موضوع مميز وصفات من حراير مطبخ وش طيبتي اليوم - الصفحة 85

dorssafe · 2014-08-30, 14:53

بارك الله فيك

أم ماجد · 2014-08-31, 09:09

أم ياسو بشورة أم ماجد الوصفة ساهلة ماهلة للسيدة رزقي

_
وصفة كعك اليويو للسيدة رزقي
هذي المقادير تعملك كمية كبيرة تكفي للعائلة الله يبارك
2 بيض
100 غ سكر قلاصي .. ندير ممكن 3 ملاعق لأن 100 غ بزاف لأنو راح يتعسل و يجي حلو بزاف
كاس تاي حليب عادي
كاس تاي زيت
لفاني و ممكن تزيدي ماء الزهر يهبل ريحتو من بعد مايطيب
أو قشور الليمون أو البرتقال
باكي و نصف إلى 2 باكيات خميرة الحلوى .. أحنا عندنا باكي فيه 15 غ درت باكي واحد
فرينة حتى تتلم على شكل عجينة طرية
في وعاء تخلطي بالمضرب اليدوي :
البيض + السكر + خلط مليح + الفاني + الحليب و الزيت +ماء الزهر أو قشور الليمون خلط + الخميرة و الفرينة حتى تتحصلي على عجينة طرية ماهيش يابسة باش ييجي هشوش
خليها ترتاح شوية ثم أفتحي بكمية باش ماتغلبكش على الطاولة بالحلال ... ديري الفرينة على الطاولة.... ثم قطعي بكاس أو مول دوائر ثم زيدي قطعي في الوسط مثل الصابلي حطيهم فوق سنيوة مرشوشة بالفرينة حتى تخلصي
أقليهم في زيت ساخن على نار متوسطة على الجهتين مايدوش الوقت بزاف وقطريهم
عسليهم بلا ماتغطسيهم بزاف يعني أرفدي حبة أغطسيها بيدك و أجبديها مباشرة خطرش يشرب العسل بزاف و يولي ثقيل و حلو بزااااااااف أو رشيهبالعسل من الفوق فقط
رشي عليه المكسرات لي عندك

ام انس

ام اريام · 2014-08-31, 21:42

شكرا ام ماجد على قاطو يوبو راحتنا الوصفة نتاعو كانت تديرونا اختي الكبرى ودوكا فكرتينا فيه والله جزاك الله خيرا يا بنت بلادي

idron0 · 2014-09-01, 20:40

خبز الباكيت جيادا
المقادير
500 غ فرينة انا استعملت الفرينة السمراء
350 غ ماء
م ص ملح
م ص خميرة الخبز
م ك زيت
الطريقة
نخلط الفرينة مع 300 غ ماء و نعجنها نتحصل على عجينة متجانسة نغطيها و نخليها ترتاح ساعة و هذه المرحلة لازمة تسمى
'L'autolyse و هي عبارة عن ترك خليط الفرينة و الماء دون اضافة الملح و الخميرة يرتاح مدة معينة باه الانزيمات الي في العجينة تبدى تتفاعل و تكون الغلوتين
بعد الوقت تاع الراحة نحط العجينة في العجانة و نعجن نضيف ملعقة زيت و الماء المتبقي نقسموا على ثنين نص نخلط معاه الخميرة و نخلطو مع العجينة و كي تتجانس مليح نضيفو الملح الي نكونو ذوبناه في كمية الماء المتبقي و نعجن بالعجانة حوالي 10 الى 15 دقيقة و نخطيها ترتاح مدة ساعة الى ساعتين
من بعد نهبط لعجينة و نقسمها على ثلاثة و نشكلها باكيت و نحطها في الصينية تاع الباكيت و اذا معندك تقدري تخدميها بورق الالمنيوم و تدهنيه بالزيت و ترشيه مليح بالفرينة و نزيد نخليها تطلع مليح و كي تطلع نجيب رازوارحاد و ندير فتحات في الخبز يدك تكون مايلة على الخبز ما تكونش عمودية باه الفتحات يجيو ملاح زي تاع الخباز نكونوا مسخنين الفرن على درجة 240 درجة و حاطين فيه صينية الفرن السوداء الي نشريوها مع الفرن كيما الي في الصورة الثالثة باه تسخن و كي نحبو نرميو الخبز نسجيو ماء لازم كي نحطو الخبز في الفرن نفرغ بسرعة الماء في الصينية راح تطلق لوفار لازم تنتابهي على وجهك لانه لوفار يكون قاوي و تغلقي بسرعة باب الفرن باه يبقى لوفار داخل الفرن و هو الي يساعد على تكوين الطبقة الخارجية و يمد طراوة للخبز مباشرة بدع ما دخلنا الخبز انقص درجة الحرارة الى 220 و يطها الخبز حتى يتحمر
نتمنى ما نكونش دوختكم و فهمتوني
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
و في الاخير نطلب منكم ان تدعيولي معاكم انه ربي يفرج همي رني في امس الحاجة لدعواتكم

