الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 86

oum radja · 2014-11-10, 14:30

هاهو رابط المخارق
https://www.djelfa.info/vb/showthread.php?t=1593934

wahibaazel · 2014-11-10, 14:32

بارك الله فيكن أخواتي الغاليات علي الإجابة اختي أم محمد تاج وأم ابراهيم وسكوربيونواروام ياسين الزهراء.

oum radja · 2014-11-10, 14:33

دائمة الحمد يعطيك الصحة على وصفة الكسرة تاعك
بصراحة حنا ما نديروهاش وسخفتني كي شفتها وجربتها جات رووووووووعة وبنينة بالزاف
بالصح كي نجي نقلبها تتقسم على زوج ههههههههه ماتضحكوش عليا
ماعرفتش وين راه المشكل وسيرتو كي شفتكم طيبوهم مدورين وشابين يعني المشكل راه عندي ولا غير منين مانيش موالفة بيها

*جوهرة الجنة* · 2014-11-10, 14:34

السلام عليكم

ماشاء الله علكم كلشي كلشي ممممممم هبااااال راحت علي المتوحمين وصايمين

ام الجود حبيبتي وحبيبة الكل ويانواة الكوزينة شكرا شكرا علي الرسالة مقدرتش نرد

راني عدلت الوصفة حقكم عليا منتبهتش

قطر الصنية 11 سم علي 11 وصور مصورتش بالمراحل نوعدك كي نعاودها نصورها بالخطوات

دائمة الحمد · 2014-11-10, 14:35

ام ماجد بصحتك الغدى واللبينة يشهو
روضة ربي يسلكك ويشفيك عزيزتي حتى البيض مليح للحامل دويدة بالحليب خفيفة ومغذية

ام رجاء الله الله عليك وعلى عطورة لعزيزة عندها مدة مابانتش جماعة الفايس سلمولنا عليها

*جوهرة الجنة* · 2014-11-10, 14:35

ام سراج وملاك · 2014-11-10, 14:36

اقتباس:

المشاركة الأصلية كتبت بواسطة bts

الله يخليك أم سراج
ممكن وصفة قاطو الشمعة بالتفصيل
حابة نخدمو في طهور ابن أختي

شكرااااااااااااا حبيبتي قاطو الشمعة ديري اي وصفة نتاع قاطو ميطيبش يكون فيه لعسل ويعجبك كاين وصفات بزاف عندي اذا حابة نكتبهملك
انا درت كمية قليلة برك كاس نواد كوكو مع شوي نيسلي طايب وفاني ودرت حرابش صغار وحطيتهم في الثلاجة يشدو رواحهم ومبعد شديت حربوش عدلتو بيدي من فوق دخلت صبعي شوي باش نشكل راس الشمعة من فوق ومبعد وقفي الحربوش فوق طبسي وكبي فوقو شيكولا ذائبة بالمغرف وديري خطوط بالموس ومن فوق ديري اعود قرنفل او شيكولا فارميسال نتي جربي كمية لي قتلك عليها وضك تشوفي النتيجة بالنسبة لشيكولا ادالي قيس طابلة شوفي الصورة مليح باش تفهمي الملرة الجاية كي نجربو نصورلكم الخطوات كامل ان شاء الله

وهاذا الرابط بلاكش يفيدك راني هزيتو هنا

https://www.djelfa.info/vb/showthread.php?t=1671664

دائمة الحمد · 2014-11-10, 14:38

ام رجاء شكرا عزيزتي على الثقة والله فرحتيني
شوفي التقليبة الاولى ما تقلبيهاش حتى تبدى تحمار ولانو لما تقلبيها وهي طرية تتقسم
وكيفاش نضحكو عليك راكي حرة الحراير

nounou_25 · 2014-11-10, 14:39

يعطيك الصحة ياoum radja نجربهم باذن الله ونردلك بالخبر

oum radja · 2014-11-10, 14:40

يعطيك الصحة دائمة الحمد نعاودها ان شاء الله حتى ننجح فيها

oum radja · 2014-11-10, 14:41

اقتباس:

المشاركة الأصلية كتبت بواسطة nounou_25

يعطيك الصحة ياoum radja نجربهم باذن الله ونردلك بالخبر

جربيهم وماتخافيش عطورة وصفاتها موثوقة

قمر 77 · 2014-11-10, 14:42

ياقوت مساء الانوار يعطيك الصحة على الوصفة
ام رجا شوفي راكي في قلبي كل ما نجي نشكرك على اطباقك الرائعة نغلط و نظغط على زلر الرد السريع و نقلك حنا ثاني ما نديروش الرخسيس تعلمتو غير من المنتدى و ما نعرفش نرفدو ايمالا نقلبو بالحديدة نتاع بلاتو الموسكوتشو اللي تتنح ههههههههههههه ما تضحكيش على راها قاتلي استاذتي دائمة الحمد راكي تتعلميه بالطول

دائمة الحمد · 2014-11-10, 14:44

امنيات نموت على الروز بالصح قليل وين نعملو سي السيد ما يحبوش
باين بنة عظيمة كيما يقول ولدي

راكي فنانة مبتدئة ماكلتك تشهي

قمر بصحتك عزيزتي طبقتي ونجحتي في الامتحان

ام سهام 02 · 2014-11-10, 14:45

صح فطوركم يعطيكم الصحة على الاطباق الشهية
عشانا تاع البارح مقرونة

هذه دويدة مفورة تاع الفطور

و هذه مسكوتجو درتها البارح بحبة بيض هذا ماكان عندي و طليتها بالنيسلي و و ذريت فوقها نواة كوكو محمصة . كي حطينها لزوجي قال لي ماهيش طالعة بزاف هههه

و هذه تارت التفاح خدمتها الصباح

و هذا زيتون جابهولي ابوا سهام البارح باه نرقدو راني نخدم فيه

و الحمد لله

oum radja · 2014-11-10, 14:45

هههههههههه هاذي فكرة مليحة رايحة نديرها