الجزء 171 من واش طيبتي اليوم�� كوزينة اللمة والمحبة والبساطة �� - الصفحة 85

صدق العطاء · 2016-10-28, 09:25

حياة نور الدين : اه اختي.... حتى زقزوقة قتلي ديري في اعلى درجة وخليها عشر دقايق بصح انا خفت تطيب البر وتقعد الداخل نية درتها في 180 عشرين دقيقة ودرت ثلاث صينيات بصح جيهة ما كملتهم تعبوني هههههه نقلك احنا الكوشة تاعنا صامطة كي نجي نفتحها لتحت طول ما تفتح وانتي عندك هذا المشكل ولالا ؟ تشعل بالكبريت نتاعنا
وبخصوص الكوزينة علاه عندها صفحات محدودة ؟؟؟؟ وتتغلق ؟ ياك هاكي عارفيتيني راني جديدة واول كوزينة ندخلها تاعك ههههه
زهرة الريف* : بصحتكم الغراتان و قاطو طبقات وصابلي اما كروكي احنا منديروهش كيما تاعكم ؟؟؟
.ام احمدي : حبيت نفولك راني ذيك الوصفة مزال مجربتهاش وفي الشتاء بربي نجربها سقسي ام هدول راهي قالت جربتها
ام هدول : خخخخخخخخخخ شفتي ياك صعيب شويا يجي لوقت ونكتب ام ....... احم احم ههههههههه ويولي ساهل
وعجبتني لفوطو ههههههه
وسلميليى على بناتك ربي يحفظهوملك ان شاء الله
كوثر التائبة : ممممممممممم لمادلان علابالك مذقتوش كل قصدي وحدة مجرباتو غير نشروا فيه برك و اعطيني شويا من ذاك عسل الحر علابالك احنا في الصحرا ويجينا غير لمغشوش

um alaa : الله يبارك حبيت نسقسيك اختي لوستي معناها طفلتي ؟؟؟؟ اقصد اخت زوجك ؟ وربي يجيلها الشفاء ان شاء الله واعطيني وصفة لاتارت تاعك تان بنينة

chez biba : بصحتكم الدونات ختي
جازيا ام البنات : بصحتكم الطعام واللمة والجمعة روووعه ههههه

x ام رحاب x : بصحتكم لسفنج يبان يشهي هههههههه
زينب 83 : خرجلك مادلان تحفة روووووووووووعه

x ام رحاب x · 2016-10-28, 09:29

زينب المدلان يهوس تسلم ايدك شافوه بناتي الصغار قالولي ماما ديرنا هادا ماشي غير احنا الي تعجبنا خدمتك حتا الصغار ربي يبعد عليك كل العين

x ام رحاب x · 2016-10-28, 09:30

زهرو امممممممممممممممممممم على الخيرات الي حطيتيهم
ام هدول بصحتك حنونة واش راكي
شي بيبا بصحتك الدونات كلش من يديك ايشهي تسلم ايدك

x ام رحاب x · 2016-10-28, 09:32

صباح الخيرات صدق العطاء وشكرا حنونة عيونك الشابين

omhadil · 2016-10-28, 09:39

صباح المحبة والسرور اخواتى
يوم موفق للجميع

omhadil · 2016-10-28, 09:43

ليبني درتهم البارح

طالبة رياضيات · 2016-10-28, 09:53

صباح الخير
تفضلوا قهوة من الارشيف

حياة نور الدين · 2016-10-28, 09:55

صباح النور البنات كيفاش صبحتوا انا صبحخت راااقدة اليوم خخخخخ ما احلى الراحة والنوم ومكانش مسؤوليات الزوج مسافر خخخخ

امال يعطيك الصحة على الوصفة اختي

ام الاء اهلاا حنونة وصباح النور

بيبا يعطيك الصحة الدونات ينطقوا ولا اىوع ونهارك مبارك شكراا على التدكير

ام رحاب صباح الفحافح تع القهوة اممممم يعطيك الصحة والسفنج يشهي بصحتكم راني جاية نتقهوى مازال ماشربت