ام سراج وملاك · 2014-09-03, 14:08

الكابريس لـ awladi

الوصفة للامانة ماشي تاعي اديتها منا من المنتدى
500غ سكر عادي فوق النار حتى يصبح كراميل+شوية حليب حتى يتبخر القدر+كامل الحليب المتبقي وهو دافى /كمية الحليب كامل نصف لتر حليب دافئ+م ونصف نشاء مذوبة في قليل من الماء نستمر في الخلط حتى يتكثف الحليب طفي عليه+م ك زبدة وخليه حتى يبرد وخبيه في الثلاجة
نصيحة بلاطي الكرامال يتحرق ولا الذوق اجي فيه ريحة الحريق

ام سراج وملاك · 2014-09-03, 14:14

دجاج مع البطاطا في الكوشة لـ لينا 11

ام سراج خلطتها من راسي برك خخخخخ
تبلت الدجاج بالفلفل اكحل وملح وفاح وكمون وسنينات ثوم درت شقات بالموس فالدجاج ودخلتهم مليح وشوية زيت وملحتو وخليتو بات ليلة كامل
فالصباح قصيت خضر الي عندي دوائر ستفت طماطم اولا لانو تطلق ماء وتمنع يتحرق الخضر ودرت بطاطا وفلفل وزرودية وحطيت من الفوق الدجاج تاعي وزدت عليه وريقة رند ونفس التوابل لولين حطيت منهم شوية برك وغلفتو بورق المنيوم ودخلتو للفور
كي طاب نحيت ورق المنيوم ودرت شوية زبدة فوق دجاج وحمرتو من الفوق
ملاحظة انا يعجبني تكون فيه صوص باش مايجينيش شايح في نص طياب حليت عليه وزدتلو حوالي كاس صغير ماء دافيء
خرجتلي كي طاب صوص بنينة مممممم

scorpionoir · 2014-09-05, 18:08

البندراق راهو حشيشة ولا نبتة يطيبو بيها البربوشة يمييييييييييييي تجي روعة راني شريتو البارح باش نطيبها بيه هاهو.la pourpier

lahna moka · 2014-09-05, 19:19

نصائح ريهام الطيّوبة في الطمينة

الوصفة في هذا الرابط و رقم المشاركة 524
https://www.djelfa.info/vb/showthread...362108&page=35

من الأحسن ادا حبيتي فوري السميد خير قبل ما تحمصيه كما نعملو للكسكسي برك سبقي قطعة قماش في قاع الكسكاس باش ما يخرجلكش السميد من الثقوب فوريه حوالي 20 دقيقة و أقلبي الكسكاس في قصعة و خليه يبر تماما و من بعد حمصيه في مقلاة و كملي باقي المراحل عادي حنونتي
قبل ما ننسى زدت في لعسل و الزبدة ألي دوبتهم شوية تاع لحرور النافسة(القرنفل..القرفة....جوزة الطيب...راهم 7 توابل مرحية.)نعملوهم في النفاس هدا اختياري بصح يعطو بنة هايلة

بالنسبة للعسل و الزبدة قد ما يكونو من نوعية جيدة راح يعطولك نتيجة رائعة
التزيين حسب الرغبة مثلا راني درت مكسرات لوز و فستق..لدراجي و حلوة الترك ساير داير...لكي الاختيار

ام ايمان16 · 2014-09-06, 18:18

يعطيك الصحة

idron0 · 2014-09-08, 16:21

الطمينة ام سهام02
في كسكاس فوري سميد متوسط و حطي في قاعه سرفيات اُنبابيي كيفور حليه بالمغرف او جوزيه في الصيار خليه يبرد شوية وامبعد حمصيه و خليه يبرد تماما .في كسرونة ذوبي زبدة و عسل و فرغي مقدار تع السميد المحمص و شوية كوكاو محمص و مطحون رقيق و ديريه في طبسي و زيني بالقرفة .

إضغط هنا لرؤية الصورة بحجمها الطبيعي.

ام عبد الله 22 · 2014-09-08, 20:25

الله يعطيك الصحة أنا نحب الطمينة لكن في بلعباس نقولولها تقنة واالسميد ما نفوروهش غي نحمصوه و نضيفولو الزبدة و العسل وشوية لوز او كوكاو و كذلك حلوة الترك و الجلجلان الكل يتخلط راهي تجي بنينة بزاف.

