الجزء 73lن واش طيبتي اليوم كوزينة النجاحات

[Oum Aness Bba]

شهيتيني جيل تشهي ممممممممم

[ناهدوران]

دائمة الحمد مارجعتيليش على لاشابلور لكان نزيدلو الخبز او لا وسامحيني في عدابك

[ناهدوران]

مبروك على ريا و سكينة

[دائمة الحمد]

اهلا وسهلا ناهدوران سامحيني عزيزتي راني قالقة شوي على اسينات وعلى الريزيلتا تاع ولدي مانيش نراجع مليح وماتزيديش تقولي قلقتيني رانا اخوات لا شابلير انا نخدمها في الدار بالخبز شوفي هذاك زيديلو لافاني وخليه لخبز تونس او البسبوسة وحمصي شوي خبز ماتخليشو يحمار ياسر وخليه للحم المرحي
انا نسخن الفور مليح ونطفي ونحط فيه الخبز ومن بعد نرحيه

[chez biba]

السلام عليكم ورحمة الله وبركاته، يعطيكم الصحة واش طيبتي كامل ما شاء الله
انا la chapelure نديرها في porte manger ونحطها في الثلاجة تبقى حتى عام كيما راهي ، نجبد غير حق ما نحتاج

المشاركة الأصلية كتبت بواسطة ام نوردين

حبيت نسقسيكم لبنات منين راجعت شفت بلي كلكم تشمخو في الحمص وتخبيو فيه واش راح تديروا بيه فى رمضان انا نادرا مانستعملو عندى زوج يحب غير شربة فريك ومطلوع وحاجة خفيفة ونادرا ماياكلها ولولد يتبعو فيه حتى الزيتون الي يستعملوه الناس بزاف في رمضان ان جامى طيبتو وكلاوه كان دايما يقعد فى وجهي وادا جبت الزيتون ياكلوه مع البتزا او شلاظة ربي يقدرنا على العقليات ويقدرنا على صيام رمضان

اللهم انك انت العفو تحب العفو فاعفو عنى

ام نوردين انا تاني زوجي ما يأكلوش بصح نديرو بكمية قليلة في المثوم، لمخوخ، les panets، السفيرية.....
نشمخو ونطيبو مع التوابل وشوي ثوم وملح وشوي زيت ، نقطرو ونحطو في لي ساشي ونكونجليه هكذا يكون واجد غير نسخنو مع المرق فرات وهاذيك لاصوص ما نرميهاش، نحطها في بايط الزبدة ونكونجليها وكل مرة ندير منها كمية في التمراق تجي بنينة

المشاركة الأصلية كتبت بواسطة ام سهام 02

هذي سنيوة قلب اللوز هذا وين طابت سقيتها بالشاربات و غطيتها و رجعتها للفرن طافي

يعطيك الصحة ام سهام جاك هايل قلب اللوز ، حبيت نسيقسك انا عندي مشكل في الهزان تاعو كيفاش تنحي الحبات الاولين خاصة

المشاركة الأصلية كتبت بواسطة ladymillion

[COLOR=Purple]وين راكم ياجماعة غايبات ولا تعبتوا صح صح ارتاحو راهو جاي رمضان والصيام وتتعبوا بزاااااااااف وكي تدخلو حلويييو بهاذ القاطو دراتو طومة لابات صابلي ومن فوق مكسرات بالعسل و وحدة فيكم تجيب التاي سيرينا هزي حبة كولي /// توحشتك ياعصفورة

هاذ القاطو خباتو لرمضان اذا حيانا ربي يتشرب مع التاي في الليل
/?XMZi01]

اممممممممم يعطيك الصحة إيمان انتي وطومة، فحلات ما شاء الله عليكم

[مرام 1987]

أسعد الله مساءكن
كاش أخبار على نتائج b.e.m ولا ما زال
ربي ينجحهم كامل يا رب
واش هو عشاكم اليوم راه عشاء ليلة الشك
اللهم بلغنا رمضان وبارك لنا فيه