ريمة الحبيبة اهلااا اختي وشكرااا على كلامك

جازية اهلااا اختي ربي يدوم اللمة وبصحتكم الطعام وان شاء الله اختي ربي يطول عمرك

وينب صباح الانوار المنادلان رووووووعة امممم مع الثباح هااايل بصحتكم حبيبتي وربي يخهليك على كملامك الحمد الله اللي رجعت الكوزينة لاياااام زمان بوجودكن حنوناتي

ام جوجو صباح النور حنونة واش راكي وفرحت بزاااف على التحسن بصحتك التليبتلي وجربي البيتزا صح رووووعة وفكرتيني بام العبد صح كلامها صواب بارك الله فيها

وتفكرت بلي نسييت البارح اسيا حبيبتي القاطو رووووعة يبعطيها الصهحة نعنوعة

امونسرين صباح النور اختي وشكرااا على القهوة وراني نسنى عشا البارح هههههههه

ام هديل صباح النور وبصحتك البينيي حبيبتي

صدق صباحح النور اختي انا الكوشة تاعي تع التريسيتي ونحط البلا في الوسط ونخليها طيب من فوق ومن تحت
والكوزينة كي تلحق 100 صفحة تتغلق وتفتح اخت اخرى كوزينة جديدة تمتعنا بطيبابها ونمتعوها حنا بمشاركاتنا

طالبة رياضيات · 2016-10-28, 09:58

صبح الخير حياة راني راجعت تقريبا كامل الصفحات
مدرتيش التطبيقات بزاف
كي نفتح الكوزينة الجديدة نقتلكم بالتطبيقات ههههه

حياة نور الدين · 2016-10-28, 09:58

امينة صباح النور حبيبتي يعطيك الصحة

سماسم بصحتكم اختي ويعطيك الصحة دخولك مميز

انا فطوري ان شاء الله بيتزا بقاتلي عجحينة مطيبتهاش حطيتها في الثلاجة قلت شوية ونجبدها تعاود تخمر ونديرها وبناتي عندهم شربة بالحليب وسي سيد مسافر حتى للعشا ان شاء الله نشوف واش نطيب
سلاااااام ويوم موفق

اللهم صل وسلم على سيدنا محمد وعلى اله وصحبه اجمعين

ام سراج وملاك · 2016-10-28, 09:59

صباح النور ان شاء الله تكونو بخير
راجعت بالزربة وشفت كلش وسخفت على كلش يعطيكم الصحة كامل ضحكتوني بتعليقاتكم على لجرنان لي كتبتو ظاهرة تعاينت ههههههههه جيت نكتب واش شفت من خيرات ربي يدومها للجميع لقيت روحي نسيت نصكم بصح الصور قعدو في راسي
اسيا ضحكتني على لجرنان الاسطوري قد من نكتب منلحقش اسماء الطيوبة متقليش نساتني ملقيتكش مقابلتني في الصفحة لي بديت نراجع منها بصح يعطيك الصحة حلوياتك تحفة
بيبا ياريت تحطي وصفة ام لجين نتاع الدونات اذا عندك سخفتني مع صباح من قبيل وانا نحوس عليها في قروب نتاعها تعبت حبست خي تعرفي ختك فنيانة يعطيك الصحة ماشاء الله عليك
ام هديل تفكرت المطلوع لمقلي نتاعك شكرا على الشرح اختي باين يجي خفيف وبنين ويتقرمش من سميد اكيد نجربو نهار ندير لمطلوع نحي منو شوي ونقليه انا اختي ام ماسين تحشيه وتقليه يجي هايل انا وليت نديرو لبنات تعيشو متنساوهاش بدعواتكم راهي تمر بظروف صعيبة بزاف ربي لي عالم بحالتها كيفاه ربي يفرج عليها ويفرج على كل مهموم اليوم اليوم الجمعة ان شاء الله تكون دعواتكم مستجابة
منطولش عليكم باش متتعبوش من جرنان الصباح هاذم محاجب نتاع ليامات لي فاتو والوصفات لي وعدتكم بيها

