دورة خطواتي الواثقة لأصبح ربّة بيت متألّقة

[خوخة02]

الحمد لله الذي احيانا بعد ان اماتنا واليه النشور

[ام متين]

لا باس عليك ياروى ربي يشفيك حبيبتي ويزيل عنك كل هم وغم
نصيحتي زيدي شوفي طبيب وزوج و3 حتى اذا استقروا على راي واحد توكلي على ربي وكلنا معك بالدعاء وان شاء الله تشفاي وتتعفاي يارب
يارب اشفي اروى واحفظها سالمة غانمة لبيتها واولادها

[جهينة اليقين]

السلام عليكم جمعة مباركة لا تنسوا سورة الكهف

[جهينة اليقين]

اللهم بجاه حبيبك محممد وبجاه هذا اليوم المبارك ان تشفي اختنا ا ام اروى وجميع مرضى المسلمين اااااااااااااااامين

[~اسيل ريحانتي~]

اصبحنا واصبح الملك لله
لااله الا الله وحده لا شريك له له الملك وله الحمد وهو على كل شيء قدير

[mariamalak]

اللّهُـمَّ ما أَصْبَـَحَ بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الحمد و لك الشكر

[randa3]

اللهم بك أصبحنا وبك أمسينا وبك نحيا وبك نموت واليك النشور.
يا رب تشفي أختنا أروى وجميع مرضى المسلمين اللهم آمين

[حياتي كلها امل]

السلام عليكم وشراكم
الامس كملت الحمام والمرحاض وانا معنديش غرفة لاطفال عند شمبرتي وصالون لكن اليوم كملت خملت جيها تاع حوايج البنات ومزالتلي قجور تاع وليدي لعشبة كملها
جهينة راني عاودت رجعت صداقة فرشات

[~اسيل ريحانتي~]

سلاااااااام هدا ويين كملت تنظيف البيت
بالنسبة لغرفة الاطفال اخدت فراشهم نشرتهم في النافذة يتسمشو هههه
ورجعت للبيت مسحت الغبرة من خزانة الملابس والتلفاز وادراج بلاستيك ومسحت الحيوط بالماء وجافيل ومعطر الملابس مممممم ريحة مازالت في الحيوط
وسيقت الارضية بمعطر الامير الازرق ريحتو روووعة
والحمد لله
قبل ما نبدا نخدم شعلت الكرونومتر باش نشوف شحال خديت وقت في التنظيف لقيت المدة ساعة ونصف بالضبط
وامس خرجتلي المدةساعتين على حساب العمل هههه

[جهينة اليقين]

واخيرا راني حطيت الصور فالمسابقة

[ام شمسو محمد]

ريحانة يعطيك الصحة، و شكرا لانك حطيتي الوقت هذاك هو نديرو معيار زمني لاشغالنا
انا دائما عندي مشكل في الوقت كانه ال24 ساعة مش كافيتني وتقدديري للوقت دائما مش منطقي يعني كي نقول هذي الحاجة نخلصها في نص ساعة نخلصها في نص ساعة و خمس دقائق
و الناجحين على الحقيقة في الحياة هوما الناس اللي احسنو ادارة اوقاتهم
و مع الازدحام تاع العصر و كثرة الالتزامات و تعدد الاهداف و الحاجة للراحة و الحقوق العاطفية و الحدود الابداعية ضاع منا الزمن
اروى اسال الله العظيم رب العرش العظيم ان يشفيك

[omelbanin]

السلام عليكم، انا خدمت شغلي خفافي برك، وقعدت مع الأولاد يراجعو شوية.
وبعدها رحت لجنازة تاع جارتنا توفاة ربي يرحمها. ويرحم موتانا أجمعين، أمين.

[mariamalak]

السلام عليكم
واش راكم فراشاتي الحبوبات كملتو غرفة الاطفال و لا مزال
حبيتكم نستشيركم في تقسيم الوقت شكون فيكم عندها رضيع و تنوض فالليل
انا ولات 24 ساعة ما تكفينيش باش نحقق واش حبيت هههه
و مرات وليت نبقا ساعات متاخرة من الليل نكمل اشغالي نغتنم وجود الزوج لاش يحكم لبنات
لكن هذا مشي حل و هو بدا يشتكي من انشغالي بالبيت
رجعت موسوسة ما نقدرش نرقد بلا ما نكمل واش بديت
و فالنهار ما بين الاولاد ادي و جيبي من المدرسة ثم السبور ثم الواجبات ما نقدرش نزيد حاجة من غير. الروتين اليومي و هذو ليامات كي راني مع التنظيف العميق تلخبطت عليا الامور
حاولت نطبق 20 د للاماكن الساخنة بصح ما تنفعش مع التنظيف العميق لازم على الاقل ساعتين و ساعتين شكون يعطيهملي هههه

[ام صفصف]

صباح الخير لجميع الفراشات،ان شاء الله تكون في احسن الاحوال
الي يدخل هاذ الصفحة يهجم عليه النشاط ههههه

[ام صفصف]

حبيبتي اروى ،ربي يشفيك ونسمع عليك اخبار مفرحة يارب