الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 85

oum radja · 2014-11-10, 14:01

السلام عليك صحا فطوركم
انا درت مرقة حمرا بالدجاج و اللفت والبطاطا
تاع زمان ههههههههه ودرت سلاطة بالمقارون و الكاشير تاع ام تاجو والمايوناز امممممممممم

أم ماجد · 2014-11-10, 14:05

ام رجا نموت على وصفة زمان ومع ريحة اللفت اممممممممم
زهرة ربي يشفيها يارب
نهال الله يخليك هو شاعر الشيوخ ههههههههههههههههههههههههههههههههههههه
روضة وكي قاتلك هكذا لاه كليت حبة برك كولي الفرماج بزاف معليه بلاخبز
المبتدئة ربي يجبر بخاطرك

oum radja · 2014-11-10, 14:09

تفضلو باش تشربو القهوة

zahra30 · 2014-11-10, 14:10

مهما راجعنا ننساو ههههه انسيت اختي ام سراااج شكرااا يالحبيبة على الشرح والوصفة وربي يبارك فيك
قمر تطبيقك انتي ثاني 44444 ,,,, انتي وام ياسوووو مديتو للخبز فكرة اخرى وربي يبارك في النعمة المهم انتاع الدار اعجبهم والبنة
ام مجوود والمبتدئة وكل اللي حطو طياباتهم نقولكم بصحتكم
ام برهوووم هاهي وراني نستنى في الشرح انتاعك

وهذو طيابات جارتي كنت صورتهم واحد النهار وانسيت نحطهم

طاجين الجلبانة في الفور

بطاطا في الكوشة بالدجاج وووو ههههه خلطتها بصح بنة لا تقاوم ربي يحفظها

oum radja · 2014-11-10, 14:10

ام ماجد ماعرفتش بلي تبغي وصفات زمان لوكان جبتلك حقك
ربي يخليلك شاعر الشيوخ

ام سراج وملاك · 2014-11-10, 14:12

[QUOTE=moonkamar;3992053034]

اقتباس:

المشاركة الأصلية كتبت بواسطة ام سراج وملاك

لكل من طلبو وصفة قاطو كحلوشي زهرة قاطو الشمعة متخافيهش اسهل حاجة التزين نتاعو ساهل كي ديري حربوش نتاع نوع اي قاطو ميطيبش قطعيهم مستطيلات وديريهم يشدو روحهم في الثلاجة ومبعد اعدلي الحبة بصبعك من فوق على شكل شمعة ذايبة ومبعد وقفي المسطيل فوق طبسي وكبي الشيكولا البيضة بالمغرف فوقو وبالموس ديري حرابش برك وعود قرنفل من فوق او فارميسال سوداء جربيه راهو زاكي بزاف ويطيح كمية مليحة انا كيلت بكاس نتاع قازوز برك طيحلي 25 حبة الحشو درت نواد كوكو ونيسلي وفاني واول مرة نجربوجا بنين بزاف
قاطو كحلوشي:
المقادير : 500غ زبدة اي نوع + كاس زيت + كاس سكر ارطب + 4 حبات بيض زوج مجمولين وزوج صفار وحدو + 3 مغارف كاكاو + فاني +باكي خميرة + فرينة تلمي بيها لعجين
الحشو نواد كوكو ومعجون مخلطين او تقدري ديري كاوكاو ومعجون انا درت نواد كوكو مع معجون
التزين: شيكولا سوداء مكسرات او حسب الرغبة
طريقة التحضير : تخلطي جميع المقادير وتلمي بالفرينة لعجينة تجيك طرية نوريلكم طريقتي انا نستعمل صاشي نتاع نيلو نشد نحط فيها قرصة نتاع لعجين نقفل من فوق بصاشي اخرى ونحل لعجين بالحلال ونقطع دوائر بكاس تاي كي تهزو الحبة تتنحالكم بسهولة وعجينتك تبقى طرية ماشي حبات طرين وحبات يابسين خطراه كي نحلو القاطو بالفرينة ونطبعو حبات القاطو الحبات لخرين دايما يبسو بصح الصاشي تبقى لعجين كامل طري كي يطيب بلاكش كاين لي يعرف هاذي الطريقة مبعد تشدي تحطي الحشو بالمغرف صغيرة فوق دائرة وتقفلي بدائرة اخرى وتعدلي حبة القاطو على لحواشي بيدك هو الشكل يجي بومبي يعني حبة القاطو تجي عالية شوي مع لخميرة يزيد يطلع انا راهو جاني شوي هابط زربتو في الخدمة خطراه درتو قبل منديوه بنهار لي مفهمتش اي حاجة تقلي مكان حتى مشكل

[/QUOTEم]
مشكورة امسراج و ملاك ممكن توضحلي عملية الحشو والتشكي قبل او بعد معذرة ومشكورة

