موضوع مميز لجزء 100 من واش طيبتي ليوم؟+احتفالية تكريم..بسم الله ماشاء الله - الصفحة 86

ام سراج وملاك · 2014-12-02, 10:05

ام وسيم شكرا حبيبتي ابني عندو 3 سنوات
زينب شكراااااا اكل قالولي بلي مليحة سميكتا ميحبهاش راني نشربلو في السيرو نتاع الاسهال مخدوم بالموز

oum radja · 2014-12-02, 10:06

ام لجين اذا عندك الفلفل الحار ماعليك غير بطريقة لينا هايلة راها في وصفات الحراير درك نجيبلك الرابط جربتها و عجبت كل العايلة

ام نهوله · 2014-12-02, 10:07

صباح الخير عليكم
ام امنيه ربي يعطيك وقفه ساهله ديري كوراج برك
ام كاميليا بزيان السعد على اختك
ام محمد تاج كيفاه راه وليدك انشاالله في تحسن
ام وسيم بالشفا عليه

ام سراج وملاك · 2014-12-02, 10:13

ام لجين الفلفل الحار علاه مدريهشمرقد نتاع الككوطة نتاع ام تاج يهبل وبنين وثاني نتاع لينا يبان مليح بصح مجربتوش

malek firdaouss · 2014-12-02, 10:15

اقتباس:

المشاركة الأصلية كتبت بواسطة omrihem

ملاك فردوس راني خايفة عليك تجي ام تاج تقطشك ردي بالك علي روحك غالا لا مدتيلها الصحن نتاع الجاج هههههه بصحتك واديني معاك والله راني عيانة حابة نروح لبلاصة بعيدة نريح شوي
ام تاج ربي يشفي وليدك مسكين وزيد الاختبارات يا ربي اشفيه يا رب
ام ابراهيم بالعكس الكرواسون نتاعك جا هايل واش من وصفة درتي
ام كوثر ربي يشفيك ويعافيك يارب

:d:d:d علابالي صور كبار بصح قريب نتعلم و نديرهم صغار هههههه
و اكيد نمدلها الصحن قاع و نزيد نطيبلها
و نتي ارواي تحوسي معايا نقلشك خيتي و تريحي مليح بصح تخدميلي قاطو تع زيادة :d:d:d:d:d:d

اقتباس:

المشاركة الأصلية كتبت بواسطة chez biba

ماأروع الوفاء بين العباد فهو :
يمسح عن النفس الشقاء
ويحيل الليل ضياء
ويحيطك بالدعاء

جعل الله العافية لباسك
والمغفرة سترك
والسعادة طريقك
والتوفيق رفيقك
وسلمت لمن احبك

اذا انتابك العسر فلا تسرح
واذا انتابك اليسر فلا تفرح
واذا سبك حاقد فلا تجرح
واذا مسك الضر فلا تكره

ولهدي محمد عليه الصلاة والسلام فلا تبرح

صل الله عليه وسلم

malek firdaouss · 2014-12-02, 10:16

صباحكم سعيد يا بنات

قمر 77 · 2014-12-02, 10:17

البنات صباحكم سعيد و الله توحشتكم كثيييييييييييييييييييير
و عندي ساعتين و انا نراجع حتى تنفخو عيني و طار شعري راني تقولي شعشبونة ه ياك تعرفوها هههههههههههههههه
يعطيكم الصحة فحلات مبروك لسارة صبرت و نالت ريم ربي يعطيك وقفة ساهلة و ام امنية راه السلاك ربي ما ديري والو في بالك و كل حمل و كيفاش يجي ديري المعروف قبل ما تدخلي للسبيطار داوو مرضاكم بالصدقات
ام رحاب ام سهام ام تاجو يسال عليكم الخير و قع اللي تفكروني راني عارفة رانا غاشي ربي يدوم المحبة استاذتي الحمدلله كي ريحتي سايسي على روحك ام تاجو محمد داوميلو مع المغرب فنجان حليب دافي مع قليل من الزنجبيل المدقوق و محللي بالعسل راها نتيجتو روعة
ام سراج وش راكي لاباس علر وليدك صح القشرة انا نديرها مع شوية عرعار ضربة بضربة او سميكتا ربي يشفش مرام وراكي شفتي هديتي ام وسيم لاباس على وليدك البنات الكل الكل سامحوني راني دخت مالمراجعة حتى مارجعتش نتفكر سلاااااااااااااااامي للكل

زينب 83 · 2014-12-02, 10:17

تم سراج هاذاك مايدير والو، شربيلو سميكتا ديريها لو في العصير ، ولا عندك عصير دانون ديريها فيه لأنو حلو بزاف ماتبانش خلاص

انا غدايا دويدة مفورة سخفتيني شي بيبا

om wassim · 2014-12-02, 10:17

شكرا بنات ربي يحفظكم و يحفظلكم اولادكم

أم ياسين الزهراء · 2014-12-02, 10:17

ام سراج الكوكا تاع الكانات هي اللي مليحة وزيد بنتي اميرة راهي ثانيك بالاسهال من المندرينة والبرتقال ماحبتش تحبسهم هبلتني

ام كاميلا ربي يكمل للخير

ام اماني شحال نفرح كيطلي علينا وتراجعي مليح هكى ماتعاوديش العام وتصفرك ام نسرين هههههههههههههههه راهي واعرة

ام محمد منبعد نبعثلك اسمو بنتي اللي تعرفو طبيب انتاعها تاع اللازم ودوقى الحمد لله ملي تبعاتو راهي مليحة

حبي لامي كيلتك البلا انتاعي مدور وقطره 22 وندير بكاس لاتاي وادا حصلتي في المقادير تبعي طريقة ام رامي شرحتلنا كيفاش نكيلو

راني ندير في قلب اللوز مريضة وعيت عينيا راح يدخلو في راسي قلت قلب اللوز هو الساهل ونطيب المطلوع ونغديهم ويخلاصو دراهمهم ربي يسهل

Simassim · 2014-12-02, 10:26

صباح الخير واش رأكم راني دخلت معاكم في شلة الأمهات لي ولادها مراض البارح مارقدتش كامل بولدي إسهال وتقية ويكاند يكون مليح يروح نص نهار للروضة يمرض والله غي كرهت وعييت مع التعب تاع الحمل
ام سراج ولدك ادا كان عندو عام او اكثر مديله كوكا ديري فيها خبز باش يروحوا لي قاز تاعها ومديهالوا ماتخافيش وزيد تاني سمكتا

انا ولدي مين يجيه الإسهال يحرن مايحب يأكل لا روز لا جزر

هادا وين حطيت ولدي رقد من الصباح هو يبكي نروح نشوف واش ندير الفطور حاجة خفيفة حتى فشلت
واااااااع راني دخلت نشكي اليوم صبروا معايا غي اليوم حتى يطّلع المورال

ام نهوله · 2014-12-02, 10:26

لبنات اللى ما زال ما شربتش القهوه تتفضل القاطو درتو البارح وماحبش يجوز
نتمنى لبنات تجربوه صدقوني بنين و مايكلفش يجي 2طبقات و الكريمه في الوسط

oum radja · 2014-12-02, 10:27

هاهو رابط الفلفل تاع لينا
https://www.djelfa.info/vb/showthread...62108&page=102

أم هبوبة · 2014-12-02, 10:28

ام نهوله · 2014-12-02, 10:28

سيماسيم ربي يشفيهولك انشاالله