وهذي وصفة لحريرة لي طلبتوها مني اسمحولي على التاخير هيا بلا لحم ولي تحب تضيفو مش مشكل تجي بنينة بزاف ولا ديرو كيما ديريها ليزا تضيفو لحم مرحي في الاخير جربتها مرة كانت رووووووعة يعطيها الصحة كاين صور كنت درتها من قبل بالحم حطيتهم

هذي وصفة مصورة للبيني نتاع ام فراس لي تحب تحتافظ بيها والصور طبعا نتاع تطبيقي ليهم

وهاذم لي طلبتهم صدق العطاء اسمحيلي اختي على التاخير

حياة نور الدين · 2016-10-28, 10:01

اقتباس:

المشاركة الأصلية كتبت بواسطة amina 2003

صبح الخير حياة راني راجعت تقريبا كامل الصفحات
مدرتيش التطبيقات بزاف
كي نفتح الكوزينة الجديدة نقتلكم بالتطبيقات ههههه

هههههههههه امينة ماشي انا مدرتش تطبيقات بزااااف الصفحات مشاو بزاااف مثلاااا نحط تطبيق في نفس اليوم الكوزينة تمشي ب10 صفحات واعطيت وقت للبنات باش يحضروا روحهم لانه نقدر نحط تطبيق الاخوات ميكزنش عندهم المقادير حتى يشروها وتفكرت علاش منا طبقتي حتى تطبيق خخخخخخ ههههه

المهم وجدي روحك كي تلحق الكوزوينة للصفحة 100وجديافتحي كوزنتك با اصغر عضوة ههههه

nanoua7 · 2016-10-28, 10:02

صباح الخير البنات واش راكم ان شاءالله كامل لاباس و جمعة مباركة و ربي يفتح علينا و عليكم ان شاءالله

طالبة رياضيات · 2016-10-28, 10:07

اقتباس:

المشاركة الأصلية كتبت بواسطة حياة نور الدين

هههههههههه امينة ماشي انا مدرتش تطبيقات بزااااف الصفحات مشاو بزاااف مثلاااا نحط تطبيق في نفس اليوم الكوزينة تمشي ب10 صفحات واعطيت وقت للبنات باش يحضروا روحهم لانه نقدر نحط تطبيق الاخوات ميكزنش عندهم المقادير حتى يشروها وتفكرت علاش منا طبقتي حتى تطبيق خخخخخخ ههههه

المهم وجدي روحك كي تلحق الكوزوينة للصفحة 100وجديافتحي كوزنتك با اصغر عضوة ههههه

هههههه
أنا مطبقت حتى تطبيق بسبب الفروض يعني هذا وقت الفروض

oum ibrahim · 2016-10-28, 10:07

صباح الورد يا وردات يمكن مبارك وموفق وسعيد
البارح انشغلت مقدرتش ندخل لكن راجعت الخير الي حطيتوه حرف حرف كلمة كلمة صفحة صفحة ونقولكم كااامل يعطيكم الف عافية وتسلم أيديكم وربي يدوم النعم علينا وعليكم يا رب
وحبيت تاني نشكر أم ياسين وام رحاب وزيكا وجازيا ليزا على وصفات كروكات الشفلور رايحة تحفظهم عندي وكل مرة نجرب وصفة البارح جربت وصفة أم رحاب جات بنينة وماتحلتش ربي يحفظك حبيبتي
حياة هذا تطبيقي للامونة المتاخر عندي يومين ملي درتو جاوني ضياف هبلو عليها بالرغم انو من متبعات أم وليد لكن قالولي عاوديلنا الوصفة بلسانك أحم أحم حوحو ههههه
بسم الله

فقط انا في طريقة التحضير تخلط في الأول الحليب والسكر والخميرة وكأس فرينة ونخليهم 10 دقائق يخمرو من بعدتزيد باقي المكونات و نبدأ نزيد الفرينة ونخلي العجينة طرية تتلاصق ونخليها تزيد تخمر ثم تشكلها ونعاود تخليها تخمر ونطيبها تجي خفيفة واحد الخفة منقولكمش