دورة خطواتي الواثقة لأصبح ربّة بيت متألّقة

[جهينة اليقين]

والله يا ماريا قلت غير انا راني ملخبطة ما راهش يقدني الوقت ننوض مالفجر ويجيني قليل والقيلولة برك نحط راسي يقابلني كلش ننوض واش هذه الظاهرة انتم بالاك راكم تربو وانا يا انا ما عندي والو يا انا نظل نجبد عدنا موسوسين بالنظافة الدورة رجعت علينا بالمقلوب هههههههههههههههه

[mariamalak]

هههههههه ضحكتيني اختي جهينة عينونا علا حساب الشوفة حكمتنا الفشلة معليش ندو قسط من الراحة و نرجعو لنشاطنا باذن الله

[omelbanin]

هههه، جهينة، ماريا رانا كامل كيفكيف، ملي النوض وانا اجبد اجبد، ونتعشا بكري بلعاني باش نظف الكوزينة مليح قبل ما نرقد. كامل حكمنا الوسواس هههه
زعما شريت كتب، مازال ما مسيتهمش، ولادي باش نراجعلهم مارانيش نلقا الوقت.
وزيد النهار ولا قصير.

[ام صفصف]

ماريا هذه هي معانات الجميع مع التربية
الصغير يدي معظم الوقت ،خصوصا اذا ترضعي طبيعي،وزيد الي عندها اطفال فالمدرسة،ونظافة البيت،والاهتمام بالزوج،والطبخ،وزيد فالوقت الحالي،الاغلبيةعندهم نشاطات اخرى يعني دراسة،عمل،رياضة، مشروع خاص،....،بالاضافة اننا نحب كل شئ يكونمتقن،يعني الام عبارة عن فريق عمل متعدد المهام.
عندي سؤال للفراشات،من تهتم بنفسيتها وصحتهاوتاخذ يوم راحة لها.

[ام صفصف]

اللهم صل وسلم على رسول الله

[mariamalak]

هذيك هي حبيبتي ام صفصف الصغيرة تحبي و تبات ترضع و اللي اكبر منها قريب 3 سنين غايرة منها و تنبش فالكبار نضل نسلك بيناتهم و 2 كبار 7 و 10 سنين يقراو و عندهم واجبات يوميا بلا المراجعة و الدعم اللي نزيدولهم فالدار و الزوج مع العمل من 6 تاع الصباح ل 6 تاع العشية ما نقدرش نتكل عليه في اي حاجة يجي عيان يحب يريح
و باش نخصص وقت لروحي نحب نتسوق نضرب دورة نشوف الجديد فاللبسة و الديكور بصح كي نجي للدار نندم نجي عيانة و كل حاجة تستنا هههع نولي الجري الجري

[ام صفصف]

ماريا حبيبتي رانا تقريبا نفس الوضع،

[randa3]

ماريا ملاك. جهينة. ام البنين. ام صفصف
كل وحدة في بالها راهي تحكي على نفسها لكن الحقيقة هي رانا كامل كيف كيف
ملي تنوضي الفجر وانتي تسابقي الريح باش يولي كلشي مليح
يعني المرأة حقيقة راهي مجاهدة في دارها لأنو كل شي على راسها
والمسؤوليات كثيرة جدا كلما تتهناي من حاجة تطلع حاجة اخرى وهذا راح يدور على صحتها ونفسيتها لانها بضغط الاشغال وكذلك ضغط نفسها عليها ( لازم نكمل لازم نكمل)
راح تولي عصبية جدا بحيث انو لازم تكمل كل شي في الوقت.
عندك الحق اخت ام صفصف لازم نهتموا شوية بصحتنا ونفسيتنا المرهقة

[randa3]

المشاركة الأصلية كتبت بواسطة ام صفصف

عندي سؤال للفراشات،من تهتم بنفسيتها وصحتهاوتاخذ يوم راحة لها.

في الحقيقة ولامرة خصصت يوم من اجل راحتي الخاصة لا النفسية ولا الصحية نهائيا
حتى لما نمرض نتردد باش نروح للطبيب الا اذا زاد عليا الحال
وحتى لوكان يكون يوم تاع راحة ما فيه والو تلقايني ندور نحوس على كاش خدمة نلهي بيها روحي
علابالك حاجة: حتى في جدول الروتينات مخصصة وقت للراحة وكاتباتو بصح مانريحش فيه؟؟؟؟؟
وفي النهاية مانكونو غير احنا الخسرانين في الاخير من قلة الاهتمام بانفسنا وتحميلنا فوق طاقتنا

[حياتي كلها امل]

هي كيما قالت الاخت رندة رانا كامل كيفكيف نجرو وميبان علينا والو مع الاولاد انت تخملي وهما يخربو بصح الحمد لله عند بيوت واولاد وصحة كاين ناس راهم يتشهاو انهم تكون عندهم بيوت واولاد يخدمو عليهم
ونحسن النية لوجه الله باه تعبنا ميروحش هباء منثورا

[mariamalak]

بما اننا رانا كامل في نفس المعمعة نخلصو غرفة الاطفال و ندو يوم للتجميل و نوجدو فيه الاكل مسبقا و يوم يكون راااحة لا تسياق لا غسيل لا طياب هههع

[omelbanin]

عندك الحق ماريا، لازم نديرو نهار لينا، ونهار لولاااادنا نتكلمو معاهم نلعبو معاهم، انا مانكذبش عليكم، يغيضوني ساعات ولادي، وليدي صغير في عمرو عامين و شوية غير يشوفني درت الطابلية تاع الشغل يولي يبكي، باسكو علابالو بلي مش راح نقعد معاه، ومش راح نحبس.
حنا نغيضو وهوما يغيضو.

[خوخة02]

سلاااااااااااااااااااااام واش راكم
صح رانا كامل في نفس المعمعة لما نقول لراجلي المراة تتحمل اكثر من الراجل يقلي نتوما خلقتو لهاد السبب
عجبتني فكرة يوم لانفسنا مليحة هادي حتى احنا نديروا اضراب ههههههههههههههه

[حياتي كلها امل]

ههههه عجبتني الفكرة تاع يوم اضراب
لالتسياق لاغسيل الملابس ........

[mariamalak]

اسمعو ايلا كاش ما دارولكم رجالتكم منيس مسؤولة انا راجلي موالف هبالي يتوقع مني كلش هههه
قلك 3 نسا كانو كي حالتنا عيانين مع الدار و الاولاد و الزوج ما يعاونش
وحدة قاورية ووحدة مصرية ووحدة جزايرية
تفاهمو قالو مالا نديرو اضراب و باش يبداو يعاونونا
القاورية قالتلهم كي جا لقاني زعفانة فالليل داني تعشينا برا و طلب مني سماح
المصرية قالت انا اليوم الاول ما شفتش منو حاجة بس اليوم التاني جبلي هدية و ساعدني فالولاد
الحزايرية قالت انا اليوم اللول ما شفت والو اليوم الزاوج ما شفت والو اليوم الثالث باش وليت نشوف شوي بعيني اليمنى ههههههه
يعني حكمها دقدقها و عورلها عينيها
عسو رواحكم يا جماعة ههههه