اختي بالنسبة للحشو درت نواد كوكومخلط مع المعجون الكمية ديري شوي واذا خلاصلك زيدي ديري كمية اخرى صراحة انا منكيلش بالنسبة لتشكيل حلي لعجين بالحلال وشكلي دوائر بكاس نتاع تاي انا درت بيه كمية المقادير لي كتبتهالكم طيحلي 90 حبة كي تطبعي بالكاس دوائر شدي شوي حشو في مغرف صغيرة وحطيه فوق دائرة من الدوائر لي طبعتيهم بالكاس وزيدي هزي دائرة فارغة حطيها فوق الدائرة لي فوقها الحشو واعدلي حبة القاطو بيدك على الحاشية وشكلي دائرة معدولة تكون شوي خشينة مع لخميرة نتاع القاطو راهو يزيد يتنفخ في الطياب وكملي باقي القاطو كيما قتلك حطيهم في صينية ودخليهم يطيبو وكي يطيب اغطسي لحبات في الشيكولا وزيني حسب الرغبة نتاعك من فوق

nounou_25 · 2014-11-10, 14:14

يعطيك الصحة oum radja هادا وين دارو هاذ الزلابية في قناة سميرة بصح مالحقتش لا روسات اذا امكن تعطيهالي

دائمة الحمد · 2014-11-10, 14:16

صحة غداكم لبنات
هذا غداا اليوم

وهذ غدى امس

zahra30 · 2014-11-10, 14:17

شكراا حبيبتي ام مجووود هذا ما مليح في الرجالة الكلام الحلو هههههه
ام رجاء اممممم على صباع لعروس وصفتك ولا تطبييق ؟؟؟ بصحتكم
روووضة ربي يشفيك ويجيبلك وقفة ساهلة ياارب يعني ناقصة كالسيووم املا غيير كثري الحليب كانديا ولا انتاع البقرة باعدي على اللبن والفرماج يشيح الكرش ما تكثريش منو
نهااالو صح غداك

تفضلوا تتقهواو وتديسرو لعشية هذي من عندي ههههه

دائمة الحمد بصحتكم الطعام تامني بربي غير اسخفت عليه موووت بصح ماشي انتاع يدي وما نيش ,,, ههههه

نخليكم على خييير راني ميتة من التعب لعشية ان شاء الله وصح قهوتكم

أم ماجد · 2014-11-10, 14:19

زهرة هنيتينا الله يخليك وتعجبني بساطتك وسينيتك تشبهيلي احم احم
حتى انا نروح ومن بعد نرجعلكم

قمر 77 · 2014-11-10, 14:22

ام ماجد و الله انا نحبك و مبصح علاه مشاركاتك ما يخرجوليش كامل نشوف فالتعليقات و ما خرجتليش الماكلة وش بيه المنتدى ما عجبتوش واقيلا مع اني تلميذة نجيبة

دائمة الحمد · 2014-11-10, 14:22

وهذي كمية كبيرة تاع فلفل جابها سي السيد وليت نحيت منها طرف قليتها وخبيتها في الكونجيلاتور وين نسحق نجبد منها

oum radja · 2014-11-10, 14:22

هاذوك المخارق تاع عطورة درك نجيب الرابط

دائمة الحمد · 2014-11-10, 14:25

وهذي طريقة تاعي نحفظ بيه الحشيش لمدة طويلة في الفريجيدار الا حبيتو نقولهالكم اذا كانت تختلف على طريقتكم نعرفكم حراير ربي يبارك
هذم خبيتهم نهار عاشوراء شوفوهم ما زالو كيما راهم جبت المعدنوس ستيكيت بيه الدجاجة

دائمة الحمد · 2014-11-10, 14:30

اقتباس:

المشاركة الأصلية كتبت بواسطة zahra30

شكراا حبيبتي ام مجووود هذا ما مليح في الرجالة الكلام الحلو هههههه
ام رجاء اممممم على صباع لعروس وصفتك ولا تطبييق ؟؟؟ بصحتكم
روووضة ربي يشفيك ويجيبلك وقفة ساهلة ياارب يعني ناقصة كالسيووم املا غيير كثري الحليب كانديا ولا انتاع البقرة باعدي على اللبن والفرماج يشيح الكرش ما تكثريش منو
نهااالو صح غداك

تفضلوا تتقهواو وتديسرو لعشية هذي من عندي ههههه

دائمة الحمد بصحتكم الطعام تامني بربي غير اسخفت عليه موووت بصح ماشي انتاع يدي وما نيش ,,, ههههه

نخليكم على خييير راني ميتة من التعب لعشية ان شاء الله وصح قهوتكم

يعطيك الصحة زهرونة حتى انا حابة قهوة

اه يا زهرونة يوجعني قلبي كي وحدة تسخف على حاجة وما نقدرش نبعثهالها مع الاسف خاني البعد

وربي يعاونك عزيزتي ايه والسخفة راهي تجي وحدها