[chez biba]

سلاااااااااام ام أنس ب ب ، ناهد دوران، ماري، دائمة الحمد ربي يسلك اسينات على خيرو يعطيها وقفة ساهلة في هاذ لعواشير يارب

[دائمة الحمد]

ربي يخليك بيبا وربي يفرحنا جميعا

[ام ساجد]

المشاركة الأصلية كتبت بواسطة دائمة الحمد

مساء الخيرات بالسيف ما دخلت الكونكسيون ماكانش
قبل ما تزيد تروح ام ساجد هاي طريقتي في الحلة وفي رمضان باذن الله نصورهالك
في كسرونة ومن الاحسن تيفال اعملي اطراف مسلي وشوية ايدام+الفاح+طماطم مصبرة +ملح +شوي فلفل احمر حلو وحار ماتكثريش الملح المسلي مالح +حوالي 3 مغارف فرينة وحلي كلش بفنجال ماء بارد حتى تتنحى كعابر الفرينة. ارمي فيها قرن فلفل حار وخليها بجيهة حوالي نصف ساعة من بعد عاودي حركيها وامرقيها بالماء وحركي وحطيها على نارقليلة وحركيها ومن بعد خليها على النار وساعة ساعة حركيها حتى تشوفيها خثارت وولت تبرق ارمي مغرفة خل واطفي النار
لا كان شفتيها خاثرة ياسر زيدي شوي ماء بارد وخليها تزيد طيب

يعطيك الصحة اختي دائمة الحمد احنا نطيبوها بزوج طرق مختلفين على تاعك نديرو تاع العجين وتاع الفرينة

نديرو الصوص عادي نقليو اللحم وشوي بصل مرحي رقيق خلاص وفاح وطماطم وزيانة ونحلو الفرينة في الماء ونمرق بيه ونخلط حتى

تعقد وتخثار ونطفي النار مع عصرة قارص اممممممممممم وتاع العجين نديرو عجينة في الليل بالسميد والملح والماء ونخليها تبات باش

تقراص ونحلوها بالماء ونسقو بيها بنفس الطريقة وتجي تهبل هاذي خير من تاع الفرينة

[ladymillion]

شكراااااااااااا حبيباتي لي عجبتكم البربوشة والقاطو الله يسلمكم ،انا نحيت السخفة ونموت عليها راح نتوحشها هههه

ام ماجد مزال مابان عليها حتى خبر مالا كيما قالت ام ياسو ماتكون غير راهي في البرازيل

ماري ماعندي حتى فكرة على نتائج bem ((؟؟؟))
دائمة الحمد بصحتك لي كوكوط وطيبي فيهم بالصحة والعافية

[عازفة الناي]

السلام عليكم حبيباتي
جبتلكم الكواليس تاع العرضة ههههههههههههههههه
ماتضحكوش عليا ان شاء الله تعجبكم
هذا لحم الشربة

وهذا الحم تبلتوا ونديرو روطي

وهذي التتبيلة

وهنا الحم بعدما تبلته

[مرام 1987]

كاش أخبار على رؤية الهلال في دول الخليج ولا ما زالو

[مرام 1987]

وااااااو عازفة الناي طلياي علينا بخيرك الله يبارك ويزيد
زيدي زيدي حطي تعرفينا مكراشات وما نشبعوش هههههه

[دائمة الحمد]

تعيشي ليدي
ام ساجد حتى نحنا تاع الخميرة نحيوها من المطلوعة نديرها تجي ابن بالصح تاع الفرينة تجي اخف
المهم نفس الطريقة تقريبا
عازفة الناي هلت البشاير كملي رانا نستنو كيفاش نضحكو عليك يا الفحلة

[ladymillion]

عازفة الناي كواليش مشوقة وباللححححححححححححححم ههههههههه الله يعاونك ويعطيك الصحة في انتضار النتيجة والحطة مع الاخير

دائمة الحمد بصحتك واش طيبتي