شاوية حرة 05 · 2014-09-08, 21:30

قاطو كحلوشي لحبيبتي ام سراج وملاك
المقادير
500غ زبدة + 2 كيسان قاطو بيمو مرحي + كاس سكر ارطب +2 بيضات + باكي خميرة +2 طابلات شكولا نوار مقطعة
+ 100غ زبيب عادي + نص كاس جوز مقطع رقيق + نص كاس لوز مقطع رقيق + فرينة تلمي بيها لعجين
التزين : شكولا سوداء + حبات جوز + شكولا بيضاء
طريقة التحضير:
خلطي جميع المقادير شكلي دوائر وحطيهم يطيبو كي يطيبو اغطسيهم في الشيكولا سوداء وحطي حبة جوز من فوق وديري زيقزاق بالشيكولا بيضاء اواغطسيهم في شيكولا بيضاء وديري حبة جوز وزيقزاق بالشيكولاسوداء اوديري حبات القاطو على شكل صبيعات وطيبيهم واغطسيهم في الشيكولا سوداء وحطي حبة بندق وديري زيقزاق بالشيكولا بيضاء او سوداء انا مكانتش عندي شيكولا بزاف غطست حبات القاطو في عسل ومرمدتهم في قاطو بيمو مرحي ودرت زيقزاق بالشيكولا سوداء
او ديري الشكل لي تحبيه بالنسبة للمكسرات قطعيهم بالموس باش يبانو في حبة القاطو لداخل

ام سراج وملاك · 2014-09-10, 11:01

وصفة الملوخية لـ دائمة الحمد

اولا لازم تختاري الملوخية من النوع الجيد هزي شكارة تاع تونس وحدة او8مغارف كبار تاع الميزان
في الليل هزي طراف لحم ملاح زيدي ليهم درسة مليحة تاع ثوم وافاح زيدي ليهم نصف مغرف كبيرة طماطم كونسنتري وخلطيهم مليح وحطيهم في الثلاجة
الصباح بكري هزي طريف صغير من هذاك اللحم وقلي بيه البصل واعملي قيس 3قرصات بصباعك ملح الملوخية ماتحبش الملح وخليها تتقلى
هزي الان شكارة الملوخية او8 مغارف حليهم في كاس كبير زيت وصبيه على البصل لي تقلى وحركي شوي وامرقي مليح وخليها تطيب على نارهادية وساعة ساعة حركيها وتقدري تغلقي عليها الكوكوط بالصح النارتكون ناقصة خلاص واحد الساعة وافتحي عليها وارمي هذاك اللحم المفوح وحركي وهنا كاين اضافة عطتهالي اخت كريمة وراني معتامدتها وتجي هايلة تهزي هنا2او3 حبات زيتون اخضر وتغسليهم وتقصيهم رقاق وتضيفيهم للكوكوط مع مغرفة صغيرة سكر وتخليها تطيب كي تشوفيها بدات تصفي ايدامها ارمي الفلفل حار ومغرفة او2زيت زيتون ونحي الغطا عليها وخليها بلا غطا حتى تشوفي الايدام الكل طلع من فوق هنا راهي طابت
وها هي الملوخية واجدة

ام سراج وملاك · 2014-09-10, 14:18

شفت الوصفة هاذي نتاع العضوة scorpionoir 1982 عجبتني ماهيش مدايرتها موضوع قلت نهزها هنا باش نستفادو اكل من الوصفة

رغايف معمرين
2كيلات فرينة كيلة سميد رقيق ملح .شوية خميرة كسرة وشوية خميرة كيميائية .3مغارف زيت وتعجني بالما .حتى تولي طرية وتبرق خليها ترتاح .
الحشو. كيما تحبي انا درت بصلة مقطعة في الزيت حتى تذبل نزيد الثوم وصدر الدجاج مقطع صغير وزرودية مرابية ونخليها طيب .مبعد نزيد زيتون خضر ودبشة وملح وفلفل .
والطريقة كيما لمسمن .

نحطوهم في بلاطو مدهون وندهنهم باصفر البيض وللفور
شهية طيييييييييييييييييييييييييييييييييبة

لبنات اذا كانت الوصفة مكتوبة من قبل هنا قولولي باش نحذفها منا وشكرااااااااااااا

idron0 · 2014-09-11, 08:30

فلفل مرقد في الكوكوط ام محمد تاج
اغسلي ونقي الفلفل تاعك ونحيلو الراس والزريعة وقصيه قطع كبار وحطيه في الكوكوط وفرغي عليه كاس خل وكاس زيت ولي تحب زبت الزيتون دير نص كاس زيت عادي ونص كاس زيت الزيتون وملحي وخلطي مرة وحدة واغلقي الكوكوط وخليها على نار هادئة مدة 15 دقيقة وحلي عليها ونحيه من الكوكوط بلاصوص تاعو وستفيه في صحن غامق ومن جهة رابي طماطم وثوم كثري وشوي كمون وعدلي الملح تاع الفلفل اذا خاص زيدي في الطماطم خلطي مليح ولوحيها على الفلفل لازم يغرق وحركي بلطف باش الصوص تدخل بين الفلفلات وخلاص وحطيه يبات وهو كل مايبات يجي روووووعة .