفل مليييح و فرغته مالزرييعة و درتله رشة خفييفة ملح من دااخل و خلييته على جهة
بعد حضرت الحشو درت كمية صغييرة من الرووز يطييب فالمااء و الملح طيبته فاايت نص طيااب و صفييته و خلييته يقطر ملييييح مليييييح ،، ضفتله كمية ملييحة تااع لحم مرحيي يعني كفتة ،، كمية الكفتة اكتر من كمية الرووز ،، و تبلت بشوييييية برك ملح خااطرش الرووز ديجا فييه الملح ،، و فلفل أسود و سناات ثووم راابي او نستعمل le presse ail راه عملي جدااا و نربح الوقت ،، و نضييف حبة بييض و معدنووس مقطع رقييق و نخلط كلشيي ملييييح و نحشي بييه حباات الفلفل ،، ننجم ديير قطع تااع فرمااج مثلثاات ،، اليووم نسييت ما درتهش ،، من جهة أخرى نكوون وجدت الصلصة ،، نديير شوية زييت فالمقلة و زووج عرااش بصل أخضر يعني هدااك الطوييل ،، نقطعه دواائر و نقلييه على ناار هاادية ،، نحط علييه زووج سناات ثووم راابي ولا كيما قلتلكم و م ك طمااطم معلبة و زووج حباات طمااطم كباار رشة ملح و شوية فلفل ،، انا درت هااد الكمية و كل وحدة تديير على حسااب كمية الفلفل و عدد أفرااد أسرتهاا ،، نخلي الصلصة تتقلى شوية على ناار متوسطة و نمرق بمقداار زووج كيساان ماء و نخلي الصلصة تغلي غلية و نطفي ،، نفرغهاا في طبق الفرن و نستف حباات الفلفل المحشييين و نغطيي البلا بورق الألمنيووم و نطيب الطبق في فرن مسخن من قبل على 200 درجة و كل وحدة و الفرن تااعهاا ،، انا الفرن تااعي نااره قلييلة خلييته على أقصى درجة ،، ميين يطييب الفلفل و تعقد الصلصة نخرج الطبق و نحط من فووق كمية مليييحة تااع فرمااج راابيي ،، انا خلطت ما بيين القرويياار و خلطة جبنية تتبااع وااجدة ،، نرجع الطبق للفرن بلا ما نغطييه و نخلييه يقراتييناا قد ما يدووب الفرماااج و نقدمه بألف صحة و هنااا.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

الكعك اسيا 27

لكمية تاع كيلو فرينة ديري كاس زيت كاس سكر ملعقة خميرة الخبز و كيس خميرة كيميائية مبشور و عصير ليمونة فنجال صغير جلجلان و2 ملعقة خنجلان مطحون [الخنجلان هو الشنان ] ملعقة صغيرة فاني كاس مايزينة ملعقة قشر البرتقال مجفف و مطحون شوية ماء زهر و ماء دافي حتي تتلم العجينة اعجنيها 10 دقايق و خليها تخمر من بعد شكليها كرات و خليها تريح
من بعد كل كرة تاع عجين شكليها حربوش و قطعي من جهة بالسكين اقفلي الحربوش وخلي الكعك يخمر و كي يخمر سخني الفرن و ادهني الكعك من الفوق ببيضة مخفوقة مع ملعقة خل و ملعقة صغيرة فاني و طيبيه عادي .

[idron0]

التليتلي oum islem


أولا نحمص التليتلي خفيف على مقلاة او طاجين بدون ما يأخذ لون
نغسله بالماء البارد ونقطره مليح ونحطه في جفنة نحله بشوية زيت وملح ونفوره نبرده بكاس كبير ماء ونخليه يتشرب الماء مليح ثم ندير شوية زيت ونفوره مرة ثانية ونخليه بجهة
اما المرق نقلي البصل والثوم والطماطم حبات مع اللحم او الدجاج
والملح والزيت والتوابل نقلي مليييييح ثم نمرق بالماء المغلي
ونضيف حبيبة جزر وحبيبة لفت والحمص طايب نص طياب وحبيبات زيتون وطماطم مصبرة وفلفل حار ونغلق حتى يطيب الدجاج والخضر
نصفي المرق في كسكاس ونحط التليتلي في كوكوت ونغمره بالمرق لما يغلي نحركه مليح ونغلق الكوكوت وندير الصفارة ونطفي على النار
نخليه يتشرب المرق بعد نصف ساعة افتحي عليه تلقاي الحبات تنفخو وشربو كامل المرق ديري شوية دهان او زبدة حارة أو مرغرين
زينيه بالبيض مغلي والخضر واحتفظي بشوية مرق من الأول باه تسخني بيه التليتلي لأفراد العائلة لي كانو غايبين وقت الغداء
وشهية طيبة.

إضغط هنا لرؤية الصورة بحجمها الطبيعي.